Hello Dosto, Aaj hum baat karengey Vijay Shekhar Sharma ki jo Paytm ke founder hai, humesha se kaha jaata hai ki India ki koi khud ki industries nahi hai ya phir India ki IT sector main khud ki koi badi industry nahi hai lekin Vijay Shekhar Sharma ne iss baat ko galat saabit kar ke dikhaaya hai.

Founder of Paytm Vijay Shekhar Sharma Biography in Hindi


Paytm aaj bahut badi company hai aur jagha jagha aapko Paytm dekhne ko milega but yeh journey bilkul bhi aasan nahi thi, kya kya dikkatey aayi kaise itni badi company khadi ki aaj hum jaanegey.

Vijay Shekhar Sharma's Early Life


Vijay Shekhar Sharma UP ke Aligarh se belong kartey hai inka janm 8th July 1973 ko Vijaygarh main hua tha yeh ek brahman family se aatey hai aur inke father ek school teacher they.

Vijay Shekhar Sharma as student bahut hi extraordinary they kaafi zyaada talented they, sirf 14 saal ki umar main hi inhone 12th class pass kar li thi inko do baar promote kiya gaya tha, inhone middle school ki study sarkari school se ki thi.

Vijay Shekhar Sharma bataate hai ki inke father bahut hi zyaada strict they, aur inki do badi behne aur chota bhai yeh sab milkar bahut zyaada masti kartey they jab bhi inke father ghar main nahi hotey they, hota yeh tha ki inn 4 bhai behno main se koi ek gate per khada rehta tha ki jaise hi papa aaye toh hume bata dena hum books khol ke beth jaayengey toh jaise hi inke father aatey yeh sab bhai behan books khol ke beth jaatey they.

Toh jaise maine kaha ki 9th standard tak yeh sarkari school main hi padhe ab kyoun ki padhne main bahut hi zyaada hosiyaar they aur 9th standard main inka 2nd rank aaya tha, lekin inke father ko laga ki kuch gadbad hai 2nd rank nahi aa sakta, toh phir inhone inquiry ki toh pata laga ki aapke bete ne toh poori school main top kiya hai lekin hume usko 2nd rakhna pada kyoun ki ek dusre bacche ke liye sifaarish aayi thi iss liye usse top per rakhna pada.

Vijay Shekhar Sharma's Education


Vijay Shekhar Sharme ke father Vijay ko iss school se hata diya aur D.A.B school main bhej diya aur yeh school inke ghar se thodi door tha aur yeh bhi ek Hindi medium school tha. Iss school main Vijay ne jam ke padhai ki physic aur chemistry main top kiya aur sirf 14 saal ki umar main inhone 12th complete kar liya.

Vijay Shekhar Sharma ka kehna hai ki school ki bahut zyaada importance hai, aap school main jo kartey hai aur shuru ke kuch saal aapke school main kaise rehtey hai, isse bahut had tak pata chal jaata hai ki aapka aane waala career kaisa hoga. For example school main kuch bacche bunk maarne lagtey hai, padhaai main mann nahi lagaatey toh yeh uss samay toh bahut accha lagta hai lekin baad main hume samaj aata hai ki humne kya kiya, humne kya khod diya.

School ki padhaai bahut zyaada important hai kyoun ki wohi base banaati hai, aur agar aap padhaai main acche nahi hai aur isko ignore kartey jaate hai toh aage chal ker bahut zyaada musibat aapko jhelni padh sakti hai aisa Vijay Shekhar Sharma ka kehna hai.

Ab 12th top karne ke baad Vijay Shekhar Sharma ko lena tha engineering, lekin engineering ke liye inki age nahi thi kam se kam aapki umar 18 saal honi chaiyeh lekin Vijay Shekhar Sharma toh 18 saal se kam they toh engineering ki umar thi nahi, toh is liye inhone Aligarh Muslim University main admission lene ka socha.

Aligarh Muslim University main Vijay Shekhar Sharma ne entrance exam diya aur inhone interview bhi diya inka interview 45 mins chala lekin jab final list aayi toh inka naam toh uss list main tha hi nahi aur isse inko bahut zyaada dukh hua lekin iske baad inhone jam ke tayyari ki aur jam ke inhone poorey ek saal tak engineering ki padhaai ki lekin probelm tha Hindi Medium lekin Hindi ko VIjay Shekhar Sharma apni taaqt maantey hai.

Hindi per VIjay Shekhar Sharma ka bahut hi bhadiya command hai toh Aligarh University main inka selection nahi hua tha sirf Hindi ke wajah se aur baad main inhone IIT main bhi entrance exam diya tha lekin waha bhi inka selection Hindi ki wajah se nahi hua tha.

Phir baad main inhone Delhi Engineering College main entrance exam diya toh waha per inki 47th rank aayi lekin aapko pata hai inhone paper kaise solve kiya?  Yeh sawaal ko dekhtey hi nahi they bus ek andaaza laga letey they ki sawaal is per hai kyoun ki paper poora English main hota tha English inki us waqt itni acchi thi nahi toh ek andaaza laga letey they aur apna jawab detey they.

Vijay Shekhar Sharma in Delhi Engineering College 


Delhi Engineering College se inhone Electronic Engineering li, lekin baad main isse bhi shift ho gaye, yaha se Vijay Shekhar Sharma ke liye bahut problem hone waali thi kyoun ki English nahi aati thi lekin iske baawajud Vijay Shekhar Sharma main confidence bahut zyaada tha isi liye woh classroom main sab se aage waali bench per beththey they.

Ab kyoun ki sab se pehli bench per yeh bethtey they toh teacher jab sawaal poochti toh inko hi khada karti thi aur teacher ka sawaal humesha English main hi rehta tha inko toh English aati hi nahi thi, ab sawaal toh inko samaj main aata tha nahi, toh yeh shaant khade rehtey they, waha se teacher sawaal poochtey yeh shaant khade rehtey toh teacher ko lagne laga yeh badtamizi kar raha hai toh inko class se bahaar nikal detey they.

In sab wajhao se Vijay Shekhar Sharma ka confidence kam hota gaya lekin Vijay Shekhar Sharma ne isse muqabala kiya, toh humne kya dekha ki pehley toh yeh first bench per bethte they lekin dhire dhire first se dusri phir teesri iss tahra se last bench per aa gaye. Aur jo ladka topper tha woh fail hone laga just because of English.

Ab Vijay Shekhar Sharma ko English sikhni thi lekin English sikhne ke liye bhi paise chaiyeh, taaki woh acche se spoken English class main sikh sake, lekin paise toh they nahi toh kuch logo ne advice kiya ki magazines kharid lo, ab Delhi main dariyganj main Sunday ko magazines ki market lagti hai jaha per aap rattibhar bhav main magazines kharid saktey hai, toh Vijay Shekhar Sharma ne English magazines kharidi.

Ab jab Vijay Shekhar Sharma ne magazines khardi un main se zyaada tar Forbes ki magazines aur businesses magazines thi inn magazines ko yeh padhtey they inn magazines main Bill Gates ke interview print hotey they, phir Yahoo ke CEO ke interview print hotey they matlab jitne bhi bade entrepreneur hai unke interview print hotey they unn magazines main.

Aur jab Vijay Shekhar Sharma ne inn sab ki stories padhi Vijay Shekhar Sharma ka mind poori tahra se change ho gaya, aur inko ek confidence aa gaya jo chala gaya tha kyoun ki jab inko yeh pata chala ki yeh sab toh college drop out hai, main cheez kya hai aapka kaam toh aapka kaam bolna chaiyeh aapka knowledge bolna chaiyeh kyoun ki success hone ke liye degree ki koi zaroorat nahi hai.

Toh jab yeh magazines padhne lagey, entrepreneur ke intreview padhne lagey toh inka confidence build hone laga, ab mind toh inka poori tahra se change ho gaya tha aur jaise humne pehley dekha ki class main inko koi importance nahi di jaati thi toh iss wajah se ab woh computer center chale jaate they.

Vijay Shekhar Sharma's First Company XS Communications


Aur yahi se Vijay Shekhar Sharma ko computer se pyaar shuru ho gaya, aur technology ke saath toh aapko chalna hi chaiyeh iss main aap hi ka faayda hai, ab kyoun ki yeh computer center jaane lage inhone computer main coding sikh li aur din bhar woh computer center main hi rehtey they, aur phir apne ek dost ke saath inhone ek company khol li.

Toh inke mann main idea aaya aur inhone apna pehla startup launch kiya XS Communications ke naam se Indiasite.com se inhone pehla startup banaaya aur yeh content banaate they.

Toh yeh content management website thi yaha per dusre jo bade bade organization ke papers hotey they unke liye content banaata tha XS Communications.

Aur isse inko profit hone laga aur dekhtey hi dekhtey inko accha khaasa profit hone laga phir baaad main Vijay Shekhar Sharma ne $1 million main XS Communications ko bech diya. Jo paise Vijay Shekhar Sharma ko apni company bech kar aaye toh unn paiso main se sab se pehley unhone Color TV kahrida

Ab iske baad Vijay Shekhar Sharma ka dusra phase shuru hota hai, main aapko thora waapas piche le chalta hu, toh jab woh magazines padhtey they toh woh America jaana chaate they, inka ek dream ban gaya tha America jaana aur waha per kaam karna aur startup kholna kyoun ki waha opportunities zyaada hai India ke muqaable aur support system bhi accha hai.

Lekin paise Vijay Shekhar Sharma ke paas they nahi toh America toh jaa nahi saktey aur 1997 main ek aur cheez bhi hui thi jab inhone college ki padhaai complete kar li thi inke baad inhone naukri bhi ki thi lekin naukri main inka mann nahi laga toh chor di phir unki jo company thi XS us main dhyaan dena shuru kiya.

Vijay Shekar Sharma's ONE 97


Ab Vijay Shekhar Sharma ne Airtel ke liye software banaaye, woh software poori dictionary thi Airtel ke customer ki aur iss software ka naam the ONE 97 ab One 97 us waqt BSNL ka number hota tha ki koi bhi agar aapko miss call kar raha hai toh aap iss number per dial ker ke pata laga saktey hai ki kaun aapko miss call maar raha hai.

Toh ONE 97 yeh inki pehli company bhi thi isi emergency number ke naam se, toh jab yeh Bharti Mittal se miley aur kaha ki maine yeh poori dictionary baanyi hai ek software ke roop main aur yeh meri company hai ONE 97 aap is main kuch invest kijye, toh Bharti Mittal ne kaha theek hai bahut accha software hai toh main tumhe yaha per tender de raha hu.

Toh ONE 97 ki shuruaat hoti hai ONE 97 yeh company kya karti thi ki, 2001 se 2008 ke bich mobiles introduce huey they iss samay toh smartphones aa rahe hai uss samay smartphones nahi they, toh shaayad aapko yaad ho us waqt ke mobile main aata tha ki Ringtones download kar lo, apna rashifal jaan lo toh aise bahut messages aatey they hume aur phir jokes ke messages aatey they ki isse subscribe kar lo hum aapko jokes bhejengey.

Toh Vijay Shekhar Sharma ki ONE 97 inn services ko provide karti thi, matlab jo aap Airtel per apna rashifal dekhtey they woh Airtel provide nahi karta tha woh ONE 97 provide kar rahi thi toh inki poori company inn content ko manage karti thi. Toh naam company ka kaam ONE 97 ka.

Isse Vijay Shekhar Sharma ko bahut zyaada profit hua 7 saal main inhone croro rupiye kama liye inhone, lekin abhi sab sahi nahi tha Vijay Shekhar Sharma ne karz liya tha inhone bank se croro rupiye ka karz liya tha jiska interest rate bahut zyaada tha aur uss waqt dikkat yeh ho gayi thi ki inke IPO bhi rok diye gaye they toh pressure bahut zyaada tha lekin phir bhi inhone haar nahi maani.

Jab America main 9/11 ka attack hua tha isse bhi inki company ko bahut zyaada farak pada tha, lekin haar nahi maani mehnat ki aur kuch jobs bhi ki taaki company ke liye paise khade kar sake aur ultimately cheeze sahi rahi aur sab kuch sahi ho gaya.

Found Paytm


Aapko bata du abhi bhi Vijay Shekhar Sharma ko English acche se nahi aayi hai yeh main is liye bata raha hu kyoun ki yeh bahut bada sabak hai ki English na jaane ke baawajud bhi aap companies chala saktey hai.

Toh 2009-10 ki baat hai uss samay 3G introduce hua tha Vijay Shekhar Sharma turant samaj gaye ki iss samay waqt kiss cheez ka hai aur yehi ek acche entrepreneur ki nishaani hoti hai ki woh samaj jaata hai ki kiss cheez ka waqt chal raha hai.

Toh 2010 main jab 3G aaya toh Vijay Shekhar Sharma ko idea aaya aur kaha ki yaha per hum kuch aisa kar saktey hai ki logo ke paas cheeze ho, log apne computer se mobile se payment kar sake toh waha se shuru hua Paytm.

2010 main jitna bhi paisa inke pass tha unn paiso se inhone ek nayi company launch ki jiska naam tha Paytm (Mobile Wallet) aur uss waqt Paytm ke kaafi competitors bhi they, Paytm se hua yeh tha ki logo ke haath main technology aa gayi thi kyoun ki sab kuch Paytm main tha aapko recharge karwaana hai Paytm se kar do, paise transfer karne hai Paytm se kar do toh online payment bahut aasan ho gaya.

Ab Paytm ki wajah se Vijay Shekhar Sharma ki life kaafi busy ho gayi, Paytm ke liye bahut saare investors aaye, Vijay Shekhar Sharma batate hai ki main do logo se kaafi inspire hu ek toh Steve Jobs, Steve Jobs ki toh badi tasveer bhi inke office main lagi hui hai, aur dusre jo hai woh hai Jack MA.

Jack MA ki story bhi bilkul aise hi rahi hai maine un ki poori biography likhi aap jaa ker padh saktey hai, toh hua yeh tha ki Vijay Shekhar Sharma Hong Kong gaye they waha per unhone Jack MA ko kehtey huey suna aur jaise hi Jack MA ko boltey huey suna deewane ho gaye aur Jack MA ke saath kaam karna chaatey they aur milne ki iccha jataai.

Vijay Shekhar Sharma Jack Ma se miley bhi aur Jack Ma ko bataaya ki meri company hai Paytm aur main iss tahra se apne business ko spread karna chaata hu toh Jack Ma bahut achce listener hai sunte rehtey hai, toh suna uske baad Jack MA ne poocha tum apni team ko kaise handle kartey ho? toh Vijay Shekhar Sharma ne reply diya ki maine khud ke company ke shares uska hissa bhi apni team ko de diya hai Jack MA isse kaafi khush huey aur Jack Ma ne bahut zyaada invest kiya Paytm main.

2016 main jab demonetization hua toh tab toh sab kuch badal gaya tha toh uss waqt sirf Paytm hi chal raha tha kyoun ki demonetization ki wajah se cash available nahi tha toh Prime Minister Narendra Modi ne bhi kaha tha ki Paytm use karo, aur aaj bhi zyaadatar dukaano per Paytm hi chal raha hai.

Aur aaj toh har mobile main aapko Paytm dekhne ko milega, gaanvo main bhi Paytm hai toh Vijay Shekhar Sharma kaha ek chotey se sehar se start kiya tha English bhi nahi aati thi aur aaj toh woh caroro rupye ke maalik hai, qismat ne bhi inka bahut saath diya hai aur mehnat bhi inhone bahut zyaada ki hai.

2018 main Paytm ki market value $10 billion thi toh aap samaj saktey hai ki kitni badi company hai, aur Paytm ko bahut logo ne fund kiya hai jis main Warren Buffet, Jack MA in ke bhi naam aate hai, aur ab toh 11 different language main Paytm available hai.

Toh yaha per end hota hai biography ka. I hope ki aako yeh biography pasand aayi hogi.

Thank You.