Hello dosto, aaj main aapke liye lekar aaya hu Biography of Arun Jaitley yeh bahut bade politician reh chuke hai aur former finance minister of india bhi reh chuke hai aur yeh ek lawyer bhi reh chuke hai aur WTO main inhone India ke behalf main speech bhi di hai. Aur Arun Jaitley ki ginti intellectual politician main hoti hai iska matlab inhe kaafi knowledge hai aur kaafi padhe likhe bhi hai.

Arun Jaitley Biography in Hindi - All You Need To Know About Arun Jaitley | Hinglish Posts


Arun Jaitley Early Life


Arun Jaitley ka janam 28th December 1952 main hua tha aur inki jo family hai woh Pakistan se migrate ki thi, inki family Lahore se Delhi migrate ki thi toh inki family ek refugee thi.

Arun Jaitley ke dadaji ke 4 bete they aur chaaro lawyer they aur un 4 beto main se ek they Maharaj Kishen Jaitley aur jab partition hua toh woh Delhi aa gaye. Aur Arun Jailtey ka New Delhi main janam hua tha aur inhone padhaai aur kaam dono New Delhi se hi kiya.

Arun Jaitley ke baare main kaha jaata tha ki inka friend circle zyaada bada nahi tha aur yeh bhi kaha jaata tha ki journalist inki good books main aane ki bahut koshish kartey they aur ek journalist toh bahut hi famous hai Rajat Sharma ek baat main aapko bata du ki Rajat Sharma aur Arun Jailtey dono ek saath hi padhe hai, inn dono ki dosti ke baare main main aapko aage bataaunga.

Arun Jaitley ki do sister bhi hai aur Arun Jaitley ne apni high school ki study St. Xavier's School se ki, aur phir Shri Ram College of Commerce New Delhi se graduate huey aur Delhi University se inhone LLB ki degree li.

Chaliyeh ab baat kartey hai Arun Jailtey aur Rajat Sharma ke baare main

Rajat Sharma ek waqt ka vaakya bataate hai aur kehtey hai ki meri family bahut gareeb thi aur ek room main 8 log rehtey they padhne tak ke liye jagha nahi thi, phir jab Rajat Sharma Shri Ram College main padhne gaye toh us waqt Arun Jaitley president they college ke ABVP Arun Jailtey ne join kar liya tha aur student leader they.

Toh Arun Jaitley student leader ke president ban gaye they, aur Rajat Sharma jab Delhi University main admission lene gaye toh unke pass paise kam they toh waha per jo accountant tha jo fees le raha tha woh daat raha tha unko jinke pass paise kam they.

Toh Rajat Sharma ke pass bhi paise kam they toh bahut zyaada daat padi aur accountant sidha keh diya ki tumhaara admission nahi hoga iss baat se Rajat Sharma bahut dukhi ho gaye.

Aur ussi waqt Arun Jaitley aa gaye toh jab Arun Jaitley aaye toh Arun Jaitley ne uss Accountant ko daata aur kaha ki tum aise kaise baat kar saktey ho yeh ek student hai aap ek student se aise baat nahi kar saktey.

Toh Arun Jaitley ne uss accountant ko kaafi samjhaaya aur uske baad Rajat Sharam ki jo fees thi woh Arun Jaitley ne pay ki. Iske baad Arun Jaitley ne kaha ki chalo main tumhe canteen main chaai pilaata hu aaj tumhaara admission ho gaya hai, toh tab se lekar aaj tak Arun Jaitley aur Rajat Sharma ke bich ek family relationship hai.

Toh yeh ek incident tha jo Rajat Sharma ne share kiya tha.

Rise of Arun Jaitley


Toh Arun Jaitley ko 1974 main student leader banaaya gaya aur outgoing president they Delhi University ke aur bahut zyaada politics main active rehtey they aur debates bhi kaafi kartey they tabhi toh president banaya gaya tha inhe.

Phir 1975 main Emergency lag gayi 1975-77 main Emergence lagne ke wajah se har koi giraftaar ho gaya jo Indira Gandhi ke khilaaf bol raha tha toh keh saktey hai ki woh sahi main democracy ka kaala din tha.

Toh iss emergency ki wajah se Arun Jaitley ko bhi giraftaar kiya gaya lekin giraftaari se bachne ke liye Arun Jaitley bhaag gaye they lekin iske next din hi yeh naare lagaate huey Delhi Campus main ghuse aur waha se Arun Jaitley ko giraftaar kiya gaya aur 19 months tak Arun Jaitley jail main bhi rahe.

Aur sirf Arun Jaitley hi nahi saare ke saare politician jail main bandh they, jab Arun Jaitley jail main they tab yeh kaafi logo se miley aur kaafi books inhone padhi toh jo Arun Jaitley ki soch thi woh khul gayi.

Ab inke arrest hone ki wajah thi J.P Narayan Jay Parakash Narayan toh J.P Narayan ka jo aandolan tha yeh poora aandolan Indira Gandhi ke khilaaf tha toh Bihar se yeh start hua tha toh Bihar ke baad Gujarat phir Delhi aur yeh aandolan students kar rahe they aur jitne bhi students they woh J.P Narayan se judne lagey toh Emergency issi aandolan ke wajah se hi lagi thi.

Toh J.P Narayan ki nazar padi Arun Jaitley per toh uss waqt Nation Committee for Student and Youth ka Arun Jaitley ko Convener bana diya gaya matlab main head.

Toh yahi se Arun Jaitley ka rise hona shuru ho gaya iske baad Arun Jaitley All India Secretary of the ABVP bhi chun liye gaye, iske baad 1977 main Emergency khatam hui aur 77 main election huey toh Janta Party aayi toh Arun Jaitley ne Janta Party join kar li lekin iske baad yeh BJP main join ho gaye.

Kyoun ki Janta Party toh chali hi nahi thi aur phir Jan Sangh jo hai woh BJP ban gaya toh Arun Jaitley ne 1980 main BJP ko join kar liya tha.

Arun Jaitley as Lawyer


Toh jaise humne dekha ki 1980 main Arun Jaitley ne BJP join kar liya lekin yaha se hi inka ek alag career shuru ho gaya zyaadatar politician ke pass ek side business hota hi hai Arun Jaitley ne politics ke saath saath Law practice karna shuru kar diya aur Arun Jaitley bahut hi zabardast Lawyer ban gaye.

Aur isi wajah se hi woh bade bade politician ke contact main aaye toh Arun Jaitley unn sab politician ko legal advise detey they toh ek side per Lawyer they aur dusri side per yeh BJP ke saath jud ker politics main they aur 1991 main toh woh poori tahra se BJP main hi aa gaye aur 2000 main inhone apni law ki practice bhi chod di.

1989 main ek bahut bada moment aaya tha Arun Jaitley ke liye V.P Singh ki government main Arun Jaitley ko Solicitor General banaya gaya. Solicitor General highest law post hoti hai kisi bhi state ki.

Arun Jaitley Politics


Iske baad Arun Jaitley BJP ke National Executive Member ban gaye aur dekhtey hi dekhtey inhe BJP ka spokesperson bhi bana diya gaya 1991 main.

Arun Jaitley kehtey they ki unhone do insaano se bahut kuch sikha hai un main se ek hai Atal Bihari Vajpayee aur dusre hai Pranab Mukherjee Arun Jailtey in dono ko kaafi maantey they.

Aur Lal Krishna Advani se Arun Jaitley ke kaafi acche relation they Arun Jaitley bataate hai ki jo Lal Krishan Advani ka kaam karne ka tarika tha woh mujhe kaafi pasand tha.

Dekhiyeh Arun Jaitley ko BJP main bade post milne ki kaafi saare reasons hai, unn main se ek reason tha ki congress main bahut saare vakil they aur abhi bhi hai, overall agar aap Politics main dekhengey toh vakil bahut saare hotey hai aur koi bhi political party vakil ko pehley importance degi.

Toh BJP ne bhi uss waqt yehi kiya kyoun ki BJP ko bhi uss waqt chiayeh tha ki koi behtarin vakil unki party main join karey toh hum yaha dekhtey hai ki Arun Jaitley BJP join kartey hai toh Arun Jaitley ek thara se BJP ke legal adviser bhi they aur saath hi saath party ke member bhi they aur spokesperson bhi they.

1999 main jab Vajpayee government aayi toh tab yaha Arun Jaitley ko ek badi post mili Arun Jaitley Minister of State for Information and Broadcasting inko banaya gaya.

Toh yahi se inka jo portfolio hai woh badlta raha matlab kisi bhi post main unhone lagaatar kaam nahi kiya Information and Broadcasting ke baad inhe Disinvestment charge diya gaya toh inka portfolio Vajpyee government main change hota raha.

Arun Jaitley and Narendra Modi Friendship

Aur isi dauran ek famous incident hua jab Arun Jaitley college main they aur ABVP ke neta they toh ussi waqt inki pehli mulaaqat Narendra Modi se bhi hui thi Narendra Modi uss waqt Gujarat ki politics ko dekh rahe they.

Toh yeh jo relation tha woh zindagi bhar chalne waala tha aur jo 2002 ka famous incident Godhra Kand jab hua tha tab Atal Bihari Vajpyaae ad gaye they ki Narendra Modi ko resign karna hi hoga Goa main BJP ki official meeting hui thi iske liye waha per Atal Bihari Vajpyaae, Lal Krishan Advani aur bhi bahut saare bade neta they aur Naredrna Modi ko bhi uss meeting main jaana pada tha.

Aur jaise hai Narendra Modi resign dene gaye toh uss meeting main ek group tha jo Modi ko support kar raha tha aur woh nahi chaatey they ki Narendra Modi resign karey aur uss group main Arun Jaitley bhi they. Toh Arun Jaitley uss waqt support kar rahe they Narendra Modi ko. Aur yeh jo dosti thi Narendra Modi ke saath iska fal bhi Arun Jailtey ko mila 2014 main.

Toh khair 1999 se lekar 2004 tak jo Atal Bihari Vajpayee ki government rahi uss main Arun Jaitley Minister of Disinvestment rahe phir Law Minister rahe phir Service Transport Minister toh yeh saare portfolio diye gaye.

Lekin 2004 main jab BJP ki government gayi aur congress ki government aayi tab Arun Jaitley ko BJP ka general secretary banaya gaya aur inhone apna legal career bhi start kar diya.

Ab 2014 main Rise hua Narendra Modi ka humne dekha ki 2014 main Narendra Modi ko Prime Minister banaya gaya lekin yaha kaha jaata hai ki Arun Jaitley ne bahut bade daanv khele they.

Dekhiyeh Arun Jaitley ke baare main bola jaata tha ki ki yeh news leak kar detey hai kuch bade journalist Arun Jaitley se miley huey hai toh Arun Jaitley kya kartey they ki party ki baatein media main bata detey they.

Toh 2014 main election hotey hai aur Narendra Modi Prime Minister bantey hai BJP ki government aati hai halaaki 2014 main Arun Jaitley ne Amritsar se election lada tha lekin Arun Jaitley haar gaye they.

Toh Amritsar se haar toh gaye lekin kyoun ki bahut hi experience tha aur bahut bade intellectual insaan they toh uss wajah se inko Mantri banaya gaya inko Finance Minister aur Defense Minister dono banaya gaya.

2019 main jab waapas general election huey aur phir se BJP jiti tab yaha per Arun Jaitley ki tabiyat bahut zyaada kharaab ho gayi aur uss waqt yeh New York main hi they aur BJP ki jit ke baad Arun Jaitley ne resign kar diya.

Aur hum dekhtey hai 24th August 2019 ko yeh aakhri saans letey hai aur duniya se alvida keh detey hai.

Toh dosto yeh thi Biogrpahy of Arun Jaitley, I hope aapko pasand aayi hogi.

Thank You.