Hello Dosto, Aaj main lekar aaya hu Biography of Subramanian Swamy yeh politician hai aur economic ke professor bhi reh chuke hai, yeh kaafi highly educated insaan hai aur kaafi controversies main bhi yeh ghire rehte hai, supreme court inka dusra ghar hai aur agar koi bhi political party theek se kaam nahi kar rahi toh unki aalochna karne se piche nahi rehtey.

Biography of Subramanian Swamy in Hindi - Hinglish Posts


Bade bade politician inse bahut zyaada darte hai aur yeh rightist hai Hinduvaadi hai, hindutva ki image ko kaafi zyaada promote kartey hai, aur congress party ke yeh dushman hai BJP ke saath bhi inki acchi banti nahi hai lekin inn sab ke baawajud aap inke intellect per question nahi kar saktey, kaafi intellectual insaan hai.

Aur ek baat main aapko bata du yeh abhi BJP party ke saath hai, jab 1998 main BJP ki 13 din ki government bani thi toh pata hai woh government kyoun giri thi? woh government Subramanian Swamy ke wajah se hi giri thi.

Jayalalithaa jab AIADMK party ko suppoer kar rahi thi tab Subramanian Swamy ne Tea Party ko invite kiya tha aur tab ek aisa jaal banaaya tha ki BJP ki government gir gayi thi. Aur coincidence dekhiyeh ki aaj Subramanian Swamy khud BJP main hai.

Subramanian Swamy


Subramanian Swamy ka janam 15th September 1939 Chennai mian hua tha yeh Indian Politician hai, Mathematician hai, Economist hai aur bahut badi badi post per rahe hai toh inke intellect per aap question nahi kar saktey Subramanian Swamy bahut zyaada outspoken hai.

1978 main  Subramanian Swamy group of eminent person bhi reh chuke hai aur President of Janta Party bhi rahe chuke hai.

Subramanian Swamy Early Life


Toh Subramanian Swamy ka janam 15th September 1939 main hua tha aur sirf 6 months ke they jab inke father inhe Delhi le kar aa gaye they kyoun ki inke father ek government officer they aur inki mother jo thi woh house wife thi. Inke father economist officer bhi reh chuke hai toh bade bade politicians ka aana jaana laga rehta tha inke ghar per.

Subramanian Swamy ki initial padhai Hindu College se hui yeh Delhi University ka bahut hi famous college hai aur bade bade politicians yaha se padh chuke hai aur yaha se Subramanian Swamy ne Bachelors Honours in Mathematics ki degree li.

Subramanian Swamy ne IIT Delhi main padha bhi chuke hai 1 saal inhone yaha padhyaa phir kuch vivado ke chaltey inko yaha se nikal diya gaya tha lekin 1990 main yeh waapas IIT main aaye aur logo ko phir se padhna shuru kiya lekin IIT main zyaada time padha nahi sake kyoun ki Indira Gandhi se inke relation acche nahi they.

Indian Statistical Institute, Kolkata se Statistics se Master Degree li aur phir yeh Harvard University chale gaye scholarship le kar waha se inhone PhD in Economics ki. Aur jinke under inhone apni PhD ki padhai complete ki woh they Nobel Laureate Simon Kuznets.

Aur iske baad yeh 1986 main World Bank ke consultant bhi rahe they toh acchi acchi post per yeh kaam kar chuke hai acchi acchi institute ke liye inhone kaam kiya hai.

Dosto Subramanian Swamy ki agar aap foreign policy dekhe toh kuch logo ne iske liye inko support bhi kiya hai toh kuch log iske against bhi rahe hai kyoun Subramanian Swamy ne Israel ko kaafi support kiya hai aur hum sab ko pata hai Israel aur Palestine ke bich ke relation, Israel dhire dhire Palestine ko aur Palestine ke logo ko khatam kar raha hai toh Subramanian Swamy yaha Israel ko support kar rahe hai.

Subramanian Swamy jab Harvard University main they tab inki mulaaqat Roxana se hui aur yeh ek Parsi hai aur inse Subramanian Swamy ki shaadi hui aur inse inke do betiya bhi hai.

Subramanian Swamy Political Career


Subramanian Swamy ka Political Career start hota hai 1970 main, Subramanian Swamy 1969-70 ke bich India aa gaye aur phir IIT Delhi main padhaane lage aur waha per inhone apni economic policy rakkhi aur Indira Gandhi se inka vivaad ho gaya jiske wajah se inko IIT main se hata diya gaya.

IIT se nikalne ke baad Subramanian Swamy ne politics join kar li ab iss dauran hua yeh ki emergency lag gayi thi emergency lagne ke baad Subramanian Swamy America chale gaye taaki bach sake.

1975-77 ke waqt yeh emergency shuru hui uss waqt Indira Gandhi ka rule tha aur Indira Gandhi ke piche they Sanjay Gandhi aur Sanjay Gandhi nahi chaatey they ki emergency khatam ho.

1974 se 1999 tak Subramanian Swamy 5 baar Member of Parliament bhi chun ker aaye hai

Subramanian Swamy BJP


1990 ka time aa jaata hai aur iss time main Subramanian Swamy ko badi post milne lagi sab se pehley toh inko Member of the Planing Commission of India aur Cabinet Minister of Commerce and Law ka post mila.

Narashima Rao Government ne Subramanian Swamy ko accha support kiya tha, Narshima Rao 1991 main LPG le kar aaye they Liberalization Privatization Globalization ab yaha per Subramanian Swamy kehtey hai ki iska Blue Print main ready kiya tha aisa claim Subramanian Swamy kartey hai aur kaha bhi hoga kyoun ki bahut bade economist hai Subramanian Swamy aur yeh baat yeh 1970 se keh rahe they ki economy ko khol do aur isi wajah se Indira Gandhi se inki banti nahi thi.

Dekho Subramanian Swamy ka kehna hai ki maine bahut kuch kiya hai lekin mujhe credit nahi milta matlab kaam Subramanian Swamy kartey they aur credit ruling government le jaati thi.

Yaha per main aapko thora BJO ke baare main bata du, BJP nikli hai Bhartiya Jan Sangh aur Bhartiya Jan Sangh ko found kiya tha Shyamaprasad Mukherjee ne toh jab Bhartiya Jan Sangh ne election lada tha 1952 main toh khaali 2 seat mili Bhartiya Jan Sangh ko aur waha se agar hum dekhe toh aaj Bhartiya Jan Sangh ruling party ban gayi hai matlab BJP.

1984 ke jab election huey toh BJP ko sirf 2 seats mili aur 1989 main yeh aakda bahut bhad gaya tha aur 1996 aate aate yeh aakda 161 tak jaa pohcha

Ab 1984 main jab itni kam seats mili thi toh Atal Bihari Vajpayee ko kaafi criticize kiya gaya aur tabhi inko hatah ker Lal Krishna Advani ko le kar aaye.

Toh yaha per kya hua tha dosto ki jab 1996 main 13 din ki government bani woh chali nahi, phir 1996-98 ka daur jo bahut hi unstable raha tha 3 Prime Minister aaye aur teeno chale gaye.

Aur 1998 main jab BJP waapas aayi aur Jaylalitha ka AIADMK ko support tha toh yaha per Tea Party bula li thi Subramanian Swamy ne. Aur aisa jaal buna ki Jayalalithaa ne support waapas le liya aur uske baad yeh poori government gir gayi.

1999 main phir se BJP aayi aur phir kaafi acche se BJP ne government chalaai. Aur aaj Subramanian Swamy khud BJP ke member hai.

11 August 2013 main Subramanian Swamy ne BJP ko officially join kiya, 1999 se 2013 tak yeh Janta Party ke President rahe they.

Some Important Court Petitions


  • Toh sab se pehley toh inhone Jayalalithaa per case kiya inki property ko lekar.

  • Phir Phone Tapping Allegation yaha per Subramanian Swamy ne kaha ki jo Former Intelligence Agency jo hai unhone Department of Telecom se yeh bola hai ki politician ke phone tape karne shuru kar do is per Subramanian Swamy ne case kar diya tha Intelligence Agency per.

  • Phir 2G Spectrum case toh iska credit bhi Subramanian Swamy ko hi jaata hai

  • Phir National Herald Case jaise maine aapko pehley bataya ki yeh Gandhi family ke piche padh gaye hai National Herald Case ki baat kare toh Sonia Gandhi aur Rajiv Gandhi ne National Herald poori company ko take over kiya tha, yaha per Sonia Gandhi aur Rajiv Gandhi ne yeh kaha ki humne poori company is liye take over ki taaki yeh company charity ke liye kaam kar sake aur hum isko Non-profitable organisation bana sake. Lekin baad main jab investigation hui toh pata chala ki yeh toh Non-profitable organisation hai hi nahi yeh toh commercial organisation hai toh yaha per 2000 crore ke ghaple ki baat aayi hai.

  • Iske baad Ayodhya Temple Case 2016 main Subramanian Swamy ne petitions file ki yaha jald se jald construction shuru hona chaiyeh aur haal hi main humne dekha ki yeh case sort out ho gaya hai.

Subramanian Swamy Foreign Policy


Ab inke Foreign Policy ki baat kare toh yeh chaate hai ki India aur China ke bich ka relation normal ho jaaye agar hum diplomacy se kaam kare toh zyaada better rahega.

Aur Sri Lanka main jo LTTE military thi inko kaafi support kiya, phir Israel ko bhi kaafi support kartey hai aur Donald Trump ko bhi bahut zyaada support kartey hai.

Ab dosto inke personal view ki baat karey toh yeh Hindu Vaadi hai aur Hinduism ko kaafi zyaada yeh advocate kartey hai Veer Savarkar ko kaafi support karety hai

Aur kaafi outspoken hai yeh Gandhi family ke piche toh haath dho ker padh gaye hai aur kuch na kuch yeh allegation Gandhi family aur congress per lagaate rehtey hai aur aisa nahi hai ke sirf Congress hi BJP per bhi yeh allegation lagaate rehtey hai.

Lekin jab aap inko sunegey aur inke likhe huey article padhengey toh aapko maloom hoga ki kaafi acchi research ker ke kuch boltey hai aur likhtey hai.

Aur abhi bhi kaafi active hai politics main aur abhi bhi bahut saare bade politician inse dartey hai.

Toh I hope aapko yeh Biography of Subramanian Swamy pasand aayi hogi.

Thank You.