Hello dosto aaj mein lekar aaya hu ek aur book ki summary aur yeh book likhi hai humaare Prime Minister Narendra Modi ne iss book ka naam hai Exam Warriors to hum aaj padhengey Exam Warriors Book Summary in Hindi.

Ab Exam Warriors book ke zariye hume Narendra Modi ne kuch aise mantra bataaye hai jo ki hume help kartey hai ek warrior spirit rakhane ke liye exam ke time. Iss book mein Narendra Modi ne kuch exercise aur aasans ke baare mein bataaya hai aur kuch important tips jo woh youth ko dena chaatey hai.

Narendra Modi ne iss book mein ek quote kartey huey kaha hai "Exams are like festivals - Celebrate Them" 

Exam Warriors Book Summary in Hindi - Exam Tips by Narendra Modi | Hinglish Posts

Exams =/= matter of life and death

Dekhiyeh aksar kya hota hai ki hum exams ko matter of life and death samjhne lagtey hai, lekin hume yaad rakhna hai ki exams are not a matter of life and death. Dekhiyeh exams humaari preparation ko acchi tahra se test kartey hai agar hum exam mein pass ho gaye toh matlab humne accha preparation kiya tha aur agar hum fail ho jaatey hai toh iska matlab yeh nahi hai ki hum ek failure hai balki iska matlab yeh hota hai ki humne preparation theek se nahi kiya tha.

Toh iss book mein Narendra Modi sab se pehley yeh clarify kar detey hai ki exams jo hai woh test kar raha hai humaarey preparations, ki humne kitna preparation kiya hai issi liye agar hum exams mein fail ho jaatey hai toh iska yeh matlab bilkul nahi hai ki hum fail ho chuke hai iska simply yeh hi matlab hai ki humaari preparation theek se nahi thi aur issi liye hume aur acchi tahra se prepare rehna chaiyeh.

Narendra Modi hume Dr A P J Abdul Kalam ka example detey huey bataatey hai "One failure does not and should never define you" Dekhiyeh setbacks ko face karne ke liye yeh nasihat bahut zyaada important hai, ki ek failure aapko define nahi karta aapko usse nikal ker aana chaiyeh setbacks se aapko darna nahi chaiyeh.

Dr A P J Adbul Kalam apne fighter pilot test mein fail ho gaye they isse woh kaafi disappoint ho gaye, lekin unhone apne aapko kabhi bhi ek failure nahi samjha aur issi wajah se woh itne bade aur great Scientist baney India ke.

Be a Warrior and not a Worrier

Dekhiyeh iss book ka jo main foundation hai woh hai ki aapko Warrior hona chaiyeh naaki Worrier. Narendra Modi bataate hai ki mostly youth jo hai woh worry kartey rehtey hai exam ko leke aur issi liye woh constant stress mein rehtey hai, kyoun ki woh worry kartey rehtey hai issi liye stress mein rehtey hai.

Lekin Narendra Modi hume yaha advice detey hai ki Don't be a Worrier be a Warrior. Aur yeh cheez na hum per depend karti hai ki aapko worry karne waala banna hai uss challenge ko lekar, ya phir aapko yoddha banna hai aur uss challenge se fight karna hai.

Aur Narendra Modi bataate hai ki jo bahadur aurat aur mard jo hotey hai woh challenge se fight kartey hai "You should fight bravely and defeat the worry about exams"

Revision - Train Your Mind to Revise

Revision kaafi important hai aapko aaapke mind ko train karna padta hai taaki aapka mind acchi tahra se method ko follow karne lag jaaye toh iske liye aapko karna hai train your mind to revise.

Revision jo hai woh acchi tahra se place karne mein helpful rehta hai aapke mind ko aur aapka mind bhi samaj jaata hai ki yeh cheez kaafi important hai issi liye woh hume yaad bhi rehta hai.

Toh hume humaare mind ko train karna hai methodical banaane ke liye and make sure ke jo sahi jagha hai cheezo ko rakhne ki, jo sahi cheeze hum logo ne yaad ki hai unhe acchi tahra se hume apne mind ko train karna hai ki woh retain rakh sake.

Toh revision bahut zyaada important ho jaata hai yeh humaare mind ko bataata hai ki hum kaise kisi cheez ko yaad rakh saktey hai aur Narendra Modi bataate hai ki jiss manner mein hum revise kartey hai ussi manner mein humaara mind retain rakhta hai ek tahra ka snapshot le leta hai humaare brain ka.

Successful athletes jo hotey hai woh apne opponent ki performance kaafi gaur se dekhtey hai lekin woh apni performance ko bhi kaafi acche se notice kartey hai taaki woh ek tahra se revise kar sake ki apni strategy ko, aur agar uss strategy mein koi galati reh gayi ho toh usse woh improve kar sake, so you need to analyze ki kya aapne galati ki hai aur aap kya steps le saktey hai jisse aap improve ho sake.

Presentation - The Way You Present Your Work is Important


Narendra Modi bataate hai ki yeh zaroori nahi hai ki aap saari padhaai likhaai chor ker sirf presentation per focus karey, lekin padhaai likhaai ke saath hard work ke saath presentation jo hai woh bahut hi important role play karta hai.

Jiss tarike se aap present kartey hai apne work ko woh bahut important hai, high quality answers + good content woh dikhaata hai ki aapne exam ki preparation acchi tarike se ki hai.

Aapke jo answers hai woh neat hone chaiyeh well written answers hone chaiyeh aur labelled answers hone chaiyeh kyoun ki yeh jo signs hai ne woh represent karta hai aapki personality ko toh yeh ek positive impression create kar deta hai aapke baare mein agar aapka exam neat aur well written hai.

Pursue Knowledge

Narendra Modi kehtey hai ki never fight for scores. Aap agar kabhi bhi kisi exam ko dekhtey hai uski preparation kar rahe hotey hai toh Knowledge ke liye padhna start kijyeh.

Aapka score jo hai woh important nahi hai, lekin usse Knowledge aapko kitni mili woh bahut zyaada important hai kyoun yeh aapko aapka best laane mein bhi kaafi help karega.

Pursue Your Knowledge, toh aap hard work iss liye mat kijyeh ki aapko acche marks chaiyeh lekin aapko hard work iss liye karna chaiyeh ki aap knowledge lena chaatey hai aur jab aap aisa karengey toh aap dekhengey ki successful results aapko milna start ho jaayga.

Agar aap sirf marks ke uper hi focus karengey toh aap ek tarike se selective learning karengey. Kai baar kya hota hai ki hum exams ki preparation kartey waqt jiss question mein sab se zyaada marks milne waale hotey hai ussi per hum focus kartey hai kyoun ki usse zyaada marks milengey aur jo kam marks ka question hota hai uss per hum zyaada focus nahi kartey.

Toh agar aap marks per hi focus karogey toh aap selective learning kar rahe hai aur aapka jo knowledge hai woh incomplete hoga, aur little knowledge bahut hi dangerous cheez hoti hai.

Dr B R Ambedkar 
Narendra Modi yaha Dr B R Ambedkar ki baat karet huey kehtey hai ki Ambedkar sahab architect they Constitution of India ke, unhone kai saare hurdles ko overcome kiya taaki woh knowledge ko pursue kar sake, aur issi liye duniya ke jo best colleges they waha jaaker unhone padhaai ki aur unka pursue of knowledge itna intense tha ki unki jo personal library thi uss mein 50,000 se zyaaada books thi.

You yes You yes You

Aaka competition sirf aapke saath hai bus sirf aapke saath aapka koi opponent nahi hai. Jab aap excellence ko pursue karna chaatey hai toh ladaai aapki aapke saath hi hai aap khud hi aapke competitor hai aapka dost aapka competitor nahi hai, so be competition with yourself only.

Kyoun ki agar aap dusro ko saath compete karengey toh aap apne aap ko limit kar rahe hai aur aap apni abilities per bhi shaq kar rahe hai, agar aap apne aap mein best laana chaatey hai toh yeh bahut hi important hai ki aap dusro ko chor ker apne aap se competition kare.

Sergey Bubka 
Narendra Modi Surgey Bubka ka example detey hai Bubka ka ek former Pole Vault player reh chuke hai aur yeh world champion reh chuke hai, inhone humesha apne aap ko improve kiya 35 baar inhone apne hi records ko improve kiya kyoun ki inka competition apne aap se tha woh humesha apne aap ko push kartey rahe.

Live Here and Now

Ek aur cheez aap mein honi chaiyeh ki aapko mindful rehna chaiyeh aur mindful rehne ke liye aapko past and future ke baare mein sochna band karna hoga aapko sirf present mein hi jeena hai.

Haa aap apne past se sikh saktey hai aur apne aap ko prepare kar ke rakh saktey hai future ke liye, lekin sab se zyaada important hai aap focus rahe apne aaj per aapko aapke mind ko kabhi bhi drift nahi karna chaiyeh sirf focus karyeh abhi per.

Jab bhi aapka mind drift karta hai toh aap apne mind ko current task per focus karaaiyeh, so be in present it's a really important.

Sleep Very Well

Sona bahut zaroori hai aur Narendra Modi bataate hai ki kitne ghante aap sotey hai woh important nahi hai lekin jis time per aap so rahe hai aur kitna sukoon se so rahe hai woh bahut important hai.

Kyoun ki acchi sleep jo hai woh aapko sharp aur focus rehne mein help karegi, toh kitne ghantey aap so rahe hai yeh important nahi hai lekin kitna accha so rahe hai woh important hai.

Toh kuch ghante bhi acchi neend ke better hotey hai bajaay ek disturb sleep throughout the night, kyoun ki acchi sleep aapke mind ko sharp banaaygi aap better prepare kar sakengey.

Focus on your Strengths and Build Your Self Confidence

Aapke strong areas kya hai aapko uss per focus karna chaiyeh kyoun ki yeh aapko self confidence dene mein bahut zyaada help karega, aapko celebrate karni chaiyeh aapki strengths ko taki aap bilkul confident rahe.

Swami Vivekananda 
Narendra Modi Swami Vivekananda ke example detey huey bataate hai ki Swami Vivekananda ne Upanishads se ek quote kiya tha "I am the manifestation of divinity" agar aap baar baar isko dauhraatey hai toh automatically dekhengey ki aap itni zyaada strong sense of self confidence ke saath bhar jaatey hai.

How to Jot Our Strengths

Narendra Modi ne hume yaha ek example diya hai jisse hum apni strengths ko likh saktey hai isse hum apni strengths ko jot down kar saktey hai for example aapka name Ritu hai toh aap issi tahra se jo aapki poori ki poori strengths hai ussi alphabet ki related strength ko mention kar saktey hai.

To Cheat is To Be Cheap

Cheating per Narendra Modi bataate hai ki agar aap cheat kar rahe hai then aap actually mein cheap ban rahe hai, toh aapko exams mein cheating bilkul nahi karni hai.

You Must Step Out and Experience The World Around You

Kai baar dekha gaya hai ki exam ke time per sirf aur sirf students padhaai hi kar rahe hotey hai lekin Narendra Modi yaha per kehtey hai experience karna world around you yeh bahut hi important hai.

Experience kijyeh apne around ko and make sure aap apni life ko apna best teacher bana rahe hai, jab aap bahaar jaatey hai aur bahaar ke experience ko dekhtey hai toh aap life se bhi lessons sikh saktey hai, sirf books se hi aapko sab knowledge nahi milne waala aapko sure karna hoga ki aap bahaar jaa rahe hai experience kar rahe hai.

Aur jab aapki exams khatam ho jaaye toh aap apne aap ko ke hobby mein ek community service mein engage rakkhe.

Aspire To Do

Kai baar hum apne aap se yeh question poochtey hai ki "What do you aspire to bee?" Ab yaha per kya hai ki bahut saari expectations aa jaati hai, parents chaiyeh, peers chaiyeh, money and lifestyle toh u know yeh sab chaiyeh, toh yeh galat hai kyoun ki yeh hume stressful kar dega.

Lekin agar aap apne aap se yeh question karengey ki "What you aspire to do?" Toh aapka question yeh hona chaiyeh ki aap life mein karna kya chaatey hai naaki aap life mein banna kya chaatey hai, kyoun ki kya hota hai ki jab aap aapse yeh question poochogey ki aap life mein karna kya chaatey ho toh yeh aapki destiny create karne mein help karta hai.

Be Very Grateful

Grateful hona bahut hi zaroori hai aapko mindful hona padgea baaki ke logo ke saath, aur jis jis ne bhi aapki life mein help ki hai unko humesha yaad rakkho.

"You success is not yours alone" Narendra Modi kehtey hai ki parents ho gaye siblings ho gaye inke towards toh aapko grateful hona hi chaiyeh, lekin kuch aise log bhi hotey hai jinse aap miltey nahi hai aur kahi na kahi kabhi na kabhi unhone aapki help ki hogi toh aapko inke towards bhi grateful hona chaiyeh.

What Should Parents be Careful About?

Narendra Modi parents ko advice detey hai ki parents ko make sure karna chaiyeh ki woh apne baccho ko encourage karey khush aur stress free rehne ke liye aur humesha unhe accept karna chaiyeh naaki expect.

Aur Narendra Modi yeh bhi parents ko kehtey hai ki aap apne baccho ke dreams aur aspirations ko samjhe, aur baccho ke help karey taaki woh opportunities ko explore kar sakey aur unko guide karey.

Toh its a beautiful book agar aap kisi exam ki tayyari kar rahe hai toh mein aapko recommend karunga ki aap yeh book zaroor padhe kaafi accha likha hai Narendra Modi ne, toh i hope aapko yeh Exam Warriors Books Summary in Hindi acchi lagi hogi, aap iss book ko kharid saktey hai niche amazon ka Ad aapko dikh raha hai uss per click ker ke.

Thank you.