Hello dosto aaj mein aapke liye lekar aaya hu Biography of Syama Prasad Mukherjee. Rastravaadi neta they aur yeh aadhunik vichaardhaara ke neta they aur ek aise neta jinhone aise political party ki buniyaad rakkhi jo aaj India ki sab se badi political party hai, Congress aur BJP ab yehi toh do sab se badi political party hai India ki, toh sab kuch discuss karengey aur bahut kuch aaj hume pata chalega inke baare mein.

Biography of Syama Prasad Mukherjee in Hindi - Founder of Bharatiya Jana Sangh | Hinglish Posts


Who Was Syama Prasad Mukherjee

Syama Prasad Mukherjee ek politician they, barrister they aur ek academician they aur yeh Minister of Industry and Supply reh chuke hai Jawahrlal Nehru ke cabinet mein. Lekin inka tenure bahut hi kam time ka tha kyoun ki next year hi inhone resign kar diya lekin chotey se tenure mein bhi inhone kamaal ka kaam kiya aaj jo hum Industrialization dekh rahe hai uss mein bahut bada haath Syama Prasad Mukherjee ka hi hai.

Minister of Industry and Supply yeh bahut badi post hoti hai, GDP mein manufacturing sector bahut important hai lekin aaj hum dekh rahe hai ki manufacturing sector ki haalat kharaab hai.

Lekin Syama Prasad Mukherjee ko yeh baat pata thi manufacturing sector ko uthaana hoga kyoun ki manufacturing sector uthega toh logo ko rozgaar milega issi liye jab tak Minister of Industry and Supply ki post per rahe unhone kaafi liberalize karne ki koshish ki aur Industries ko uthaane ki koshish ki.

Agriculture mein bhi inka bahut bada haath hai aur sab se bada yogdaan inka tab tha jab yeh vice chancellor bane Bengal mein, aur tab yeh sirf 34 saal ki umar mein Vice Chancellor bane they aur as a Vice Chancellor inhone kaafi interesting cheeze ki thi.

Congress se inki bani nahi toh inhone congress se resign kar diya aur phir iske baad inhone Bharatiya Jana Sangh ko found kiya 1951 mein aur 1951-52 ke election mein Bharatiya Jana Sangh ne sirf 3 seats jeeti thi aur yehi Jana Sangh baad mein Janata Party aur phir BJP bani. Toh ek thara se dekha jaaye toh Bharatiya Jana Sangh parent part hai BJP ki.

Syama Prasad Mukherjee 1943 se lekar 1946 tak Akhil Bharatiya Hindu Mahasabha ke President bhi reh chuke hai, ab inki death ko lekar kaafi controversies hai kaha jaata hai ki inki death mein Jawaharlal Nehru ka haath tha aur bahut se neta ne uss waqt isko Nehru Conspiracy bola, lekin yeh sirf ek ilzaam tha kuch shabit nahi ho paaya.

Syama Prasad Mukherjee Early Life

Syama Prasad Mukherjee ka janam 6th July 1901 mein Calcutta (Kolkata) mein hua tha, inke father ka naam tha Ashutosh Mukherjee jo ke Judge they aur inki mother ka naam tha Jogamaya Devi Mukherjee. Syama Prasad Mukherjee ke father Judge hone ke saath saath Vice Chancellor bhi they.

Syama Prasad Mukherjee ki shuruaati padhaai Bhavanipur Mitra Institute se hui aur kyoun ki yeh padhaai likhaai mein kaafi tez they issi liye teacher inse kaafi impress they aur jaise hi inhone metric pass ki inhone Kolkata ke sab se bade college Presidency College mein admission liya.

Syama Prasad Mukherjee Education and Career

Padhaai mein yeh kaafi tez they issi liye jo bhi inhone course kiya uss mein first class first aatey they aur humesha yeh toppers mein rahe hai, jab inhone Inter Arts Examination diya tab inki 17th rank aayi, jab inhone graduation kiya English se tab inki first position aayi, jab inhone M.A kiya Bengali se tab inki first postion aayi.

Syama Prasad Mukherjee ki shaadi Sudha Devi se 16th April 1922 mein hui, toh inki shaadi choti si umar mein ho gayi thi, inse inko do bacche they aur 1933 mein inki wife ki death ho gayi aur kyoun ki kaafi busy career tha Syama Prasad Mukherjee ka toh inki Sister-in-Law ne inke baccho ko paala tha.

1924 mein Syama Prasad Mukherjee Calcutta High Court mein as a Advocate enrolled huey, yaha per yeh bahut time tak nahi rahe aur 1926 mein Barrister banne ke liye yeh England chale gaye they.

Aur ek saal mein hi woh Barrister ban ker India waapas aa gaye, 1934 mein ek bahut bada event hua jab sirf 33 saal ki umar mein inko University of Calcutta ka Vice-Chancellor bana diya gaya. 1941 mein yeh Finance minister bane Bengal ke toh matlab career inka zabardast raha hai,

Ab jab yeh Calcutta University mein they inhone bahut kuch kiya inhone Diploma introduce karwaaya, Diploma in Agriculture bahut saare vocational course inhone introduce karwaaye, Tibetan aur Chinese study ka course bhi introduce karwaaya, Fine Arts ka course introduce karwaaya, Center Library Hall inhone banwaaya, Hindi, Bengali ke courses inhone introduce karwaaye toh inhone bahut saare interesting kadam uthaaye taaki Calcutta University poori tarike se badal jaaye.

Syama Prasad Mukherjee Political Career

Dekhiyeh inka Political Career ki shuruaat 1929 se hi ho gayi thi, 1929 mein yeh Bengal Legislative Council as an Indian National Congress candidate Calcutta University ko represent kar rahe they toh yaha se yeh politics mein aa chuke they, iske baad 1937 mein yeh as an independent candidate elect hoker aaye.

Krishak Praja aur All India Muslim League coalition power mein aayi this uss waqt, lekin Syama Prasad Mukherjee jo they woh vipaksh ke neta they, iske baad 1942 mein yeh Bengal ke Finance Minister rahe.

Lekin 1946 se sab kuch badalna shuru ho gaya keh saktey hai ki National Politics mein yeh yaha se aaye, 1946 mein phir se woh independent candidate Calcutta University se elect hoker aaye aur ussi saal woh Constituent Assembly ke member bhi elect huey.

Hindu Mahasabha

Toh ab hua yeh ki 1946 mein inhone Lord Mountbatten ko letter likh diya aur uss letter mein likha hua tha ki partition of Bengal bilkul hona chaiyeh, kyoun ki All India Muslim League yeh keh rahi thi ki hume Pakistan ke alaava aur kuch manzoor hi nahi hai toh bahut saari meetings hui thi isko lekar, phir direct action day bhi hua isko lekar toh yeh sab hone ki wajaha se Syama Prasad Mukherjee kaafi naaraz they.

Ab Syama Prasad Mukherjee social worker bhi they, jab 50 lakh log maarey gaye they jab Bengal Famine hua tha toh tab Syama Prasad Mukherjee ne bahut kaam kiya tha Bengali logo ke liye, toh Syama Prasad Mukherjee ne kaha Partition of Bengal theek hai kyoun ki Bengal mein problem yeh ho gaya tha ki Bengal ke muslimo ko convince karna bahut muskil ho gaya tha.

Toh idea yeh tha ki jo bhi Bengal ke Muslims jo hai woh East Bengal mein rahe aur Hindu jo hai West Bengal mein rahengey, toh inhone Lore Mountbatten ko iske liye letter bhi likh diya tha.

Inn sab se pehley Syama Prasad Mukherjee ki entry Hindu Mahasabha mein ho gayi thi, sab se pheley toh inko Working President banaya gaya tha Hindu Mahasabha ka 1940 mein, aur 1943 mein yeh Akhil Bharatiya Hindu Mahasabha ke President baney.

Lekin yaha per mein aapko ek baat bataana chaaunga baad mein yeh Hindu Mahasabha se alag ho gaye they, Syama Prasad Mukherjee kattar Hindu nahi they aur yeh chaatey they ki Civil Code ho Uniform Civil Code ho har kisi ke liye ek hi kanoon ho, muslims ke liye ko special favour nahi aur naahi Hindu ke liye. Toh iss cheez ko lekar yeh humesha advocate kartey they.

Resignation From Congress

Lekin sab se badi cheez tab hui jab India 15th August 1947 mein azaad hua toh yaha per Nehru ki Interim Central Government bani aur iske baad election huey lekin election se pehley hi Syama Prasad Mukherjee ne Resign de diya.

Jawahar Lal Nehru ek aise insaan they jo sab ko saath lekar chalne mein maantey they toh Jawhar Lal Nehru saare neta ko saath mein lekar aage bhadna chaatey they opposition ke neta ko bhi saath lekar chalna chaatey they kyoun India ko banaana tha toh yaha per Jawahar Lal Nehru ne Syama Prasad Mukherjee ko Industrial and Supply Minister banaya tha.

Toh jab Syama Prasad Mukherjee Industrial and Supply minister they inhone kamaal ka kaam kiya, inhone Industrial Finance Limited isko establish kiya, inhone separate ek team banaayi jo gaanv mein khaadi banti hai usko dekhey unki help karey jisko kaha gaya Khadigram. Toh abhut saari factories jo hai inhone establish ki apne tenure mein.

Lekin 1950 mein Delhi Pact hota hai, Delhi Pact ke wajah se inke differences ho gaye Jawahar Lal Nehru se toh phir inhone apni post se Resign de diya.

Bhartiya Jana Sangha

Ab iske baad yeh M. S. Golwalkar se miley M. S. Golwalker uss waqt RSS ke head they, phir 1951 mein Bharatiya Jana Sangha ko found kiya aur Bharatiya Jana Sangha baad mein BJP bani.

1952 mein sirf inko 3 seats mili thi 3 MP sirf jeet ker aaye they jiss mein ek Syama Prasad Mukherjee bhi they. Toh ek official political party yeh ban chuki thi, phir 1962 ke election mein 14 seats, phir 1967 mein 35 seats, iske baad 1968 mein Deendayal Upadhyaya ki death ho jaati hai phir 1977 mein Janta Party ka uday hua aur 1980 mein phir Bhartiya Jana Sangh jo hai woh sab se alag ho gayi aur phir ussne BJP bana li.

BJP ko 1984 mein 2 seats mili aur 1989 mein 85 seats mili aur 1991 mein 120 seats mili aur iske baad 1996 mein 13 din ki Atal Bihari Vajpayee ki sarkaar ko 161 seats mili aur 1998 mein 182 seats mili aur 2004 tak Atal Bihari vajpayee ki sarkaar rahi.

Toh Bhartiya Jana Sangha ne apna safar 3 seats se shuru kiya tha aur aaj BJP ruling party hai, toh Syama Prasad Mukherjee ko bahut zyaasa shrey jaana chaiyeh kyoun ki BJP ke founder toh yehi hai.


Syama Prasad Mukherjee Death

Syama Prasad Mukherjee Article 370 ko bilkul nahi maantey they inka maana tha ki special status nahi hona chaiyeh, Syama Prasad Mukherjee ka kehna tha jab Jammu and Kashmir India ka hissa hai toh kyoun koi Indian waha per kuch kharid nahi sakta yeh toh bilkul galat hai.

Toh Article 370 ko hataane ke liyeh yeh Jammu and Kashmir chale gaye aur waha per yeh Satyagrah karna chaatey they, lekin 11th May 1953 mein inko arrest kiya gaya jaise hi yeh Kashmir mein enter huey phir inko Srinagar le jaaye gaya waha per inko Jail mein rakkha gaya phir Sringar ki jail se ek ghar mein le jaaya gaya aur waha per inko House Arrest kar liya gaya.

Jab inko House Arrest kiya gaya tab inki haalat kaafi bigad gayi thi 22th June ko inko heart mein kaafi pain hua, doctor ne inki jaanch ki aur inko ek medicine di lekin Syama Prasad Mukherjee ne kaha yeh waali medicine mujhe suite nahi karti lekin doctor ne kaha ki nahi aap yeh medicine le lijyeh, iske baad 23rd June 1953 ko Syama Prasad Mukherjee ka sirf 52 saal ki umar mein mysterious tarike se death ho gayi.

Ab inki death ke baad logo ne maang ki ke is per Investigation ki committee bithaai jaaye lekin Jawhar Lal Nehru ne mana kar diya aur issi liye Jawahar Lal Nehru per ilzaam lage hai ki kahi na kahi inka haath hai Syama Prasad Mukherjee ki death mein.

Lekin khair yeh sirf ilzaam hi hai jab tak saabit nahi ho jaata hum kuch keh nahi saktey.

Toh i hope aapko yeh Biography of Syama Prasad Mukherjee in Hindi acchi lagi hogi.

Thank You.