The World Tallest Statue. Statue of Unity, bahut lamba aur bada statue hai aur iss statue ki khaas baat yeh hai ki yeh ek aise insaan ke yaad main banaya gaya jisne bahut zyaada apna yogdaan desh ki azaadi ke liye diya bahut bade freedom fighter they Sardar Vallabhbhai Patel.



Sab kuch jaanegey is statue ke baare main iska purpose kya tha sika objective kya tha, kitna kharcha hua iss statue ko banaae main sab kuch jaanegey.

Toh iss article ko shuru karne se pehley iske kuch facts dekh letey hai.

Interesting Facts About Statue of Unity


  • 182 Meters height hai iss statue ki.
  • Iss statue per bronze plates lagayaai gayi hai jo Made in China hai.
  • 3,400 labor aur 250 engineer ne iss statue ko milkar banaya.
  • Yeh statue 237.35 meters uper hai sea level se.
  • Yeh earthquake ko bhi jhel sakta hai.

Location of Statue of Unity


Toh yeh world ka sab se tallest Statue of Unity hai kaha? Statue of Unity hai Gujarat main Narmada nadi ke kinaare per aur yeh statue bana hai river island per jiska naam hai Sandhu Bet. Ab kyoun ki yeh Narmada Nadi ke paas bana hai toh Narmada Dam ki bhi baat hogi.

Toh Narmada Dam ki baat karey toh yeh Dam 3 states ko pani provide karti hai Gujarat, Maharashtra aur, Madhya Pradesh. Aur kaha jaata hai ki Gujarat aur Madhaya Pradesh ke liye yeh dam ek lifeline ki tahra hai kyoun ki bahut saara pani Gujarat aur Madhaya Pradesh iss dam se leta hai.

Statue of Unity ka jo area hai woh poora river area hai aur aaspaas aapko sirf pahaad aur chattan dekhno ko milengey toh yeh jo poora area abhi bhi underdeveloped hai.

Ab iss project se kya hua ki yaha per connectivity aayi hai aur ek tourist spot bana hai jisse revenue generate hua hai aur isse wajha se jo local public hai unhe kaafi faayda hua hai.

Height of Statue of Unity

Statue of Unity ki height ki baat karne se pehley main aapko duniya ke popular statue ki height bata deta hu.


  • Christ the Redeemer (Rio De Janeiro, Brazil) - 39.6 Meter
  • Homeland Mother (Volgograd, Russia) - 85 Meter
  • Statue of Liberty (New York, USA) - 93 Meter
  • Ushiku Daibutsu (Ibarak Prefecture, Japan) - 120 Meter
  • Spring Temple of Buddha (Henan, China) - 153 Meter


Toh yeh kuch world ke popular statues hai aur yeh inki height thi.

Ab Statue of Unity ki height ki baat ki jaaye toh yeh sab se lamba hai World ka Tallest Statue hai aur iski height hai 182 Meter. Yeh Gujarat ke liye toh proud ki baat hai hi lekin saath hi saath India ke liye bhi yeh bahut proud ki baat hai.

Construction of Statue of Unity

Ab iss statue ke construction ke liye Gujarat government ne ek special vehicle bhi banaya jiska naam tha Sardar Vallabhbhai Patel Rashtriya Ekta Trust (SVPRET).

Iss statue ko banaaya tha Larsen and Tourbo ne iss statue pe kaam shuru kiya gaya tha December 2013 ko aur isse complete hona tha 42 months main lekin yeh 42 months main complete nahi ho paya, yeh complete hua 46 months main kyoun ki iska design kaafi critical tha toh engineers ne kuch zyaada waqt maaga.

Cost of Statue of Unity

Itne bade statue ko banaane ke liye khub saare paise toh lage hi hongey aur specially tab jab World's Tallest statue ho.

Toh iss statue ka government dwaara cost ka estimate nikala gaya tha rs 3,001 crore lekin baad main is project ki bid ko Larsen and Toubro ne jeeta aur kaha ki hum iss project ko rs 2,989 crore main bana dengey.

Lekin cost ka distribution hai woh bahut hi interesting hai.

Rs 1347 crore sirf main statue ke liye hai matlab itne cost main se hi Statue banega. Yaha ek exhibition hall bhi banaya gaya hai jiska cost hai rs 235 crore. Ab yaha per ek bridge bhi banaya gaya hai jiska cost hai rs 83 crore.

Ab is poorey structure ke maintenance ki baat karey toh 15 saal ka maintenance ho jaata hai rs 657 crore.

Inn saare construction ke saath waha per ek aur hotel bhi banaya gaya hai.

Shrestha Bharat Bhavan yeh ek hotel hai 3 star hotel, toh idea poora yeh hai ki tourist jo hai all over the world, all over India se laaye jaaye taaki tourist iss hotel main ruk sake aur iss statue ke saath saath Gujarat ko bhi explore kar sake.

Statue of Unity Movement

Iss statue se related ek project bhi shuru kiya gaya tha government dwara Statue of Unity movement. Iss movement main all over India main jitne bhi farmers hai unse kaha aya ki aap apne instrument donate karey, bahut saare farmers ne iss moment main hissa lekar apne instrument donate kiye.

Toh basically yaha idea yeh tha ki jo instruments jo loha farmers se collect kiya jaayga usse statue main use kiya jaayga. Toh iss movment ka aim yahi tha ki India jo famrers hai unke auzaar, loha pighla ker hum statue main use karengey, lekin baad main yeh pata chala ki yeh saara loha statue main use nahi kiya gaya aur baaki ke jo construction ho raha hai waha per lohe ko use kiya gaya.

What is the objective of Statue of Unity?

Yeh ek memorial hai to Sardar Vallabhbhai Patel hum sab jaantey hai Sardar Vallabhbhai Patel ko ek freedom fighter they aur former Home Minister of India bhi they.

Iss statue ke dwaara Sardar Vallabhbhai Patel ki jo ideology thi use phelaana ki koshish ki gayi hai, taaki log inse sikhe aur inse prenaa le. Toh aap keh saktey hai ki yeh ek objective hai is statue ko banaane ka lekin saath hi saath aur bhi bahut saare objective hai.

Sarkar ne yeh kaha hai ki yeh memorial ka ek purpose bhi hai kyoun ki yeh World's Tallest Statue hai toh log iss statue ko dekhne aayngey tourism bhadega, tourism bhadega toh economy activity hogi, socio-economic development hoga, aur education aur healthcare infrastructure build hoga, aur bhi kai saare development hongey iss statue ke wajah se.

Toh yeh tha poora article Statue of Unity ke baare main. I hope aapko yeh article pasand aaya hoga.