Hello Dosto, aaj baat karengey Dhirubhai Ambani ki jab bhi kabhi baat aati hai India ke sab se bade entrepreneur ki ya industrialist ki toh Dhirubhai Ambani ka naam zaroor aata hai aur yeh India ke sab se ameer insaan bhi reh chuke hai, inhone Reliance industry ko found kiya aur kaha se kaha pohcha diya, toh aaj inke baare main hum jaanegey.



Dhirubhai Ambani Early Life


Dhirubhai ka janam 28th December 1932 main Gujarat ke Chorwad, Junagadh district main hua tha inke father Hirachand Gordhanbhai Ambani ek school teacher they aur bahut paisa in logo ke pass nahi tha middle class family thi.

Dhirubhai Ambani ke father bahut hi strict they woh Dhirubhai Amabani ko khub padhaana chaatey they, Dhirubhai Ambani Bahadur Kanji High School main 10th tak padhe aur 10th ke baad unhone keh diya ki mujhe padhaai nahi karni hai mujhe toh paise kamaane hai.

Ab inke bade bhai Ramniklal Aden main kaam kar rahe they yeh Yemen ki capital hai Aden. Toh Dhirubhai Ambani ko bhi ab kaam karna tha paise kamaane they toh yeh bhi sirf 16 saal ki umar main Yamen chale gaye,  Yemen main woh as clerk kaam kartey they.

Ab Yemen main kaam karne ke liye aapko English aani chaiyeh toh Yemen main inhone English sikhna shuru kiya aur inhone iske liye koi special classes nahi li magazines aur newspaper se woh English sikhtey they.

Yemen main Dhirubhai Ambani accha kaam kar rahe they aur paise bhi bana rahe they lekin 1957 main woh waapas India aa gaye. 8 saal inhone Yemen main kaam kiya.

Actually hua yeh tha ki 1957 main Yemen aazad ho gaya tha, toh jo non-yemenis they unke liye problems create ho gayi thi aur jo bhi non-yemenis they unke liye waha khatra tha isi liye woh waapas India aa gaye.

The Rising of Dhirubhai Ambani


Aur India aa ker woh Mumbai gaye kaam ki talaash main unke zeb main sirf 500 rupye they, ab Mumbai main inka ek hi aim tha ki yaha per business karna hai.

Mumbai main yeh Jaihind Estate jo Bhuleshwar main hai waha per ek chotey se kamre main rehtey they aur yaha waha thodi bahut information ikkati kar ke masaalo ka business start kiya.

Masaalo ko yeh export aur import kartey they toh yeh ek trading company thi aur iss company ka naam inhone ne rakkha Relaince Commercial aur dhire dhire inhone expand kiya.

Maine abhi tak jo bhi entrepreneur ki biographies cover ki hai un sab main ek hi common baat thi aur woh thi ki sab ke sab opportunist they aur yehi ek successful businessman ki nishani hai aur Dhirubhai Ambani bhi ek acche opportunist they.

Dhirubhai Ambani ek risk taker they bahut risk letey they isi liye masaalo ke business ke baad unhone textile ka business kiya.

Iss textile ke business main inke partner they Champaklal Damani, Champaklal Damani ameer insaan they aur Dhirbhai Amabani ke saath inhone business main partnership ki, lekin yaha per in dono ke bich clash ho gaya kyoun ki Dhirubhai Ambani ka business karne ka style alag tha aur Champaklal Damani ke business karne ka style alag tha.

Shuru shuru main profit zaroor hua business main lekin Champaklal risk nahi letey they aur woh zyaada badlaav nahi chaatey they unka maana tha jaisa chal raha hai waise hi chalne do, wahi dusri aur Dhirubhai Amabani humesha risk letey rehtey they aur inko instant success chaiyeh thi.

Toh dono ki ideology main farak tha aur aaj Champaklal wahi ke wahi reh gaye aur Dhirubhai Ambani alag hoker India ke sab se ameer insaan ban gaye.

Reliance


Toh 1966 main inhone Champaklal se alag hoker textile ka business shuru kiya Naroda, Ahmedabad main Naroda mills ke naam se aur Reliance Commercial Corporation formed hui aur yeh ek turning point tha Dhirubhai Ambani ke liye.

Jab inhone kapde ka business start kiya toh shuru main kaafi dikkat rahi aur ek saal tak toh inke kapde bike hi nahi, lekin ek saal baad bahut saare kapde bike, iske piche Dhirubhai Ambani ne bahut hi kamaal ki strategy apnaai thi aur mere khyaal har businessman ko yeh strategy apnaani chaiyeh.

A True Businessman

Unki strategy rahi thi ki customer banaao bhale profit ho raha ho ya phir loss bhi kyoun na ho raha ho, matlab samaj lo aap businessman ho aapne 50rs main woh cheez kharidi ab most of businessman kya karengey ki usko 60 main bechngey taaki profit accha rahe lekin Dhhirubhai Ambani kya kartey they woh 51rs main usko market main bechtey they sirf 1rs ke profit per, Dhirubhai Ambani ka idea iske piche yeh tha ki isse ek toh customer banengey dusra agar aapke 1 lakh piece bik gaye toh faayda hi faayda.

Toh yeh strategy thi Dhirubhai Ambani ki toh starting main zaroor loss hua lekin dhire dhire inhone market per apna kabnzaa zamaana shuru kiya. Aur Dhirubhai Ambani ne mehnat bhi bahut ki din ke 12-13 hours woh kaam kartey they.

Ab mehnat bhi kar rahe they strategy bhi acchi thi toh dhire dhire Naroda Mills ne recrod sells ki around 90 lakh ki sell ki aur 13 lakh ka profit hua aur yeh uss waqt bahut zyaada aur bada amount tha.

Ab main aapko ek amazing baat batat hu Dhirubhai Ambani ko lekar inki bahut badi rivalry rahi hai uss waqt ke Bombay Dyeing ke maalik Nusli Wadia ke saath.

Dekhiyeh Bombay Dyeing bahut badi industry hai aur yeh bhi kapde banati hai aur bahut bada naam hai inka, toh uss waqt hua yeh tha ki Dhirubhai Ambani ne request ki thi Nusli Wadia ko ki aap kapda humaare pass se lijye lekin fauran Nusli Wadia ne mana kar diya.

Dhirubhai Ambani ne isko positive way main liya aur apne aap se Dhirubhai Ambani ne kaha ki itni mehnat karunga ki Bombay Dyeing ko piche chor dunga aur Bombay Dyeing mere paas aaygi business karne ke liye.

Aur exactly aisa hi hua jab Dhirubhai Ambani ka business chala toh Bombay Dyeing waale inke pass aate they kapda lene ke liye.

Aur dekhtey hi dekhtey Reliance ko croror rs ka turnover ho gaya 1977 main Reliance ka turnover ho gaya tha 70 crore aur isi dauran Reliance Industry public ho gayi matlab stock exchange main Reliance aa gayi aur apne shares ko bechna shuru kar diya.

Aur ek ke baad ek Reliance ke shares bikne lage 58,000 investor ne Reliance main invest kiya. Aur ab Reliance Industries ne expand karna shuru kar diya.

Dhirubhai Ambani ne apna Brand name Vimal nikala phir iske baad petrochemical, telly com sector in sab main invest karna shuru kar diye, aur hum sab ko maana hoga ki phone ke maamle main Reliance number 1 hai kyoun ki jab JIO aaya toh ek monopoly establish ho gayi market main.

Aur yaha per main aapko ek baat batana chaata hu ki Dhirubhai Ambani ka sapna tha ki woh gaanv gaanv main telephone pohchaaye, actually hua yeh tha ki woh ek gaanv main gaye they tab unhe ek urgent call karna tha lekin waha per toh phone lines hi nahi hai toh call kaha se hoga.

Toh yahi se Dhirubhai Ambani ko idea aaya ki hum telecom sector main expand karengey, jab Vodafone, Airtel towers laga rahe the bade bade, tab yeh log ne cables bichana shuru kar diye zameen ke niche jisse gaanv gaanv tak phone pohche.

Allegations on Dhirubhai Ambani


Ab yaha per Dhirubhai Ambani per kuch allegation bhi lagaaye gaye they hua yeh tha ki 1980 main jab Indira Gandhi power main aayi toh Dhirubhai Ambani ne Indira Gandhi ke saath stage share kiya tha, ab hota kya hai ki jab bhi election hotey hai toh jo bhi political party apna promotion karti hai rally nikalti hai toh uss main paiso ki zaroorat padhti hai kyoun ki sehar sehar gaanv gaanv main promotion aur rally hoti hai toh bahut zyaada paisa chaiyeh, political parties ke paas itna paisa nahi hota hai toh inko funding ki jaati hai aur inko funding kartey hai bade bade businessman aur yeh businessman inko funding iss liye kartey hai taaki agar woh political party election jeet jaati hai toh  yeh political party inko favor karey.

Toh Dhirubhai Ambani per yeh allegation lagtey they ki yeh politician ke saath mile huey hai aur yeh politician ko rishwat detey hai aur inhone kaafi tax ki chori bhi ki hai toh yeh saare ilzaam in per lagey hai lekin saabit kuch bhi nahi hua.

Dhirubhai Ambani Business Leader


Dhirubhai Ambani humesha ek baat kehtey they ki aapka business successful aapke employees ki wajah se hota hai, is liye aap apne employees ko khush rakkhe Dhirubhai Ambani ne apne employees ko acche khaase salary package diye aur bahut zyaada dhyaan rakha apne employees ka.

Dhirubhai Ambani ka maana tha ki aapka staff Efficient hona chaiyeh, efficient staff hoga tabhi toh aapki company aage bhadegi, Reliance Industries humesha ek cheez main maanti hai aur woh hai Trust and Relationship trust ko banaaye rakkho, employees ko confidence do unko pressurize mat karo aur Dhirubhai Ambani ka maana tha ki employee ko kabhi bhi control karna hi nahi chaiyeh.

Aur iska fal bhi Reliance ko mila dekhtey hi dekhtey Reliance bahut zyaada uper chali gayi.

Inn sab ke baad Dhirubhai Ambani duniya ke sab se ameer insaan ban gaye bahut jaghao per inhone invest kiya, petrochemicals and sectors, Telecommunications, Information Technology, Energy, Power, Retail, Textiles, Capital Markets and Logistics toh inn sab jaghao per invest kiya aur in sab jaghao per jam ke profit bhi hua.

1986 main Dhirubhai Ambani ko pehla strok aaya aur iske baad inhone company Mukesh aur Anil Ambani ke haath main de di. 1986 ke baad inhone retirement le li aur 2002 main Dhirubhai Ambani ne aakhri saans li.

Reliance ke revenue ki baat kare toh 2.8% India ki GDP ke equal hai, India ke total export main 8.2% contributes karta hai Reliance aur India ki government jo Indirect Tax collect karti hai us main 8% contributes karti hai Reliance, toh isse andaaza ho jaata hai ki kitni badi company hai Reliance.

Reliance ki humesha se ek hi strategy rahi hai business karne ki aur woh hai apne product ki price ko gira do jisse log aapke product kharidengey bhi aur monopoly bhi establish ho jaaygi aur Reliance humesha monopoly established karne main maahir hai.

Toh yaha per Article ka the end hota hai, i hope aapko yeh article pasand aaya hoga.

Thank You.