Hello dosto aaj main aapke liye lekar aaya hu Biography of Narendra Modi in hindi toh mintro inke baare main hum jaanengey, ek group ko toh yeh bahut pasand hai lekin ek dusra group hai jaha inhe bilkul pasand nahi kiya jaata inki poori life ka hum analysis karne waale hai toh poori post padhyega.



Narendra Modi Early Life

Narendra Modi ka janam 17th September 1950 Vadnagar mein hua tha inke father ka naam tha Damodar Das jo Vadnagar ke railway station ke pass chai ki dukaan chalaate they aur Narendra Modi bhi bachpan mein apne father ki help kartey they chai bechne mein, yeh India ki democracy gazab ki hai ki ek chai waala kisi desh ka prime minister bhi ban sakta hai.

Inke father ka naam tha Damodardas Modi aur inki mother ka naam tha Hiraben Modi inke 6 bacche they jiss mein se Narendra Modi ka number 3rd hai, toh jaise humne dekha ki apne father ki help kartey they chai bechne main toh subha yeh chai bechtey they lekin padhaai bhi toh karni hai na toh kya tha ki ussi jagha sadak paar hi inka school tha toh waha woh padhtey they aur Narendra Modi padhne main average they.

Aapko shaayad pata na ho lekin Narendra Modi bahut acche swimmer hai inke ghar ke paas hi ek taalab tha jaha per yeh swimming kartey they, Ab ussi taalab ke bich main ek mandir hai aur uss taalab main magarmach ghoom rahe they toh hua yeh tha ki uss mandir ka dhwaj badalna tha toh koi ready nahi ho raha tha, Narendra Modi ready ho gaye poora taalab woh swim kar ke mandir tak gaye aur unhone dhwaj ko change kiya.

Sirf 8 saal ki umar main inhone RSS join kar liya tha aur kaha jaata hai ki uss waqt inke jo political guru they woh they Inaamdar toh Lakshmanrao Inaamdar ne inko identify kiya tha phir iske baad Narendra Modi ne Baal Swayamsevak Sangh join kar liya tha.

Ab yaha tak sab theek chal raha hai lekin problem create hona tab shuru ho jaata hai jab inki shaadi pakki ki jaati hai, ab uss waqt kya hota tha ki bachpan main hi shaadi pakki kar di jaati thi toh Narendra Modi ki bi shaadi bachpan main hi fix kar di gayi thi lekin jaise jaise thori umar hui toh woh iss shaadi se door bhaagne lage.

Narendra Modi ko padhne ka kaafi shauk hai lekin jaise maine pehley kaha ki as a student yeh average they lekin books padhne ka kaafi shauk tha inhe toh shaadi inki fix ho gayi hoti hai aur Narendra Modi ko yeh bilkul bhi manzoor nahi tha ki itni choti si umar main meri shaadi ho jaaye toh Narendra Modi ghar chor ker bhaag jaatey hai.

Ab iski ek wajah Narendra Modi ne apne ghar waalo ko yeh bhi bataayi thi ki yeh aadhayatmik ki aur bhadne lage they toh yeh sab family, shaadi, bacche inse yeh door jaana chaatey they toh iss wajah se inki mother bhi jo hai kaafi chinta main rehti thi ki kahi mera beta sanyaasi na ban jaaye.

Toh hum dekhtey hai ki shaadi toh inki fix ho gayi thi toh yeh ghar chor ker bhaag jaatey hai ghar chor ker woh jaatey hai Himalayas, ek baat main aapko bataana chaaunga ki Swami Vivekananda se yeh kaafi inspire they Swami Vivekananda ko yeh kaafi padhtey they. Toh Himalayas main kaafi ashram main gaye phir Kolkata gaye, Assam gaye toh 2 saal tak yeh ghumtey rahe 1967 main inhone apna ghar chora tha aur 1969 main yeh waapas aaye.

Toh jab yeh ghar waapas aaye toh inki yeh badi badi daadi thi aur sanyaasi jaise roop mein they yeh lekin inko dekh ker har koi khush hua tha, poori tahara se transform ho ker aaye they Narendra Modi aur iske baad inki second inning shuru hoti hai.

Jab yeh waapas aaye toh inki mother ko laga ki ab yeh shaadi kar lega lekin Narendra Modi ko bhi pata tha ki jaise hi mein ghar waapas lautunga toh phir se shaadi ki baat hone lagegi toh Narendra Modi kuch din hi apne ghar ruke aur phir Vadnagar se Ahmadabad chale gaye apne uncle ke paas.

Ahmadabad main inke uncle ki chai ki dukaan thi toh Narendra Modi ab yaha per kaam karne lage aur yahi per rehne lage, kuch waqt baad inhone ek cycle kharidi aur inhone kaha ki ab main khud hi chai bechunga toh yeh cycle per chai bechtey they aur Ahmadabad main hi Gita Mandir ke paas yeh chaai bechtey they aur wahi per RSS ka headquarter tha.

Wahi per RSS ka headqarter hone ki wajah se RSS ke memebrs ka aana jaana laga rehta tha aur kabhi kabaar RSS ke members Narendra Modi ki chai bhi peene khade reh jaatey they ab chai peetey peetey discussion bhi waha pe kaafi hota tha toh Inaamdaar ne Narendra Modi ko spot kiya aur inko offer diya ki tum poori tahra se RSS main aa jaao toh wahi se Narendra Modi RSS ke pracharak ban gaye.

Narendra Modi Political Career

Ab as a RSS pracharak inhone kamaal kar diya tha, 1975 main emergency lagi thi toh 2 saal ke liye har koi underground ho gaya aur uss waqt ka jo Guajrat tha woh Indira Gandhi ke virodhiya ka gadh tha toh Narendra Modi ko yeh zimmedaari di gayi thi ki jitne bhi log aaye unko dekho unko acche se situation bataao aur Narendra Modi ko pamphlet baatne ko bhi bola gaya tha.

Dosto aisa tha ki Indira Gandhi ko oppose karne ke liye bade bade pamphlet chaptey they lekin inn pamphlet ko baatna illegal tha kyoun ki Indira Gandhi ne emergency lagaai thi toh agar aap inke khilaaf pamphlet baatogey toh sidha aapko jail main daal diya jaayga.

Toh 2 saal ke liye Narendra Modi bhi underground ho gaye they kyoun ki jitne bhi underground huye they woh Indira Gandhi virodhi they, toh yaha per Narendra Modi bhi underground ho gaye they, kabhi woh sardaar ko look lekar bahar nikaltey toh kabhi sanyasi ka look lekar bahaar nikaltey taaki pakde na jaaye.

Aur jitne bhi RSS pamphlet chaapta tha congress ke khilaaf aur Indira Gandhi ke khilaaf usko baatne ka kaam Narendra Modi ne shuru kar diya tha aur saare state main inhone pamphlet baatna shuru kar diya toh yaha per yeh bahut zyaada safal huey Narendra Modi. Toh jab emergency khatam hui toh RSS ne Narendra Modi ko iska inaam bhi diya.

RSS mein Narendra Modi ko ek ke baad ek badi post milti rahi aur Gujarat main inka kad jo hai badhta gaya aur jitne bhi Gujarat main RSS ke members they woh Narendra Modi ko as a hero dekhne lage.

Toh yahi se Narendra Modi ko bahut bada boost milta hai, ab Gujarat ki baat karey toh yaha per uss waqt do bade leader they ek they Kesubhai Patel aur dusre they Shankar Singh Vaghela yeh dono hi BJP ke bade leader they Gujarat se. Toh sirf yeh do hi leader they jo Gujarat ki politics ko dekhtey they.

Ab Narendra Modi uss waqt kaafi young they khaas unki umar rahi nahi thi aur kaafi speed se woh uper aa rahe they, toh shuru main toh Kesubhai patel aur Shankarsingh Vaghela ne Narendra Modi ko baccha samaj ker zyaada seriously nahi liya kyoun ki Narendra Modi ko Gujarat mein Kesubhai Patela ur Shankarsingh Vagehla ke support ke liye they.

Lekin dhime dhime Narendra Modi ne inse satta hi chin li, jab Lal Krishna Advani president bane BJP ke 1986 main toh yaha per Narendra Modi ko Gujarat main Organizing Secretary banaya gaya jaise koi bhi cheez ho rahi hai rally ho rahi ya phir koi bhaasan hai toh usko organize karne ka kaam Narendra Modi ka tha.

Toh BJP ki taraf se 1987 tak yeh Gujarat ke Organizing Secretary bane rahe ab yaha per bhi inhone bahut hi efficiently kaam kiya, inhone yaha per bahut saari journey ko organize kiya lekin sab se important Lal Krishan Advani ki Rath Yatra.

Aur yeh jo Rath Yatra thi woh Gujarat se Somnath tak jaane waali thi toh kaafi lambi yatra thi aur yeh Yatra ko organize karne ka kaam Narendra Modi ko diya gaya tha, aur yahi se hi Lal Krishan Advani aur Narendra Modi kaafi kareeb aa gaye.

Toh iss Rath Yatra ko bahut hi acche se organize kiya gaya tha Gujarat se phir MP ho ker jaana tha jis jis state se rath yaatra guzri hai waha per sampradayik tanaav hua lekin sirf Gujarat hi ek aisa state tha jaha per sampradayik tanaav nahi hua. Narendra Modi ne baut hi efficiently iss rath yatra ko conduct kiya tha.

Narendra Modi as a Chief Minister of Gujarat

Ab dosot dekhtey hi dekhtey 1995 ke election aa gaye BJP jeet gayi 182 seats aayi Gujarat state assembly mein, ab yaha per kya hai ki Kesubhai Patel ko Chief Minister banaya gaya Gujarat ka lekin uss waqt Shankarsingh Vaghela bhi senior leader they aur woh bhi deserve kartey they CM banna toh Shankarsingh Vaghela ne vidroh kar diya.

Shankarsingh Vaghela ko manaane ke liye kaafi koshish ki gayi aur Shankarsingh Vaghela ne uss waqt 3 shart rakkhi apna vidroh kahatam karne ke liye aur uss main se teesri shart yehi thi ki Narendra Modi ko Gujarat ke bahaar bheja jaaye kyoun ki Shakarsingh Vahgela ko pata tha ki yeh aage jaake humaari kursi ko cheen sakta hai.

Toh Shankarsingh Vaghela ki teesri shart BJP maan gayi waise toh Narendra Modi ko promote karne ke baad Gujarat se bhaar bheja gaya Narendra Modi ko General Secretary banaya gaya tha aur Delhi bhej diya gaya aur iske baad 4 states ka prabhaari bhi inko banaya gaya.

Lekin Narendra Modi ko Gujarat aana tha aur yaha ki politics ko apne haath main lena tha aur yeh mauka mil bhi gaya Narendra Modi ko. 2002 main yeh mauka mil gaya Narendra Modi ko, Keusbhai Patel ki health kharaab ho rahi thi aur dusri baat bhukamp aaya tha Bhuj main uss waqt Kesubhai Patel logo ko migrant karne main naakaamyab ho gaye aur bhi kaafi saari cheez thi, toh Kesubhi Patel ko ab hataane ka waqt aa gaya tha.

Toh BJP ne ek naye candidate ko dekhna shuru kar diya ab BJP ne dekha ki Modi se better abhi koi nahi hai lekin wahi per uss waqt Narendra Modi aur BJP ke bich thori si kadwahat bhi shuru ho gayi thi.

Dekhiyeh iss sab se pehley jab Narendra Modi tezi se aage bhad rahe they tab Kesubhai Patel aur Shankarsingh Vahgela ka kehna tha ki Narendra Modi toh bahut hi junior hai aur Narendra Modi ko kuch nahi aata, lekin yahi per Kesubhai Patel aur Shankarsingh Vaghela dono hi analysis karne main naakamayab rahe kyoun ki Narendra Modi ne uss waqt apni itni acchi image bana li thi ki unko hilaana aasan nahi tha.

Toh finally unke pass mauka aaya October 2001 main aur Narendra Modi ne replace kar diya Kesubhai Patel ko aur ban gaye Chief Minister of Gujarat aur election bhi aane waale they aur election ke pehley hi ek aise ghatna hui jiske wajah se Narendra Modi ke jeevan per ek daag lag gaya aur woh daag hai Gujarat Riots.

Gujarat Godhra Riots

Protesters ne Sabarmati Train ke do dabbo main aag laga di ab un dibbo main woh log safar kar rahe they jo Ayodhya jaa rahe they ab iske baad poorey Gujarat main dange phel gaye kaha jaata hai ki 60 log mar gaye they un do dabbo mein aur jaise hi yeh khabar phelti hai toh Gujarat main aise dange pheltye hai ki 750 se zyaada Muslims ki jaan gayi 250 se zyaada Hindus ki jaan jaati hai.

Aur yaha per Modi sarkar per yeh aarop lagaaya jaata hai ki inhone kuch bhi nahi kiya matlab situation ko control karne ke liye kuch bhi nahi kiya, haalaki Modi sarkar ne uss waqt kaha tha ki jo bhi dangaai dikhe usse sidha goli maar do.

Lekin Narendra Modi ke kuch statements iss tahra ke aaye they Gujarat Riots mein ki sab ko hila ke rakh diya aur uss waqt Atal Bihari Vajpayee ko bahut zyaada ghussa aaya tha aur wahi se Atal Bihari Vajpayee aur Lal Krishna Advani ke rishtey Modi se kharaab ho gaye.

Aur Atal Bihari Vajpayee kehtey they ke Gujarat Riots ke baad jab main Muslims country main jaaunga toh kya muh le ker jaaunga toh Atal ji chaatey they ki Modi ji resign kar de Gujarat ke CM se aur yeh hua bhi sahi dosto.

Darasal kya hua tha dosto Atal ji Singapore daure per they toh Atal ji ne Lal Krishan Advani se kaha ki jab main waapas aau usse pehley Modi ji ko Gujarat ke CM ke pad se hata dena, aur jab Atal ji Singapore daure se vaapas aaye toh Lal Krishan Advani iss matter ko solve karne main nakamaayab rahe.

Toh yaha per phir se Atal ji ko ghussa aaya ab ek meeting hone waali thi Goa main toh Atal ji aur Lal Krishan Advani dono hi uss meeting main jaa rahe they toh yeh poori tahra se pakka tha ki BJP waha per Narendra Modi ka resignation maangey gi hi.

Toh iss meeting main BJP ke saare senior leader gaye Goa ki iss meeting main lekin meeting start hone se pehley hi Narendra Modi ne resign de diya, lekin Narendra Modi bahut smart insaan hai unhe pata tha ki kuch log unka resignation accept nahi karengey.

Toh uss meeting main ek group tha jo Narendra Modi ko favor karta tha, toh jaise hi Narendra Modi ne resign diya unn logo ne naare laganaa shuru kar diya ki hum log yeh resign accept nahi karengey toh Atal ji ko isse samaj main aa gaya ki situation bahut kharaab ho sakti hai.

Arun Jaitley bhi uss waqt uss meeting main they toh Arun Jaitley stage per aaye, Arun Jaitley ne Narendra Modi se request ki ki aap resign mat dijyeh toh ultimately yeh jo resignation tha woh accept nahi kiya aur ussi waqt jab 2002 main Gujarat election huey toh BJP poori bahumat se Gujarat main aayi.

Loksabha Elections

2009 main Loksabha Elections hoo chuke they aur kaha gaya tha ki L. K Advani ki guidance main hum chunaav ladengey aur agar 2009 ke election BJP jeet jaati hai toh Advani ji hi Prime Minister banegey, lekin aisa kuch nahi hua BJP haar gayi.

Toh yaha per RSS aur BJP dono hi samaj gaye they ki Advani ji main ab woh jaadu raha nahi hai toh BJP Prime Minister ke liye naya chera dekhne lagi.

2012 main jo Gujarat assembly election huey they toh BJP bhayankar tarike se uss election ko jeet gayi thi 182 seats main se 115 seats BJP ko mili thi, aur ussi waqt kuch aisa hua jisse log shock ho gaye, aam taur per Narendra Modi media ko address Gujarati language main kartey they lekin iss baar inhone Hindi boli toh yeh sidha sidha yeh indicate kar raha tha ki Narendra Modi bhi 2014 ke elections ko dekh rahe hai.

Dekhiyeh BJP ke paas koi bada chera nahi tha Narendra Modi ke sivaay toh iss wajah se Narendra Modi ko aage laaya gaya, Gujarat model ki pairvi ki gayi aur uske baad "Ab ki baar Modi Sarkaar" aur "Acche Din Aane Waal Hai" yeh saare slogans ke saath Narendra Modi ko election main utaara gaya aur 1000 se zyaada rally's inhone ki.

2014 ke jab results aaye toh BJP ne kamaal hi kar diya tha 1984 ke baad BJP pehli sarkaar thi jisse bahumat mili thi, 282 seats akele BJP ko mili thi toh yeh ek kamaal ki cheez thi aur BJP satta main aa gayi.

But as obvious yaha per Narendra Modi ko Prime Minister bana gaya "Sab ka Saath Sab ka Vikaas" aur yeh BJP sarkaar development ke mudde per aayi thi.

Narendra Modi as a Prime Minister

26th May 2014 ko Narendra Modi Prime Minister pad ke liye sapath li yaha per Narendra Modi ne kaha ki hum quantity per kam aur quality per zaada focus karengey toh cabinet ministry thi councils of Minister they Narendra Modi ke woh kum they inhone kum ministers rakkhe aur bola ki hum quality per zyaada focus karengey.

UPA government main bahut zyaada ministers they dusri cheez yeh hai ki yaha per naam badalne ka silsila shuru ho gaya ab Modi sarkaar per aarop yeh lagta hai ki yeh jo scheme banaatey hai unke naam kaafi bhadiya hotey hai.

Lekin jo bhi scheme banaayi jaati hai woh bahut hi acche motive se launch ki jaati hai taaki sabko benefit miley lekin un schemes ka implementation acche se nahi ho pata.

India ek bahut bada desh hai aapko India ke har state main alag alag cheez dekhne ko milegi alag alag language sunne ko mile milegi, toh dosto India jaise desh ko chalaane ke liye aapki jo team honi chaiyeh woh extremely efficient honi chaiyeh aur aapki team main geniuses hone chaiyeh iske bina aap desh ko chala hi nahi saktey.

Economic Policies

Narendra Modi ne yeh election do constituency se lada tha ek hai Varanasi aur dusra Vadodra yeh do jagha se inhone election lade they aur dono hi jagha se woh jeetey they.

Economic Policies ki baat karey toh ek ke baad ek schemes inhone launch karna shuru kar diya, GDP jo hai woh bhad rahi thi American Recession ke baad GDP kum ho gayi thi.

Gujarat Model ke naam per BJP sarkaar bani thi, Gujarat Modal main kya aata hai dosto Gujarat Modal main vaada kiya gaya ki har kisi ko bijli milegi, investment bahut saara aayga, transparency aaygi, toh yeh saari cheeze thi.

Ab Narendra Modi jo schemes le kar aaye they usse kuch log sehmat they aur kuch log inn schemes ke against they, labor reforms le kar aaye labor reforms main yeh tha ki aap union nahi bana saktey, easily aapko koi bhi hire kar sakta hai aur fire bhi kar sakta hai toh yaha per bahut log inke against ho gaye.

Narendra Modi per aarop yeh lagtey hai ki aap bahut zyaada FDI le kar aatey hai aap bahaar ki companies ko bulatey hai toh isse humaare domestic market ka kya hoga? Bharat main manufacture factories jo bandh hai aap uska kuch nahi kar rahe aur aap bahaar se le kar aa rahe hai, aapko pehley domestic market ko dekhna chaiyeh lekin FDI se faayda bhi bahut hota hai kyoun ki bahaar se FDI aa raha hai toh yaha per hume dono views samjhne hongey.

Ab jo do bade decsioson hai Modi sarkaar ke jo sab ko maalom hai ek toh Demonetization aur dusra GST.

Demonetization 

9th November 2016 ko Narendra Modi ne raat 8 baje kaha ki aaj se 500 aur 1000 ke banknotes bandh yeh bahut hi zabardast decision tha aur bahut hi brave decision tha, Black Money agar aapko hataana hai toh aapko demonetization karna hoga yeh baat bilkul sahi hai.

Ab Black Money hai kya? For Example aapke pass 10rs hai agar maine pucha ki yeh 10rs kaha se aaye hai toh agar aap kehtey ho ki mujhe nahi pata toh iska matlab hai ki yeh Black Money hai, kahi na kahi se aapne ghapla kar ke woh black money le kar aaye hai, toh dosto hota kya hai ki Tax ki chori hoti hai aur bhi bahut jaghao se illegal paisa aata hai.

Ab koi bhi industrialist hai ya koi bhi insaan hai maan lijyeh uske paas bahut saara Black Money hai, maan lijyeh uske paas 10 crore hai toh woh bank main thori jama karaayga kyoun ki agar bank main jama karwaayga toh Bank waale toh puchengey ki yeh paisa kaha se aaya, toh yeh kartey they ki ghar mein hi 500 aur 1000 ke bahut saare notes rakhtey they.

Toh Demonetization main kya hua ki Narendra Modi ne kaha ki ab se 500 aur 1000 ke notes bandh iske baare main kisi ko kuch pata nahi tha, yeh decision toh bahut bhadiya tha lekin implementation utna accha nahi tha bahut zyaada problems hui thi.

Dekhieyh India bahut bada desh hai India main agar aap aise schemes launch kar rahe hai toh aapko do baar sochna padega yeh Demonetization aap uss jagha launch kar saktey hai jaha per population kam ho.

Demonetization ke 4 views they CCTB Corruption Counterfeit Currency Terrorism Black Money lekin yeh Demonetization dhire dhire reh ker fail ho gaya, bahut saari political party iske khilaaf thi aur logo ko bhi kaafi paresaani hui thi iske wajah se kuch families main toh iske wajah se mautey ho gayi toh sab ne kaha ki aap yeh Demonetization ko waapas lijyeh.

Abhi Reserve Bank of India ki report aayi hai 99% paisa usse waapas aa gaya hai, matlab dekhiyeh sarkaar ne jab yeh scheme launch ki tab yeh kaha tha ki 3 lakh crore se zyaada paisa waapas nahi aane waala hai, 15 se16 lakh crore yeh poori currency circulation mein thi ab agar 99% se zyaada paisa RBI main aa gaya toh phir Black Money raha hi kaha, maan lijyeh 500 aur 1000 ke yeh notes jo circulation mein they toh logo ne toh yeh paise hatah diye hongey kyoun ki inki toh value hi kam ho gayi toh agar RBI bol rahi hai ki saara ka saara paisa 99% se zyaada jo notes hai aur jo paisa hai woh bank main aa gaya toh Black Money raha hi kaha.

Black Money toh saara White Money ho ker bank main hi aa gaya, yeh scheme Black Money ko counter karne ke liye thi lekin yeh toh buri tahra se fail ho gayi, Ab India itna bada desh hai toh kaha kaha se White money hua hai woh pata lagaana bahut muskil hai.

June 2015 Narendra Modi ne ek aur scheme launch ki "Housing For All" yeh BJP ka target hai ki 2022 tak sab ko ghar milengey, toh BJP schemes acchi acchi nikal rahi hai aur hum toh chaaengey ki yeh scheme ka implementation acche se ho aur India aur tarakki karey.

GST bhi Laucnh kiya tha, chaliyeh GST ke baare main kuch baat kartey hai.

Dekhieyh India mein do tahra ke TAX hotey hai Directed Tax aur In-directed Tax, Direct Tax jo hota hai woh Income TAX lagaati hai, Indirect Tax matlab koi bhi ek insaan bich main aa gaya toh Indirect Tax ko replace ker ke GST laaya gaya, pehley VAT tha.

GST ek revolution hai aur isse laana hi tha "One nation one Tax" saare taxes ko hatah ke sirf ek hi Tax aur baaki ke jitne bhi Indirect tax hai usse hatah do, Yeh GST ke aane ke baad sarkaar ko faayda hua hai aur badi industries ko bhi faayda hua hai lekin choti industries ko faayada nahi hua kyoun ki yeh poora jo procedure hai woh itna zyaada complex hai ki zyaada log samaj nahi paaye jiske wajah se bahut zyaada nuksaan hua hai.

Health and Sanitation

Ayushman Bharat Yojna yeh scheme bahut hi important hai aur ek aise hi scheme America ne bhi launch ki thi, Ayushman Bharat garibo ka hathyar hai, garib hona yeh jurm nahi hai garib mehnat kar ker ameer ban sakta hai lekin agar koi garib beemar pad jaaye toh problem create ho sakti hai.

Kyoun ki kya hota hai ki jab koi garib beemar padta hai woh apni poori saving laga deta hai theek hone mein, toh Ayushman Bharat scheme yaha per aati hai.

23rd September 2018 iss scheme ko launch kiya gaya tha iss scheme mein bahut saare wellness center aur bahut saare health center banaaye jaane hai, 50 crore beneficiaries ko sidha iss scheme ka faayda hoga sarkaar inko insurance degi.

Toh Narendra Modi ne kaafi koshish ki hai ki India ka progress ho kaafi acchi acchi scheme bhi inhone launch bhi ki hai aur abhi bhi kar rahe hai 2019 main phir se BJP Loksabha ke election jeet gayi 303 seats jeet ker phir se Modi Sarkar aayi.

Toh dosto yeh thi Biography of Narendra Modi in Hindi, I hope aapko yeh biography pasand aayi hogi.

Thank You.