Hello Dosto, Aaj baat karengey hum Azim Premji ki bahut hi bade entrepreneur hai India ke bahut saare logo ko rozgaar diya hai inhone aur IT sector main inka bahut bada yogdaan hai aur Wipro ke chairman hai aaj inke baare main hum bahut saari baatein jaanegey toh poori post padhyega.

azim-premji-biography-hinglish-posts


Who is Azim Premji?


Toh Azim Premji ek Indian business tycoon, investor, aur philanthropist aur current chairman hai Wipro Limited ke. Yeh Wipro ki bhi bahut hi interesting story hai yeh Wipro jo aaj software banaati hai woh shuru main sabzi banaati thi aur saabun bhi banaati thi lekin Azim Premji ko laga ki isse technical sector main utaar de toh kamaal ho jaayga.

Forbes magazine ke mutaabiq yeh India ke dusre sab se ameer insaan hai aur inki ideology bahut kamaal ki hai jo bhi bahut badi institute hoti hai uski ek responsibility hoti hai jisse kaha jaata hau CSR Corporate Social Responsibility matlab society ki taraf inki responsibility hoti hai aur bahut kam entrepreneur iss responsibility ko nibha saktey hai aur Azim Premji unn kuch entrepreneur main se hai inki company ka 34% philanthropist kaamo main jaata hai.

Azim Premji ne India ke education main kaafi invest kiya hai croro rupiye invest kiye hai India ke education system ke liye taaki India ka education behtar ban sake. Time Magazine ne inko 100 most influence person ki list main daala hai.

Azim Premji Early Life


Azim Premji was bron on 24th July 1945 uss waqt ke Bombay main hua tha ek Ismaili Shia Muslim family main inka janam hua tha, inke father ka naam tha Mohammed Hashem Premji aur inhone hi Wipro ko found kiya tha. Wipro ka full form hai Western Indian Vegetable Products Ltd. toh sabzi banaati thi yeh company.

Azim Premji ki early life kaafi luxurious rahi hai kyoun ki inki family kaafi ameer thi aur inki mother bhi jo thi woh Doctor thi toh ek well do family se yeh belong kartey hai.

Azim Premji se ek baar poocha gaya ki aap sab se zyaada kisse influence hai? toh unhone jawaab diya ki main Mahatma Gandhi aur meri mother inn dono se main kaafi influence hu. Dosto inki mother cancer patient they unka free main ilaaz karti thi aur bahut saare hospital main woh free main ilaaz karti thi toh inki mother philanthropist kaamo main kaafi involve thi aur issi wajah se woh apni mother se kaafi inspire hai.

Azim Premji Education


Schooling inki St Marry High School se hui hai uske baad yeh America chale gaye aur Stanford University se Bachelor of Science in Electrical Engineering ki degree lena chaatey they lekin le nahi paaye kyoun ki sirf 21 saal ki umar main inke father expire ho gaye aur inko fauran India jaana pada aur koi vaaris na hone ke wajah se fauran inko Wipro ka charge de diya gaya.

Lekin 1999 main distant learning program ke zariye inhone Bachelor of Science in Electrical Engineering ki degree li. Haalaki duniya ki bahut saari universities ne inko honorary doctorate se honored kiya hai aur inko Padma Bhushan award bhi mila hai.

Toh hum dekhtey hai ki 1966 main sirf 21 saal ki umar main inhone Wipro ka charge liya aur yeh kamaal ki baat hai ki tab se lekar ab tak inhone piche mud ker nahi dekha.

Wipro Chairman


Ek acche entrepreneur ki nishani hoti hai ki woh apne business ko expand kare Azim Premji ne bhi wahi kiya Bakery Fats banaana, Ingredients banaana, Toiletries banaana, Hair care soaps, Baby Toiletries, Hydrolic Cylinders toh hum dekh rahe hai ki har jagah inhone comapny ko expand kiya.

Ab yaha per ek definite question toh zaroor aata hai ki yeh toh vegetable products banaati thi toh yeh IT industries main kaha se aa gayi?

Actually main hua yeh tha ki 1979 main jab Indian Government ne IBM ko keh diya tha ki aap India main kaam nahi kar saktey toh uss waqt Wipro ko bahut bada mauka mil gaya aur Azim Premji ne iss mauke ka faayda uthaaya aur Wipro mini computers banaane lagi aur iske baad software manufacture bhi karne lagi.

1990 main Wipro apne peak per thi uss time Wipro ka naam ho gaya tha aur iske piche sirf ek shaks ka haath tha aur woh tha Azim Premji ka lekin 2000 ke aas paas Azim Premji ko laga ki bahut zyaada paisa kama liya hai ab waqt aa gaya hai ki main charity karu aur Philanthropist ban jaau.

Azim Premji Foundation


2001 main Azim Premji Foundation banaaya gaya jaha per logo ki madad ki jaati hai, waise inke foundation ka main aim toh education ke reform ko lekar hi hai aur bahut zyaada paisa yeh India ke education ko theek karne ke liye dete hai.

Azim Premji ne apne ek interview main kaha tha ki India ka education accha nahi hai, ek acche education ke liye aapke paas acche teachers aur high schools hone chaiyeh waise toh India main high schools hai lekin yeh sab bade aur urban areas main hai, toh unka kya jo gaanv main log rehtey hai kyoun ki 70% population toh gaanv main rehti hai.

Aur gaanv main hum sab ko pata hai ki education ki kitni kharaab haalat hai, gaanv main aapko aise teachers milengey jinko ABCD bhi nahi aati maths ke problem solve karna bhi nahi aatey aur waha ke teacher sirf phokat ki salary le rahe hai, toh Azim Premji ka yehi kehna hai ki hume gaanvo main acche school aur acche teachers laane hongey isse hoga yeh ki India ki education better hogi.

Toh Azim Premji Foundation gaanv ke schools main bahut zyaada yogdaan de raha hai aur kaafi saare schools bhi unhone gaanvo main banaaye bhi hai. Aapko yeh maloom ho ker shock lage ga ki 2009 se Azim Premji Foundation dwaara $21 billion education per kharch kiye gaye hai.

Azim Premji Foundation 2001 se kaam kar rahi hai aur zyaadatar yeh active hai Karnataka main, aur bhi bahut si cities main yeh foundation hai jaise, Rajasthan, Chhattisgarh, Punducherry, Andhra Pradesh, Bihar aur Madhya Pradseh in sab cities ki government ke saath milker yeh Azim Premji Foundation kaam kar rahi hai.

Wipro ki bhi baat kare toh poori duniya ke 66 countries main Wipro hai aur $35 billion ka inka market capitalization hai. Toh hum dekh rahe hai ki bahut badi company hai aur bahut bade entrepreneur hai Azim Premji.

Azim Premji se ek baar poocha gaya tha ki agar kisi ko leadership skills develop karni hai ya phir entrepreneur banna hai toh uske liye kya karna chaiyeh? Toh Azim Premji ne jawaab diya ki sab se pehley toh usse success ko appreciate karna aana chaiyeh aur ideas develop kartey aane chaiyeh.

Azim Premji ka kehna hai ki as an organisation poori organisation ne milker ek accha idea diya hai toh unke iss idea ko support karna chaiyeh, aur sahi logo ka chunaav karna chaiyeh.

Azim Premji ne ek bahut badi baat boli hai ki "Failure is the building process" yaha per Azim Premji ka kehne ka matlab hai ki aap fail huey koi baat nahi lekin aap apne iss failure se sikh lijye apni galatiyoun se sabak lijye.

Azim Premji ka maana hai ki agar kisi ke paas bahut saara paisa hai toh usko society ke liye kuch karna chaiyeh, America aur India main faraq bataate huey woh kehtey hai ki America main scope nahi hai India main scope bahut hai kyoun ki India main sab mil ker ek family rehti hai matlab India main bonding hai aur yeh bahut bada advantage hota hai kisi bhi organisation ke liye ki woh as an individual nahi as a family aap ko target kar saktey hai..

Recognition


Toh inko bahut saari universities ne recognize kiya hai, Azim Premji university bhi hai aur bahut saare universities hai inke naam per 2005 main inko Padma Bhusan diya gaya tha aur 2011 main Padma Vibhushan diya gaya tha.

Abhi bhi yeh kaam kar rahe hai aur zyaada tar yeh philanthropist kaamo main active hai. Inki koshish yahi hai ki jitna ho sake utna Azim Premji Foundation ko aage bhaddya jaaye aur India ke education ko reform kiya jaaye.

Toh yahi per iss biography ka The End hota hai, i hope aapko yeh biography pasand aayi hogi.

Thank You.