Hello Dosto, aaj baat karengey Brexit ke baare main jaanegey ki yeh kyoun hua, iske impact kya they jaangeye iska process kya tha.

Brexit ke baare main jaane se pehley yeh jaana bahut zaroori hai ki Brexit word ka matlab kya hota hai, aur yeh word bana kaise.

What is Brexit? And Why Brexit Happened - Hindi


What is Brexit?


Brexit ke pehley do word matlab B, R liya gaya hai Britain ke pehley do word se aur phir aata hai Exit, matlab Britain ka European Union se exit. Yeh word pehley use kiya gaya tha media dwaara lekin phir yeh ek official word ban gaya.

Brexit ke baare main aur deep main jaane se pehley hume thora bahut knowledge Britain ke baare main bhi hona chaieyh taaki aapko Brexit ke baare main aasani se samaj sake.

What is Britain?


Yeh jo map hai yeh Britain ka hai aur jo red waala area hai woh hai England ka, jo blue waala area hai woh hai Scotland, jo orange main hai woh hai Northern Ireland, aur jo white main hai woh hai Wales. Ab kai logo ko yaha ek question aa sakta hai ki Ireland kaha hai? Jo orange color ka aur grey color ka area hai woh poora Ireland hi hai iss main actually do hisse hai Northern Ireland aur Ireland country. Toh yeh 4 milakar banta hai United Kingdom.

What is Brexit? And Why Brexit Happened - Hindi


Toh yaha per samjhne ki baat yeh hai ki UK ek desh hai aur ek alag desh hai aur Ireland ek alag desh hai. Toh UK main Scotland, England, Wales, and Northern Ireland yeh 4 shaamil hai UK main. Aur isi main kuch islands bhi aatey hai jaise Isle of Man, Guernsey, Jersey yeh islands British Islands ka hissa hai.

What is European Union (EU) ?


European Union ek Economic aur Political partnership hai 28 European country ki. Inn 28 countries ne kya kiya hai ki yeh sab ne milkar ek organisation jaisa bana liya hai taaki business acche se ho sake aur na War ho, yeh World War 2 ke baad ek koshish ki gayi Europe main ki ab war na ho aur sabhi desh ek saath ho jaaye aur saath main business karey kyoun ki saath main business karengey toh War toh hoga hi nahi.

Aur dusra sab se zyaada important cheez yaha yeh hai ki European country agar kisi aur EU country main jaake business karna chaati hai toh bina kisi tax ya bina kisi tariff ke kar sakti hai. For example agar koi Italy main rehta hai aur woh chaata hai ki woh France main jaake kaam karey toh aap aasani se kar saktey hai aapko kisi bhi tahra ki Visa ki bhi zaroorat nahi hai.

European Union ka ek motto hai Free movement of people and goods.

Ab baat karengey European Union main United Kingdom ki history ke baare main.

History of UK in EU

Toh UK EU ka part bana 1973 main tab EU nahi tha tab yeh EEC tha matlab European Economic Community, iske do saal baad matlab 1975 main ek referendum kiya gaya matlab ek tahra se voting karwaai gayi ki kya UK EU ka part rahega? toh 68% logo ne Yes kaha, matlab 68% log chaatey they ki UK EU ka part rahe.

Lekin 2010 ke baad kaafi circumstance huey aur UKIP yeh ek political party hai UK main jiska full form hai United Kingdom Independence Party yeh party bani hi thi UK ko EU se alag karne ke liye yeh log bilkul nahi chaatey the ki UK EU ka part rahe.

2014 main EU parliament election hotey hai aur UKIP party ko 25% tak vote miltey hai aur is wajah se UKIP ne UK main number 1 party ban gayi.

2015 main General Election huey UK main tab isi party ko 12% tak vote miley us waqt UKIP UK main 3rd place per rahi thi.

Toh is UKIP party ki popularity badh rahi thi aur is popularity ko rokne ke liye Conservatives party bich main padhti hai kyoun ki 2010 se 2015 tak Conservatives party ki hi government thi, toh yaha Conservatives party ne promise kiya ki agar hum phir se election jeet jaatey hai toh hum ek referendum karwaayengey, hum aam janta ko yeh azaadi dengey ki kya UK ko EU main rehna chaiyeh ya nahi? yeh Conservatives party ne waha ki aam janta se promise kiya.

Aur yeh ek political promise tha taaki UKIP ke voters Conservatives party ko vote de, ab isse hua yeh ki 2015 main Conservatives party ki sarkar phir se ban jaati hai.

Ab jo unhone promise kiya tha logo ko, toh woh nibhaane ka waqt aa gaya tha toh 2016 main unhone yeh promise nibhaya bhi.

Ab hum jaangey ki EU se bahaar nikalne ki demand UK kyoun kar raha hai?

Why Demand for Exit?

Sab se pehla reason toh yeh hai ki EU UK se kaafi saare billions of pounds leta hai membership fees ke taur per aur badle main return bahut kam milta hai. 13 million euro membership fees ke taur per UK se li jaati hai aur yeh bahut zyaada hai, dsure desho ke paas se itni fees nahi li jaati lekin EU ka kehna hai yeh fees desho ki economy ko dekh ker li jaati hai. ab badle main UK ko sirf 7 million euro miltey they, toh paiso main UK ko kaafi nuksaan ho raha tha.

Dusra reason yeh tha ki EU main bahut zyaada red tape hai matlab koi bhi administrative kaam karne main kaafi rukaavat aati hai, bahut saare documents aur bahut saare offices ke zariye kaam hota hai aur kai saari requirements se guzar kar kaam hota hai, toh itni zyaada restriction hai ki UK ki progress usse ruk rahi hai.

Teesra reason yeh tha ki EU UK ko apne khud ke adhikaar se vanchit kar raha tha, apne khud ke kanoon banaane se vanchit kar raha tha. For example fisheries, UK ke chaaro aur samudra hai toh waha per fisheries industries bahut zyaada develop hai aur iss industries per regulation EU ke dwaara banaaye jaatey they, matlab EU ki parliament yeh tay karti thi ki UK ke machwaare kitni machli pakdengey, kya limits hai, export ke rate kya rahengey. Toh yaha UK ke machwaare iske khilaaf they.

Chautha reason yaha yeh tha Immigration toh UK main kaafi saare immigrates aa rahe hai jo Syria main civil war chal raha hai, aur Africa se bhi kai saare log UK main aa rahe hai. Toh pichle saal waha pe 3 lakh logo ko immigrate ka darja diya gaya aur UK chaata hai ki yeh count 1 lakh ke aaspass hi rahe, toh immigration ki policy bhi EU decide karta hai naaki UK. Toh yaha agar UK EU se nikal jaata hai toh UK ke paas adhikaar hoga immigration limit tay karne ka adhikar hoga.

Ab UK main do camps chalaaye gaye ek Exit Camp aur dusra Stay Camp, ab hum jaangey Stay Camp ke baare main ki kyoun kuch log UK ko EU main hi rakhna chaatey they.

Why Stay?

Stay camp ke log kehtey they ki humaara jo business hai woh EU ke saath hai is liye hume EU ko cheeze bechne main kaafi aasani hoti hai kyoun ki hum EU ka hissa hai.

Dusra jo bhi immigrants aa rahe hai woh zyaada tar log young hai jisse economic growth hoti hai, ab yeh toh ek proven fact hai ki jis bhi desh main young immigrants aatey hai waha par services sasti ho jaati hai jaise kuch lower jobs ke liye highly society main, highly develop society main workforce milna bahut muskil hota hai lekin jab immigrants aatey hai toh kai saari services sasti ho jaati hai aur isse economy bhadti hai.

Teesra yaha per yeh hai ki agar hum 28 desho ke club ka hissa hai toh security ke hisaab se hum zyaada secure hai. Agar koi bhi terrorist attack hota hai toh UK aur EU ke bich information exchange ki jaati hai, jisse terrorist ko asaani se pakda jaata hai aur koi bhi terrorist attack ko roka jaa sakta hai.

Chautha businesses, zyaadatar jitne bhi business houses hai woh sabhi chaatey they ki UK EU ka hissa rahe, kyoun ki business karne main kaafi asaani hoti thi. money, people aur products ko easily move ek desh se dusre desh kiya jaa sakta hai kyoun ki kahi bhi koi tariff nahi hai sab jagha laws ek jaise hai toh businesses ko bahut faayda hai.

In sab ke baad Referendum hota hai, ki kya Britain ko EU main rakhna chaieyh ya nahi?

The Referendum

23rd June Thursday ko Referendum hua, yaha per yeh pucha gaya ki kya UK EU ka part hona chaiyeh? toh iss referendum main 30 million logo ne vote daala aur result aaya 51.9 % logo ne apna vote diya leave ko aur 48.1 % logo ne vote diya remain ko toh 51.9% waale log jeet gaye woh chaatey they ki UK EU ka part na rahe.

Ramifications

Toh yeh jaana bahut zaroori hai ki is result ke baad UK main kya changes aaye.

Toh David Cameron ne resign kar diya kyoun ki woh Stay camp ko support kar rahe they aur keh rahe they ki UK EU ka part hona chiayeh toh David Cameron ne Prime Minister ki post se resign diya.

Aur jo Britain ki nayi home minister thi Theresa May unko Prime Minister banaya gaya Conservatives party se. (Theresa May ne ab resign kar diya hai aur inki jagha Borris Johnson Prime Minister bane)

Aur iske wajah se markets collapsed ho gaye isse markets buri tahra se gire pound ki value kaafi gir gayi.

What Next?

Referendum ho gaya result aa gaya ab iske baad kya? EU se bahaar nikalne ka process Article 50 ke tehat diya gaya hai Article 50 of Lisbon Treaty, toh Article 50 ke tehat UK EU se bahaar nikalne ke process ko shuru karega.

Yaha per ek baat aur important hai ki EU se bahaar nikalne ke liye 2 saal ka notice period dena hoga, yeh 2 saal ka notice period tab start hoga jab UK ki parliament approve kar degi ki UK EU chor raha hai.

Lekin yaha per ek baat main aapko bata du ki poora UK nahi chaata ki woh EU chorey jaise ki Scotland ke mantri ne kaha ki agar UK ne EU chora toh Scotland UK ka hissa nahi rahega aur ek alag desh ki tahra phir se EU ka hissa banega. Aur Northern Ireland aur London ne bhi yehi kaha hai.

Is UK Still Part of The EU?

Kaha jaa raha tha ki 31st October 2019 ko UK EU ka part nahi rahega lekin UK ka lower parliament House of Commons ne abhi tak is agreement ko approve nahi kiya hai is liye EU ki dusri saari countries aur British government ne Brexit ko postpone kar diya hai 31st Jan 2020 tak, matlab tab tak UK EU ka part rahega 31st Jan 2020 ko faisla aa jaayga ki UK EU ka part rahega ya nahi.

Toh dosto yeh tha poora article Brexit per, agar aapka koi bhi sujhaav ya query ho toh aap comment ke zariye keh saktey hai.

Thank You.