Hello Dosto, Aaj main ek aur book ki summary le aaya hu, aur iss baar toh main legendary Author ki book ki summary le kar aaya hu jinka naam hai Dale Carnegie inhone bahut saari aur acchi books likhi hai lekin aaj main jis book ki summary le kar aaya hu uska naam hai How to Stop Worrying and Start Living.


How to Stop Worrying and Start Living - Book Summary in Hindi





Iss book main Dale Carnegie ne hume bataaya hai ki jo humaari body main bimaariya hoti hai woh zyaadatar tension lene se hoti hai jisse hum medical term main Psychosomatic diseases bhi kehtey hai, Dale Carnegie bataate hai ki tension lene se kuch nahi hone waala, balki humaari body main nayi beemaari hone lagti hai, Agar aapne Munna Bhai MBBS movie dekhi hogi toh us main Sanjay Dutt kehtey hai ki "Tension nahi levanu, Juice Peevanu ane Keram ramvanu maza ni life."

Toh bahut zyaada important ho jaata hai dosto ki hum tension ko chor ker zindagi ko jeena sikhe, kyoun ki jaise hume pata hai ki tension se kuch nahi hone waala balki aapko sirf nuksaan hi hoga.

Toh Dale Carnegie iss book main bahut saare tarike bataate hai ki kis tahra hum deal kar saktey hai humaare tension se.

Main Focus in This Book


Iss book main focus kiya gaya hai ki jo physical illness hoti hai woh zyaadatar tension lene se hi hoti hai, aur badi badi beemariya jaise, heart diseases ho gayi, arthritis ho gaya, stomach ulcers, high blodd pressure, diabetes,  yeh saari ki saari bimaariya dosto tension lene se hoti hai.

Lekin thanks to Dale Carnegie jinhone hume iss book main kuch steps bataaye hai jisse hum apne tension ko dur kar saktey hai toh iss book main main focus inhi sab cheezo per kiya gaya hai aur main bhi aapko yehi cheeze bataaunga.

Why Carnegie Wrote This Book?


Chaliyeh kuch logo ke mann main yeh question zaroor hoga ki Dale Carnegie ne yeh book kyoun likhi?  Toh iss book ki Preface main Dale Carnegie bataate hai ki, iss book ko likhne se pehley main New York ka sab se dukhi insaan tha, aur unhone bataaya ki main dukhi is liye tha kyoun ki bahut zyaada tension main tha, aur yeh tension iss liye tha kyoun ki jo position unki life main thi usse woh khush nahi they.

Toh agar mujhe yeh tension door karna hai toh mujhe position ki fikar chorni padgi aur isi liye maine iss book ko likhne ka faisla kiya aisa Dale Carnegie bataate hai.

Main Goal of The Book


Iss book ka main goal yeh hai ki aapko ensure karna hai ki aap apni life se tension ko nikal pheke aur ek enjoyable aur fulfilling life jee sake.

Iss book main Dale Carnegie ne kuch quotes likhe hai.

"Our thoughts make us what we are" matlab humaare jo vichaar hai woh hi hume banaate hai toh iss liye bahut zaroori ho jaata hai ki humaara humaare thoughts per control hona.

"When we hate our enemies, we are giving them power over us: power over our sleep, our appetites, our blood pressure, our health, and our happiness."

Dale Carnegie bataate hai ki kabhi bhi nafrat ki bhaavna nahi rakhni chaiyeh aur kabhi bhi kisi ke saath constant competition main nahi rehna chiayeh kisi ke saath bhi, kyoun ki agar aise hota hai toh yehi main reason banta hai aapke tension ka. Kyoun ki kya hota hai ki hum dusro ko dekh ker kaafi tension main aa jaatey hai "ki yeh kitni badi position per aa gaya", "isne toh kitne gande kaam kiye hai phir bhi yeh kaamyab hai", toh yeh sab cheeze nahi sochni chaiyeh apni comparison kisi aur ke saath nahi karni chaiyeh.

You Must Know This About WORRY


Ab Dale Carnegie hume bataate hai ki tension ko lekar 3 important cheez hume pata honi chaiyeh.

1 - Live In Present


Toh pehla yeh hai ki agar aap tension se deal karna chaatey hai toh aapko aapke aaj main jeena hoga, sochiyeh hi mat ki future main kya hoga. Toh sab se zyaada important yeh hai ki aap Day Tight Compartments main rahe, aapko sirf aur sirf aapke aaj ke baare main sochna hai.

Aapka focus sirf yahi hona chaiyeh ki aaj per, aaj mujhe accha kaam karna hai, kyoun ki aksar hota yeh hai ki hum kal ke tension main aaj ke din ko acche se jee nahi paate aur hum bhool jaate hai ki today is preparation of tomorrow.

Toh sab se peheli cheez aati hai ki agar aapko tension se deal karna hai toh aapko aaj main jeena hoga.

2 - Use the Formula of Willis H Carrier


Dusri cheez woh bataate huey Willis H Carrier ki case study detey hai, hua yeh tha ki Willis H Carrier ke saath bahut zyaada problem thi aur uss wajah se woh tension main aa gaye, hua yeh tha ki inki company thi aur uss company main jo nuksaan hone waala tha woh inhi ke wajah se hone waala tha, toh iski wajah yeh bahut zyaada tension lene lag gaye.

Ab iss tension se tackle karne ke liye inhone ek upaay nikala, inhone apne aap se poocha ki sab se bura kya hoga jo main soch raha hu? matlab agar aap ne kisi exam ki tayaari theek se nahi ki aur aap ab tension main hai ki main fail ho jaaunga toh zyaada se zyaada kya ho jaayga? aap fail hi ho jaaogey na aur toh kuch hone waale hai nahi, ya phir aap job kar rahe hai aur aap acche se kaam nahi kar paaye toh kya hoga aapko job se nikal diya jaayga aur toh kuch hone waala hai nahi.

Dekhiyeh yaha per Dale Carnegie kehna yeh chaatey hai ki Worst Possible Outcome aapko jaise hi pata chale toh aap mentally uske liye prepare rahiyeh usko accept karne ke liye. Aur apne aap ko calmly improve karne ki koshish kijye usse worst situation main.

Aur isko simple banaatey huey main kahu toh yeh hai ki agar aapko pata chal jaata hai ki main fail ho jaaunga toh aap iske liye prepare rahiyeh, kyoun ki aapne exam ki tayyari theek se ki nahi toh zaahir baat hai ki aap fail hone waale hai, toh iske liye mentally ready rahiyeh aur aapko pata hona chaiyeh isse zyadaa toh kuch hone waala hai nahi, main bus fail ho jaaunga aur waapas se main exam dunga aur pass ho jaaunga.

3 - Always Remind Yourself


Teesri cheez yaha Dale Carnegie hume batate hai tension se deal karne ke liye ki aapko apne aap ko yaad dilatey rehan hoga ki agar aapne tension liya toh iski aapko bhaari rakam chukaani padegi aur jo hai aapki Health.

"Nothing can bring you peace but yourself" Aap apne aap per ek tahra se responsibility sopiye ki aap apne aap ko kabhi bhi tension nahi lene dengey.

"Two men looked out from prison bars, One saw the mud, the other saw stars." Ek hi situation hai aur ek hi prison hai aur prison ki khidki se ek aadmi stars ko dekh raha hai aur dusra aadmi niche mitti ko dekh raha hai.

How to Analyse WORRY?


Sab se pehley toh aap saare facts ko ikkatha kijye aur in facts ke basis per kisi decision per pohchye, aur jab aap decision le lete hai toh tension liye bina usper kaam karey.

Apne aap se poochye ki problem kya hai? kis wajah se yeh problem aayi hai? is problem ke kon kon se solution hai? aur ins solutions main se best solution kaunsa hai? Toh iss tahra se aapko worry ko analyse karna hai yeh Dale Carnegie bataate hai.

How Can We Break Free From The Habit of WORRY


Kis tahra se hum tension ki habit se apne aap ko door rakhe, toh dekhiyeh iske liye Dale Carnegie bataate hai ki aap apne aap ko busy rakhiyeh apne aap ko kaamo main uljhaaye rakhyeh, choti choti baato per jhagda na karey aur decide kijye ki kitna tension iss cheez ke liye zaroori hai, kai baar kya hota hai ki bahut choti se cheez hoti hai aur hum bahut zyaada uska tension letey hai toh aap khud decide kijye ki kya itni choti si cheez ke liye itna tension lena sahi hai?

How to be Happy and Peaceful


Yaha Dale Carnegie hume kuch steps bataate hai jisse hum mentally apne aap ko khush rakh saktey hai.

Toh sab se pehley toh aap apne mind ko postive thoughts se bhar dijye jaise kuch karne ka courage, health, hope yeh sab positive thoughts hai inhe apne dimag main laaiyeh inke baare main sochyeh.

Yaha per tension ka ek aur reason bhi hota hai ki agar hum kisi insaan ki madad kartey hai toh hume uska shukriyada nahi milta hai, toh Dale Carnegie yaha bataate hai ki expect karo ingratitude ko matlab aap expect karey ki woh aapko shukriya nahi karegey jo kaam aap ne unke liye kiya, kyoun ki hota yeh hai ki agar aap expect kartey hai ki woh mujhe shkriya kahgea aur phir woh nahi karta toh isse aap kaafi dukhi hotey ho.

Humesha blessing ko count kijye na ki problems ko kyoun ki aapke saath zaroor kuch accha hua hi hoga buri se buri situation main bhi.

Aur aapke jo bhi dushman hai uske baare main na sochyeh, pehley toh dushman banaaye hi na lekin phir bhi agar koi dushman ban jaata hai toh usse ulajhye mat usko uski life main jeene dijye aap apni life main mast rahyeh.

Humesha yeh sochyeh ki jo nuksaan bhi aapko hua hai uss main aapko faayda kitna hua yeh sochyeh. Ho sakta hai ki buri se buri situation bhi aapke liye ko sikh le ker aayi ho aur wohi aapka profit ho.

Dusro ke liye happiness create kijye, kyoun ki jab aap dusro ke liye happiness create karengey matlab aap apne liye happiness create kar rahe hai.

Find Yourself and Be Yourself


Apne aap ko dhunde aur apne aap main hi rahe, kyoun ki aap jaisa iss duniya main koi nahi hai aur yeh most powerful line hai Dale Carnegie ki iss book main.

Two Ways to Conquer WORRY


Dale Carnegie hume yaha 2 tarike bataate hai ki worry ko conquer karne ke liye.


  • 1 - Pray: Pray se sab se zyaada farak dikhta hai Dale Carnegie ke hisaab se agar aap supernatural power ke saath interact karne ki koshish kartey hai pray kartey hai aur positivity rakhtey hai toh aap worry ko automatically door kar saktey hai 



  • 2 - Live In Present: humesha focus kijye present main rehne ki aur jaise main pehley hi kaha aapko ki agar aapko tension se deal karna hai toh aapko aaj main jeena hoga.


Choti choti cheezo ko hume bhool jaana chaiyeh usse dukhi hone ki koi zaroorat nahi hai, choti cheezo per focus karna yeh humaara goal nahi hona chaiyeh kyoun ki life bahut hi choti hai.

How to Keep Your Energy High


Toh apni energy ko high kaise rakkhe, Dale Carnegie bataate hai ki aaram kare thakne se pehley, kyoun ki jab hum thak jaatey hai toh ek tahar se hum bahut zyaada ghussa ho jaatey hai is liye pehley ek andaaza laga lijye ki aap thakne waale hai aur pehley hi apni body ko rest de dijyeh.

Relax karna sikhe kaam ke waqt bhi aur apni health ko protect karey ghar main aaram kartey huey. Aur humesha uss kaam se start kijye jo bahut zyaada zaroori hai uss kaam se nahi jo important nahi hai.

Iss book main Dale Carnegie ne ek bahut behtarin Prophet Muhammad (P.B.U.H) quote kiya hai.

"A good deed, "said the Prophet Muhammad, "is one that brings a smile of joy to the face of another." Agar aap dusro ke liye accha kar rahe hai toh aap apne baare main sochna chor detey hai aur kyoun ki aap apne baare main sochna chor detey hai toh aap tension ko bhi bhool jaatey hai.

Aapko yeh bhi yaad rakhna hai ki jab aap koi problem ko face karety hai toh usse usi waqt solve karne ki koshish kijyeh aur yeh bahut zaroori hai, aur tension lene ki koi baat nahi hai agar aapko neend nahi aati.

Ek aur Dale Carnegie ka zabardst quote

"When I asked him  - Mr Henry Ford - If he never worried, he replied: "No. I belive GOd is managing affairs and that He doesn't need any advice from me. With God in charge , I belive that everything will work out for the best in the end.

Jab Dale Carnegie ne Henry Ford se pucha tha ki kyoun woh tension nahi lete, toh Henry Ford ne kaha tha ki sab kuch acche ke liye hi hoga kyoun ki God is manager toh mujhe phir tension lene ki koi zaroorat nahi.

Aakhir main Dale Carnegie bataate hai ki aap jo bhi kaam kar rahe hai is main best banyeh, chaae jo bhi kaam jo bhi kaam kar rahe hai use main best ban jaaiyeh, aur tension ko hata dijye, apne aap ko kisi ke saath compare mat kijye aur apne thought per control kijyeh.

Toh Dale Carnegie ne hume bataaya ki kis tahra tension ko door karna bahut zaroori hai agar aap apni life ko happy aur peaceful banaana chaatey hai.

I hope aapko yeh summary pasand aayi hogi.

Thank You.