Hello Dosto, Aaj hum baat karengey ek aise insaan ki jo kaafi lambe samay tak duniya ka sab se ameer insaan reh chuke hai, ek aisa insaan jisne iss duniya main revolution laa diya, computers ko ghar ghar tak pohchaa diye aur iska credit zaroor Bill Gates ko hi jaana chaiyeh, Bill Gates ne yeh saabit kar dikhaya ki computer ko hum ek choti si jagha per compact kar sakte hai jisse hum PC kehtey hai.

Bill Gates Biography in Hindi - Founder of Microsoft


Toh aaj ka yeh post lamba hone waala hai kyoun ki Bill Gates ne kaam bhi itne kiye hai ki sab ko detail main bataana padega, toh poora post padhyega bahut zyaada inspire ho jaayengey aap. Aur haa maine ek aur mahaan entrepreneur Steve Jobs ki biography bhi cover ki hai woh bhi aap jaa ker padh saktey hai.

Bill Gate Early Life


Bill Gates ka janam October 28th 1955 main Seattle, Washington main hua tha inke father ka naam tha William H. Gates aur inki mother ka naam tha Mary Maxwell Gates.

Kaha jaata hai ki Bill Gates ki mother bahut genius thi, aur woh inspiration thi Bill Gates ke liye aur Bill Gates apni mother se kaafi close bhi they, aapko ek baat main yaha bataana chaaunga ki jab Bill Gates ko IBM ke saath contract karne ka mauka mila tha woh inki mother ki wajah se hi mila tha, kyoun ki inki mother kaafi bade bade position per kaam kar chuki thi.

Bill Gates ke father lawyer they aur Bill Gates apne father ke hi nakshe kadam per woh chal ke lawyer hi banna chaatey they. Bill Gates ke parents ki love marriage hui thi. Bill Gates ki badi behan bhi hai jiskna naam hai Kristi aur ek choti behan hai Libby.

Bill Gates Inspiring Mother


Toh jaise maine aapko pehley hi kaha ki Bill Gates ki mother kaafi intelligent thi, dynamic thi aur bade bade position per kaam kar chuki thi, thora detail main jaantey hai Bill Gates ki mother ke baare main.

Bill Gates apni mother se bahut zyaada pyaar kartey they, jab inki mother ki death hui thi tab woh saare businesses chor ke bhaage they, aur jab woh apni city pohche toh bahut tez gaadi chala rahe they iss wajah se police waalo ne unko roka aur kaha ki kyoun itni tez gaadi chala rahe ho? Bill Gates ne kaha ki meri mother ki death ho gayi hai.

Bill Gates starting se hi genius they isi liye woh top ki schools aur universities main padhe hai, yeh Harvard University main bhi padh chuke hai, Harvard University duniya ki top university hai aur yaha per itni aasani se aapko admission nahi mil paata.

Lekin Bill Gates ne Harvard University chor di kyoun ki unko unki company khadi karni thi business karna tha is liye, uss waqt kaafi saare logo ne Bill Gates ke iss faisle per aapatti jataai thi ki itni badi university ko chor rahe ho tum. Toh kisi ne unka saath nahi diya tha lekin inki mother ne inka saath diya aur Bill Gates ke faisle ki respect kari.

Bill Gates ki mother ne humessha Bill Gates ko kaafi motivate kiya hai aur woh humesha Bill Gates se kehti thi ki jeeto aur jeetne ke liye khelo, Bill Gates ek ameer family se aatey hai isi liye yeh apne hi ghar main summer Olympics karwaate they toh waha per bhi bahut zyaada competition rehta tha, toh aap dekh saktey hai ki Bill Gates ko bachpan se hi sirf jitne ki hi training di jaa rahi thi aur ek aise environment main woh rehtey they jaha per competition humesha rehta tha.

Isi liye kai log kehtey hai ki competition main rehna aur competition main hona bahut zaroori hai yeh aapko humesha ek kadam aage rakhta hai dusro se aur jo aapko life main aage bhadne ke liye kaafi motivate karta hai.

Dosto inki mother per main zyaada is liye baat kar raha hu kyoun ki Bill Gates ki Autobiography main Bill Gates ne bahut zyaada apni mother ke baare main baat kari hai, unka kehna hai ki aaj main jo bhi hu apni mother ki wajah se hi hu, unhone hi mujhe inspire kiya, motivate kiya hai.

Bill Gates ki mother ne kaafi universities main bade position per kaam kiya hai iss main se ek IBM bhi aata hai.

Toh Bill Gates ko IBM ka contract dilwaane main inki mother ka bahut bada haath tha, yeh Bill Gates ka pehla contract tha, Bill Gates ki mother IBM ke CEO ko jaanti thi toh unhone hi recommend kiya tha apne bete ko. Uss waqt sirf IBM hi computers banaati thi.

Bill Gates Childhood


Bill Gates shuru se hi kaafi genius they aur yeh inki family ko bhi pata chal gaya tha aur inke ghar main bhi humesha games hotey rehtey they aur sirf yaha yahi kaha jaata tha ki jeeto, aur Bill Gates ne humesha apni life ek competitiveness main hi jee hai. Bill Gates kehtey hai ki aap mujhe apna raaz kabhi mat baatana kyoun ki main ek entrepreneur hu.

Bill Gates per charges bhi kai baar lage hai, in per charges yeh lage hai ki kai baar inhone dusro ki cheezo ko use kiya hai, jab unhe pata chala ki Steve Jobs apple ka computer le kar aa rahe hai toh Bill Gates ne woh strategy chura li thi, haalaki baad main court ne inko culprit declare nahi kiya kyoun ki court ka kehna tha ki yeh jo software Bill Gates ne banaaya hai woh poori tahar se apple ki copy nahi hai, wahi dusri side Steve Jobs ka kehna tha ki Bill Gates ne poora software copy paste kiya hai.

13 saal ki umar main woh Lakeside School yeh sab se bada school hai Seattle ka aur yaha per sirf genius hi padhtey hai toh yaha per yeh enroll hotey hai, ab Bill Gates toh hai hi genius iss school main woh zabardast perform kartey hai, Bill Gates mathematician hai aur inko maths se bahut zyaada pyaar hai aur mathematics aur computer saath saath chaltey hai.

Ab iss school main ek zabardast cheez ho jaati hai Bill Gates ki mother iss school ko computer de deti hai, Bill Gates din raat isi computer main lage rehtey they Bill Gates ko kaafi interest jaag gaya hota hai iss computer main.

Bill Gates bachpan se hi ek gazab ke reader rahe hai woh bahut zyaada padhtey they kabhi bhi apne aap ko free nahi chodte they aur yahi toh ek genius ki nishaani hai, toh woh computer ke baare main padhtey they, woh mathematics ke baare main padhtey they, woh science ke baare main padhtey they aur aise hi padhtey padhtey unhone ne apna ek program likh daala. Inhone computer ke liye ek Basic program likha tha

Young Bill Gates


High School main Bill Gates kaafi acche grades se pass hotey hai aur inko Harvard College main admission milta hai. Jab woh Lakeside School se pass huey they tab inke grades itne they 1590 out of 1600, toh yahi se pata chal jaata hai ki Bill Gates kitne genius they.

Ek aisa school jaha sirf genius hi padhtey ho waha per itna score karna sach main bahut badi baat hai. Toh Harvard College main admission milne ke baad woh waha per study kartey they lekin unka koi plan nahi tha ki woh kaha tak padhengey waha per kyoun ki unka uss college main poora din sirf computer main hi guzarta tha.

Aur isi dauran Bill Gates ki mulaaqat phir se Paul Allen se hoti hai Paul Allen inke school ke friend hotey hai aur aage jaker Bill Gates ke pakke friend ban jaatey hai aur dono poora din sirf  computer main lage rehtey they.

Bill Gates and Paul Allen


Toh jaise maine aapko bataya ki Paul Allen school ke friend hotey hai phir Bill Gates Harvard chale jaatey hai aur Paul Allen phir high school pass kar ke Boston move ho jaate ha jis wajah se inke bich koi contact nahi rehta lekin yeh waapas miltey hai.

Ab hua yeh tha ki ek computer launch hua tha MITS Altair 8800 aur iss computer main Intel 8080 CPU ka processor hota hai, Paul Allen ne yeh computer jab dekha toh inko laga ki isse aur modify kiya jaa sakta hai lekin isko modify karne ke liye bhi paisa hona chaiyeh tha aur paisa toh inke pass tha nahi lekin Bill Gates ke pass paisa tha.

Bill Gates ko yeh idea bahut accha lagta hai ki apna software banna hai aur software bana ke dusri companies ko bechna hai lekin Bill Gates ko aisa bhi lagta hai ki isse toh meri study main problem hogi main study main dhyaan nahi de paaunga.

Bill Gates yeh idea apne parents ko batate hai aur kehtey hai ki is ke liye mujhe apni padhaai chodni hogi inke parents ko aur khaas ker ker inki mother ko Bill Gates per poora bharosa hota hai is liye woh bhi inko iski manzoori de detey hai.

Microsoft


Ab hota yeh hai ki Altair ek small company hoti hai Albuquerque, New Mexico main. Yeh company computers banaati hai ab iss company ke president hotey hai Ed Roberts, Bill Gates apne ideas aur plans Ed Roberts ko bataate hai toh yaha se Bill Gates Ed Roberts ke liye kaam karna shuru kar detey hai.

Lekin Ed Roberts ke saath kaam karna kaafi muskil ho gaya tha Bill Gates ke liye kyoun ki Ed Roberts Bill Gates se har ek cheez main disagree karne lage they aur iss wajah se kahi na kahi in dono ke bich ka relation accha nahi rehta tha, isi liye Bill Gates aur Paul Allen Altair ke saath kaam karna bandh kar detey hai, aur iske baad Ed Roberts bhi apni company Altair ko bech detey hai.

Aur Bill Gates aur Paul Allen milker apni khud ki company Microsoft ko banaatey hai, 26th November 1976 ko yeh Microsoft ko launch kartey hai.

Uss waqt computer ka era aaya nahi tha aur software fee main bikte they, lekin jaise hi Altair aaya tab Bill Gates ne Paul Allen se kaha tha ki Personal Computer ka waqt aa gaya hai.

Uss waqt piracy thi isi liye free fund ki cheeze bikti thi toh Bill Gates ne ek open latter likha ki yeh piracy nahi chalegi aapko pay karna hoga yeh baat woh companies ko boltey hai Bill Gates kehtey hai ki hum licence karengey apne software ko aur yeh koi hobby market nahi hai yeh ek serious market hai, hum business kar rahe hai aap hume pay karye tab hum aapko jaaker licence dengey.


Microsoft and IBM


Microsoft ka sab se pehla project tha IBM, International Business Machine, uss waqt computer ki jo bhi cheeze thi woh IBM hi supply karti thi aur IBM ek bahut hi badi company hai.

Uss waqt ke computer bahut bade bade they un per aap kuch zyaada nahi kar saktey they aur 2000 ke aas paas ke waqt toh ek laptop ki keemat 2 se 3 lakh rupiye hoti thi toh aam insaan ke bahaar ki baat thi yeh, lekin aaj ghar ghar main computer hai toh uska credit toh Bill Gates ko hi jaata hai.

Toh Bill Gates ki sab pehli deal IBM ke saath hui thi, IBM ki yeh deal Bil Gates ki mother ne karwaai thi kyoun ki woh IBM ke CEO ko jaanti thi.

Jab deal hone waali thi toh IBM ke CEO Bill Gates se miley, jab unhone Bill Gates ko dekha toh kaha ki yeh kya hai?, kyoun ki Bill Gates uss waqt bahut chotey they sirf 20 saal ke they aur unki height bhi us waqt bahut choti thi toh yeh sab dekh ke IBM ke CEO ko laga ki yeh ladka kya kar paayega.

Lekin jaise humne abhi tak dekha ki Bill Gates ko computer ka kaafi accha knowledge tha Bill Gates ne saara knowledge IBM ke CEO ke saamne rakh diya aur IBM ko ussi waqt andaaza ho gaya ki yeh ladka bahut kaam ka hai. Toh pehli baar Bill Gates ne software banaane ka contract IBM se kiya.

Har computer operating system per kaam karta hai, toh matlab har computer ko yeh operating system chaiye toh IBM ko bhi yeh operating system chaiyeh tha, toh IBM ne Bill Gates se kaha humaare liye banaao operating system toh pehla operating system inhone banaaya tha woh tha MS-DOS.

MS-Dos, Disc Operating System yeh operating system Bill Gates ne banaya aur inhone IBM ko yeh supply karna shuru kar diya, aur uske baad Microsoft ne Windows bana diya aur jab se Windows banaya hai Bill Gates ne tab se unhone piche mud ke nahi dekha aaj tak Windows ke naye updates aate rehtey hai. Toh sab se pehla collaboration Microsoft ne IBM ke saath kiya tha.

Ab Bill Gates ne operating system banaane shuru kar diye MS-Dos, Windows, ab inn sab operating system main na source code hota hai yeh bahut zyaada important hota hai IBM chaati thi ki yeh source code unhe pata chal jaaye lekin Bill Gates ne yeh saaf mana kar diya ki hum aapko bilkul nahi bataayengey iska source code.

IBM ko isse koi problem nahi tha kyoun ki IBM ko profit ho raha tha toh IBM, Microsoft se software khardi thi gayi aur Microsoft IBM ko supply karti rahi, aur dhire dhire Microsoft ka profit badhne laga.

1983 aatey aatey 30% tak poora ka poora global computer Microsoft own karne lagi aur 1990 tak 90% aur aaj toh keh saktey hai 100% hi Microsoft computer ko own karti hai.

Uss waqt Microsoft ka competition bahut hi zabardast mil raha tha kyoun ki Apple ke zabardast computer aa rahe they toh inn sab se bahut zyaada competition tha aur jab Apple ke computers ko Bill Gates ne dekha toh Bill Gates ko laga ki mujhe kuch na kuch karna hoga warna main toh gaya kyoun ki Apple ke computer toh mere computer se better hai kyoun ki Apple ka pass Graphic User Interface hai toh agar yeh cheez market main aa gayi toh Microsoft toh doob hi jaaygi.

Toh Bill Gates ne kya kiya ki Bill Gates ne Windows main Graphic User Interface daal diya, Graphic User Interface se kya hota ki icons aa jaatey hai aapke pass, arrows hai, folder bana saktey hai toh har cheez hum kar saktey hai aur iske baad Microsoft ne Internet Explorer launch kar diya toh inn sab wajah se Microsoft bahut kam samay main bahut hi jaldi profitable company ban gayi.

Bill Gates Vs Steve Jobs


Yeh sab se badi rivalry rahi hai corporate sector main abhi tak, Steve Jobs ne jab apni Apple company ko launch kiya tha uss waqt Bill Gates apni company Microsoft ko spread kar rahe they, toh Steve Jobs jo computer le kar aaye they unke liye unko software ki zaroorat thi, ab computer ko software ki zaroorat padhti hi hai isi liye Steve Jobs ne Bill Gates ko bulaaya.

Steve Jobs ne Bill Gates ko computer ka poora access diya toh jab Bill Gates ne Steve Jobs ke computer ke operating system ko dekha toh Bill Gates ne kaha yeh toh mere computer se bhi bhadiya hai kyoun ki Apple ke computer main graphic user interface tha aur Microsoft ke computer main nahi tha, Apple ke computer main mouse tha, Microsoft main nahi tha toh Bill Gates ko laga ki humaare operating system main bahut zyaada kamiya hai.

Ab iske baad achanak Bill Gates ne announce kiya ki hum Windows launch karnegey ab iss launch se Steve Jobs bilkul bhi khush nahi they, kyoun ki yeh Windows jo tha woh exactly Apple ke software ki copy tha, Steve Jobs ne iske launch se pehley hai Bill Gates ko warning de di thi ki agar Windows launch hua toh main tum pe case karunga.

Aur Steve Jobs ne case kiya bhi lekin case Steve Jobs haar gaye, kyoun ki Bill Gates ne yeh saabit kar diya tha court main ki Microsoft ke software Apple se different hai.

Ab Windows launch hua aur jaise hi launch hua Bill Gates uper chadtey gaye nayi nayi bulandiya choo tey gaye aur dusri aur Steve Jobs niche gir gaye. Steve Jobs ko khud ki hi company Apple se nikal diya gaya. Toh aise inki rivalry shuru hui aur yeh yeh wajah thi inki rivarly ki
.
Lekin aisa nahi hai ki Steve Jobs aur Bill Gates bahut hi kattar dushman they nahi aisa nahi hai, jab Steve Jobs ko unhi ki company se nikal diya tha toh Apple company jo hai doob rahi thi aur doobne waali hi thi lekin phir Steve Jobs ko waapas bulaya gaya ab Apple toh doob rahi thi toh company ko waapas khada karna tha toh company ko waapas track per laane ke liye Investment ki zaroorat hoti hai, toh investment ke liye Steve Jobs, Bill Gates ke pass gaye aur Bill Gates ne $ 150 million ka investment apple main  kiya.

1983 main Windows ki announcement Bill Gates ne ki thi aur do saal baad 1985 main unhone Windows launch kiya, aur jaise hi Windows aaya toh Windows ne MS-DOS ko replace kar diya aur Windows per hi saare computers chalne lag gaye.

Business Leader


Bill Gates ko laga ki ab humaare pass saari cheeze hai toh waqt aa gaya hai market ko capture karne ka, toh iski liye Bill Gates ki team din raat kaam karti thi, Bill Gates ne Windows ke ek ke baad ek version launch karna shuru kar diya 1985 main Windows ka pehla version aaya tha aur yeh pehla version itna zyaada successful nahi hua, 1987 main dusra version aaya, phir 1990 main teesra version aaya toh iss thara se abhi tak hum Windows ke update dekh rahe hai.

Lekin inhone had tab kar di thi jab inhone combined application software launch kiya, iss main Microsoft ke application software they jaise ki MS Word, MS Office, MS Excel, PowerPoint toh yeh saari cheez Bill Gates ne launch kar di.

Toh yaha se ek aisa era shuru hua ki koi beat nahi kar paaya, aur isi wajah se ek waqt yeh duniya ke 90% computer ko own karne lage. Itni success milne ke baawajud bhi Bill Gates ruke nahi woh kuch na kuch naya karte hi rahe aur yeh hi ek successful entrepreneur ki khaasiyat hoti hai ki inki bhook kabhi mitti nahi.

Yaha per main aapko ek baat bataana chaata hu ki Bill Gates bahut hi ruthless boss they, 24 ghante Bill Gates ke employees kaam karte they aur koi bhi inko koi idea deta tha toh yeh humesha kehtey they ki "That's the stupid thing I've ever heard"

Aur iss wajah se employees kaafi naaraz ho jaatey they aur ghussa bhi ho jaatey they, lekin Bill Gates kehtey they ki agar tumhe lagta hai ki tumhaara idea accha hai toh mujhe convince karo agar main convince ho gaya toh hum tumhaara idea implement kar dengey. Aur issi liye inki team itni improve karti thi aur iske piche sab bada haath hota tha Bill Gates ka.

Toh Windows toh uss waqt launch ho hi gaya tha aur 1989 aate aate Microsoft ne Microsoft office bhi launch kar diya bahut saari copies iski biki inke software ki aur licensing toh Bill Gates apne software ki kar hi rahe they bina paise ke aap Microsoft ki ek bhi cheez use nahi kar saktey.

Monopoly


Bill Gates ne Monopoly bana ke rakh di thi poore ke poore computer market ko own kar rahe they Bill Gates. Inhone uss waqt kuch aisa kiya ki poora computer market yeh own karne lag gaye.

Monopoly start kaise hoti hai aap behtar product supply kariye aur price bhi jo hai kam rakhiyeh bahaar jitne main bik raha hai aap usse 50% kam main bechiyeh toh exact Bill Gates ne aisa hi kiya.

Iske wajah se Monopoly establish hone lagi poore business world main sirf Microsoft ka hi raaj tha aur iss wajah se dusre businesses doob gaye aur Bill Gates ne duniya ke saare computer per kabzaa jama liya aur Microsoft ko woh expand karne main kaamyab ho gaye.

Ab Bill Gates Internet market per bhi rule karna chaatey they toh inhone Internet Explorer ko launch kar diya yeh Mircrosft ka browser hai toh yaha per bhi inhone Monopoly establish kar di aur iss wajah se Microsft ko aur profit hua. Aur issi Monopoly ki wajah se Bill Gates ne billions of billions kamaaye.

Bill Gates's Personal Life


Bill Gates jab date kartey they toh ladkiyoun ko poochtey they ki aap ke exams main marks kitne aaye they toh jo bhi ladki inko date kar rahi hoti thi inko chor ker bhaag jaati thi.

Lekin ek ladki inko mili jinka naam tha Melinda French, Bill Gates inke pyaar main pad gaye kyoun ki jaise ladki Bill Gates chaatey they waise hi yeh thi.

Bill Gates ko ek sophisticated ladki chaiyeh thi, ek balance ladki chaiyeh thi, ek genius ladki chaiyeh thi yeh saari quality Melinda French main thi.

Toh kuch time toh dono ne date kiya lekin 1st January 1994 ko inhone shaadi kar li tab Bill Gates ki umar tab 38 saal thi aur Melinda ki 29 saal aur abhi inke 3 bacche bhi hai jinke naam hai Jennifer Katharine, Rory John aur Phoebe Adele. Inki bahut badi foundation bhi chalti hai jiska naam hai Melinda Gates Foundation.

Inka ek bahut bada bunglow hai croro rupye ka woh bungalow hai Seattle, Washington main aur iss bungalow ko iss tahar se design kiya gaya ki yeh bunglow main aapko nature ki feeling aaygi.

2007 main King County Public records ke mutabiq iss bungalow ki total value thi $125 Million aur iss bungalow main swimming pool, underwater music system aur 2,500 sq ft main phela hua gym aur 1,000 sq ft main phela hua dining room aur yeh poora bungalow yeh mension 66,000 sq ft main phela hua hai.

Aur $93.2 billion hai inki present worth hai, toh kharabpati insaan hai duniya ke sab se ameer insaan hai.

Bill Gates Charity


Bill Gates kaafi charity kartey hai, jo humanity ke kaam hotey hai, jo insaniyat ke kaam hotey hai woh Bill Gates bahut kartey hai lekin in per ilzaam lagaya jaata hai ki yeh jitna kamaate hai utna woh donate nahi kartey, lekin yeh sahi nahi hai bahut zyaada donate kartey hai science and technology main, universities main, medical research main, yeh sab jo hai Melinda Gates Foundation ke zariye donate kiya jaata hai.

Toh yaha per iss Biography ka The End hota hai, i hope aap zaroor inspire huey hongey aur aapko yeh biography acchi lagi hogi.

Thank You.