Hello dosto aaj main aapke liye lekar aaya hu ek book ki summary iss book ka naam hai 13 Things Mentally Strong People Don't Do. Yeh book Amy Morin ne likhi hai aur yeh Best Seller reh chuki hai yeh book ek motivational book hai aur book ke title se he hume pata chal jaata hai ki agar kuch cheezo ko aap avoid kartey ho toh kaafi saari cheeze aap apni life main improve kar saktey hai. Toh chaliyeh jaantey hai hai 13 Things Mentally Strong People Don't do Summary in hindi.

13 Things Mentally Strong People Don't Do Summary in Hindi - Hinglish Posts


What is the aim of this book?


Iss book ka main aim yeh hai ki yeh ek tahra ka guidebook banna chaati hai taaki hum apne aap ko improve kar sake aur hum apne aap ko mentally strong rakh sake aur emotionally resilience rakh sake. Emotional related hi ek book ki maine summary likhi thi jiska naam tha Emotional Intelligence iss book ki summary aap padhye yeh bhi bahut hi acchi book hai.

"Each time you avoid saying no to something you really don't want, you give away your power." by Amy Morin. Matlab aise cheeze jiss main aapko interest nahi hai aur aap woh cheeze kartey rehtey hai toh kahi na kahi aap apni power kho rahe hai aur yeh mentally strong log kabhi nahi kartey.

3 most crucial things we will learn from this book.

Complain karna baar baar kisi cheez ko lekar kyoun ki woh cheez hume mili nahi aur hume lagta tha ki hum woh cheez ko deserve kartey they, yeh bilkul nahi karna chaiyeh kyoun ki yeh sirf aapko dukh dega aur aapki isse energy waste hogi.

Hume apne ko dusro se compare karna band karna hoga aur iske liye Amy Morin hume bataati hai ki Facebook ya koi aur social media website jo aapko comparison karne per majboor kar deti hai aur jaha per aap dusre logo ke achievement dekh paate hai aur tab aapko bura mehsoos hota hai toh waise cheeze chor dijye.

Aur akele rehna sikhye aap baar baar apne aap se baat karye solitude main time spend karye, toh aap automatically dekhngey ki kitne saare badlaav aa gaye hai aapki life main.

Learning - 1 Stop Complaining


Bilkul hi futile hai agar aap complain kartey hai unn cheezo ko lekar jo aapko mili nahi. Dosto complain karna solution nahi hai yeh sirf ek waste of energy hai. Aur apni energy ko kabhi bhi waste mat kijyeh aise cheezo per jiss per aapka control hai hi nahi. For example aap weather ko change nahi kar saktey, aap dusre insaan ka behavior change nahi kar saktey, ya phir aap kisi exam main fail ho chuke hai tohh inn saari cheezo ko aap nahi badal saktey.

Toh aap kya kar saktey hai, aap present per focus ker ke future ko change kar saktey hai aur zyaada better bana saktey hai, toh kabhi bhi apni energy waste mat kijyeh complain karne main.

Kyoun ki kya hota hai ki har ek compliant jo aap kartey hai woh ek serious waste hota hai aapke time ka aapki energy ka.

For Example: Agar aapka divorce hua hai aur aapka jo spouse hai usko custody mil gayi aapki daughter ki aur woh aapke daughter ko bahut saare gifts de rahe hai aur aap focus kar rahe hai ki aapki wife jo hai yeh sab galat kar rahi hai toh isse kuch hoga nahi aap sirf complaint kar rahe hai. Lekin wahi per hi agar aap kuch time spend kartey apni daughter ke saath usse pyaar detey, respect detey toh aapki daughter ko bhi pata chalta ki aap usse kitna pyaar kartey they.

How to win friends and influence people book summary in hindi

Learning - 2 Stop Comparing Yourself

Aapko apne aap ko compare karne ki koi zaroorat nahi hai, Amy Morin kehti hai ki Facebook aur dusri saari social website ko use karna band kar dena chaiyeh hume. Kyoun ki kya hota hai ki social networking website per humaare dost apni life ko lekar choti si choti cheeze share kartey hai, jaise kisi ne exam clear kar liya toh share kar diya, ya phir kisi ne car nayi le li toh woh share kar diya toh yeh saari cheeze na aapko kahi na kahi heraan karti rahegi.

Aur aapka competition sirf aapke saath hai, aap kal kaise they aur aaj kaise hai toh kya aap kal se aaj better hai? Aur aap kitne satisfied hai apni abhi tak ki life ke saath yeh aapko apne aap se poochna hai. Aapka satisfaction social networking website se nahi aana chaaieyh ki mere dost ne toh yeh achieve kar liya maine toh abhi tak yeh achieve nahi kiya toh yeh sab cheeze nahi honi chaiyeh.

Toh hume comparison ko rokna hai, aur hume yaad rakhna hai ki jab bhi hum social networking website per jaayengey aur waha per agar aap dekhtey hai Promotion Notifications, koi bahaar jaake ghum ker aaya hai, kisi ne nayi car li hai, koi VIP event ko attend kar ker aaya hai, koi sunday ko five star hotel main khaan khaa ke aaya hai toh iss sab se kahi na kahi aapko bura feel hoga.

Aur yaad rakhyeh ki Facebook ho gaya ya phir koi aur social networking website ho gayi yeh saari websites hume sirf acche aspect dikhaati hai inn websites per sab sirf apni acchai ko dikhaatey hai toh yeh saari websites unreal hai, apni problems ko log inn saari websites per share nahi kartey.

Aur Amy Morin hume recommend karti hai ki aap log kuch dino ke liye Facebook aur dusri saare networking website ko chor de aur aap dekhngey ki aap kuch bhi miss nahi kar rahe hai aur if agar aap main kahi jealousy ki feeling hogi toh woh bhi nahi rahegi aur aap happy aur satisfied feel karengey kyoun ki aap apne aapko compare hi nahi kar rahe.

Learning - Be Alone

Kya aapko yaad hai ki last time aapne kab time spend kiya tha, aur yaha per akele time spend karne ki baat ho rahi hai matlab koi aur activity nahi na social media na television aur na hi books sirf aap aur aap hi.

Hum log aaj kal ki competition aur stressful life main akele rehna bhool gaye hai, aur humaari thinking aise ho gayi hai ki agar hum akele hai toh hum active nahi hai aur hum lazy hai aur hum anti social bhi hai yeh thinking ko change karna hoga, hume 24 hours main se sirf kuch minutes apne aap ko dene hai jaha per hum apne aap ko jaan sake.

Things that mentally strong people don't do.

1 - Mentally strong people don't waste time feeling sorry for themselves


Mentally strong people kabhi bhi apna time waste nahi kartey kyoun ki woh apne aap ke baare main sorry feel nahi kartey. Expensive bills ko pay karna ya phir serious health problem hona inn sab cheezo ko mentally strong people ek challenge ki tahra letey hai naaki inn sab ke baare main complaint karengey.

Aur self pity jo hai focus nahi karne deti hai aapko aapke problems ke uper aur aapko prevent karti hai solution laane se matlab aap solution per nahi aa paatey.

Kisi ke pass bhi power nahi hai ki koi aapki feeling ya behavior ko change karey, aur mentally strong people ke pass jo power hota hai woh dusro ko nahi detey kyoun ki aapke thought process aapka attitude aapke behavior ko aap khud control kar saktey hai.

Aur agar aap mentally strong hona chaatey hai toh aap victim ki tahra mehsoos karey toh yeh possible nahi hai. For Example mera boss bahut bura hai aur mujhe bahut bura feel karwaata hai toh aap apne boss ko power de rahe hai, toh yeh aapko yaad rakhna hai ki jo power hai woh aap hi ke paas rehna chaiyeh.

2 - Change your daily vocabulary to keep your power with you

Aisa nahi hona chaiyeh ki aap ko aaj late tak kaam karna padega iski bajaay aap yeh kahiyeh ki mujhe aaj late tak kaam karna hai. Aapki choice honi chaiyeh, aapke pass power hona chaiyeh aisa nahi hona chaiyeh ki aap ko kisi ne choose karne bola hai ya aapko kisi ne kaha hai ki aap late tak aaj kaam karo.

Exam Warriors Book Summary in Hindi by Narendra Modi

3 - Mentally strong people never shy away from change

Mentally strong people humesha apne aapko adapt kartey hai. According to Amy Morin mentally strong people ek cheez se kabhi nahi dartey aur woh hai Badlaav. Mentally strong log badlaav se kabhi nahi dartey unhe pata hota hai ki aaj kal ke zamaane main badlaav aatey hai aur badlaav main apne aap ko dhaal lena hi samjdaari hai.

Agar aap worry kartey rahengey ki yeh change situation ko aur kharaab kar sakta hai aur shaayad aapki problems ko aur bhada de, toh yeh galat hoga.

World change ho raha hai aur aapki success depend karegi ki kya aap adapt kar saktey hai? Kya aap dynamic hai? Matlab kisi bhi tahara ki situation main aap adapt kar paa rahe hai ya nahi.

Adapt karna aur ek positive change laana apne aap main yeh bahut hi zaroori hai, aap ensure kar saktey hai ki kisi bhi tahara ki cheez jo aanewaali hai jo aapke liye problem create karegi toh aap usse chor dijyeh, jaise unhealthy relationship ya phir aap apni job se khush nahi hai toh usse chor ke koi aur job dhund le. Change se ghabraaiyeh mat kisi bhi tahra ke badlaav se ghabraana nahi chaiyeh aisa Amy Morin kehti hai.

4 - Never squander energy on things you can't control

Aise cheeze jo aapke control main nahi hai unke uper apni energy ko waste karne ka koi faayda nahi hai. Agar aap complain karengey ya worry karengey toh yeh cheeze problem ko kabhi solve nahi kar paaygi, yeh sirf aapki energy waste karegi. Iss liye bahut hi zaroori hai ki aap invest karey apni energy ko unn cheezo main jin per aapka control hai. Iss tahra se aap better prepare rahengey life main aur life aapko koi bhi challenge throw karega aap usse solve kar paayengey.

Learn to accept situation jo aapke control ke bahaar hai usse accept karne ki koshish kijyeh aur logo ko influence karne koshish kijyeh naaki unhe control karne ki toh yeh cheeze humesha yaad rakhyega.

5 - Mentally strong people never worry about pleasing everyone.

Mentally strong poeple yeh kabhi nahi sochtey ki mujhe isko bhi khush karna hai usse bhi khush karna hai, woh sirf apne goal per focus kartey hai aur sab ke saath acchi tahra se rehtey hai connect kartey hai network kartey hai.

Agar aap koshish kartey rahengey dusro ko khush karne ki toh aap apni mental strength ko drain kar rahe hai ek baat yaad rakhyega ki aap sab ko khush nahi kar saktey yeh cheez aapko yaad rakhni hai kyoun ki agar aap dusro ko khush karne lagengey toh aap apni mental strength ko khatam kar dengey, aur issi chakkar main jo aapka goal hota hai usse aap bhool jaatey hai.

Amy Morin hume yaha suggest karti hai ki write down your top five values and focus your energy on staying true to them, even when your choices aren't met with favor.

Apni 5 value ko likh lijyeh jin per aap zyaada focus kartey hai aur unhi 5 cheezo per hai apni energy ko lagaaye, toh aapko yeh ensure karna hai ki aapki choices aapki value system per based ho. Toh yaha per aapko aapki value ko recognize karna hoga.

6 - Never fear taking risks.

Mentally strong people risk lene se nahi dartey. agar aap apni nayi opportunity ko lekar excited hai toh aap uss main risk nahi dekhengey aap uss opportunity ka faayda uthaayengey. Aur jab bhi kabhi hume nayi opportunity milti hai kuch naya karne ki toh emotions bich main aa jaatey hai jiss wajah se hum uss opportunity ko risk samaj bethtey hai.

Dekhieyh agar aap risk nahi uthaaogey toh aap extraordinary nahi ban paaogey aur aap great nahi ban paaogey toh life main agar aap success hona chaatey hai greatness ko paana chaatey hai toh aapko risk toh lena hi hoga.

7 - Mentally strong people never dwell on the past

Mentally strong poeple apne past ko kabhi bhi apne aap per haavi nahi hone detey kyoun ki woh jaantey hai ki agar yeh cheez hui toh unka present effect hoga aur future adhere main chala jaayga.

Learning from the past helps you build mental strength, aapko aapke present ko enjoy karna hai aur future ko jitna ho sake utna accha banana hai. Aur past main jisne bhi aapko hurt kiya hai usse maaf kar dijyeh.

8 - Mentally strong people never repeat their mistakes.

Mentally strong log kabhi bhi apni mistake ko repeat nahi kartey, woh apni mistakes se sikhtey hai aur woh jaantey hai ki failure zaroori hai lekin baar baar woh uss failure ko repeat nahi kartey.

Amy Morin bataati hai ki har ek galati ek golden opportunity hoti hai ek golden growth ke liyeh lekin aapko yaad rakhna hai ki har ek mistake ke baad aap apne aap ko evaluate kijyeh dekhiyeh ki kya galati reh gayi taaki next time woh galati bilkul bhi na ho, apni knowledge ko use kijyeh taaki aap aage bhad sake.

9 - Never resent other people's Successes

Kabhi bhi ghussa mat hoiyeh kabhi bhi dukhi mat hoiyeh aur jealous feel na kijyeh just because dusre insaan ko success mill gayi hai. Jealousy aapke focus ko hata deti hai aur yeh interfere karti hai taaki aap apne golas ko achieve na kar paaye. Amy Morin kehti hai ki aapne jo achieve kiya hai woh dusre ke achievement se kam nahi hai.

10 - Never give up after your 1st failure

Mentally strong people agar pehli baar fail ho jaatey hai toh woh give up nahi kartey hai, saari ki saari jo stories hai jo success stories hai unki shuraat failure se hi hui hai.

Thomas Edison light bulb ko invent karne se pehley woh hazaaro baar fail huey they. Toh hume yaad rakhna hai ki failure se hume darna nahi hai, aap apni skills per focus kijyeh aur apna attitude try waala rakhiyeh humesha koshish kartey rahiyeh kaamyabi zaroor milegi.

11 - Mentally strong people never fear alone time

Mentally strong people khush ho jaatey hai jab unhe akele main waqt bitna ka waqt mil jaata hai, eknaat ka time bahut zaroori hai taaki aap apne aap ko mentally strong kar sake kam se kam aapko 10 minutes nikaalne hai roz taaki aap apne thoughts ko gather kar sake aur future ke liye aap aur gola bana sake. Toh yeh bahut zaroori hai ki aap apne aap ko time de akele main.

12 - Mentally strong people never feel that the world owes them something

Yeh waali feeling aap jaise hi nikal dengey toh aap dekhngey ki aap apni power ko automatically waapas le kar aa rahe hai aur aap kisi ko blame nahi kar rahe hai, ek thara ka control aap main aa jaayga.

13 - Never expect immediate results

Mentally strong people ko immediate success nahi chaiyeh hoti unhe pata hota hai ki waqt lage ga, self growth jo hai woh slowly develop hota hai. Instant result aapko sirf disappoint hi karega.

Amy Morin kehti hai ki hum khud hi humaare mental strength ke coach hai aur agar hum inn 13 cheezo per kaam kartey hai toh hum bhi mentally strong ban saktey hai.

I hope aapko yeh summary pasand aayi hogi, aur agar aapko summary pasand aayi hogi toh aap book kharidna bhi pasand karogey niche diye gaye Amazon ke Ad se aap iss book ko hindi main kharid saktey hai. Thank you.