Hello dosto aaj main aapke liye lekar aaya hu ek book ki summary iss book ka naam hai Outliers yeh book likhi hai Malcolm Gladwell, hum aksar sochtey hai ki hum bahut zyaada hard work karengey toh hum successful ban jaayengey, lekin Malcolm Gladwell ne jab yeh book 2008 main le kar aaye toh yeh jo belief thq woh hatha diya, Malcolm Gladwell ka khena hai ki mehnat toh sab kartey hai lekin phir bhi kuch log hi successful ho paatey hai. Issi liye yeh kehna ki sirf mehnat aur skills per success milna yeh sahi nahi hoga kuch aur cheeze bhi hai jiske wajah se aapko success milta hai. Toh chaliyeh dekhtey hai Outliers Books Summary in Hindi.

More Book Summary In Hindi

Outliers Book Summary in Hindi - The Story of Success | Hinglish Posts


Who is Malcolm Gladwell

Malcolm Gladwell is a journalist aur ek best selling author bhi reh chuke hai aur yeh bahut hi famous speaker bhi hai iss book main yeh kehtey hai ki "Jo log baar baar kehtey rehtey hai ki success sirf mehnat karne se hi milti hai woh sahi nahi hai aap meri baat maan lijyeh" Aisa Malcolm Gladwell kehtey hai.

Aur aage Malcolm Gladwell kehtey hai ki "Rats to Riches aisa kuch nahi hota matlab pehley main bahut garib tha aur phir main bahut ameer ban gaya toh aisa humesha nahi hota hume iske piche saari stories ko dekhna padta hai aur dekhne ki koshish kijyeh ki inhe kitni Opportunity mili hogi, Legacy inhe mili hogi, 10000 hours ki practice inhone ki hogi" toh yeh 3 cheeze O.L.10000 Malcolm Gladwell hum bataate hai.

Who Are Outliers?

Dekhiyeh sab se pehley hum yeh jaan lete hai ki iss book ka jo name hai Outliers iska matlab kya hota hai, dekhiyeh Outliers woh hota hai jo masses main nahi hota masses ko follow nahi karta woh sab se alag hota hai individual hota hai detached hota hai woh kisi bhi group ka part nahi hai toh aise insaan ko hum Outliers kehtey hai.

Outliers aise log hotey hai jinhe opportunity mili aur un main akal thi aur saath hi saath mein experience tha ki woh unn opportunities ka faayda utha sake. Toh Outliers kisi bhi group ka part nahi hota.

Not Just Ability

Yaha per Malcolm Gladwell kehtey hai ki sirf aapki ability aapko successful nahi bana paati, aur kai baar humne bhi dosto yeh suna hai ki yaar yeh toh padhne mein bada smart tha toh phir kyoun iska exam clear nahi ho paaya, ya phir iss main toh bahut ability hai toh isko kyoun government job nahi mili, toh inn saare cases ko nazar mein rakhtey huey Malcolm Gladwell ne apni research ki.

Aur iss research se unhe pata chal ki sirf Ability hi nahi hai jo aapko successful banaati hai, isse bhi zyaada important hai Opportunity milna, Legacy hona, aur 10000 hours principle yeh 10000 hours ka principle aaj kal bahut zyaada popular hai aur shaayad aap main se zyaada log iske baare main jaantey hongey.

10000 hour principle main kya hota hai ki agar aap kisi bhi cheez main master banna chaatey hai toh aapko uss cheez main 10000 hour tak kaam karna hoga taaki aap uss cheez main master ban jaaye.

Aur yeh 10000 hours ka jo principle hai woh bahut hi important hai agar aapne kisi cheez main 10000 hours tak kaam kiya hai toh agar aapko koi opportunity ussi kaam mein milti hai jiss mein aap ab maahir ho chuke hai toh aap life main successful ban saktey hai, isse hum aage jaake detail main samjhengey.

"Practice Isn't the thing you do once you're good, It's the thing you do that makes you good."

10000 Hours Rule

Dekhiyeh Malcolm Gladwell kehtey hai ki self-made man jo hai yeh ek myth hai aisa kuch bhi nahi hota. Agar aap accha banna chaatey hai agar aap kisi cheez main success hona chaatey hai toh aapko yeh ensure karna hoga ki kam se kam aap 10000 hours uss kaam ke uper practice kare.

Toh agar aap mastery haasil karna chaatey hai kisi bhi kaam per toh 10000 hours waala rule aapko apnaana hoga aur Malcolm Gladwell kehtey hai ki yeh sab ke bus ki baat nahi hai.

Aur dusra kya hai na dosto ki 10000 hours ka jo rule hai na woh aapko perfect banaayga aur aap productivity ke saath saath quality bhi aapki improve hogi toh yeh bahut badi baat hai.

Malcolm Gladwell kehtey hai ki innate genius jaisa kuch nahi hai matlab aapke ander koi quality nahi hai aapko improve karna padega aur aapko practice karni padegi aur aapko yeh ensure karna hoga ki koi bhi kuch bhi haasil kar sakta hai agar woh 10000 hours ke rule ko practice karta hai.

Bill Gates Example

Bill Gates ka example yaha detey hai Malcolm Gladwell, ki Bill Gates ko kaafi time mila computer sikhne main, dosto Bill Gates ki story hum sab jaantey hai maine unki poori biography cover ki hai aap jaake padh sakktey hai.

Bill Gates Biography in Hindi

Toh Bill Gates ko kaafi time mila Computer Practice karne ke liye dekhiyeh unka admission hua Lakeside School main jaha per yeh computer per practice kartey they phir inka admission hua Washington University main toh waha per bhi inhe kaafi waqt mila Computer per practice karne ka ab itni saari practices ke baad hi Bill Gates safal huey Microsoft jaise company ko banaane mein.

Bill Gates ko opportunities mili aur Bill Gates ne unn opportunity ka faayda uthaaya, unhe school main hi computer practice ka mauka mil gaya phir unhone uss mauke ka faayda uthaate huey uss per apna time diya 10000 hours se zyaada time diya tha toh hum dekhtey hai ki woh computer ke master ban gaye.

Dekhiyeh USA ki bahut saari badi badi personalities hai jinhone 10000 hours ke rule ko apnaaya tha iss main Bill Joy aate hai, Beatles famous band reha chuka hai USA ka inhone bhi yeh follow kiya tha, Bill Gates toh hai hi toh yeh sab ne 10000 hours ka rule follow kiya tha aisa Malcolm Gladwell kehtey hai.

Relative Age and Cumulative Advantage

Ab yaha per Malcolm Gladwell ek example detey hao Canadian Youth Hockey Leagues ka example detey huey hume bataate hai ki agar koi insaan Canadian Youth Hockey Leagues ki team mein shaamil hona chaata hai toh woh January 1st tak ek particular age ka hona chaiyeh. For example January 1st 2019 tak yeh jo player hai yeh 18 saal ka hona chaiyeh.

Ab agar koi player December 2018 main 18 saal ka hua vs Jo player January 1st 2018 ka 18 saal ka hua toh obvious si baat hai ki January 1st 2018 ko jo player 18 saal ka hua uss player ke paas 11 months ka experience hoga compare to December 2018 ko jo player 18 saal ka hone waala hai.

Toh Malcolm Gladwell Canadian Youth Hockey Leagues ka example yaha iss liye detey hai kyoun ki Canadian Youth Hockey Leagues ke jo successful players hai unka janam Jan aur March ke bich main aata hai. Kyoun yeh successful hai? Kyoun ki inke pass advantage hota hai 1/8th age ka advantage.

Toh January 2018 aur December 2018 main jo player same age ka ho gaya aur same team main hi hai aur dono ke bich umar ka farq hai 11-12 months ka toh issi liye older player ko zyaada benefit yaha per mil raha hai.

Issi liye Professional Canadian League ke ander yeh dekha jaata hai ki player ki birth dates jo hai woh 1st half of the year mein aati ho aur unhe hi zyaada preference diya jaata hai.

Toh jab aap paida ho rahe hotey hai toh yeh bhi bahut bada aspect rehta hai aapka successful hone mein.

Legacy

Legacy matlab Virasat Malcolm Gladwell kehtey hai ki hum jaha se aa rahe hai jiss family se hum belong kartey hai uska bhi bahut bada role rehta hai, For example agar ko baccha bahut ameer khaandan main janma toh usse better knowledge milegi aur woh uss knowledge ke through better skills develop kar paayga aur uske pass better opportunities aaygi taaki woh success ko grab kar sake.

Wealthier parents jo hotey hai na woh apne baccho ke liye ek accha environment create kartey hai taaki woh life main successful ho sake.

Toh yaha per hume yeh yaad rakhna hai ki Ability ke saath Opportunity toh zaroori hai hi aur iske saath Practice bhi important hai lekin Legacy bhi important hai

Cultural Context

Matlab hum kaha se aatey hai yeh bhi humaare life main success hone main bada role play karti hai Malcolm Gladwell kehtey hai ki Asians Mathematics bhi bahut zyaada acche hotey hai aur yeh iss liye hota hai kyoun ki Asians shuru se hai rice farming mein hotey hai aur woh usse bahut hi acche se kartey hai.

Rice farming bahut zyaada muskil hoti hai uss mein precision chaiyeh hota hai, coordination chaiyeh hota hai, patience chaiyeh hota hai aur yehi saari cheeze Maths mein bhi important hoti hai issi liye Asians zyaadatar Mathematics main master hotey hai aisa Malcolm Gladwell kehtey hai.

Toh hum kaha se aatey hai yeh bhi bahut important hai ek aur example woh detey hai is baat ko saabit karne ka.

Korean Air Example

Year 2000 se pehley Korean Air ka jo safety record tha woh bahut hi kharaab tha, jab investigation kiya gaya GAUM air crash ka toh pata chala ki jo co-pilot tha woh bahut zyaada hesitant tha ki apne senior ko kaise bataaye warning ya danger ke baare mein jo aage tha.

Aur yeh aisa iss liye hai kyoun ki Korea main aap se jo bade hotey hai elder hotey hai aap unhe samjha nahi paate aur unhe aap question nahi kar saktey apne seniors ko. Issi liye iske baad kya hua ki Korean Air ne American firm ko hire kiya aur phir American firm ne unhe train kiya taaki woh imporve ho sake aur 2000 ke baad Korean Air ka safety report accha hai.

Toh Cultural context se who, we are determined hota hai. Jaise humne dekha ki Korea main culture hai ki senior se zyaada question nahi karna hai unki haa mein haa bharni hai toh ussi ke wajah se jo co-pilot tha woh bol hi nahi paaya.

Toh humaari ek identity hai jo Cultural context se aati hai. Toh hum kaha se aatey hai yeh humaari success ko define karta hai.

Toh humne dekha ki successful hone ke liye sirf Ability ka hona zaroori nahi hai balki Opportunity bhi zaroori hai aur Legacy bhi bahut zaroori hai aur 10000 hours ke rule ko practice karna bhi bahut zaroori hai tabhi aap successful ho paayengey aisa Malcolm Gladwell ka kehna hai.

I hope aapko yeh summary pasand aayi hogi, aur agar aapko summary pasand aayi hogi toh aap book kharidna bhi pasand karogey niche diye gaye Amazon ke Ad se aap iss book ko hindi main kharid saktey hai. Thank You.

Agar aapko yeh summary pasand aayi ho toh apne dosto se zaroor share karna aur meri website ko subscribe kar lijye taaki mein jo bhi naya post daalu uska notification aapko mil jaaye.