Hello Dosto, Aaj main aapko ek book ke baare main bataaunga jo shaayd aapki zindagi badal sakti hai, us book ka naam hai 7 Habits of Highly Effective People. Yeh book maine poori padhi hai aur mujhe iss book se kaafi faayda hua hai. Iss book main kya likha hai aur woh 7 habits kaunsi hai jisse karne se hum apni life improve kar saktey hai woh main yaha discuss karunga, toh yeh article ko poora padhyega agar aapko aapki life change karni hai.

7 Habits of Hihgly Effective People yeh book likhi hai Stephen R. Covey ne yeh best seller reh chuki hai nearly 25+ million iski copies bik chuki hai. is book main 7 habits ke baare main bataaya hai jo aapko daily routine main aapko kaafi motivate karegi.



Fate / Destiny

Kai baar hum poora dosh kismat per daal detey hai, "ki mujhe yeh naukri nahi mili meri kismat hi kharaab hai" "mera exam clear nahi hua" "meri acchi rank nahi aayi" ya phir hum kabhi aisa bhi kehtey hai ki "mere hi family main se koi beemar kyoun hua?" "main hi kyoun beemar hua?" toh yeh saare affirmative bolker hum humaari kismat ko dosh detey hai aur complain kartey rehtey hai.

Lekin Stephen R. Covey ki book 7 Habits of Highly Effective People iss book main hume 7 acchi habits bataayi hai aur Stephen R. Covey kehtey hai ki sab ko yeh habits apnaani chiayeh agar aapko aapka future secure karna hai toh.

Main ek ek kar ke woh 7 habits aapko bataaunga jo iss book main likhi hai. aur detail main unn habits ko explain karunga.

Habit 1 - Be Proactive

Dekhiyeh proactive ek choice hai, Stephen R. Covey yeh bataatey hai ki do tahra ke log hotey hai example ke liye main unko naam deta hu Raju and Manju.

Raju

Raju ko jab aap poohogey ki kaisa chal raha hai toh Raju kahega bus yaar aisa hi chal raha hai jaisa chal raha tha, kuch theek nahi hua abhi bhi, "wohi job kar raha hu" "job main maza nahi aa raha", "mujhse padhaai nahi ho paa rahi" "mann karta hai sab kuch chor ke kahi chala jaau."

Ab jab aap Raju se poochogey ki job kyoun acchi nahi hai? toh Raju kahega ki mera boss accha nahi hai. Aur jab aap poochogey ki padhaai kyoun acche se nahi ho paa rahi? Toh Raju jawab dega ki bijli baar baar chali jaati hai, mujhe accha material nahi milta jisse main acche se study kar saku.

Toh Raju type ke jo log hotey hai na unka response yahi rehta hai, aur poori life yehi rehta hai humesha sirf complain aur kcuh nahi.

Ab hum dekhtey hai Manju ko ki uska kya attitude hai life ki taraf

Manju

Toh jo Manju type ke log hotey hai na woh exercise kartey hai, exercise means weight lifting nahi waise agar weight lifting aur resistance exercise bhi kartey ho woh bhi bhadiya hai, lekin yaha per main jis exercise ki baat kar raha hu woh hai "Inner Locus of Control"

Inner Locus of Control ka matlab yeh hota hai ki jab bhi koi situation buri aa jaati hai ya Manju type ke log koi hard situation main aa jaatey hai toh woh humesha apni antar aatma se kehtey hai ki yeh meri wajah se hua hai, yeh meri choice thi apne aapko muskil situation main bhi positive rakhne ki koshish kartey hai aur accept kartey hai situation ko aur isse nikalne ke baare main sochtey hai.

Toh Inner Locus of Control ka simple matlab main agar aapko kahu toh yeh hai ki Manju type ke logo main Inner power hota hai ki woh aise difficult situation ko easily control kar saktey hai aur accept kartey hai ki meri wajah se yeh situation create hui hai toh ab main Proactive ban ke is situation se bahaar niklunga.

Proactive vs Reactive Person

Proactive aur Reactive person ke bich main sab se bada farq yeh hai ki Reactive person na humesha complain kartey hai jaise humne Raju ke case main dekha aur jo Proactive hotey hai na woh kabhi complain nahi kartey instead difficult situation se kaise nikla jaaye iski koshish kartey hai, yeh figure out karne ki koshish kartey hai ki inki konsi choice galat thi taaki usse woh improve kar sake.

Proactive person ke liye Stephen R. Covey ne iss book main ek quote likha hai.

"I am free to choose and I am responsible for my choices"

Matlab main free hu meri choice ke liye aur main hi zimmedar hu unn choices ke liye.

Proactive waale log na galti bhi karengey toh usse acknowledge karengey aur figure out karne ki koshish karengey ki iss galati ko kaise theek kiya jaaye aur make sure karengey ki future main kabhi aise galati na ho.

Kuch aur Stephen R. Covey ne quote likhe hai iss Habit ko explain karne ke liye

"It's not hurt what happens to us, but our response to what happens to us that hurts us."

Matlab jo humaare saath hua hai woh hume hurt nahi karta, lekin humaara response jis tahra ka rehta hai woh hurt karta hai. For example agar aapke marks acche nahi aaye hai aur aap apne aap se kehtey hai ki main behtar score karne ki koshish karunga toh yeh better rahega. Naaki aap rone lage aur demotivate ho jaaye.

"If i really want to improve my situation, I can work on the one thing over which i have control myself"

Matlab agar sachmuch main mujhe meri situation ko theek karna hai, improve karna hai, toh ek lauti cheez jis per kaam karna bahut important hai aur uss per main kaam bhi kar sakta hu.

"Happiness, like unhappiness, is a proactive choice."

"Admission of ignorance is often the first step in our education."

Habit 2  - Begin with the End in Mind (Vision)

Iss habit main Stephen R. Covey yeh kehtey hai ki imagine kijye aapki funeral matlab antim yatra ko, toh aapke funeral per jab log aayengey toh woh aapko kis tahra se describe karengey?

Stephen R. Covey kehtey hai ki aap yeh sochna shuru kar dijey ki "End in mind" and then start making sure ki aap ussi taraf move kar rahe hai. For example agar aap apne funeral per agar iss tahra jaane jaana chaata ki, aap bahut hi hasmukh they, milansaar they ya phir aap bahut social they toh yehi saari cheezo per aapko kaam karna hoga.

Toh "Think about your Funeral and things you would be remembered for..."

Stephen R. Covey iss book main kehtey hai ki "Mental creation precedes physical creation" Matlab hum jo cheez visualize kartey hai wohi humaare saath hoti hai, jaisa hum sochengey waisa hi hoga. Aapko practical outcomes pehley se hi define karne hogey ki "mujhe yeh exam itne percentage se paas karna hai" "mujhe apni degree complete karni hai iss umar tak" "mujhe aisa job chaiyeh jo mujhe itni salary toh de hi sake" toh aapko define karna hai practical outcomes aur yeh tabhi possible hoga jab aap "End in mind" ko deemag main rakhengey aur tabhi aap life main forward ho sakengey.

Habit 3 - Put First Things First

Iss habit main Stephen R. Covey hume metrics detey hai jo ek time management metrics hai, aur kehtey hai ki yeh habits hai "execution" ki "integrity" ki aap khud se kitna honest hai aapke routine ko lekar.

Yaha per Stephen R. Covey ne iss habit ko define karne ke liye life ko 4 quadrant main divide kiya hai.

1 - Urgent  - Important

Kal aapka exam hai aur aap aaj padhaai kar rahe hai toh aap pehley quadrant main bethey huey hai, matlab yeh urgent hai aur important bhi hai kyoun ki kal aapki exam hai.

Ab agar aap iss quadrant main hai toh aap humeshaa stress main hongey ki "kal mujhe assignment submit karne hai" toh yeh urget bhi hai aur important bhi hai "kal mujhe apna intreview dene jaana hai" yeh urgnet bhi hai aur important bhi hai.

Toh agar aap apne preparation ko iss quadrant main karengey toh aap humesha stress main ragengey.

2-  Not Urgent - Important

Ab iss quadrant ko Stephen R. Covey kehtey hai "A quadrant of quality" hume effective banne ke liye humesha iss quadrant main rehna chaaiyeh, jaha per hum important cheeze toh kar rahe hai lekin urgent nahi hai. For example, planning for exam, preparing for your final exam jo ke 6 mahine baad hai toh aap advance main uski tayyari kar rahe hai which is good, aur aap interview ki tayyari kar rahe ho jo ek mahine baad hai.

Toh yeh quadrant of quality hai, yaha per aap aaram se acchi tahar se kaam kar saktey hai. Cheeze important hai lekin urgent nahi hai 

3 - Urgent - Not Important

Yeh quadrant hai "A quadrant of deception" yeh Stephen R. Covey kehtey hai, Stephen kehtey hai yaha cheeze urgent zaroor hai lekin Important nahi hai. For example agar aapke dost aapko phone kartey hai aur kehtey hai ki kal aakhri din hai sale ka toh yeh urgent toh hai lekin important nahi hai, kyoun ki yeh aapko kisi exam main clear nahi kar dega, ya phir yeh aapko job dilaane main madad nahi karega.

4 - Not Urgent - Not Important

Aur yeh quadrant main toh kisi ko bhi nahi jaana chaaiyeh, ek aisa kaam jo na hi urgent hai aur na hi important hai, sirf time waste hai, jaise ki chitchat ho gayi toh Stephen kehtey hai ki iss quadrant main bilkul nahi jaana chaaieyh.

Toh hume aise kaamo per focus karna hai jo Important hai lekin urgent nahi hai. "Plan weekly, act daily"

Habit 4 - Think Win Win

Hum aksar sochtey hai ki humaara faayda hona chaiyeh aur dusre ka faayda nahi hona chaiyeh, toh yeh na scarcity mentality hai humaare main hume aise mentality nahi rakhna chaieyh, hume humesha mutual benefits ke baare main sochna chaiyeh.

Agar hum kisi ki help kartey hai toh woh bhi humaari help kisi tahra se karega. For example aap A hai aur aap B ke dost hai aur B ek jagha per naukri karne gaya aur waha per naukri waalo ne kaha ki aap hume reference dijye toh B aap ka reference dega aur aap B ki madad karengey, toh yeh ek mutual benefit hai, ho sakta hai isi company main baad main koi acchi vacancy aa jaaye toh B aapko bata de.

Toh sab ki madad karni hai aur humesha yehi sochna hai WIN WIN. Scarcity mentality ko avoid karna hai aur abundance mentality ko develop karna hai.

Trust build karna chaiyeh aapko aapke co-workers ke saath, yeh aapko effective long term relationship banaane main bahut help karega aur kahi na kahi mutual respect aur mutual benefits aa hi jaatey hai.

Habit 5 - Mutual Understanding

Iss habit main Stephen R. Covey kehtey hai ki "Seek first to understand then to be understood" Matlab aapko ek empathetic listener banna hai jo sab ki cheeze pehele sun rahe hai aur phir apna vichaar rakh rahe hai

For example ek office main aap hai ur aap ka colleague hai, toh ek bahut hi important seminar hai jis main aap dono main se sirf ek hi jaa sakta hai, toh aapko yaha per yeh samjhne ki koshish karni hai ki yeh seminar aapke colleague ke liye kyoun important hai woh kyoun jaana chaata hai?

Toh Stephen yehi kehna chaata hai ki "First to Understand then to be Understood" isse kya hoga ki ek Mutual Understanding create hogi.

Aap effective way main communicate kare taaki aapko koi acche se samaj sake, aur at the same time aap ek acche listener bhi bane aur saamne waale ko aap samjhe unki problem ko aap samjhyeh.

Stphen R. Covey ne ek quote likha hai iss book main "Most people do not listen with the intent to undestand, they listen with the intent to reply" Log aapki baat sunte hai is liye nahi kyoun ki woh aapko samjhna chaatey hai, woh aapki baat is liye suntey hai ki woh aapko reply karna chaatey hai jo bilkul galat hai.

Habit 6 - Synergy/Synergize

Synergize karna, creative cooperation lekar aana kyoun ki kya hai ki aap akele hi ek cheez ko achieve nahi kar paayengey, aapko zaroorat padegi ek dedicated team ki, toh synergize kijyeh. For example do plant hai aur woh ek saath hi ughe huey hai toh jab unn plants ke roots connect karengey toh woh soil ko fertile banaayengey, naaki woh plants jo alag alag hai jinki roots bhi alag alag hai.

Synergize aapko bahut madad karega new aur better alternatives per aane pe. Yeh aapko encourage karta hai ekjoot kaam karne main. Yeh aapki capabilities ko increase karta hai, ho sakta hai ki aapki team ka koi banda kisi aur cheez main maahir ho jiss main aap na ho toh yeh aapki capability ko bhadata hai.

Habit 7 - Sharpen the Saw

Yeh last habit hai yaha per Stephen R. Covey kehtey hai ki hum apne aap per hi invest nahi kartey, aapko aapki skills ko sharpen karna hoga taaki isse aapko future main benefit ho.

Baar baar hume apne aapko renew karna padega, hume dyanmic rehna padgea, hume updated rehna padega, hume apni effectiveness bhadaane ke liye apni soul ko apni aatma ko sharpen karna padega.

For example koi agar kisi ped ko kaat raha hai toh woh usse katta nahi hai, toh ek aur insaan waha per aata hai aur kehta hai ki aap ko aapke kaatne ka tarika change karna hoga aur aapke paas jo weapon hai jisse aap ped kaatna chaatey hai usse sharpen kijye, lekin woh pehlna insaan yeh kehta hai ki nahi yeh sab waste of time hai, aur yeh ek galat approach hai galat thinking hai.

Toh Sharpen the Saw kaafi important hai isse aap apne focus ko better bana saktey hai, aap apni physical, social aur mental health ko improve kar sakte hai. So you need to invest in you self.

"There's no better way to inform and expand your mind on a regular basis than to get into the habit of reading good literature."

Matlab aap agar exercise kar rahe hai koi cheez padh rahe hai ya phir apne skills ko improve kar rahe hai, toh yeh sab aap invest kar rahe hai apne uper hi. Jo ki bahut accha hai.

Toh yeh tha book ka Analysis of 7 Habits of Highly Effective People, main aapko sab ko recommend karunga ki yeh book kharide aur apni life ko improve kare.

Thank You.