Hello Dosto, Aaj main ek aur book ki summary le kar aaya hu yeh Dale Carnegie ki bahut hi popular book hai How to win friends and influence people yeh bahut hi khatarnaak book hai khatarnaak in the sense aap apna mannchaaha kaam apne dosto se karwaa saktey hai aur aap aur naye friends bana saktey hai.

Dale Carnegie How to Win friends and influence people book summary in hindi Hinglish Posts


Dale Carnegie How to Stop Worrying and Start Living iss book ki bhi summary padh saktey hai.

Main Aim of This Books


Dale Carnegie pehley hi iss book main bata dete hai ki iss book ka aim kya hai aur iss book se aapko kya faayda ho sakta hai.

  1. Toh iss book se aap acche se aur jaldi se friend bana saktey hai.
  2. Aap apni popularity increase kar saktey hai.
  3. Aap apne kaam dusro se karwaane main successful ho paayengey.
  4. Aap naye client aur customer ko attract kar paayengey.
  5. Aap ek better salesman ya executive ban paayengey.
  6. Aap aur zyaada entertaining ho jaayengey.
  7. Aur jaha bhi aap jaayengey log aapko hi notice karengey.

Toh iss book ko padhne ke baad aapko yeh benefits ho saktey hai aisa Dale Carnegie ka kehna hai.

How To Deal with People 

Dale Carnegie humne 3 cheeze yaha bataate hai jo logo ke saath deal karne main kaafi important hai, ab jab bhi hum kabhi logo ke saath deal kare toh hume yeh 3 cheezo ka khaas khyaal rakhna hai.

  • Never Criticize - Kabhi bhi aap kisi ko criticize mat kijyeh 
  • Condemn - Condemn mat kijyeh
  • Complain - Complain mat kijyeh

Dekhiyeh kya hota hai ki agar aap kisi ko criticize karogey toh log defensive hone lagengey aap khud ke baare main hi sochiyeh agar koi aapko criticize karega toh obviously aap defensive ho jaaogey aapko jo insaan criticize kar raha hai aap usko kya kahogey aap yehi kahogey ki "nahi yaar aisa nahi hai tum yaha galat ho"

Toh hota yahi hai jab bhi aap kisi ko criticize karogey kisi ki complain karogey condemn karogey toh log defensive ho jaayengey aur koi bhi critic ko pasand nahi karta yeh humesha yaad rakhna.

More Book Summary in Hindi

Dale Carnegie ne iss book main ek quote kartey huey kaha hai ki "Any fool can criticize, complain and condemn and most fools do. But it takes character and self-control to be understanding and forgiving." Toh jo fools hai woh toh criticize aur condemn kartey hi rehtey hai lekin ek samjdaar insaan logo ke saath deal karne ke liye complain nahi karta criticize nahi karta aur naahi condemn karta hai.

Give Honest and Sincere Appreciation

Dusri cheez yaha per Dale Carnegie bataate hai ki logo ko appreciate kijyeh kyoun ki logo ko appreciation ki zaroorat hoti hai jo bhi kaam unhone kiya hai uske liye unko appreciate karna chaiyeh. Aur appreciation bahut hi powerful tool hai toh make sure aap unhe woh de rahe hai jinko unki zaroorat hai.

Arouse in The Other Person an Eager Want

Yeh bahut hi zaroori hai log wohi kaam karnegey jis main woh genuinely interested hai, agar aap dusro se kaam karwaana chaatey hai toh dusro ke nazariyeh se dekhiyeh humesha yeh dekhiyeh ki unka interest kis main hai unka focus kis cheez main hai.

Toh humesha dusra kya chaata hai aur dusre ka kya nazariya hai woh dekhiyeh jab aap aisa karne lagengey dusre log aap ke saath eagerly kaam karengey aur aapko acche se accha kaam kar ke dengey bhi.

Lekin yaha per ek question aata hai ki aap toh dusro ka nazariya dekhngey dusra kya chaata hai woh bhi dekhengey lekin dusra aap main interest kaise jagaayga aur kyoun jagaayga?

Toh yaha Dale Carnegie hume batate hai ki aap dusro se F.O.R.D ke baare main baat karey F.O.R.D matlab?

  • F - Unki Family ke baare main baat karey.
  • O - Unki Organisation ke baare main baar karey.
  • R - Unke Recreation ke baare main.
  • D - Unek Dreams ke baare main.

Toh aapko F.O.R.D per focus karna hai jab aapko kisi main apne liye interest jagaana ho aur phir apne aap sab kaam hone lagega aisa Dale Carnegie How to win friends and influence people book ke zariyeh bataate hai.

6 Important Ways to Make Others Like You

Dale Carnegie How to win friends and influence people book main ek bahut hi important quote kiya hai "Talk to someone about themselves and they'll listen for hours" Aap saamne waale ko unke baare main baat karne ke liye kahiyeh woh aapko ghanto tak sunte rahengey.

Dale Carnegie 6 aise tarike bataate jisse log aapko pyaar karne lagengey like karne lagengey.

1 - Become genuinely interested in other people

Ek genuine sincere desire hona chaiyeh aap main dusre insaan ko sunne ka Dale Carnegie ne isse samjhaate hue ek line likhi hai "You can make more friends in 2 months by being interested in them, than in 2 years by making them interested in you"

Dusro main jab aap ek genuine interest letey hai aap dekhengey ki automatically woh aapki taraf ek chumbak ki tahra attract hoga.

2 - Smile

Smile jo hai ek bahut hi important feature hai jiske through aap kisi ko bhi apni taraf attract kar saktey hai smile ek free cheez hai aur isse saamne waale ko bhi accha feel hota hai.

3 - Remember Person's Name

Humesha dusro ke naam yaad rakhiyeh kyoun ki logo ke liye unka naam most sweetest sound hai unke hisaab se. Hume yaad rakhna chaiyeh ki log apne naam se itna pyaar kartey hai ki woh sirf apne naam ko uncha karne ke liye laakho rupye donate kar dete hai.

Toh agar aap chaatey hai ki log aapko pasand karey toh aapko unke naam yaad rakhna hoga. Isi liye jab bhi aap kisi bhi insaan se conversation start kare toh unke naam se karey.

4 - Remember to be a Good Listener

Humesha logo ki baat sune aur unhe encourage kijyeh unke baare main baat karne ke liye Dale Carnegie hume bataate hai ki humaare aaspaas baat karne ke liye kaafi log hai lekin sunne ke liye koi nahi hai toh kaafi important hai ki aap logo ki baat sune.

5 - Talk in Terms of the Other Person's Interest

Dusro se wahi baat karwaaye jis main unka interest ho, Dale Carnegie batate hai ki agar hum dusro se wahi baat karnegey jis main humaara interest hai toh hum saamne waale main apna interest nahi jaga paayengey, lekin agar aap unhe valuable feel karwaana chaatey hai toh unka interest kis main hai woh baat karey.

Dale Carnegie bataate hai ki jab main fishing ke liye jaata hu toh main strawberries aur cream le kar nahi jaata main lekar jaata hu worms kyoun ki yeh fish ko pasand hai. Aur yehi common sense aapko apply karna hai toh humesha yaad rakhna ki saamne waale ka interest kya hai.

6 - Make the other Person Feel Important

Bahut hi zaroori hai ki aap dusre insaan ko bahut hi accha aur important feel karwaa rahe hai aur genuinely accha feel karwaa rahe hai aisa nahi hona chaiyeh ki aap saamne waale ko maska laga rahe hai.

Also remember these 10 things to win people to your way of thinking

  • Kabhi bhi saamne waale se argument mat kijyeh.

  • Humesha saamne waale insaan ke liye respect dikhaayeh. Aur unhe kabhi bhi mat kahiyeh ke woh galat hai kyoun ki yeh baat koi sunna nahi chaata.

  • Aur agar aap galat hai toh usse accept kijyeh ki aap galat hai.

  • Humesha ek friendly note se start kijyeh aap meetha ban ker bahut saare logo ko attract kar saktey hai agar aap dusre insaan se saath defensive ho jaayengey argument karne lagegey toh aap kabhi bhi unhe attract nahi kar paayengey.

  • "Once I did bad and that I heard ever. Twice I did good, but that I head never" iss quote ke zariyeh Dale Carnegie bataana chaatey hai ki jab bhi koi galat kaam karta hai usse poori zindagi bhar sunna padta hai, lekin jab koi accha kaam karta hai usse uske liye kabhi appreciation nahi milta. Toh logo ko appreciate karo unke kaam ke liye.

  • Humesha start kijyeh question se jaha per dusra insaan Yes hi kehna chaiyeh, for example aap ek party main hai jaha per aap dusre insaan ko kahengey ki bhook lag rahi hai ab khaana khaane chale toh obviously woh insaan yes hi kahega toh aisa question kare jaha per aapko pata ho jiska jawaab yes hi aayga.

  • Humesha saamne waale ko baatchit karne ka mauka dijyeh yeh bahut hi zaroori hai.

  • Dusro ke nazariyeh se cheezo ko dekhna shuru kijyeh aur yeh karna bahut zaroori hai aur tabhi aap unhe win kar paayengey.

  • Humesha honest appreciation dijyeh.

  • Dale Carnegie quote ke zariyeh ek salah detey hai "Don't be afraid of enemies who attack you. Be afraid of the friends who flatter you." Aapko aapke dushman ke attack se darne ki koi zaroorat nahi aapko unn friends se darne ki zaroorat hai jo aapko maska lagaate rehtey hai."


Toh yahi per iss booka ki summary ka The end hota hai, i hope iss book ki summary padhne ke baad aap logo influence kar paaye.

I hope aapko yeh summary pasand aayi hogi, aur agar aapko summary pasand aayi hogi toh aap book kharidna bhi pasand karogey niche diye gaye Amazon ke Ad se aap iss book ko hindi main kharid saktey hai

Thank You.