Hello Dosto aaj main ek book ki summary laya hu jiska naam hai The 5 AM Club: Own Your Morning. Elevate Your Life. Subha uthna alarm ko snooze karna yeh ek tahra se humaara roz ka daily routine hai, subha jaldi uthna hum sab ke liye bahut muskil ho jaata hai lekin Robin Sharma hume The 5 AM Club book ke zariye bataate hai ki agar subha jaldi utha jaaye aur phir isko apni aadat bana le toh hum humaari life main aise sudhaar laa saktey hai jisse hum greatness ko haasil kar saktey hai.

Aaj hum Robin Sharma ne jo book likhi hai The 5 AM Club usse discuss karengey, iss book ka main aim aur poora focus yahi hai ki agar subha jaldi uthte hai toh aap apne goals ko badi aasani se achieve kar saktey hai. Jaanegey samjhengey ki kya hai yeh The 5 AM Club.



What is This Book All About?


Dosto Robin Sharma ek leadership guru hai jo logo ko productive banaane ke liye mentor kartey hai, aur yeh jo book inhone likhi hai The 5 AM Club iss book main inhone ek fictitious story likhi hai billionaire mentor ki aur yeh woh story bataate hai ek struggling artist aur entrepreneur ko ki kaise aap subha jaldi uth ker success ko haasil kar saktey hai.

Robin Sharma ek iss tahra ka case banaate hai ki agar aapko sone main bahut zyaada interest hai aur aap subha jaldi nahi uth paate hai toh phir bhi aap jo hai The 5 AM Club ka hissa ban saktey hai.

Robin Sharma ka ek bahut hi famous quote hai "A Bad Day For The Ego Is A Good Day For The Soul" aap apne soul ko tab feel kartey hai jab aap apne ego ko piche rakhtey hai.

The 5 AM Club is a very important club because jab aap subha jaldi uth te ho toh yeh time hota hai least distraction ka aur highest human glory hoti hai aur sab se zyaada peace aapko milta hai toh yeh subha jaldi uthne ka ek faayda hai kyoun ki kya hai ki agar subha jladi uth rahe ho aur phir kaam kar rahe ho toh aapko koi distract nahi kar paayga aur aap shaanti se kaam kar paaogey.

"If you can consistently build better morning, you're going to have consistently beter days, weeks, months, quarters and years."

The 5 AM Club


The 5 AM Club aapko roz subha jaldi uthne main kaafi help karega, taaki aap ek morning routine bana sake ek daily routine bana sake. Aur iss daily routine main aap self improvement ko time de taaki aap successful ban sake.

Ek average person jo hota hai woh baar baar apne alarm ko snooze kar deta hai, aur bahut baar alarm ko snooze karne ke baad woh finally uthta hai aur ready ho ke apne kaam ke liye ghar se nikalta hai.

Lekin hume yaha yaad rakhna hai ki yeh ek average person ki routine hai, lekin agar aap average nahi bane rehna chaatey aur aap great banna chaatey hai toh aapko aapke din ko take over karna hoga.

"Take excellent care of the front of your day, and the rest of your day will pretty much take care of itself. Own your morning. Elevate your life." Toh agar aap apni poori life ka front end subhe ka time jo hota hai us per agar aapne control kar liye toh aapki poori life successful ho jaaygi. Aur 5 AM club main enter hone ke baad aap dekhengey ki aap ek discipline life guzaar rahe hai.

Agar aapko 5% jaisa banna hai toh aapko stop karna hoga 95% ki tahra act karna, matlab 95% waale log woh hotey hai jo alarm ko baar baar snooze kartey rehtey hai aur bahut muskil se uthte hai.

Aapko yaad rakhna hai ki har ek professional jo hai woh kabhi na kabhi beginner tha, aur ordinary log hi extra ordinary cheezo ko achieve kar saktey hai agar woh ek proper discipline routine life ko follow karengey aur sahi habits ko apnaayengey.

Agar aapko lagta hai ki aapki life mess hai toh aapko ensure karna hai ki aapko aapke fear se zyaada faith ko nourish karna hai aur faith tabhi nourish hoga jab aap discipline daily routine main hongey.

It All Starts with Waking Up at 5 AM

Aapko har ek subha ek purpose aur energy se uthna hai, isse hoga yeh ki aap isse zyaada accomplish kar paayengey aur aapki mental aur physical health aur zyaada improve hoti jaaygi.

Toh agar aap aapki life ko elevate karna chaatey hai toh aapko subha 5 AM ko uthna hoga.

Subha 5 baje uthna itna aasan nahi hota lekin agar aapko greatness chaiyeh toh aapko subha 5 AM ko uthna hoga aisa Robin Sharma kehtey hai.

Robin Sharma ka kehna hai ki agar koi insaan subha 5 AM ko uth jaata hai toh toh woh ek discipline life ki taraf aage bhad raha hai aur isse usse kaafi faayda hoga.

"Living the same week a few thousand times and calling it a life. I need to tell you that too many among us die at thirty and are buried at eighty." Hum log ek victim ban jaatey hai ek average insaan jaise ho jaate hai hum robots ki tahar apni life ko guzaarte hai, lekin agar aap subha subha kuch time apne aap ko detey hai improvement ke liye toh yeh bahut important ho jaayga humaari life ki success ke liye.

3 Great Lessons From This Book


1 - Waking up at 5 AM

Toh sab se pehla lesson yeh hai ki aap subha subha 5 AM ko uth rahe hai aur apne khud ke liye time nikal rahe hai, ekaant main time spend kar rahe hai taaki aapka brain ek pro ki tahra kaam kar sake.

Agar aap succesful banna chaatey hai toh aapko aapke brain ko woh advantage dena hoga subha 5 AM uth ker.

Get That Advantage by Waking Early

Yaha per Robin Sharma hume ek fictitious story bata rahe hai, ki ek billionaire ek artist aur ek entrepreneur ko bataata hai ki agar aapko jaana hai ki success ki key kya hai, toh aapko ensure karna hoga ki aapko subha 5 AM ko uthna hoga taaki aap apne dimag ko uss poorey din ka advantage de paaye.

"Vincent van Gogh Said: 'For my part i know nothing with any certainty, but the sight of the stars makes me dream." toh yaha per Robin Sharma Vincent Gogh ka quote karte huey kaha hai ki sight of stars aapko dream karne main is liye help karta hai kyoun ki aap apne aap se baat kar rahe hai and aap bade sapne dekhne ki koshish kar rahe hai.

Aapko yaad rakhna hai ki aapke mind ka limited bandwidth hota hai ek limited strength hoti hai aur agar hum humaara din social media, television, interaction with people inn sab main apna time spend kartey hai toh hum humaare mind ko feed kar rahe hai inn hi saari cheezo se.

Lekin agar aap 5 AM ko uth rahe hai toh aap focus better kar paa rahe hai without kisi distraction ke. Kyoun ki kya hota hai ki subha jaldi uthne se aapke dimag main worry aur dusre saare distraction aapke dimag main nahi aate.

Robin Sharma kehtey hai ki Ideas kuch bhi nahi hai agar aap usko implement hi nahi kar rahe hai, toh agar aap subha ekaant main beth ke koi idea ya apni life ko lekar koi plan bana rahe hai toh usse implement karna bahut zaroori ho jaata hai.

Our Brain Chemistry is Different Early in The Morning

Dekheyeh yeh scientifically bhi proven hai ki agar hum subha subha jaldi uth te hai toh humaara brain kaafi zyaada active ho jaata hai, humaara brain ka jo prefrontal cortex hai ya phir woh part jo hume worry karwaata hai baar baar kyoun ki hum cheezo ko sochtey rehtey hai, lekin subha subha woh part na temporarily bandh rehta hai aur isi liye subha ko jo early hours hotey hai woh bahut hi peaceful hotey hai.

Jaldi subha hume shaanti milti hai aur humaara dopamine aur serotonin increase hota hai jo hume help karta hau energize feel karne main.

2 - Find Balance in All 4 Interior Empires fo Self Mastery

Robin Sharma kehtey hai ki hume sirf mindset per hi focus nahi karna hai, iske alaava bhi humaare paas aur 3 sets hai.

1 - Healthsets
2 - Heartsets
3 - Soulsets

Healthsets - Helps us to live longer

Heathset hume ek lambi zindagi de sakta hai aur jitna hum lamba jeetey hai utna hi aapke paas opportunity rehti hai life main kuch na kuch achieve karne ki toh bahut zyaada important ho jaata hai ki aap apni healthsets per focus karey.

Agar aap in-charge banna chaatey hai apne empire ka toh yeh bahut zyaada zaroori ho jaata hai ki aap lamba jeevan jiye, aur agar aap health per focus kar rahe hai roz exercise kar rahe hai toh aap dekhengey ki aap ek healthy life jee rahe hai..

Heartsets

Hearset per bhi focus karna bahut zyaada zaroori hai aur yeh aapka emotional well being hai, ab emotional well being hone ke liye aapke paas emotional attachment honi chaiyeh, aur yeh bahut hi vital hai agar aap greatness ko achieve karna chaatey hai.

Soulsets

Soulset ke matlaab yaha per hai spirituality se, aap jiss bhi dharam main maantey ho jiss bhi god ko maantey ho subha subha unse connect karne ki koshish kijyeh apne aap ko ek spiritual sustain dijey, spiritual nourishment dijyeh.

Humaari life jo hai bahut hi hyper busy hai aur issi busy life ke chaltey hum apne aap se hi baat karne bhool jaatey hai. Iss liye bahut zaroori hai ki hum spirituality se connect kare.

Toh agar aap roz uthe ker Healthsets, Heartsets, Soulsets, Mindsets inn sab per focus karengey toh aap khud ki acchai ko dekh paayengey.

Aur yeh sab aapko subha 5 AM ko apply karna hai aur jaise hi aap apni life main yeh apply karengey aap dekhegey ki aap ek balanced life jee rahe hai.

3 - Use the 20/20/20 Formula

Toh hum kab se baat kar rahe ki hume subha jaldi uthna hai aur hum uth bhi gaye lekin actual main hume subha uth ker karna kya hai yeh bhi hume Robin Sharma bata rahe hai.

Robin Sharma hume bataate hai ki hume 20/20/20 formula apnaana hai.

The 1st 20 Minutes

Subha ke first 20 minutes main aapko karna hai exercise kyoun ki aap jab exercise kartey hai toh aap ka cortisol level decrease hota hai aur cortisol woh hormone hai jo dar aur stress ko paida karta hai.

Sweat jo hai woh release karta hai BDNF yah aapke brain cells ko repair kartta hai, agar aapko jaldi sochna hai aur jaldi se koi decision lena hai toh aapka sweaty hona zaroori ho jaata hai. Toh subha ke first 20 minutes main aapko Healthsets per focus karna hai.

The Next 20 Minutes

Ab exercise karne ke baad aapko thoda time meditation aur reflection main time spend karna hai, aapko ensure karna hai ki morning main jab bahut hi peaceful environment hota hai aap usko ek inspiration ki tahra use kar rahe hai.

Aur meditation ke alaava aap kuch time likhne main bhi focus kijyeh ki aaj aap poorey din main kin kin cheezo per focus karengey taaki aap distract na ho sake.

Aur meditation bhi aapka cortisol level jo hai decrease karta hai toh meditation karna bahut zaroori hai.

Final 20 Minutes

Ab jo yeh aakhir ke 20 minutes hai woh aapko aapke liye nikaalne hai jiss main aap kuch naya sikh sake, aisa nahi hona chaiyeh ki aap apna time waste kar rahe hai useless entertainment main aapko aapka time spend karna hai learning aur reading main.

Jo bhi duniya main successful log hai unke baare main padhyeh unse aapko bahut zyaada inspiration milegi, aur unki life se aap kuch sikhyeh aur apni life main unko implement kijyeh jo aapne sikha hai.

Toh humne dekha ki uthte hai subha ke pehely 20 minutes Exercise, phir uske baad ke 20 minutes main Meditation, aur uske 20 minutes ke baad Learning.

Robin Sharma kehtey hai ki aap ek tahara se limitation ko mentally bana lete hai, aapko excuses, fears aur doubt ko apni life se hataana hai jab yeh life main se hat jaayengey toh aap greatness ko achieve kar paayengey.

Aur jitna ho sake aap un logo ke saath rahyeh jo aapke Mindsets, Heartsets, Healthsets aur Soulsets ko nourish kar sake, unke saath time spend mat kijye jo aapko aage bhadne nahi de rahe.

Zyaadatar log aise hotey hai jo logo ke saath rehna chaatey hai woh log saanth main ekaant main time spend karna nahi chaatey kyoun ki woh apni feeling aur self-hatred se door bhaagtey hai, lekin agar aap ekaant main kuch time spend kartey hai aur aagr aap apne aap se interact karne ki koshish kartey hai toh aap dekhngey ki aap ko life main acche results mil rahe hai aur woh results mil rahe hai jo aap chaatey they.

Always Remember

1 - Subha jaldi uthna hai 5 AM ko aur isse routine banana hai.
2 - Apna Mindests, Healthsets, Soulsets, Heartsets in per mastery achieve karni hai.
3 - 20/20/20 formula ko apnaana hai.

Toh i hope aapko The 5 AM Club: Own Your Morning. Elevate Your Life ki summary acchi lagi hogi. Thank You.