Hello Dosto, Aaj main baat karunga founder of Flipkart Sachin Bansal aur Binny Bansal ke baare main, yeh dono bhai nahi hai sirf dost hai kuch logo ko galatfehmi ho sakti hai kyoun ki surame same hai is liye, yeh zaroor logo ko motivate kar sakte hai inspire kar saktey hai lekin baad main inn dono ne jo raasta chunna woh shaayad kisi ko bhi nahi chunna chaiyeh, jiss company ko inhone khada kiya tha ussi company ne inko bahaar ka raasta dikha diya.



Flipkart India ki sab se badi E-commerce company thi, thi kyoun, hai kyoun nahi ab yeh sab jaanegey hum aaj toh article aapko poora padhna hoga.

Toh pehley hum Binny Bansal ke baare main padhengey uske baad Sachin Bansal ke baare main padhengey.

About Binny Bansal

Toh Binny Bansal ka janam Chandigarh main hua tha aur inke business partner Sachin Bansal unka janam bhi Chandigarh main hua tha, Binny Bansal ne IIT Delhi se padhai ki Sachin Bansal ne bhi IIT Delhi se padhai ki aur dono hi software engineer they aur ek dusre ko jaantey nahi they, toh kaafi similarity hai dono main surname bhi same hai aur bhi bahut kuch same hai dono main.

Binny Bansal ke parents Bank main kartey they, Binny Bansal kehtey hai ki woh padhaai main kaafi acche they aur unko 4th standard main pehla pyaar ho gaya tha computer se, aage woh bataate hai ki poorey school main sirf mujhko hi programming aati thi aur finally maine software engineering ki.

Binny Bansal kehtey hai ki school main jab main tha toh computer ke saath saath mujhe sports kaafi pasand tha, mujhe football khelna, basketball khelna bahut zyaada pasand tha. Yaha per kamaal ki baat yeh hai ki Sachin Bansal bhi same baat hi kartey hai ki mujhe sports kaafi pasand tha apne school ke dino main.

Padhai ke baad Binny Bansal ne Amazon join kar liya aur Amazon main inhone 6-7 months kaam bhi kiya uske baad Amazon ko chor diya iske baad inki mulaaqat hoti hai Sachin Bansal se aur dono milker ek chotey se kamre main khud ki company start kartey hai Flipkart. 2016 main Binny Bansal ko CEO banaya gaya aur 2018 main inko nikal diya gaya, kyoun nikal diya gaya yeh hum aage jaangey.

About Sachin Bansal

Toh Sachin Bansal ka janam 1981 main Chandigarh main hua tha, Sachin Bansal bhi IIT Delhi se graduate huey aur Sachin Bansal bhi 2005 main software engineering ki aur Sachin Bansal ne bhi Amazon join ki thi waha per yeh Software Engineer they aur Sachin Bansal ne bhi Amazon chor diya aur Binny Bansal se inki mulaaqat hui aur Flipkart inn dono ne milker found kiya.

Sachin Bansal aur Binny Bansal dono ke bich kaafi gehri dosti thi kyoun ki dono ka vision same tha dono ek hi cheez karna chaatey they, Sachin and Binny Bansal dono ek cheez bataate hai ki ek successful entrepreneur banne ke liye kya chaiyeh? Definitely hard work chaiyeh, vision chaiyeh, implementation chaiyeh, lekin inn sab se zyaada luck aur timing bhi sahi chaiyeh.

Jab inn dono ne Flipkart ko found kiya tha tab uss wqt competition nahi tha aur yeh 2007 ki baat hai toh ek golden opportunity thi inn dono ke pass aur in dono ne Flipkart ko launch kar diya aur company chali bhi sahi, kyoun ki service acchi thi delivery bhi time per aati thi toh Flipkart ko successful hona hi tha aur koi competition bhi nahi tha.

Rise of Flipkart

Inn dono ke pass around rs400,000 they yeh saare paise lekar inhone ek apartment liya rent per Koramangala, Bangalore main aur waha per 4 logo ne milker October 2007 main Flipkart ki shuruaat ki.

Starting main toh sab kuch yeh dono hi kartey they yaha tak ki delivery bhi khud hi kartey they agar aapne meri Jeff Bezos ki biography padhi hogi toh aapko pata chalega ki Jeff Bezos ki bhi same yahi story thi yeh bhi saara kaam khud hi kartey they starting main kyoun ki koi staff nahi tha inke paas bhi.

Sachin and Binny Bansal ne jab Flipkart shuru ki toh yeh sirf books bechtey they aur yeh books kaafi biki bhi lekin jaise humne bahut si biographies main padha hai aur bahut se bade businesses main dekha hai ki problem sab ko aati hai inhe bhi kaafi saari problem aayi starting main toh inke pass distributor nahi they aur iske alaava bhi kaafi problem inhe aayi.

Agar aapne mere entrepreneur biographies ki series padhi hogi toh maine number 1 companies aur number 1 entrepreneur ki biography ko cover kiya hai aur sab main ek hi cheez common thi ki sab ne apni company choti jagha se hi start kiya hai Apple ek garage se start hua tha Amazon ek chotey se room main start hua tha aur Flipkart bhi ek chotey se room se hi start hua.

Toh jaise humne dekha ki Sachin and Binny Bansal starting main books behtey they aur delivery bhi khud hi kartey they aur poora din inka aise hi jaata tha.

Ab inn sab main Sachin aur Binny Bansal kya kaam kartey they ab aksar dekha gaya hai ki business agar accha chal raha hai toh conflicts of ideas ho jaatey hai lekin agar 2 dost ya 3 dost mikar company chala rahe hai toh woh company doobti nahi hai.

Kisi ko kuch karna hai kisi ko kuch karna hai aur iss main ego bhi saamne aa jaata hai, lekin aapko ek accha business empire khada karna hai toh aapko professional rehna hoga aur apne ego ko side main karna hoga aur exactly Sachin aur Binny Bansal ne kiya.

Aapko saamne waale ke decision ya baato ki repect karni hogi uski baat shaanti se sunni hogi kyoun ki aap ek business chala rahe hai aur business main yeh saari cheeze bilkul allow nahi hoti.

Sachin aur Binny Bansal ne ek accha kaam yeh kar diya tha ki inhone kaam divide kar diya tha, Sachin Bansal ek visionary they yeh ideas ko implement kartey they, planning kartey they, marketing kartey they, aur yeh bhi ensure kartey they ki kis tahra se website ko design karna hai, aur humari strategy kaise honi chaiyeh.

Binny Bansal in saari cheezo ko execute kartey they, woh website ki programming kartey they kyoun ki programming inki bahut acchi thi.

Toh Binny Bansal execute kartey they aur Sachin Bansal plan kartey they toh ek tahar se balance tha dono ke bich main mutual understanding thi isi liye Flipkart successful hua.

2004 main sirf 4 log kaam kar rahe they, 2008 main 100 log aur 2010 aatey aatey toh bahut bada staff inka ho gaya aur India ki different different cities main flipkart jo hai kaam kar raha tha.

Toh starting main books kaafi biki Flipkart per aur inse inhe kaafi profit bhi hua, iske baad dono ne socha ki kyoun na hum electronics ki cheezo ko becha jaaye, inhe yeh laga ki mobile phones jo hai aasani se bik jaayengey.

2008 main inhone electronics ki cheeze bechne ke liye Flipkart per rakkhi lekin 6 months tak electronics ki sale 0 rahi ek bhi product nahi bika. Ab yeh jaanna inke liye bahut zaroori tha ki kyoun koi electronics ki cheeze nahi kharid raha, books toh kaafi easily biki rahi hai.

Lekin yaha per Books aur Electronics main kaafi difference hai aur uss waqt Cash On Delivery bhi nahi tha, toh inhone electronics per COD shuru kar diya. Aur yeh sab se bada game changer hua jaise hi COD aaya.

3 Rules of Flipkart


  • 1 - Employees ko khush rakhna aur yeh sab se important part hota hai kisi bhi business ka agar aapko aapke business ko successful karna hai toh aapko aapke employees ko khush rakhna hoga.



  • 2 - Customer first, sab se pehley aapka customer, customer kya chaata hai aapko ek customer ke hisaab se sochna hoga ki customer kya chaata hai.



  • 3 - Technology per focus karo, yaha per inki e logistic team hai e kart



  • 4 - Services improve karo, agar aapne koi cheez Flipkart se mangwaai hogi toh aapne dekha hoga ki Flipkart bahut jaldi delivery kar deta hai itni jladi toh Amazon bhi nahi kar paata.


Toh 2007 se lekar 2014 tak badi mehnat ki $7 billion inka valuation chala gaya tha aur Flipkart public ho gayi. Aur jaise hi yeh company public hui stock exchange main submit hui logo ne fauran Flipkart ke shares kharidna shuru kar diye.

Iske baad Flipkart ne bahut saari companies ko khaird liya, Myntra ko kharida, Phonepe kharida toh bahut saari companies kharidi aur inka business aur chala.

Lekin 2015 se Flipkart ke liye problems hona shuru ho gayi.

Fall of Flipkart

Fall of Sachin Bansal

Sachin Bansal yaha se over ambitious ho gaye aur yehi se problems hona shuru ho gayi, ab hua yeh ki 2014-15 ke aas paas Amazon India main aa gaya tha ab Flipkart ne bahut muskil se apna market India main jamaaya tha.

Isse pehley matlab ke 2013 ke aas paas Sachin Bansal ne kuch decision liye they jisne kahi na kahi aur zyaada problems create ki.


  • 1 - Sachin Bansal ne kaha ki hum website band kar dengey aur sirf Application per hi dhyaan dengey, lekin yeh jo plan tha yeh bahut hi buri tarike se fail hua. Jaise hi inhone website bandh ki business down ho gaya, waapas website ko shuru kiya gaya.



  • 2 - Ads aur promotion bandh kar do, kyoun ki ab humaare customers ban gaye hai logo ko bharosa hum per ho gaya hai toh yeh ads bandh kar do, yeh bhi buri tahra se fail hua.


Aapko main ek baat bata du Binny Bansal inn saari cheezo se khush nahi they, Sachin Bansal ko bhi jab apni galati ka ehsaas hua toh unhone ne bhi inn galtiyoun ko theek kiya.

Lekin yeh jo faisla tha ki Ads aur promotion karna hum bandh kar dengey toh phir is main board ko bich main aana pada, Sachin aur Binny Bansal dono founder hai Flipkart ke lekin Flipkart ke bahut saare investor bhi hai toh kuch percentage ownership unke pass hoti hai aur Flipkart toh public ho gayi thi toh ab yeh company sirf Sachin and Binny Bansal ki nahi rahi yeh company ab share holders ki bhi ho gayi thi.

Board ka yaha kehna yeh tha ki Amazon india main aa gaya hai, USA main already woh successful ho gaya hai aur India main bhi woh successful ho jaayga, board ne sidha bol diya ki Ads bandh karengey toh bahut zyaada problems ho jaaygi aur yehi se Sachin aur Binny Bansal ke rishto main duriya aani lagi.

Board ki jab bhi meeting hoti thi Sachin Bansal kuch kehtey aur board unki baato se agree nahi karta tha wahi dusri aur Binny Bansal board ki meeting main hotey toh they lekin chup chaap bethe rehtey they. Sachin Bansal ki Binny Bansal se ek hi shikaayat thi ki woh unhe support kyoun nahi kartey jab woh kuch meeting main boltey hai.

Sachin Bansal ne yaha tak keh diya tha ki "mujhe koi chaata hi nahi hai koi meri baat sunta hi nahi hai har koi chaata hai ki main iss company se nikal jaau."

Aur Sachin Bansal Flipkart se resign kar detey hai 2016 main jab inhone inhone apne 5% stack Walmart ko bech diye jisse inhe 6600 crore rupiye miley they aur ek clause bhi inse sign karwaaya gaya tha ki 18 months tak aap koi bhi nayi company shuru nahi karengey.

Fall of Binny Bansal

Ab baari thi Binny Bansal ki jo Sachin Bansal ke saath hua woh toh kuch bhi nahi tha ab jo Binny Bansal ke saath hone waala tha woh Sachin Bansal se 10 gunna zyaada kharaab tha.

2018 main Walmart ka poora control Flipkart per aa raha tha 77% stacks kharidna ka soch rahi thi Walmart, 2010 main ek employee Flipkart main kaam karti thi voice precess main aur Binny Bansal ko unse pyaar ho gaya aur dono ek relationship main aa gaya lekin yeh relation chala nahi.

Ab hua kya ki uss ladki ne blackmail karna shuru kar diya Binny Bansal ko aur complaint kar di Walmart ko ab jab Walmart se complaint ki gayi toh Walmart ne apni legal firm se kaha ki iski jaanch karo.

Ab kyoun ki Walmart full control chaati thi Flipkart per aur jab Walmart ne unki legal firm se kaha ki jaanch karo toh jaanch jab ho gayi toh unki legal firm ne yeh kaha ki hume Binny Bansal ke khilaaf koi saboot nahi miley hai lekin Walmart ne phir bhi personal misconduct ka allegation lagaya aur Binny Bansal se forced resign karwaya.

77% stacks Walmart ke paas aa gaye aur Flipkart ko ab America control kar rahi hai, ab ho kya raha hai na dosto America aur China yeh do country Indian companies ko take over karti jaa rahi hai Paytm ho gaya, Flipkart ho gaya, Makemytrip ho gaya, Zomato ki bhi baat chal rahi hai toh india ki badi badi companies America aur China take over kar rahe hai.

Toh founder of Flipkart Sachin and Binny Bansal dono ko hi bahaar ka raast dikha diya gaya aur Kalyan Krishnamurthy yeh chairman hai Flipkart ke lekin control Walmart ke pass hai.

Toh yeh thi Biography of Sachin and Binny Bansal aur sath hi sath Rise and Fall of Flipkart, i hope aapko yeh article accha laga hoga.

Thank You for reading.