Hello dosto aaj mein aapke liye lekar aaya hu Biography of Mamata Banerjee in Hindi. Inko bangal ki sherni kaha jaata hai aur shaayad bilkul sahi kaha jaata hai, aur agar aap inki lifestyle dekhe toh bahut hi simple hai naa koi badi car, na mehnge kapde toh ek simple life jeeti hai, gareebo ka masiha inhe bola jaata hai agar kahi per bhi galat cheez ho rahi ho jaise FDI bhaddne ki baat ho rahi thi retail sector mein, aur petrol ke bhaav bhad gaye they Mamata Banerjee ne inn saari cheezo ko virodh bhi kiya hai.

Aur Mamata Banerjee ko Bangal ki sherni kaha jaata hai kisi se darti nahi hai inhone SAPA ne neta ka collar pakad ker Loksabha se bahar nikal diya tha taaki woh protest na kar sake jo Women Reservation bill ke liye.

Biography of Mamata Banerjee in Hindi - Chief Minister of West Bengal | Hinglish Posts


Mamata Banerjee Early Life

Mamata Banerjee ka janam 5th January 1955 ko Calcutta (Kolkata) lower middle class brahman family mein hua tha, inke father ka naam tha Promileswar Banerjee aur inki mother ka naam tha Gayetri Devi jo ki ek school teacher thi.

Mamata Banerjee jab bahut choti thi tab inke father guzar gaye toh mushkile bahut thi, Mamata Banerjee ko padhne ka kaafi shauk tha aur yeh bahut hi acchi poet hai aur painting bhi bahut acchi karti hai aur aapko ek baat bataau inki paintings croro rupye mein bikti hai aur yeh books bhi likhti hai.

Pichle do term main matlab 2011 se yeh abhi tab West Bengal ki Chief Minister hai aur yeh jo election jeet'ti hai na West Bengal main toh bhaari maargin se jeeti'ti hai bahut zyaada inko pyaar karet hai West Bengal mein.

Mamata Banerjee Education

Mamata Banerjee ka shuruaati education Deshbandhu Sisu Sikshalay mein hua, iske baad inhone history mein graduation kiya Jogamaya Devi Women College se aur iske baad inhone Law ki degree bhi li aur phir master's kiya inhone Islamic history mein Univeristy of Calcutta se. Toh kaafi degrees hain inke paas aur bahut padhi likhi hain yeh.

Join Politics

Mamata Banerjee ne sirf 15 saal ki umar mein politics join ker li aur uss waqt Indira Gandhi ek prominent chera thi aur Indira Gandhi ki tahra hi yeh banna chaati thi, ab aksar log kehtey hai ki agar aapko politics mein jaana hai toh college politics mein aap involve hoiyeh agar waha per aapne accha kaam kiya toh definitely koi na koi political party aapko spot karegi.

Toh hum dekhtey hai ki congress ne inko spot kar liya, sirf 15 saal ki thi Chhatra Parishad Unions se khadi hui thi election ke liye aur tab inhone hara diya tha Democratic Students Union of the Socialist Unity Center of India ko.

Democratic Students Union of the Socialist Unity Center of India yeh uss waqt bahut bada political organization tha inko hara diya aur jeet gayi Mamata Banerjee.

Ab us waqt ke West Benagl ki baat kare toh Bengal mein CPI Communist Party of India yeh democratic elect ho ker aayi, yeh thori ajeeb baat hai kyoun ki communism mein democracy toh 1977 se lekar 2000 tak CPI ka rule West Benagl mein tha. Toh kaafi lamba time rule kiya CPI ne West Bengal mein lekin iss rule ko tod diya Mamata Banerjee ne, yeh cheez hum aage padhengey ki kaise Mamata Banerjee West Bengal ki CM bani.

1976 se 1980 tak Mamata Banerjee Mahila Congress ki general secretary rahi, 1984 mein jab general election huey tab bahut young thi Mamata Banerjee lekin phir bhi inhone Jadavpur Parliamentary Constituency West Bengal se election ke liye khade huey, Somnath Chatterjee jo ke bahut bade politician reh chuke hai toh inko hara diya tha Mamta Banerjee ne. Ab iske baad yeh General Secretary bani Indian Youth Congress ki.

1990 mein ek aur bahut hi khatarnaak cheez hui thi bandh ka elaan kiya gaya tha Left Wing dwaara aur Mamta Banerjee apni rally le kar nikal gayi thi, ab yaha per CPI ka jo youth bank tha aur uske jo leader they Lalu Alam toh inhone dekh liya ki Mamata Banerjee aa rahi hai rally le kar bahut maara Mamata Banerjee ko lathi se Mamata Banerjee ke skull mein poora fracture ho gaya tha aur 2-3 baar in per jaan leva hamle bhi ho chuke hain.

Jab Congress satta mein aayi 1984 ke baad iske baad hi jo hai Mamata Banerjee ne Congress join kiya tha, Congress mein Mamata Banerjee ko bahut saare portfolio miley Sports Minister ka portfolio, Women and Child Development ka portfolio mila, Youth Affairs ka portfolio mila aur chairperson bhi inko banaaya gaya toh bahut saare portfolio inko miltey gaye, lekin in sab ko deal karna itna aasan nahi tha kyoun ki inka sab se bada dushman West Bengal main tha aur woh tha CPI.

Kisi bhi Prime Minister ko hataane mein ya phir support waapas lene mein CPI ka sab se bada haat abhi tak raha hai aise bahut se Prime Minister ho chuke hai India mein jinko hataane mein sab se bada haath Communist Party of India matlab CPI ka reh chuka hai. Manmohan Singh jab Congress ki sarkaar aayi thi 2004 mein aur iske baad Manmohan Singh dwaara jo America ke saath jo nuclear deal sign ki thi CPI iske against thi, CPI ne toh apna support hi piche khich lene ki baat kar li thi.

Aur agar CPI support waapas le leti toh Congress sarkaar gir jaati aur iss wajah se Manmohan Singh ne resignation de hi diya tha lekin woh resignation accept nahi kiya gaya.

Toh asali dushman CPI tha West Bengal mein aur real fight toh Mamata Banerjee ki CPI ke saath hi thi aur yeh bilkul bhi aasan nahi hone waala tha.

Trinamool Congress (TMC)

1997 mein jab Mamata Banerjee sports minister thi toh yeh apne hisaab se cheezo ko karna chaati thi aur congress bol rahi thi ki aap aisa nahi kar saktey, toh Mamata Banerjee aur Congress ke bich clash ho gaya aur Mamata Banerjee ne Congress party chor di aur Congress party chor ke wahi se unhone Trinamool Congress party banaai.

Aur iske baad inhone 1999 mein NDA National Democratic Alliance ko join kiya NDA ko lead karti hai BJP. Lekin aapko jaane ke taajub hoga ki inhone NDA ko bhi baad mein chor diya.

Dekhiyeh NDA ko chorne ke piche ek yeh wajah thi ki 2001 mein Tehelka's exposure of operation west end yeh actual mein sting operation ki magazine thi aur iss mein bahut se NDA ke minister phas gaye they hua yeh tha ki jo Arms dealing mein rishwat letey huey pakde gaye they NDA ke ministers. Ab iske khillaaf Mamata Banerjee ne protest shuru kar diya aur NDA se alag ho gayi lekin baad mein inhe manaaya gaya toh waapas se inhone NDA ko join kar liya.

NDA ke saath phir yeh 2004 tak rahi aur Coal and Mines ka portfolio inko diya gaya tha.

Bengal Tigress

2009 mein jab parliamentary elections huey toh yeh congress ke saath chali gayi, phir 2011 ek bahut badi cheez hui jab West Bengal mein election huey toh TMC jeet gayi 227 seats mili thi TMC ko matlab TMC ka jo alliance tha Congress ke saath 184 TMC aur baaki 42 Congress ko mili West Bengal ke Legislatve Assembly Elections mein.

Toh 34 saal ka rule jo tha West Benagl main Left Wing ke uska finally end hua, aur yaha se ek nayi journey Mamata Banerjee ki start ho gayi. Chief Minister of Bengal Mamata Banerjee ban gayi aur abhi tak Chief Minister hai yeh.

2012 mein Mamata Banerjee ne congress se support withdraw kar liya, actually mein hua yeh tha dosto FDI aa raha tha India ki economy ko kholne ki soch rahe they iss liye Foreign Direct Investment laane ki soch rahe they, retail sector mein FDI aa raha tha Mamata Banerjee ne kaha bilkul bhi nahi humaare logo ka interest bana rehna chaiyeh.

Ab iske baad petrol ke rates bhad gaye they toh bahut zyaada problems ho gayi thi Congress ke saath aur 21st Septembet 2012 ko unhone congress ke saath withdraw kar liya aur Trinamool Congrees matlab TMC alag ho gayi Congress se 2012 mein.

Jab Mamata Banerjee power mein aayi toh unhone woh zameen waapas ki jo garibo se le li gayi thi Left Wing government dwaara toh woh zameen inhone waapas de di garibo ko phir inhone education reforms shuru kiye, dekhiyeh ek baat mein aapko yaha bataana chaaunga ki India mein agar do reforms aa jaaye ek education reforms aur ek police reforms toh India overnight change ho jaayga lekin dukh ki baat yeh hai ki yeh nahi ho raha hai.

Police ki haalat kya hai yeh hum sab ko pata hai aur education ki haalat toh chor hi dijyeh bahut hi bekaar hai, government schools mein mujhe students se zyaada cows dikhti hai, buffalo dikhtey hai toh government school ki yeh haalat hai aur jo teachers ki salary jo hai woh bhadiya hai unko koi problem nahi hai toh aisa lag raha hai ki kisi ko koi farq nahi padh raha.

Lekin Mamata Banerjee education reforms le kar aaye aur Kolkata city ko zyaada power di, police power di poorey city ko ek ek Kolkata ka jo municipal area toh woh police ke ander aaya aur sab se badi cheez dosto inhone health scheme launch ki.

Health scheme ko lekar Mamata Banerjee ne bola tha ki hum isse 3 phase mein launch karengey jo bhi gareeb insaan hai India ka usse iss scheme ka faayad milega. Toh 3 aim they Mamata Banerjee ke education sector, police sector aur health sector toh yeh 3 sector mein reforms laana chaati thi Mamata Banerjee aur kaafi had tak success bhi ho gayi aur issi liye woh 2016 ke election bhi jeet gayi.

Teachers ki monthly pension, pehli taarik ko hi teachers ki salary aa jaani chaiyeh toh yeh sab Mamata Banerjee ne kiya aur kuch metro station ke naam bhi inhone change kar diye aur kuch freedom fighters ke naam per un station ke naam rakh diye gaye.

Melinda Bill Gates Foundation ne Mamata Banerjee ki taarif ki hai ki jab se inka term shuru hua hai matlab 2011 se le kar ab tak ek bhi case polio ka Kolkata mein nahi hua toh yeh kamaal ki baat hai.

Saradha Scam

2016 ke baad cheeze change hona shuru go gayi, jab se BJP aayi hai BJP aur Mamata Banerjee dono ek dusro ke liye Anti hai. Saradha Scam ab yeh chit fund ghotala hai 2,500 crore ka ghotala hai yeh ab chit fund hota kya hai?

Chit fund ki baat karey toh yeh saving cum borrowing zyaada hai. For example ek group of people invest karta hai samaj lijyeh ek company chit fund established ho gayi toh group of people uss mein invest karega, maan lijyeh 10 log hai aur har ek insaan ne 3000rs dena shuru kar diye uss company ko, toh 10 months mein yeh kitna ho jaayga 300000rs. Ab maan lijyeh inn 300000rs company mein member kitne hai 10 member aur company ke pass total kitne paise hai 300000 ab iss mein se kisi ek member ko 27000rs chaiyeh aur ek dusre member hai usse 26000rs chaiyeh ab kyoun ki jo dursa member hai uski boli kam hai usse 26000rs chaiyeh bid lagaayi jaaati hai dosto toh aap chit fund se nikal saktey hai.

Yaha per group of people aatey hai paisa invest kartey hai ek fund banaatey hai aur uske baad usko udhaar le saktey hai lekin yaha per problem kya ho gayi ki yeh jo poora funding thi yeh TMC co-ordinate karne lagi, aapko sun ker taajub hoga ki jab Left Wing ki government thi tab woh helicopter afford nahi kar sakti thi lekin jab se Mamata Banerjee CM ban ker aayi hai woh apni har rally mein helicopter se aati hai.

Toh aarop yeh laga hai ki yehe TMC ke jo politician hai unhone gaanv gaanv jaa ker yeh bola ki aap sab log chit fund ke member banyeh aur donate karyeh invest karyeh aap paisa nikal saktey hai lekin yeh jo paisa hai chit fund ka yeh ministers nikaal rahe they. Paisa nikaaltey rahe gareeb log invest kartey gaye minister nikaaltey rahe aur isssi tahra kartey karety company ke paas paisa khatam ho gaya company collapse kar gayi.

Toh iss company ke jo owner they Sudipta Sen aur Debjani Mukherjee in dono ko arrest kiya gaya, issi ki hi maang uth rahi hai ki yeh jo poora ka poora scam hai isko investigate karo, issi ke liye CBI gayi CBI ne police ko arrest kar liya.

Dekhiyeh jo insaan bilkul saaf hai agar ussne kuch nahi kiya toh usko darna hi nahi chaiyeh investigation se lekin kuch na kuch toh gadbad hai, toh yaha per Mamata Banerjee ne kya kiya ki poora political drama kiya dharne per beth gayi aur bahut kuch kiya aur abhi tak iski investigation chaalu hai.

Toh dosto yeh thi Biography of Mamata Banerjee in Hindi, I hope aapko yeh biography pasand aayi hogi.

Thank you