Hello dosto aaj main aapke liye lekar aaya hu Rich Dad and Poor Dad Book Summary in Hindi. Yeh book likhi hai Robert Kiyosaki aur Sharon Lechter ne. Yeh book best seller reh chuki hai aur kai baar financially literacy lene ke liye log iss book ko prefer kartey hai aur yeh bahut hi important book hai jo aapki investor mentality develop karne main kaafi help karegi.




This Book is Key

Iss book ko ameer banne ki key bola jaata hai aur ek investor mentality ko develop karne mein yeh book aapki help karegi, toh yeh book kaafi important hai jo aapko guide karti hai ki aap apni life mein success kaise haasil karey.

Dosto yeh book na aapko yeh bataati hai ki ameer banne ke liye aapko aapki income increase karne ki koi zaroorat nahi hai, balki jitna bhi aap kamaatey hai uss main se agar kuch percentage aap acche se aur acchi jagha invest kartey hain aur kuch percentage save kartey hain toh aap ameer ban saktey hain.

Iss book mein Robert Kiyosaki ne ek quote likha hai ki ameer banne ke liye aapko schools aur colleges main jaana enough nahi hota hai.

WHYYYYYYY

Ab yaha per Robert Kiyosaki question poochtey hai ki aisa iss duniya mein kyoun hai ki kuch log toh bahut ameer ban jaatey hai, aur kuch log jo hai woh gareeb ya toh phir middle class reh jaatey hai.

Toh iss book mein Robert Kiyosaki apne readers se yeh question poochtey hai ki aisa kyoun hai?

2 Fathers

Yaha se Robert Kiyosaki apni story shuru kartey hai aur bataatey hai ki Robert ke 2 fathers hotey hai, jo real father hai inke woh poor hotey hai aur Robert ke friend Mike ke jo father hai woh kaafi ameer hai.

Toh Roberts ke 2 father hai ek toh unke actual father hain aur ek jo hai unke friend ke father hai, ab yeh dono hi father represent kar rahe hai important perspective about money.

Robert Real Father (Poor)

Ab Robert ke yeh jo real father hai woh bahut padhe likhe hain PHD holder hai, ab inka aisa maana hai ki "money is the root of all evil" aur dusra yeh apne baccho ko bataate hai ki "we can't afford expensive things" Matlab hum expensive thing afford nahi kar saktey, teesra yeh apne baccho ko advice kartey hai ki "study hard and get a job in a Big Company" Matlab padho likho taaki ek acchi company mein tumhe job miley.

Ab yaha per Robert Kiyosaki bataatey hain hume ki yeh jo Robert ke real father hai jinke paas PHD bhi hai phir bhi yeh apni poori life main struggle kartey rehtey hai, toh academic knowledge ka aapka ameer banne main koi haath nahi hotha.

Robert Friend Father (Rich)

Ab yeh jo Robert ke friend ke father hai inhone 8th standard tak hi padhaai ki hai, ab inka aisa maana hai ki "lack of money is the root of all evil" dursa yeh  kehtey hai ki "find ways to get what you want, this enables one to exercise one's mind" Matlab aise koi cheez jo aapko pasand aa rahi hai aur aap usse nahi kharid paatey hai toh agar aap koshish kartey hai ki uss cheez ko aap paa le toh aap apna mind sochne ke liye majoboor kar dete hai ki uss cheez ko kaise paaya jaaya toh iss tahra se aap apne mind ki exercise kartey hai.

Teesri baat yeh kehtey hai "study very hard and create jobs for others and own your own business" Khub padho taaki tum dusro ke liye jobs create kar sako.

Toh hum yaha per dekh rahe hai ki dono ki soch mein kitna difference hai money ko lekar, jo poor dad hai woh apne baccho ko advice kar rahe hai ki tum itna padho likho ke tumhe badi company mein job mil jaaye, jabki dusri aur jo rich dad hai woh apne baccho advice de rahe hai ki khub padho likho taaki tum dusro ke liye job create kar sako.

Iss book mein Robert Kiyosaki hume bataatey hai ki hume jo hai 2nd dad se sikhna hai, kyoun ki academic knowledge na hone ke baawajud bhi woh ameer hai toh inki jo bhi important teachings hai woh hume Robert Kiyosaki iss book mein bataatey hai.

Rich Dad Advice

Become Financially Literate

Toh hume pata hai ki inhone sirf 8th standrad tak hi study ki lekin phir bhi yeh financially literate hai, aur financially literate ka sab se important part hota hai Liabilities aur Assets ke bich ke difference ko jaana.

Assets

Assets aise cheeze hoti hai jo aapke liye paisa kamaati hai, they make sure ki aapke wallet ya bank account mein aur paisa aa raha hai. For example aap real estate mein invest kar rahe hai, bond mein invest kartey hai aur intellectual property mein invest kartey hai toh yeh ho jaatey hai aapke Assets aur yeh aapko help karega aur money laane mein.

Liabilities

Liabilities jo hoti hai woh aapke paas se money le jaati hai, for example agar ko middle class family hai woh ghar ya gaadi kharid leta hai ya phir credit cards kharid letey hai aur unko lagta hai ki woh rich ho gaye hai but actual mein woh invest kar rahe hai liabilities mein.

Ab kyoun yeh liabilities mein invest kar rahe hai kyoun ki yeh saara kuch EMI ki form mein unse money le kar jaa raha hai. Toh aapko samaj mein aa gaya ho gaya difference between Assets aur Liabilities mein.

Toh jo ameer log hotey hai woh Assets acquire kartey hai jabki middle class ke log Liabilities ko acquire kartey hai, toh yeh hi difference hota hai Rich aur Poor ke bich mein aisa Robert Kiyosaki hume iss book mein bataatey hai.

Har ek insaan ka income statement hota hai aur income statement comprises karta hai income aur expenses dono ko, matlab aapki jo income hai uss mein aapko major part rakhna hai apne Assets ko acquire karne mein naaki Liabilities ko acquire karne mein.

Ab mein aapke saamne ek example dunga jisse aap aur better way mein samaj sakengey yeh Assets aur Liabilities ka funda.

Same Post and Same Salary

Do log hai ek Kartik aur dursa hai Prabhakar ab yeh dono same post per hai aur inki salary bhi same hai ab jo Prabhakar hai inko jaise hi salary milti hai toh woh fazool ke cheeze kharidney lagta hai jaise ki iPhone ho gaya branded kapdey aur mehngey restaurant main khaana aur credit cards bhi ho gaye toh iss tahra ki cheezo ko acquire karne lagey jisko acquire karne ki koi zaroorat nahi hai.

Toh woh aise cheeze iss liye kharid raha taaki woh ameer dikhe likin actual mein woh kya kar raha hai actual mein woh Liabilities mein invest kar raha hai, aur baad mein jab money khatam ho jaata hai toh Prabhakar complained karta hai ki mera saara money khatam ho gaya ya phir meri income bahut kam hai.

Ab jo Kartik hai uski bhi same post same salary hai, toh Kartik kya karta hai Kartik invest karta hai bonds mein apni skills ko develop karne main invest karta hai aur real estate mein invest karta hai toh Kartik jo hai woh Assets acquire kar raha hai aur iss wajah se woh aage jaake millionaire banega.

Cash Flow of 3 Classes of People

Poor

Jo poor log hotey hai unki jab income aati hai toh woh expenditures main apni income ko kharch kar detey hai, jaise ke khaana ho gaya aur dusri sab cheeze ho gayi.

Middle Class

Middle Cass ke jo log hotey hai inkey income ka cash flow hota hai Expenditure + Liabilities kyoun ke yeh jab ghar kharid rahe hotey hai ya phir gaadi kharid rahe hotey hai toh woh actual mein acquire kar rahe hotey hai Liabilities toh Middle Class ke log bhi invest kartey hai Liabilities mein.

Rich

Ab jo ameer log hotey hai woh apni income ko Assets acquire karne main invest kar detey hai, aur yeh assets inke liye paisa banaatey hai jinko baad mein yeh expenditure ke form main kharch kar detey hai.

Toh iss clas flow se hume yeh samaj mein aa raha hai ki jo Ameer hai woh aur Ameer banta jaayga.

So What is Important

Dekhiyeh yeh important nahi hai ki aap kitna kama rahe hai lekin aap usse income mein se kitna save kar rahe hai yeh zyaada important hai aur ussi saving ko aap assets acquire karne main invest kartey hai toh yeh important hai.

Consumer mentality matlab aap jo expenditure ki cheezo kharidne mein apni income laga rahey hai usse kehtey hai Consumer mentality, iss consumer mentality ko hatah ke aap ko develop karni hogi Investor mentality.

Log apni income ko lekar complain kartey rehtey hai, aur jab inki income increase ho jaaygi toh inki expenditures bhi increase ho jaaygi, for example woh abhi XY brand use kar rahe hai income increase hone ke baad woh XYZ brand use karengey, toh yaha per ho kya raha hai ki yeh log sirf Liabilities ko acquire kar rahe hai.

Sab se zyaada important aur matter karta hai ki aap apne liye kitna paisa chor rahe hai taaki aap assets acquire kar sake aur woh assets aapko paise kama ke de.

Toh yeh thi Robert Kiyosaki Rich Dad and Poor Dad Book Summary, i hope aapko yeh summary padhne ke baad apne money ko maintain kaise karna hai yeh samaj mein aaya hoga.

Agar aap iss book ko kharidna chaatey hai toh niche aapko Amazon ka Ad dikh raha hoga aap uss per click ker ke iss book ko kharid saktey hai, mainey Hindi aur English dono language mein iss book ka link daal diya hai toh aapko jo language mein iss book ko kharidna ho aap kahrid saktey hai.

Than You.