Hello Dosto, Aaj baat karengey Microsoft ke CEO Satya Nadella ke baare main, aur bahut hi bakhubhi inhone yeh role nibhaya hai kaafi saare naye project inhone shuru karwaaye kaafi saari companies kharidi aur Microsoft ko ek nayi bulandi per pohchaa diya yeh Indian hai toh humaare liye yeh proud ki baat hai. Toh inke baare main bahut kuch jaangey, toh article poora padhyega.



Satya Nadella Early Life

Satya Nadella ka janm 19th August 1967 ko Hyderabad, Andhra Pradesh main hua tha. Yeh current CEO hai Microsoft ke aur 3rd CEO hai Microsoft ke, inke pita IAS officer they aur inki mata professor thi sanskrit ki. Yeh bataate hai ki jab yeh chotey they tab inhe cricket khelne ka bada shauk tha aur yeh cricketer hi banna chaatey they inke pass Sachin Tendulker ka sign kiya hua cricket bat bhi hai. Lekin jaise jaise waqt guzra unhe samaj aa gaya ki meri jagha cricket main nahi hai.

Satya Nadella bahut hi brilliant student they inke marks humesha kaafi acche aatey they, lekin inke pita inhe tab bahut hi underestimate kartey they aur kehtey they ki "tumhaare itne acche marks kaise aa jaatey hai."

Satya Nadella Hyderabad Public School main padhe phir inhone 1988 main Electric Engineering ki degree hassil ki Manipal Institute of Technology, Karnataka se.

Satya Nadella Traveled to the USA

1988 main Electrical Engineering ki degree lene ke baad Satya Nadella chale gaye USA. Ab USA main Satya Nadella ne University of Wisconsin-Milwaukee se Master in Computer Science ki degree li 1990 main.

Yaha per Satya Nadella kitne intelligent hai yeh hume pata chalta hai, pehley inhone Electric Engineering kiya phir inhone Computer Science bhi kiya, yeh dono hi poori alag field hai ab aapko jaan ke tajjub hoga ki yeh do degree lene ke baad inhone MBA bhi kiya.

Computer Science jaise hi inhone kiya inhe bahut job ki offer milna shuru ho gayi, kyoun ki 90s ka jo era tha woh computer ka peak era tha toh jiske bhi pass talent tha usse turant hire kar liya jaata tha. similarly humne Amazon ke Founder Jeff Bezos ki biography main dekha tha unhe bhi 90s ke era main kaafi saari job ki offer mili.

Toh Satya Nadella ne as Software Developer kaam karna shuru kiya "Sun Microsystems" naam ki company main, job ke saath saath yeh MBA ki padhaai bhi kar rahe they.

Yaha per bhi Satya Nadella kehtey hai ki Computer Science ki degree lene ke baad bhi maine MBA  iss liye kiya kyoun ki mujhe Wall Street main jaana tha aur mujhe Wall Street ka Stock Broker banna tha.

Satya Nadella Family

90s ke daur main hi inhone shaadi kar li inhi ki colleague Anupama se. Anupama inke pita ke dost ki beti hai aur ek Architect hai. Lekin aaj Anupama ek housewife ki zindagi guzaar rahi hai, lekin inke housewife hone ke piche bhi ek kahaani hai darasal baat yeh hai ki Satya Nadella ko jo pehla beta hua tha woh disable hua tha, deemagi problem thi, Anupama ne apni job chor di aur poora time sirf apne bete ko hi diya aur ek house wife ki zindagi guzaari, iske baad unhe do betiya bhi hui toh total 3 bacche hai Satya Nadella ke.

Satya Nadella in Microsoft

Toh jaise maine aapko pehley bataya ki Satya Nadella chaatey they ki ek Stock Broker banke aaram ki zindagi guzaare lekin kismat ko kuch aur hi manzoor tha, 1992 main Satya Nadella ne Microsoft join kar liya. Microsoft join karne ke baad inke ek ke baad ek project milna shuru ho gaye.

Satya Nadella bataate hai ki shuru shuru main mujhe kuch samaj main hi nahi aata tha ki yaha kaam ho kya raha hai, lekin dhire dhire main Microsoft ke environment main dhal gaya.

Satya Nadella ki ek khubi yeh hai ki woh zyaada boltey nahi hai, ek interview ke dauran Satya Nadella se pucha gaya ki aapke kaam karne ka tarika bataayeh, aap kaise Microsoft ko chalaatey hai? Toh unhone jawaab diya ki "pehley main ek meeting main bethta hu, uske baad sunta hu, phir sab ke views leta hu, aur jab decision ki baari aati hai tab main bolta hu."

1999 main Satya Nadella ko "Microsoft  bCentral" ka Vice President bana diya gaya.

Microsoft ki Cloud Computing main Satya Nadella ka bahut bada haath hai, aur dekhtey hi dekhtey bahut saare project miley, inhe small business project miley, gaming projects miley, customer based relationship ka segment inhe diya gaya, CRM product design karne ke liye inhe diya gaya. Toh bahut saare projects inhe Microsoft main miley.

2007 aatey aatey inke bahut saare promotions ho chuke they "Corporate Vice President" "Senior Vice President" aur 2007 main inki salary $7 lakh ho gayi thi, aur saath hi saath $7 million ka inhe stock mila tha. Phir Satya Nadella ko Sever and Tool Business ka President bhi bana diya gaya.

Iske baad bhi Satya Nadella kaafi successful huey, kyoun ki Microsoft ne computer ke alaava aur bahut saari industries main invest karna shuru kiya, Microsoft ne gaming main haath aazmaaya, mobile main haath aazmaaya yaha tak ki music industry main haath aazmaaya aur cloud computing main bhi haath aazmaaya.

Satya Nadella as CEO

Microsoft ab poori tahra phel chuka tha har jagha, aur Microsoft ek nayi bulandiyo per pohach chuka tha aur iska poora credit Satya Nadella ko hi jaata hai.

Iske baad Satya Nadella ko Microsoft ka CEO bana diya gaya, lekin CEO banne se pehley Satya Nadella ki last position thi as Executive Vice President for Microsoft's Cloud and Enterprise Group.

Agar Satya Nadella ke projects ki baat ki jaaye toh jaise maine kaha bahut projects miley inhe, lekin do aise projects miley jisne Satya Nadella ko kaafi aage bhada diya.


  • Cloud Computing  - Is project main Satya Nadella ne bakhubi kaam kiya.
  • Bing - Bing ek search engine hai jaise google hai, yaha Microsoft itna success nahi ho paaya kyoun ki google ne poora takeover kar liya. Google ko pachaadne ke liye Microsoft ne Bing ko default browser banaane ki bahut koshish ki lekin jeet Google ki hi hui. Phir bhi Google ke baad agar koi search engine aata hai toh woh hai Bing.


Ek baat main aapko yaha bataana chaata hu ki jab Satya Nadella ko CEO banaya gaya toh ex CEO Bill Gates aur Steve Ballmer dono hi ne ek hi baat ki, "ki jo humne kiya woh mat karna Be your self, humaare idea bilkul copy mat karna kyoun ki company ab tum chaalogey."

Aur hum dekhtey hai ki 2014 ke baad Microsoft ka business kaafi bhad gaya, Steve Ballmer ne retirement se pehley Nokia ko kharid liya tha aur Nokida kahrid kar Satya Nadella ko de diya, Satya Nadella ne Nokia ko Microsoft bana diya aur phones ek dum se bikne lagey.

Microsoft ke mini surface bhi aane lage, mini surface division iss division ko bhi Satya Nadella ne kaafi acche tarike se handle kiya.

Cortana software develop kiya, Microsoft ke computer kharide Cortana aapko assist karti jaaygi.

Microsoft Band bhi bana diya aur Windows phone bhi kaafi successful hua.

2014 se lakar 2019 tak business kaafi bhada aur Microsoft aur bhi badi company ban gayi.

Jab Satya Nadella CEO bane toh kaafi saari companies ko unhone acquire kiya, un main se ek company thi Minecraft, Minecraft ek gaming company hai aur Linkdin ko bhi kharid liya.

Satya Nadella kehtey hai ki hum yaha profession ko technology se connect karna chaatey hai.

Satya Nadella haal hi main India aaye they tab unhone Make In India, Digital India ko kaafi support kiya, aur yeh elaan bhi kiya ki Microsoft 5 lakh villages main technology pohchaayga. Hum internet pohchaayengey, hum computer pohchaayengey.

Toh yeh thi Satya Nadella ki biography, aagar aap ko yeh biography pasand aayi ho toh share zaroor kar dijyega.

Thank You.