Hello Dosto, aaj hum baat karengey Jeff Bezos ki yeh duniya ke sab se bade entrepreneur hai, duniya ke sab se ameer insaan hai. Yeh Amazon.com ke founder hai, Amazon wohi E-commerce company jisne aadhe zyada E-commerce market capture kar rakkha hai. Inke baare main aaj hum jaangeye ki kiase inhone Amazon found kiya? Kaise yeh duniya ke sab se ameer insaan bane? Toh bahut kuch jaane ko milega aapko inke baare main toh article poora padhyega.

Jeff Bezos Biography in Hindi - Founder of Amazon.com


Jeff Bezos Early Life

Jeff Bezos ka janm 12th January, 1964, ko Albuquerque , New Mexico main hua tha, inki mata ka naam tha Jacklyn Gise Jorgensen aur pita ka naam tha Ted Jorgensen. Lekin yaha per main aapko ek baat bata du ki Ted ne matlab Jeff Bezos ke pita ne Jeff Bezos ko kabhi pita ka pyaar diya hi nahi kyoun ki Jeff Bezos ke janm se pehley hi Ted aur Jacklyn ke bich divorce ho jaata hai.

Jab divorce hua tha tab Jeff Bezos ki mata sirf 17 saal ki thi, aur uss waqt woh high school main padhti thi.

1968 main Jeff Bezos ki mata ne phir se shaadi ki aur is waqt Jeff Bezos ki umar thi 4 saal aur iss baar unhone shaadi ki thi Cuban immigrant se jiska naam tha Mike Bezos.

Jeff Bezos yaha bataate hai ki mera bachpan bahut accha guzra hai aur mere relation mere father ke saath kaafi acche they. Jeff Bezos ka kehna hai ki normally kya hota hai ki agar maa ya baap main se koi bhi sautela ho toh woh pyaar nahi mil paata, lekin yaha per mere father sautele they lekin phir bhi woh mujhe apni aulaad ki jaise hi pyaar kartey they.

Ab dusri shaadi ke baad Bezos family Houston, Texas main settle ho gaye. Houston main hi Bezos ne River Oaks Elementary School main 4th grade se lekar 6th grade tak padhaai ki, lekin aapko yeh jaan ke tajjub hoga ki isi dauran unhone apni ek company bhi bana li jiska naam tha Dream Institute, yeh ek educational summer camp tha.

Jeff Bezos ke pita jab garage main kaam kar rahe hotey they toh Jeff Bezos bhi waha aakar unke pita jo kar rahe hotey they woh bade dhyaan se dekh te they. Ab chotey bacche toh khel kheltey hai aur mast rahtey hai apni hi duniya main lekin Jeff toh yeh saare kaam itni dhyaan se dekhtey ki koi 18-19 saal ka ladka dekh raha ho.

Agar aap Jeff Bezos ke article yaa phir Interview padhengey toh ek baat aapko common milegy aur woh yeh ki, Jeff Bezos humesha kehtey hai ki mujhe Inventor Bezos kaho. Mujhe duniya ka sab se ameer insaan mat kaho kyoun  ki paisa mera motive raha hi nahi.

Ab Bezos family move hoti hai Miami, Florida main, jaha Jeff Bezos Miami Palmetto High School main admission letey hai. Ab padhaai ke saath saath inhone McDonald's main bhi kaam shuru kar diya, McDonald's main Jeff ko part time job mil gaya.

Jeff Bezos Career

High school ke baad ab Jeff Bezos ne Princeton University main Computer science aur electric engineer ki padhaai ki. Graduation ke baad Jeff ko bahut saare job ke offer miley, Intel aur Dell jaise company ki taraf se inhe job offer miley.

Jeff Bezos ne kuch badi companies main kaam kiya bhi, lekin sab se important inhone investment firm D. E. Shaw main kaam karna shuru kiya as a Senior Vice-President woh bhi sirf 30 saal ki umar main.

Aur in sab firms aur banking sector main kaam karne ke baad inhe Wall street ke baare main pata chala ki kaise Wall street kaam karta hai kaise banking sector kaam karta hai toh ek accha khaasa experience unhe ho gaya.

Amazon.com

D. E. Shaw main Jeff Bezos kaafi accha khaasa paisa kama rahe they, Jeff Bezos kehtey bhi hai ki mere saamne do raaste they ya toh main yeh job continue karu aur aaram ki zindagi bita du aur phir retired ho jaau ya toh phir main apne sapne ko poora karu.

1994 main Bezos ne D. E. Shaw se resign kar detey hai aur apni khud ki company shuru kartey hai Amazon. Shuru main Jeff Bezos ne Amazon ki jagha Cadabra naam socha tha lekin phir inhone Amazon hi rakkha kyoun ki sab se badi nadi hai South America main Amazon.

Ab company shuru karne ke liye paiso ki zaroorat hoti hai toh Jeff Bezos ne Investor ke pass paisa maangna shuru kiya, lekin kamaal ki baat yaha yeh hai ki Jeff Bezos jab bhi investor se miltey they toh woh pehley hi keh de detey they ki 70% chances hai ki meri company jo hai woh doob sakti hai. Aur woh yeh is liye investors ko yeh kehtey they kyuoun ki Internet se abhi tak product sell kabhi huey nahi hai, ho sakta hai ki meri company doob jaaye aur 70% chances hai doobne ke. Lekin agar 30% chances hai chalne ke toh phir hume koi nahi rok sakta.

1995 main Amazon.com shuru ho gaya us waqt tak internet bhi aa gaya tha, toh shuru shuru main Amazon.com books sell karti thi, Jeff Bezos bataatey hai ki Books bechne ke piche idea yeh tha ki uss waqt log books zyaada khardtey they lekin books kharidne ke liye unhe store main jaana padhta tha aur jo books chaiyeh bhi thi woh kabhi kabaar nahi milti thi toh Jeff ko idea aaya ki Books se start karne se faayda ho sakta hai.

Jeff Bezos ka idea kaam kar gaya bahut saari books bik gayi aur kaafi profit kamaaya, aapko jaan ke tajjub hoga ki sirf 30 dino main 45 foreign countries main inhone books bech di aur ek hi haftey main $20,000 ka business kar liya.

Ab books main profit hone ke baad inhone Music Player, DVD aur Videos bechne shuru kiye toh yeh bhi chal gaye.

Sirf 3 saal main Amazon public ho gayi (IPO) Amazon stock market main bhi aa gayi, ab inki company public ho gayi company public hone ke baad kai saare logo ne inki company ke share kharide bahut saari investment hui lekin in sab ke baad Dot-com bubble burst ho gaya.

Dot-com bubble burst hone ki wajah se saare business bandh ho gaye lekin sirf Amazon bacha raha.

Yaha Jeff Bezos bataate hai ki market niche jaa raha tha, stocks niche jaa rahe they, companies niche jaa rahi thi toh sab kuch niche jaa raha tha, lekin meri company niche nahi jaa rahi thi kyoun ki mera staff kaafi accha kaam kar raha tha main kaafi accha kaam kar raha tha, aur dusri cheez humne yaha yeh ki thi ki humne yaha per spending kaafi acche se ki thi, maine ek ek cheez dekhi maine sales dekha, poora finance dekha toh maine paaya ki company main ek accha khaasa paisa hai jisse company sustain kar sake, toh humaare paas paisa tha aur jisse hume acche se spend kar saktey they. Toh is liye hum bache rahe.

Ek aur cheez yaha per Jeff Bezos bataate hai ki humaare Products bhi kaafi acche they Amazon ki humeshaa se ek hi priority rahi hai Customer, Jeff Bezos customer ke hisaab se sochtey hai.

Aur 2000 se 2003 ka waqt main kaafi saari dikkat aayi 2002 main toh Jeff Bezos bankrupt bhi ho gaye they. Lekin 2003 ke baad phir se Amazon ne back kiya, aur $400 million inhone kamaaye, aur phir inhone ek ke baad ek companies launch karna shuru kar di.

November 2007 main Jeff Bezos ne launch kiya Amazon Kindle aur 2007 ka waqt Jeff Bezos ke liye bahut zyaada accha tha kyoun ki isi saal inka profit 102% ho gaya tha, aur isi saal toh American housing crisis hua tha lekin Jeff ne toh double profit kamaaya. Dhire dhire Jeff Bezos duniya ke sab se ameer insaan ban gaye.

Amazon ka sales 1995 main tha $510,000 lekin 2011 main $17 billion toh aap dekh saktey hai ki Amazon ne kitni badi chalaan lagaai hai aur abhi toh Amazon ka sale Trillion main hai.

China main Amazon nahi hai, poori duniya main Amazon hai lekin China main nahi hai kyoun ki waha per toh Alibaba hai, kyoun ki China main Amazon nahi hai toh Jeff Bezos ne apna business India main expand kiya. Amazon.in ke Vice President hai Amit Agarwal inko India bheja aur inhone kaafi accha kaam kiya

Amazon Ventures

Inhone ek aur comapny launch ki Blue Origin yeh aerospace company hai yaha pe yeh logo ko space main bhejtey hai aur yeh Seattle-based company hai, logo ko space main bhejna ka sapna toh inhone apne college time se hi dekh rakha tha aur 2007 main inka yeh sapna bhi poora ho gaya.

2013 main Jeff Bezos ne The Washington Post ko $250 million main kahrid liya aur jo dusri bhi publication affiliated they unko bhi kharid liya.

Phir 2013 main hi inhone Amazon Prime launch kiya jaha per log Web series dekh saktey hai.

Toh ek ke baad ek yeh apne Ventures launch kartey gaye aur Market per poori tahar se kambzaa jama liya.

Jeff Bezos as CEO

Jeff Bezos team invention main kaafi believe kartey hai Jeff Bezos ka maana hai ki jab team milti hai aur ek idea aata hai toh kamaal hota hai, agar koi innovative idea aata hai aur team hai aur agar us ideal main kuch changes ki zaroorat hai toh team ka dusra member usse theek karega toh yeh ek fun process hai aur tabhi toh bahut saare ideas develop hongey.

Toh Jeff Bezos jab bhi kisi candidate ka interview letey hai toh woh 3 cheezo ko dekhtey hai, ki kya woh uss person ko admire kar paayengey, dusra kya woh Amazon ke standard ko raise kar paayengey, aur konsi aise condition hogi jo isse di jaaye taaki woh gazab ke ban jaaye. Toh yeh 3 cheeze humesha Jeff Bezos candidate se puchtey hai.

Jeff Bezos ko bade bade presentation pasand nahi, aur khaas ker ke PowerPoint main bane presentation Jeff Bezos ko bilkul bhi pasand nahi iske bajaay woh pasand kartey hai simple ek file jiss main, main main detail ho.

Jeff Bezos ka khud ka email id hai jeff@amazon.com aur yaha yeh khud queries ko respond kartey hai. Yeh bataate hai ki main koshish karta hu jitne email ke main reply de saku utne du. Kyoun ki Jeff  Bezos ka maana hai ki agar main ek customer ki query fix ki toh woh laakho customer query bhi automatic fix ho jaaygi.

Jeff Bezos Net Worth

Ab aatey hai main mudde per Wealth, 2016 main Jeff Bezos 3rd richest person in the world ban gaye they. us waqt st they Bill Gates aur 2nd per they Warren Buffet aur 3rd per yeh they.

Lekin 2018 mian yeh sab se ameer insaan ban gaye 1st per yeh, 2nd per Bill Gates aur 3rd per Warren Buffet.

2018 main Jeff Beozs ki net worth thi $112 billion ab yeh itna paisa hai ki isse ek sehar aaram se kharida jaa sakta hai, aur market cap toh chor hi do jitna India ki economy hai utna toh Amazon ki sirf market cap hai.

Toh yeh thi biography Jeff Bezos ki i hope aapko yeh biography pasand aayi hogi agar pasand aayi ho toh please share kar dijyega.

Thank You.