Hello Dosto, Aaj main lekar aaya hu Biography of Yogi Adityanath, yeh Uttar Pradesh ke 21 ve Chief Minister hai, bahut hi zabardast aur interesting story hai inki aur news aur controversies main kaafi rehtey hai. Yogi Adityanath ke kareebi log kehtey hai ki Yogi Adityanath ko ghussa aata hi nahi hai kyoun ki yogi jo hai dosto yogi means sanyasi aur jo sanyasi hotey hai woh poori tahra apne aap ko control main rakhtey hai. Toh aaj hum baat karengey Ajay Singh Bisht ki matlab Yogi Adityanath ki.

Yogi Adityanath ke baare main jaane se pehley hum Uttar Pradesh ke baare main thora bahut jaan lete hai.

Biography of Yogi Adityanath in Hindi - Hinglish Posts


About Uttar Pradesh


Dekhiyeh Uttar Pradesh India ka ek aisa state hai jo humesha news main rehta hai aur Uttar Pradesh bahut bada state hai, population yaha per bahut hai lekin inn sab ke baawajud Uttar Pradesh pichda hai yeh hum sab jaantey hai because of crime.

Lekin Uttar Pradesh main itni zyaada capabilities hai ki woh California ban sakta hai iske do reason hai sab se pehla toh Uttar Pradesh main Ganga behti hai dosto jaha per bhi nadi behti hogi woh region ultimately tarakki karega hi kyoun ki aapke paas scope aa jaata hai, Uttar Pradesh ke paas kaafi land hai industries banaane ke liye aur sab se badi Ganga ke jo length hai woh Uttar Pradesh main hi toh hai.

Toh Uttar Pradesh poora fertile land hai, upjaav hai Uttar Pradesh toh iss hisaab se Uttar Pradesh kaafi develop ho sakta hai aur Uttar Pradesh main bahut badi badi universities hai yaha per Allahabad University hai, IIT hai aur Prime Minister Uttar Pradesh ke kitne aaye hai toh hum Uttar Pradesh ko develop kar saktey hai.

Ab itna sab kuch hone ke baawajud bhi Uttar Pradesh India ka pichda hua desh hai aur iska reason aapko pata hai kya hai woh hai Political Instability. Uttar Pradesh ki politics itni bekaar hai ki aap poochiyeh hi mat. Aur yeh iss liye hai ki 1990 se 2003 tak yaha per kisi bhi sarkar ne apni term complete nahi ki, kisi ki 1 saal sarkar chali, kisi ki do saal toh kabhi president rule lag gaya ab itni political instability main kya koi state develop ho sakta hai? Nahi ho sakta.

2003 se Uttar Pradesh main Political Stability aayi hai aur abhi tak UP main Political Stability hai yeh acchi baat hai UP aur UP ke logo ke liye.

Yogi Adityanath Early Life


Yogi Adiyantah ka janam 5th June 1972 main Uttar Pradesh ke ek gaanv Panchur main hua tha, inka real name hai Ajay Mohan Bisht hai, inke father ka naam hai Aanad Singh Bisht aur inki mother ka naam hai Savitri Devi.

Aapko ek baat bataana chaata hu ki bachpan main bahut hi ziddi nature ke they Yogi Adityanath aur inke 4 bhai aur 3 behne bhi hai aur padhne main kaafi acche they Yogi Adityanath.

Yogi Adityanath is the 21st Chief Minister of Uttar Pradesh. BJP party se inhone election lada tha aur jeet gaye they 2017 main jo state assembly election huey they uss main inko jeet haasil hui thi.

Yogi Adityanath 1998 se lagaatar Gorakhpur constituency se 5 baar lagaatar yeh Goraphpur se chun ker aaye hai aur yeh bahut badi baat hai. Ab yaha per do cheeze saamne aati hai ki yeh muslim virodhi baatein bahut karety hai aapko yeh jaan ker shock lagega ki inke paas faryadi bahut aate hai aur jo insaan lagaatar 5 baar Gorakhpur se jeet ker aa raha ho usse khaali Hindu ke vote toh milengey nahi usko saare samudaayo ka vote milengey, inhone mandir main hi apni adalat bana rakkhi hai jaha faryaadi apni faryaad sunaate hai.

Aur kaha jaata hai ki jab Yogi Adityanath CM nahi they tab bahut saadai se rehtey they koi security nahi thi inke paas jo chaae inke pairo ko chu sakta tha inse baatein kar sakta tha lekin in sab ke baawajud yeh jo statements detey hai usse hum justify nahi kar saktey aur ek CM ko aise statements nahi dene chaiyeh.

2008 main Yogi Adityanath ko jaan se maarne ki koshish ki gayi thi, gundo ne in per hamlaa kiya tha aur laghbhag laghbhag inko maar hi diya tha.

Yogi Adityanath Education


Yogi Adityanath ko padhne ka kaafi shauk hai aur jo bhi books inhone padhi hai usko saza ker rakkha hai unhone matlab apne ghar main library bana ker rakkhi hai.

Yogi Adityanath ne Bechelor Degree li hai Mathematics main Hemwati Nandan Bahuguna Garhwal University, Uttarakhand se. Toh mathematics inka favorite subject hai toh aap soch saktey hai ki inka dimga kitna sharp hoga.

Uttarakhand apne nature ke liye jaana jaata hai ped paudhe, pakshi, tahra tahra ki vanaspati toh aise maahol main Yogi Adityanath ne padhaai ki hai aur isi liye Yogi Adityanath nature lover hai inko nature main apna time spend karna bada pasand hai.

Yogi Adityanath Young Political Career


Yogi Adityanath ko shuru se hi politics main jaana tha aur politics main aap kaise aa saktey hai, iske liye aapko college politics main active hona padega, aur abhi haal ke scenario ko dekhey toh aap jitna ho sake utna knowledge lijye aur apna status banaaye status agar aapka accha hoga toh koi bhi political party aapko le legi.

Lekin uss waqt aisa nahi tha uss waqt politics main enter hone ke liye aapke paas paisa hona chaiyeh ya phir aapka caliber zyaada hona chaiyeh, toh yaha per Yogi Adityanath ne socha ki main Chatra Sankalp chunaav ladunga, ABVP ke saath gaye lekin ABVP ne Yogi Adityanath ko ticket nahi diya iss wajah se Yogi Adityanath ko ghussa aaya aur yeh sab 1992 ki baat hai hai aur tab Yogi Adityanath ne faisla kiya ki main nirdali chunaav ladunga chunaav lada aur haar gaye.

Ajay Mohan Bisht Become a Yogi Adityanath

1993 main ek aisa incident hua ki uss incident ne Yogi Adityanath ki life change kar di. Incident yeh tha ki Yogi Adityanath Mahant Avaidyanath se miley yeh Yogi Adityanath ke guru they aur jab Yogi Adityanath Mahant Avaidyanath se miley tab Yogi Adityanath ki umar sirf 20 saal thi Mahant Avaidyanath se milne ke baad Yogi Adityanath ki life poori tahra se change ho gayi.

Mahant Avaidyanath se yeh itne impress huey ki Yogi Adityanath ne faisla kar liye ki main sanyaasi ban jaaunga, ab yeh sanyaasi un logo ke liye theek hai jo akele hai jinki family nahi hai lekin Yogi Adityanath ki toh familiy thi toh jab Yogi Adityanath ne faisla kiya ki main Yogi banaunga toh family waale heraan paresaan ho gaye.

Yogi Adiyanath ne poori tahra Mahant Avaidyanath ko surrender kar diya tha, aur inki religious padhai 1993 se lekar 1998 tak chali aur jab inki religious padhai complete ho gayi tab inhone apni family ko chiti likhi ki aaj se Ajay Singh Bisht mar gaya aur aaj se main Yogi Adiyanath hu aur mera poora jivan logo ke liye samarpit hai.

Ab iske baad aisa nahi hai ki Yogi Adityanath ne apni family se rishta hi tod diya Yogi Adityanath abhi bhi apni family se miltey hai ghar jaatey hai maata pita se miltey hai aur apne bhaiyo ki shaadiyoun main bhi gaye they. Yogi Adityanath ke guru Mahant Avaidyanath ne Yogi Adityanath ke father se kaha tha ki tumhaare 4 bete hai ek mujhe de do aur inke father ne reply kiya ki yeh aapka hi ho chuka hai.

Ek baat main aapko yaha bataana chaaunga ki Mahant Avaidyanath bhi ek politician they inhone Hindu Mahasabh ke liye chunaav lade they aur baad main BJP ke active member ban gaye they. Aur Avaidyanath ke guru they Digvijaynath aur Yogi Adityanath ko kaha jaata hai ki inki image Digvijaynath se kaafi milti hai.

Digvijaynath ne poora ka poora Ayodhya movement inhone hi rakkha tha aur inhone hi Ram Janm Bhoomi ko lekar aandolan start kiya tha. Toh jab 1980 main Ayodhya Movement apne zoro main aa gaya toh Avaidyanath saamne aaaye aur Yogi Adityanath bhi saamne aaye haalaki Yogi Adityanath 90s ke waqt saamne aaye they.

Toh jaise maine kaha ki Mahant Avaidyanath bhi politician they aur woh Goarkhnath Constituency se chunaav ladtey they lekin umar ho jaane ki wajah se unhone kaha ki ab meri jagha per Yogi Adityanath chunaav ladega. Aur 1998 main Yogi Adityanath chunaav jeet jaate hai 1998 main sirf 7300 vote ka difference hota hai. Aur iske baad 1999, 2004, 2009 aur 2014 main bhi yeh jeet jaate hai.

Yogi Adityanath Join BJP


2002 main Yogi Adityanath ne Hindu Yuva Vahini group ki shuruaat ki, aur ek baat aapko yeh jaan ke heraani hogi ki inke rishtey BJP ke saath itne acche nahi rahe hai, bahut saare issues inke rahe hai BJP ke saath kai baar tickets ke distribution per inke issue rahe hai BJP ke saath aur phir Hindutva ideology ko lekar bhi, lekin Yogi Aditynath aur BJP dono ko hi pata hai ki Yogi Aditynath ko BJP ki zaroorat hai aur BJP ko Yogi Aditynath ki.

2017 main inhone zabardast campaigning ki aur yeh ban jaatey hai Chief Minister of Uttar Pradesh 2017 main. Aur jaise hi Chief Minister bane yeh inhone slaughter house ko band karwaaya aur anti-romeo squad chaalya aur kaafi saare karze maaf karwaaye toh Chief Minister banne ke baad kaafi kaam kiya hai Yogi Adityanath ne Uttar Pradesh main.

2010 main inhone ek speech di thi jab Women Reservation bill aaya tha aur woh bill Rajyasabha main paas ho gaya tha lekin Loksabha main paas nahi ho paaya tha iss bill main tha yeh ki 33% seats chaae woh upper house ki ho ya lower house ki woh aurto ke liye rahegi lekin aisa ho nahi paaya toh yaha per Yogi Adityanath ka statement aaya ki aadmiyoun main aurto ki characteristic hoti hai toh woh aadmi ek alag leval per chala jaata hai lekin aurto main aadmiyoun ki characteristic aa jaaye toh woh rakshas ban sakti hai.

Yogi Adityanath ne bahut hate speech bhi di hai aur kaafi aise statements diye jo logo bhadkaav lagtey hai. Toh abhi tak agar Uttar Pradesh main dekhe toh Yogi Adityanath ne kaam toh thora bahut kiya hai lekin yeh toh waqt bataayga ki Yogi Adityanath Uttar Pradesh ko kaha lekar jaatey hai.

Toh dosto yeh thi Biogrpahy of Yogi Aditynath i hope aapko pasand aayi hogi.

Thank You