Hello dosto aaj mein aapke liye lekar aaya hu Biography of Lalu Prasad Yadav in Hindi. Bahut hi popular neta reh chuke hai aur kaafi zabardast inka humor raha hai aur bahut hi respected politician hai lekin bahut controversies mein bhi Lalu Prasad Yadav reh chuke hai. Bahut time tak yeh Chief Minister rahe Bihar ke toh kaafi kuch jaanegey inke baare mein aur inki life dekhengey.

Biography of Lalu Prasad Yadav in Hindi - Former Chief Minister of Bihar | Hinglish Posts


Lalu Prasad Yadav Early Life

Lalu Prasad Yadav ka janam 11th June 1948 mein Phulwaria, Bihar mein hua tha, inke father ka naam tha Kundan Ray aur inki mother ka naam tha Marachhiya Devi, inki family toh kaafi discipline aur simple thi lekin Lalu Prasad Yadav thode shararati aur natkhat they aur gaanv mein inki family ko kaafi respect ki nazar se dekha jaata tha.

Lalu Prasad Yadav ko padhne ka kaafi shauk tha toh Patna University mein inhone Bachelor of Laws kiya aur Master kiya Political Science mein. Aur kamaal ki baat yeh hai ki jiss university mein yeh padh rahe they uss University mein inke bhaiyya Peon they. Aur apne bhaiyya ke ghar mein hi woh rehtey they.

Aur yahi se Lalu Prasad Yadav ne apni political career ki shuruaat ki, student politics mein kaafi active they aur 1970 mein Indira Gandhi ke khilaaf aandolan kiya gaya tha "Indira Hataao Desh Bachaao" phir "J. P. Movement" aur J.P Movement mein desh ke bahut saare student active they toh iss J.P. Movement ke wajah se jo aaj aap bade bade politician hum dekh rahe hai yeh iss J.P. movement se hi aaye they.

Lalu Prasad Yadav Personal Life

Toh uss samay Lalu Prasad Yadav student union ke president they aur full on politics mein active they aur issi duaran inhone shaadi karli 1st June 1973 ko inhone shaadi kar li Rabri Devi se.

Aur Lalu Prasad Yadav ne apne ek interview mein kaha tha ki jab inki shaadi hui thi Rabri Devi se toh inhone Rabri Devi ko dekha bhi nahi tha. Bahut hi successful marriage rahi hai inki 9 bacche hai inke 7 larki aur 2 larke hai inke.

Lalu Prasad Yadav Political Journey

1970 mein Lalu Prasad Yadav ne student politics mein enter kiya, Patna University Students Union ke yeh general secretary reh chuke they aur iske baad President bhi rahe, kaafi movements aur protest mein inhone participate kiya tha aur iske wajah se inko jail bhi ho chuki hai aur yeh jail acche kaamo ke liye hui hai.

Aur jab emergency lagi 1975 se lekar 1977 tak aur iske baad Janata Party aayi toh Lalu Prasad Yadav Bihar mein Chapra se Loksabha ka election lade aur jeetey bhi aur uss waqt unki umar sirf 29 saal thi aur ban gaye MP.

Toh inki politics full on thi lekin Janata Party mein aapas mein hi jhgadey shuru ho gaye toh Janata Party toot gayi aur Janta Party alag alag group mein divide ho gayi, toh ab Lalu Prasad Yadav chaatey they ki Bihar ki politics ko ek naya rang diya jaaye toh Lalu Prasad Yadav ne kya kiya ki inhone Janata Party ke ek group ko join kar liya.

1980 mein election huey lekin haar gaye, lekin aise mein entry hoti hai V.P Singh ki, V.P Singh pehley congress mein they congress se alag hoker woh Janata Dal mein aa gaye, Janta Dal ne election lada 1989 mein toh jeet gayi.

Toh V.P Singh ki sarkaar 1989 mein ban gayi aur BJP ka bhi inko support tha, lekin 1990 mein Bihar ki politics poori tarike se change ho gayi 1990 se phely 24 CM Bihar ke reh chuke they aur jo last CM they Janganath Misra toh Jagnath Misra ke baad kaun?

Janata Party ke ek bahut bade leader they Karpuri Thakur yeh Bihar ke CM pehley reh chuke they inki death ho jaati hai, ab hua yeh ki Karpuri Thakur ki political riyaasat ko kaun sambhaalega?

Lalu Prasad Yadav kehtey hai ki Karpuri Thakur ne mere haatho mein hi dum toda tha, toh Lalu Prasad Yadav ne kaha ki inki political riyaasat ko mein sambhaalunga jo bhi ab Bihar mein politics hone waali hai woh mein sambhaalunga.

Ab 1990 mein V.P Singh vs Chandrashekhar aamne saamne they V.P Singh chaatey they ke Bihar ka CM koi aur baney, 1990 mein Bihar mein election huey toh uss waqt Bihar mein 326 seats thi toh 326 mein se 120 vidhaayak Janata Dal ke chun ker aaye toh Janata Dal ke 120 vidhaayak ho gaye toh bahumat ke liye yeh bahut kam seats thi, lekin jo dusri choti choti parties thi unhone Janata Dal ko support kiya.

Toh Janata Dal ko support toh mil gaya aur V.P Singh ke sarkaar Center mein bhi hai, lekin ab problem yeh hai ki aap Chief Minister banaayengey kisko? Bahut saare candidate khade ho gaye they Chief Minister banne ke liye uss waqt.

V.P Singh chaa rahe they ki Ran Sundar Das Chief Minister bane aur Chandra Shekhar chaatey they ki Raghunath Jha Chief Minister bane lekin result yeh raha ki Chandra Shekhar ke dost Devi Lal ne kaha ki Lalu Prasad Yadav ko Chief Minister banaaya jaaye. Nitish Kumar bhi uss waqt chaatey they ki Lalu Prasad Yadav hi Chief Minister baney aur bahut se young politician uss waqt ke chaa rahe they ki Lalu Prasad Yadav hi CM bane.

Toh Chandra Shekhar bhi ab Lalu Prasad Yadav ko support karne lage, toh bahut hi hadbadi mein Lalu Prasad Yadav ko Bihar ka Chief Minister banaaya gaya tha.

Chief Minister Lalu Prasad Yadav

Toh 1990 mein Lalu Prasad Yadav ban jaatey hai Chief Minister of Bihar ab yaha se inka as Chief Minister tenure start ho jaata hai 1990 se lekar 2005 tak Lalu Prasad Yadav ka Bihar mein dabdaba raha.

Ab Ram Rath Yatra jo L.K. Advani ne nikali thi toh uss waqt Lalu Prasad Yadav ne sidha L.K. Advani ko keh diya tha ki yeh Rath Yatra lekar aap Bihar mein nahi aa saktey agar aap aaye toh aapko arrest kar liya jaayga.

Lekin L.K. Advani ne nahi maana toh L.K.. Advani ko arrest kar liya gaya, ab Janata Dal ko BJP support kar rahi thi ab BJP ko jab pata chala ki humaare leader L.K. Advani ko Lalu Prasad Yadav ne arrest kar liya hai toh BJP ne poora support waapas le liya toh V.P Singh ki sarkaar gir gayi aur phir Chandra Shekhar Prime Minister bane.

Ab yeh toh central level ki politics this, lekin state leval per bhi bahut kuch hua tha, Lalu Prasad Yadav backwards, dalit aur OBC ki awaaz ban gaye they toh yaha per sab ko pata tha ki agar Bihar ko koi badlega toh woh Lalu Prasad Yadav hi hai lekin aisa hua nahi Bihar ki condition aur zyaada kharaab ho gayi.

Lekin condition aur kharaab hone ke baawajud Lalu Prasad Yadav dusri baar Bihar ke Chief Minister chun ker aaye aur yeh iss liye kyoun ki uss waqt koi alternate hi nahi tha Lalu Prasad Yadav ka.

Lalu Prasad Yadav ka Vote Bank bahut hi strong tha aur unka jo contact tha kisaano se woh gazab ka tha, woh logo ke ghar jaatey they unke waha khaana khaatey they, woh baccho ko chocolate detey they, kabhi kabaar woh sadak se chaltey huey dikh jaatey they, aur agar sadak per traffic jam ho gaya hai toh traffic ko control kartey huey dikhtey they, aur kahi per hi koi corruption hota hua dikh raha ho toh wahi per hi officer ko suspend kar detey they toh kaafi down to earth politician they.

Toh Lalu Prasad Yadav ki issi politics ki wajah se public ne inko bhar bhar ke votes diye lekin jo main cheez honi chaiyeh thi woh hui nahi, Bihar ka development toh hua hi nahi.

Ab baat kartey hai Nitish Kumar aur Lalu Prasad Yadav ki.

Nitish Kumar and Lalu Prasad Yadav

Dekhiyeh shuru mein toh Nitish Kumar aur Lalu Prasad Yadav bahut acche dost they aur kaafi samay se dost they, lekin jab Lalu Prasad Yadav Chief Minister ban gaye aur Nitish Kumar ne jab inki governance dekhi toh woh dukhi ho gaye aur Nitish Kumar toh uss waqt bahut bade socialist they toh Nitish Kumar ne kaha ki aisa bilkul nahi chalega.

Toh Nitish Kumar Lalu Prasad Yadav ke kaam se khush nahi they, kyoun ki gareebi bhad rahi thi, corruption bhad raha tha aur gaanv ko toh bilkul develop nahi kiya jaa raha toh Nitish Kumar ne jam ker prahaar kiya tha Lalu Prasad Yadav ki sarkaar per.

Dono ne ek rally mein ek dusre ke khilaaf bahut kuch galat bola tha, phir iske baad Nitish Kumar BJP mein chale gaye aur Lalu Prasad Yadav congress mein chale gaye toh dynamics poori tahra se change ho gaye.

Lekin problem yeh hai ki Chief Minister toh aap ban gaye hai, aur 1995 mein phir se Lalu Prasad Yadav jeet gaye Yadav-Muslim votes Lalu Prasad Yadav ko bahut miltey they aur issi se naaraz they Nitish Kumar ke government kaam accha nahi kar rahi phir bhi kyoun itne votes mil rahe hai Lalu Prasad Yadav ko.

RJD

1997 mein Chaara Ghotala sirf yehi nahi ek ke baad ek ghotaaley saamne aane lagey, Chaara Ghotala saamne aaya CBI investigation karne lagi, Janata Dal ne bola ke aise toh kaam chalega nahi Janata Dal ne Lalu Prasad Yadav se kaha ki aap Chief Minister hai Bihar ke aur aap per yeh sab aarop lag rahe hai aur sidha CBI ko hi investigation karne ke liye bol diya gaya hai.

Janata Dal ne sidha Lalu Prasad Yadav ko bol diya ki aapko resign karna hoga Chief Minister ki post se, isse Lalu Prasad Yadav ko kaafi ghussa aaya, Lalu Prasad Yadav ne khud ki hi apni party bana li jisko hum aaj Rashtriya Janata Dal (RJD) ke naam se jaantey hai.

Dekhiyeh problem yeh hui thi ki Janata Party teek nahi paayi, ab uss waqt Janata Party se Janata Dal ban gaya, Janata Party ke chotey chotey group ban ker Janata Dal ban gaya aur baad mein Janata Dal ke bahut saare groups ban gaye aur Janata Dala ke haal bahut groups hai iss mein se ek RJD aur dusri Nitish Kumar ki party JDU hai.

1997 mein in per aarop laga Lalu Prasad Yadav per toh iss wajah se aap election nahi lad saktey toh Lalu Prasad Yadav ne resign diya lekin satta ko haath se nahi jaane diya.

Lalu Prasad Yadav ne masterstroke khela aur apni wife Rabri Devi ko Chief Minister bana diya, toh 1997 se lekar 2005 tak Rabri Devi Bihar ki Chief Minister rahi.

2000 mein Bihar mein Vidhaansabha ke Legislative Assembly ke election huey, aur ek baat 2000 mein Jharkhand alag ho gaya tha bihar se toh Jharkhand ek naya state bana toh pehley toh Bihar se 326 seats thi vidhaansabha ki aur jab Jharkhand ko alag kiya gaya toh 283 seats ho gayi Bihar ki.

Toh 2000 ke election mein RJD jeet gayi, lekin 2005 mein RJD haar gayi lekin iski wajah yeh thi ki ek toh Lalu Prasad Yadav ne apni wife Rebri Devi ko Chief Minister bana diya tha ab log toh Lalu Prasad Yadav ko jaantey they Rabri Devi ko nahi jaantey they dursi cheez thi ki gareeb wahi ki wahi, development kuch hua nahi, crime bhadta gaya toh Lalu Prasad Yadav ka tenure development ke maamle mein pichey raha gaya.

Aur sab se bada problem uss waqt Bihar mein yeh ho gaya tha ki waha per Gundaraaj establish ho gaya tha, Lalu Prasad Yadav ke tenure mein aisa bola jaata tha ki insaan subha ko jaaye shaam ko waapas aaye iski koi guarantee nahi hai.

Kidnapper ke liye toh woh golden period tha aur iss mein sab miley huey they police se lekar politician se lekar sab miley huey they, phir Lalu Prasad Yadav per bhi corruption ka ilzaam lagne lagey ki inki paas jo itni property hai woh kaha se aai, phir chaara ghotala saamne aaya toh inn sab wajah se 2005 mein Lalu Prasad Yadav ko haar ka saamna karna pada aur RJD ko sirf 54 seats mili.

Lalu Prasad Yadav as a Railway Minister

Lekin 2004 mein jab General Election ladey toh waha kuch aur ho gaya RJD ko 21 seats mili aur Indian Nation Congress ko bahumat nahi mili, wahi BJP ko bhi bahumat nahi mili toh BJP 2004 mein haar gayi aur Atal Bihari Vajpayee ka tenure khatam ho gaya lekin Lalu Prasad Yadav ne 21 seats jeet li thi aur Lalu Prasad Yadav ne bola ki ab hum Congress ko support karengey UPA bana aur Congress itni khush ho gayi ki Lalu Prasad Yadav ko Railway Minister bana diya gaya.

Ab as Railway Minister kaafi acchi cheeze ki Lalu Prasad Yadav ne aur kuch galat cheeze bhi inse hui, ab Lalu Prasad Yadav ka kehna hai lakho lakho crore ka profit hua hai, jiss waqt Lalu Prasad Yadav ko Railway Minister banaya gaya tha uss samay loss mein chal rahi thi Indian Railways lekin Lalu Prasad Yadav jaise hi minister baney toh woh loss ko profit mein convert kar diya tha.

Bahut saari cheeze inhone ki thi as Railway Minister, Plastic Ban kar diya tha phir Tatkal scheme chalaai thi toh uske wajah se kaafi paisa aaya toh Railway ko toh profit hua aur Lalu Prasad Yadav ne bata diya ki lakho lakho crore ka profit hua lekin baad mein Mamata Banerjee ne white paper issue kiya ki yeh jo itne bata rahe hai itna profit hua hai nahi. Baad mein Lalu Prasad Yadav ne kaha ki yeh white paper nahi yeh toh black paper hai. Lekin inn sab ke baad CAG ki report aayi Rs. 250 billion ka profit hua tha.

Phir 2009 ke general election huey RJD ko sirf 4 seats mili lekin 2013 mein ek bahut bada jhatkla laga Lalu Prasad Yadav ko jab inko chaara ghotale ka aaropi maana gaya 5 saal ki inko saza de di gayi, aapko bata du 6 cases huey they chaara ghotale ke 6 mein se 2 mein inko saza mili hai, haalaki Lalu Prasad Yadav ko bail mil gayi thi sirf 4 din jail mein rahey they.

Lekin 2017 mein jo inko saza mili uss mein inko kaafi time jail mein bitaana pada tha lekin baad mein yaha bhi inko bail mil gayi thi, lekin yaha se hume yeh dekhne ko mil raha hai ki jo bhi cases ke result aa rahe hai woh Lalu Prasad Yadav ke khilaaf jaa rahe hai.

Toh yeh thi Biography of Lalu Prasad Yadav in Hindi. Dosto agar aap aur Lalu Prasad Yadav ke baare mein padhna chatey hai ya unke jeevan ke baare mein aur jaana chaatey hai toh niche Amazon ka Ad aapko dikh raha hoga uss per click ker aap Lalu Prasad Yadav ki book kharid ker unke jeevan ke baare mein aur padh saktey hai.

Thank You.