Hello Dosto, Aaj baat karengey ek aise aurat ki jo duniya ki bahut saari aurto ke liye ek inspiration hai, yeh India ki first women IPS hai, inhe noble peace prize ke liye bhi nominate kiya gaya tha lekin inn sab se uper yeh itni fearless officer thi ki inke aane se pehley hi gunde bhaag jaatey they bahut saare logo ne inka virodh kiya tha kyoun ki honest bahut thi lekin koi kuch bhi inka nahi bigaad paaya, dosto main baat kar raha hu aur aaj hum jinki baat karengey woh hai Kiran Bedi, dekhngey Kiran Bedi biography in Hindi.

Biography of Kiran Bedi in Hindi - First Women IPS | Hinglish Posts


Kiran Bedi Early Life

Kiran Bedi ka janam 9th June 1949 Amritsar Punjab main hua tha. Yeh ek well do family se belong karti hai inke father ka naam tha Prakash Lal Peshawaria aur inki mother ka naam tha Prem Lata, Inki 3 behne hai Shashi, Reeta aur Anu. Inke father ne ek din kaha tha ki main apni 4 betiyoun ko duniya ke 4 kaune main bhejna chaata hu.

Ek cheez main aapko yaha bataana chaata hu jab in 4 behno ka janam ho chuka tha tab inke father ne kaha tha ki main apni sabhi betiyoun ko kaafi padhana chaata hu lekin conservative society ne in per attack kiya naa sirf society ne balki inki khud ki family ne bhi attack kiya Kirand Bedi ke Grandfather Muni Lal unhone kaha ki kya zaroorat hai itna padhaane ki, lekin Kiran Bedi ke father ne ek pakka decision le liya tha ki meri betiya padhegi bhi aur bhadegi bhi. Aur aaj inki 4 betiyaa well settled hai aur ek toh America main settled hai.

Kiran Bedi ki baat ki jaaye toh aisa bola jaata tha ki woh obsessed thi, jaise koi bhi kaam ho woh jald se jald hona chiayeh, time pe hona chaiyeh aur law ke according ho, lekin Kiran Bedi ne kaha ki main obsessed bilkul nahi hu main sirf law ke according chalne main maanti hu.

Toh Jab Kiran Bedi police officer bani toh uss waqt inke aaju baaju sirf aadmi hi aadmi they toh itna aasan nahi tha Kiran Bedi ke liye, bahut saare politician, advocates, seniors sabhi ne Kiran Bedi per attack kiya tha.

Dekhiyeh Kiran Bedi bahut loyal thi aur bahut honest thi, kabhi bhi rishwat mat lo, law ke hisaab se chalo aur apni duty ke prati loyal raho inn sab cheezo ki wajah se na jo dusre sarkaari log they yeh inko pasand nahi kartey they.

Ek incident main aapko batata hu Kiran Bedi ka transfer hua tha Tihar Jail main, dekhiyeh inka transfer kaafi hua hai kyoun ki honest bahut hai iss liye toh inka Tihar Jail main transfer hua tha waha per yeh jailor thi, aur India ka koi bhi police officer Tihar Jail nahi jaana chaata tha kyoun ki woh jeeta jaata nark tha lekin aapko jaan ke taajub hoga ki Kiran Bedi ne Tihar Jail ko swarg main badal diya tha.

Kiran Bedi Education

Kiran Bedi padhne main kaafi hosiyaar thi, 1954 main inhone Sacred Heart Convent School in Amritsar yaha se inhone apni schooling start ki, iss school main science nahi tha iss liye Kiran Bedi phir dusri school main chali gayi.

Kiran Bedi ne graduation complete kiya tha 1968 main BA (Honours) in English kiya tha inhone, Government College for Women, Amritsar main. Iske baad inko award mila NCC Officer Award 1970 main.

1970 main inhone Master's degree in political science Punjab University, Chandigarh se kiya. Aur finally inhone Ph.D ki IIT Delhi Department 1993 main.

Kiran Bedi (IPS) Indian Police Service


Ab IPS, yaha per most of the log male they, male dominate society thi yeh, aur jab Kiran Bedi police officer ban ker aayi toh sab hakke bakke ho gaye ki yeh kaise IPS ban sakti hai.

Lekin yeh IPS bani yeh first women IPS office thi, inhone training li thi Mussoorie main aur iske baad inko Delhi main Chanakyapuri yaha per posting di gayi thi yeh pehli posting thi inki. Aur 1975 main yahi per inki beti ka janam hua tha jiska naam hai Saina.

Ab kya hai ki Chanakyapuri ek aisa area tha jaha per bade bade politician rehtey they, yaha per foreign embassy thi, parliament tha toh sab yaha tha aur yaha per Kiran Bedi ko apne aapk ko prove karna tha.

Ab pehla mauka aaya 15th November 1978 main darasal hua yeh tha iss din ke Nirankari aur Akali Sikhs main bahut zyaada clashes rehtey they. 700-800 sikhs aaye India Gate per aur waha per protest shuru kar diya, uss waqt DCP thi Kiran Bedi aur Kiran Bedi ko yeh charge diya gaya ki aapko yeh situation control karni hai.

Ab Kiran Bedi ne kiya yeh ki woh poori police force le kar gayi aur danda le kar jo sab ki pitaai ki hai ki sab hakke bakke reh gaye aur jo protesters they unki akal thikane aa gayi aur yeh poori ki poori situation Kiran Bedi ne control kar li aur yehi se inka golden career start hona shruru ho gaya.

Kiran Bedi In Delhi

Indira Gandhi ne Kiran Bedi ko lunch per invite kiya tha kyoun ki yeh pehli women IPS officer thi aur Indira Gandhi pehli women Prime Minister thi, lekin ek din Kiran Bedi ne Indira Gandhi ki gaadi ko towed karwaa diya tha kyoun ki Indira Gandhi ki gaadi galat jagha per park thi aur iss wajah se ghusse main aa kar Indira Gandhi ne Kiran Bedi ka transfer karwaa diya tha aisa bola jaata hai.

1979 aur 1980 main Kiran Bedi ko President's Police Medal mila tha. Ab jo unhone posting li hoti hai uss main 3 mahino ke ander hi crime rate main drop aa jaata hai kyoun ki bahut hi sakht officer thi honest thi inse panga koi nahi le sakta tha iss wajah se crime rate main drop aa gaya. eve teasing, sexual harassment iss main bhi kaafi drop aa jaata hai.

1982 main jo Asian Games huey they isko bhi kaafi aache se organize kiya tha Kiran Bedi ne koi kahi bhi gaadi park ker ke chala jaata tha toh woh Asian Games main nahi hua aur iske liye inko award bhi mila.

Inke Crane Bedi bhi bola jaata tha jaise Asian Games main humne dekha ki parking ki kaafi problems hoti thi uss wajah se koi kahi bhi gaadi park kar deta tha toh Kiran Bedi crane le kar aati thi aur saari gaadiya uthwaa leti thi.

Ab itna saara inhone kaam kiya itna accha kaam kiya jiske wajah se inke seniors ko yeh khatkne laga.

Kiran Bedi Campaign Against Drugs

Seniors ki nazar main aa gayi thi Kiran Bedi toh inka transfer toh ab hona hi tha toh Kiran Bedi ka transfer ho jaata hai Goa main 3 saal ke liye. Aur Goa main bhi inhone kaafi kaam kiya waha per bhi crime rate drop hua.

3 Saal baad yeh waapas aayi Delhi aur North District ki inko DCP banaaya gaya, ab jab inko DCP banaaya gaya tha tab Drug Abuse ka maamla bahut bada tha, drugs ki smuggling ki jaati thi Afghanistan se lekar isko India main laaya jaata tha aur yeh Delhi ka jo North District tha na center ban gaya tha drug ka.

Heroine jo hai woh bade hi aasani se bikta tha aur log nashe ke aadi ho gaye they bade aasani yaha drug mil raha tha aur yeh bahut hi zyaada khatarnaak problem thi uss waqt. Kiran Bedi ne kaha ki isko khatam karna hoga.

Ab uss waqt bahut saare cases aatey they drug abuse ke lekin koi treatment nahi tha ek hi center tha Ashiana Kiran Bedi ne kaha ki hum aur bhi centers kholengey taaki yeh drug abuse ko aur yeh jo drug ka business ho raha hai isko khatam kiya jaa sake.

Ab yaha per Kiran Bedi ne jo centers banaya tha yeh poora ka poora donate community karti thi center isko donate nahi karti thi matlab sarkar ki taraf se support nahi tha.

Kiran Bedi ne kaafi social works kiye hai kaafi NGO khole hai inhone aur Drugs abuse jo hai unki kaafi madad ki hai, chotey chotey bacche jo padh nahi rahey kaam kar rahe hai unko padhaaya.

Drug campaign chalaane ki wajah se yaha se Kiran Bedi famous hone lagi aur logo ko pata chalne laga ki haa ek aise lady hai jo inn sab cheezo per kaam kar rahi hai.

Lawyer Strike

Lawyer strike ki baat karey toh 1988 ka yeh event hai, 1988 January ka yeh event hai jab ek insaan tha woh bahut zyaada eve teasing karta tha usko pakad ke handcuffed ker ker lockup main daal diya tha uske baad pata chala ki jisko jail main daala gaya woh lawyer hai toh saare lawyers aa gaye usko bachaane ke liye aur bola ki jo ilzaam lagaaye gaye hai woh galat hai.

Protest shuru ho gaya strike kar di saare lawyers ne. Kiran Bedi aayi aur bola ki sab per lathi charged kar do lathi charged kar di isi bich waha ke jo DCP they Sandhu inki haathapaai bhi hui thi lawyers ke saath.

Ab iss wajah se bahut zyaada protest hua aur situation aur zyaada bigad gayi Kiran Bedi per commission bithaaya gaya dusre police waalo per bhi commission bithaaya gaya lawyers ne maang ki ke Kiran Bedi ko hataaya jaaye yeh hum per hamlaa kar rahi hai aur sab ke sab lawyers ne strike kar di.

Saare ke saare case hold per aa gaye iss wajah se Kiran Bedi per commission bithaaya gaya do judges ki committee bithaai gayi iss commission ko Wadhwa Commission bola gaya aur unhone bola ki iss main Kiran Bedi toh sahi hai lekin handcuffed nahi karna chaaiyeh tha yeh galat tha poori report aayi thi iss per aur iske baad inka phir se transfer kar diya gaya ab yeh yaha se north east jaaygi.

Kiran Bedi In Mizoram

Toh ab Kiran Bedi ka transfer hota hai Mizoram main, yaha per inki beti ki tabiyat kharaab rehti thi aur inki family Delhi main thi toh Kiran Bedi chaati thi ki mera transfer jo hai Delhi waapas ho jaaye aur kaafi request bhi ki thi inhone lekin inke seniors aur jo politician jo they inko nahi aane diya Delhi main.

Kiran Bedi ko challenges bahut pasand they isi liye inhone saamne se kaha tha ki mujhe Mizoram bhejo kyoun ki north east per koi dhyaan nahi deta toh inka transfer jo hai Mizoram kar diya jaata hai ab yaha per bhi inhone situations ko bahut acche se handle kiya.

Alcohol jo bikta tha uske khilaaf campaign chaalye, prayers unhone daily basis per karwaana shuru kar diya tha waha ke jail main, dekhiyeh Kiran Bedi pray kaafi karti hai Kiran Bedi ka maana hai ki pray karne se aapki suddhi hoti hai aur aisa hi kuch hua jaise maine aapko pehley kaha ki Tihar Jail ke most of kedi ka transform ho gaye they, woh Tihar Jail nahi Tihar Ashram ban gaya tha.

Tihar Jail or Ashram

Tihar Jail ki baat karey toh 1950 main isko banaaya gaya tha yeh Asia ki sab se khatarnaak jail maani jaati hai, poorey India ki jitne bhi officer they woh koi bhi Tihar Jail nahi jaana chaata tha yeh jeeta jaata nark tha.

Kiran Bedi ka maana tah ki Tihar Jail main ke jo kedi woh inhuman hai lekin bahut saare log bekasur bhi hai jo under-trial process main hai iss jail ko gangster chala rahe they ek tahra se gangster ka adda tha yeh jail.

Kiran Bedi ne jab Tihar Jail ko dekha woh break down ho gayi Kiran Bedi ghabraa gayi ki yeh sab kya hai, waha per ek cell tha ab waha per ek darwaaza hai jo bandh hai aur kedi jo hai chilla rahe hai paagalo ki tahara aur woh nazara bada hi bhayanak tha.

Kiran Bedi ne poocha ki yeh log kyoun chilla rahe hai toh waha ke ek officer ne kaha ki yeh woh cell hai jaha per kedi humaari baat nahi maantey isi liyeh unko iss cell main rakkha jaata hai.

Tihar Jail main 2500 kediyoun ki capacity thi aur kedi they 8000 - 9500 aur inn kediyoun main 90% log under-trials they. Kiran Bedi ne bida utha liya tha ki isko toh hum theek kar ke rahengey poori tahara se iss jail ko Ashram main badal diya aur yeh raato raat badlaav aaya tha.

Kiran Bedi ne sab se pehley safaai karwaai, waha ke kediyoun ko bolne ki aazadi nahi thi unhone kaha ki boliye aur unhone jail main complain box lagaaye, phir vocational training chalaai, IGNOU aur National Open School ke course jail main chalaaye pehli baar Tihar Jail bahaar ke media ke liye open tha.

Volunteers aane lag gaye, social workers aane lag gaye waha pe saare Prisoners ko educate kiya jaata tha, smoking banned kar di thi, meditation classes yoga classes yeh sab Tihar Jail main shuru ho gaya tha. Aur yeh sab waha ke jo gangster they unko pasand nahi aa raha tha.

Kediyoun ko Tihar Jail main job milne laga aur Tihar Jail dekhtey hi dekhtey Tihar Ashram ban gaya poori duniya main inke charche hone lag gaye Bill Clinton ne inko invite bhi kiya.

Problems

Ab inko world wide acclaim milne lag gaya tha aur Ramon Magsaysay Award inko mila, Dalai Lama se bhi yeh mili, Bill Clinton ne inko invite kiya lekin acclaim ke saath saath inko bahut controversies bhi jhelni padi thi.

Jaise kuch logo ko uss waqt kehna tha ki iss tahra se criminals ko support nahi karna chaiyeh in per yeh ilzaam bhi lage they ki Charles Shobraj jaise criminal ko bhi inhone support kiya tha lekin aisa kuch nahi tha sacchai toh yehi thi ki inhone wahi kiya jo unhe karna chaiyeh tha.

Logo ko problem iss wajah se hui specially inke seniors ko ki inki itni jaldi tarraki dekh nahi paaye.

Police Training Academy

Tihar Jail se Kiran bedi ka transfer ho jata hai aur Police Training Academy main yaha per inko head bana diya jaata hai jab yeh Tihar Jail chor ker gayi saare kedi upset they.

Police Training Academy ke head banne ke baad inhone iss Academy ko bhi badal diya different different reforms le kar aayi. Aur issi bich inki mother ki tabiyat kaafi kharaab ho gayi thi aur kuch hi din baad inki mother ki death ho jaati hai.

United Nations

Ab United Nations se inko offer aa jaata hai ki inko offer kiya jaata hai Peacekeeping Operations ki adviser banne ka, Kiran bedi ne yeh offer accept kiya interview bhi diya aur Kiran bedi ko pata tha ki agar main United Nations main select nahi hui toh saare ke saare seniors mujhe khatam kar dengey.

90 din tak koi reply nahi aaya UN ki taraf se phir finally inko pata chala ki UN main inka selection ho gaya hai. Kiran bedi khush ho gayi thi unki aankho main aansu aa gaye. UN main bhi jhande gaad ke aayi.

November 2007 ko inhone police service se resign kar diya.

Kiran Bedi Social Works

The Navjyoti Delhi Police Foundation yeh Kiran bedi ne hi found kiya hai different volunteer ko yeh appoint karti hai aur jagha jagha yeh bhejti hai taaki jo condition hai woh sudhre.

Kaafi crime prevention programmes inhone chalaaye hai aur jo slums main jo baache rehtey hai jo kaam kartey hai unko education de rahi hai padha rahi hai inki NGO.

Politics

2015 ke Delhi election main Kiran Bedi BJP ke aur se election ladti hai Arvind Kejriwal AAP se jeet jaate hai aur Kiran bedi haar jaati hai. Yehi BJP ne Kiran bedi ko pehley bahut oppose kiya tha.

22th May ko Kiran bedi ko Puducherry ka Lieutenant Governor banaaya gaya aur waha per bhi inke reforms chaalu hai aur waha per bhi sab kuch accha chal raha hai.

Toh yeh thi Biography of Kiran Bedi in Hindi. I hope aapko pasand aayi hogi yeh biography.

Thank You.