Hello, Dosto aaj baat karengey RSS ke baare main matlab Rashtriya Swayamsevak Sangh jaanegey RSS ki history ke baare main kisne isko found kiya purpose kya hai RSS ka, philosphy kya hai RSS ki.

History of RSS in Hindi - Rashtriya Swayamsevak Sangh


Bahut saare former leader aur current leader RSS ke member kabhi reh chuke hai jaise PM Narendra Modi aur aur humaare Rashtrapati Ramnath Kovind  RSS ke member reh chuke hai toh baat karengey iss sab ke baare main bhi ki RSS ka kitna influence hai government main.

RSS ki jab baat aati hai toh humaare deemag main ek image aati hai ki kuch young ladke white shirt and khakhi half pant aur haath main danda lekar khade hai yeh RSS ka uniform hai jo bhi RSS main join hota hai usse yeh uniform pehnna padhta hai.

RSS ka matlab kya hota hai yeh jaan lete hai toh RSS ka fullform hai Rashtriya Swayamsevak Sangh toh Rashtriya ka matlab hota hai nationalist Swayamsevak ka matlab hota hai Volunteer aur Sangh ka matlab hota hai Organisation.

Toh naam ke hisaab se dekhe toh yeh Volunteer organisation hai jaha per log join hotey hai bina kisi moh ke sirf desh ki seva ke liye lekin RSS per bahut saare tags lag chuke hai jaise RSS ko Right-wing kaha jaata hai ya phir Hindu nationalist ya phir Paramilitary organisation toh yeh saare tags lage hai RSS per toh yeh jaana bahut zaroori hai ki yeh saare tags RSS per kyoun lage.

Right Wing defiantly hum keh saktey kyoun ki RSS ki ideology Right wing per jhukaav rakhti hai.

Hindu Nationalist

RSS Hindutva ko lekar kaafi serious hai aur woh Bharat main Hindutva ko phelana chaatey hai.

Paramilitary Organisation

RSS apne members ko training deta hai jo danda hota hai usse kaise chalya jaaye uski training deta hai aur specialize camp main hathyaaro ki bhi training di jaati hai lekin yeh saari detail public domain main zyaada bahaar nahi aati.

History of RSS in Hindi - Rashtriya Swayamsevak Sangh


BJP jo abhi bahut badi political party hai India main uska parent organisation RSS hai aisa hum keh saktey hai, lekin RSS ka kehna hai ki hum BJP ko control bilkul nahi kartey humaara koi connection nahi hai BJP ke saath, aur BJP bhi kehti hai ki humaari ideology RSS se match nahi karti.

What is RSS All About?

RSS ka kehna hai ki hum cultural organisation hai hum political organisation nahi hai, RSS ka kehna hai ki hum desh ki sanskriti ko aage bhadaana chaatey hai desh ke yuva ko aage bhadaana chaatey hai aur desh ke yuva ko samjhaana chaatey hai ki kaise hindu rashtra jo hazaaro saalo se chal raha hai aur isse hi hum continue rakhna chaatey hai. Toh yeh RSS ka main agenda hai.

RSS hindu rashtravad ko bhadaava deta hain, RSS apni philosophy ko kehta hai Hindutva.

Founding of RSS

Toh isko found kiya tha Dr Keshav Baliram Hedgewar jinhe Doctorji bhi kaha jaata hai, inhone RSS ko Nagpur main September 27, 1925 ko found kiya tha uss din Vijayadashmi tha.

History of RSS in Hindi - Rashtriya Swayamsevak Sangh


Lekin yaha ek importanat cheez yeh hai ki jab RSS found hua tha tab uska naam sirf Sangh tha, RSS iska naam kiya gaya 1926 main.

RSS Family

RSS family usse kaha jaata hai jaha 35 se zyaada organisation RSS ki ideology ko maantey hai usse support kartey hai, RSS ek tahra ka umbrella organisation hai jiske niche yeh sabhi organisation aage bhadtey hai, aur in organisation ko shuru karne waale RSS ke member hi hotey hai, lekin on paper har organisation independent hai kisi ka bhi sidha sidha RSS ke saath connection nahi hai yeh on paper hai.

Yeh organisation ki annual meeting hoti hai log apni apni report RSS ke head ko detey hai ki poorey saal kya kaam hua, abhi haal hi ki baat karu toh 2019 ki meeting Gwalior main hui hai, toh yeh meeting hoti hai work related, future plans kya hai is per sab iss meeting main discuss hota hai.

Ab aapko ek question deemag main aaya hoga ki woh 35 organisation hai kaun jo RSS ke under hai? toh main yaha kuch ke naam bata raha hu.


  • Bharatiya Janata Party (BJP)
  • Bharatiya Kisan Sangh
  • Bharatiya Mazdoor Sangh
  • Seva Bharti - for service of the needy
  • Rashtra Sevika Samiti - for Women
  • Akhil Bharatiya Vidyarthi Parishad
  • Vishwa Hindu Parishad
  • Hindu Swayamsevak Sangh
  • Bajrang Dal
  • Muslim Rashtriya Manch


Toh yeh kuch organasiation hai jo RSS ke under hai, aur bhi organisaion hai lekin yeh jo organisation hai woh bahut zyaada important hai.

Organization Structure

RSS ne yeh kabhi khul ke ya openly public main nahi bataya ki RSS kaam kaise karta hai, iske branch heads kaise chune jaatey hai. RSS main internal democracy nahi hai ki jaha chunaav hotey ho.

Sarsanghchalak jo hota hai woh RSS ka head hota hai toh Sarsanghchalak kaise chuna jaata hai, toh jo pichla Sarsanghchalak hota hai woh nominate karta hai ek RSS ke member ko, ki mere baad yeh Sarsanghchalak banega, matlab naam le letey hai ki mere baad yeh Sarsanghchalak banega.

Abhi haal main RSS ke head hai Mohan Bhagwat yeh 2009 se RSS ke head hai, inko nominate kiya tha K.S Sudarshan ne.

Leadership Structure

Toh sab se uper toh RSS ka head (Sarsanghchalak) hota hai lekin unke under kaun kaun aata hai yeh jaan letey hai.


  1. Rashtriya Sarkaryavah (General Secretary) - 2/3 general Secretary hotey hai lekin yeh fix nahi hai isse zyaada bhi ho saktey hai.
  2. Sahkaryavah - (Joint General Secretaries)
  3. Kshetriya Sahkaryavah - (In charge of few states/zones) - is post ke member ko state de diye jaayengey jaha yeh log RSS ka prachaar karengey aur kaam karengey.
  4. Sahkaryavah - Sahkaryavah assist karengey Kshetriya Sahkaryavah ko.
  5. Sahprant Pracharak - Sahprant Pracharak ko kisi ek state ka part de dengey, jaise UP hai toh western UP Sahprant Pracharak ke pass hoga.
  6. Prant Pracharaks - Prant Pracharaks ke paas kuch cities hogi jaha woh RSS ke liye kaam karengey.
  7. Mahanagar Karyavah - Mahanagar Karyavah jo hai woh city ka head hoga.


In sab post main Pracharak waali post sab se zyaada important hai, abhi RSS main 2500 pracharak hai aur yeh lifetime ke liye RSS ke liye kaam karengey. Pracharak banne ke liye inhone apno family ko chor diya aur woh shaadi bhi nahi kar saktey hai, wasie bhi prachark banne ke liye bachelor hona zaroori hai. Aur jitne bhi bade bade naam hai Atal Bihari Vajayee, Narendra Modi yeh sabhi RSS ke pracharak reh chuke hai. (Kuch rare case main hi pracharak shaadi kar saktey hai)

Jo Prant Prachark hota hai usse RSS ke allied organisation main bhej diya jaata hai, jaise kisi ko Kisan sangh ke liye bhej diya jaayga ya kisi ko BJP ke kaam ke liye bhej diya jaayga.

How to Become a Member of RSS ?

RSS ke member banne ke liye aapko RSS ki shakha ko subha aur shaam attend karna hota hai, agar aap yeh karne lagtey hai toh aap RSS ke member ban gaye.

What is Shakha ?

2019 ke data ke hisaab se abhi India main total 59266 Shakha hai, inn shakhao main se kuch weekly shakha bhi hai jisse kehtey hai Saptahik Milan in main jo businessman hai ya phir jo job kartey hai woh log in shakhao ko attend kartey hai. Phir aati hai Masik Milan jo month main ek baar hoti hai.

Saptahik Milaan ki shakha hai 17229 aur Masik Milan ki shakha hai 8382. Yeh saare figures aur detail RSS ki annual report main hotey hai.

Aur yeh saari shakha chal rahi 37011 places per, matlab ek city main 10 shakha chal rahi hai ya phir chotey se town main 2 shakha chal rahi hai.

Aur RSS ki shakha ko attend karne waale hotey hai 5-6 million yeh figure uper niche ho sakta hai yeh ek rough estimate hai lekin kaha yehi jaata hai ki itne log attend kartey hai.

Shakha agar bacche attend kar rahe hai toh baccho ko khel khilaya jaata hai, baccho ko nationalism ke baare main bataya jaata hai, Hindutva ke baare main bataya jaata hai. Agar adults hai toh unhe basic exercise karwaai jaati hai, discipline sikhaaya jaata hai.

Aur is meeting main ek khaas prayer hoti hai, phir RSS ka jo bahgwa flag hai usse salute kiya jaata hai. RSS ka ek uniform hai, Black cap, White Shirt, Khakhi half pant lekin 2016 main yeh half pant ko replace kar diya gaya full pant main.

Kaha jaata hai ki RSS fascism se inspired hai, kyoun ki Italy ki Mussolini ki jo party thi uska bhi uniform RSS jaisa hi tha aur uski party main bhi is tahra se salute hota tha march hoti thi.

Shakha main weapons training bhi di jaati hai, weapons most of the time danda hota hai aur iss dande ko as hathyaar ki tahra use karni ki training di jaati hai, aise aarop bhi lage hai ki kuch secret camp bhi chaltey hai jaha bade bade jaan leva weapons ko chalane ki training bhi di jaati hai.

RSS Early Years

RSS ka main agenda hai Hindutva ki raksha hindu rashtra ki raksha hindu culture ki raksha, toh 1925 main jab RSS found hua tha toh iska main base toh Maharashtra hi tha, lekin 1930 ke baad RSS popular hua kyounki Pandit Madan Mohan Malaviya apni university BHU jo unhone banayi thi us main RSS ko jagha di, RSS ko office diya kaam karne izaazat di aur kaha ki aap RSS ki shakha yaha per chaalo. Toh yaha se RSS North India main kaafi grow hona shuru ho gaya.

Lekin yaha per ek important cheez yeh hai ki 1930 main Hedgewar ne bahut dhyaan se bahut smart tarike se Anti British protest se door rakha RSS ko aur kisi bhi political party se bhi door rakha.

1930 se dandi march movement ki shuruaat hoti hai toh Hedgewar khud iss dandi march main gaye they, lekin unhone apni organisation ko iss Movement main involve nahi hone diya. Hedgewar ne humesha yeh dhyaan rakha ki British government RSS ko ban na kar de. Toh British government RSS ko kabhi bhi ban nahi kiya.

Ab Hedgewar khud Congress ke member they aur kaafi saalo se member they aur Civil Disobedience Movement main bhi they aur iske wajah se inko jail bhi hui.

Partition ke waqt RSS ne Hindu refuges ki madad ki thi jo Pakistan se aaye they unke liye camps lagaaye, khaana pohchaaya. Lekin RSS per aarop hai ki us waqt jab Muslim-Hindu dange huey they tab RSS ke kaafi saare member is dange main they aur iss dange ko bhadkaane main RSS ka bahut bada role tha.

Lekin RSS ne aisa kabhi nahi kaha ki Muslim ko maaro iss tahra ki baat RSS officially kabhi nahi kehta, lekin dango ko bhadkane main RSS ke kaafi saare active member they.

1st Ban on RSS

India ko azaad hone ke theek ek saal baad 1948 main Mahatma Gandhi ki hathya hoti hai, Nathuram Godse ne Mahatma Gandhi ko maar diya tha yaha per main aapko ek baat bata dena chaata hu ki Nathuram Godse RSS ka member reh chuka hai.

Ab yaha per kai logo ko kehna tha ki jab Mahatma Gandhi ki hathya ki gayi tab Nathuram Godse active member tha RSS ka, lekin RSS ka kehna tha ki ek waqt ke liye woh RSS ka member tha lekin Mahatma Gandhi ki hathya se pehley woh kaafi saalo tak Shakha ko attend nahi kiya tha.

Lekin perception aisa ban gaya ki RSS ke member ne Mahatma Gandhi ki hathya ki hai, hathya ke 4 din baad RSS ko ban kar diya gaya. Yeh RSS ka pehla ban tha 3 baar RSS ban ho chuka hai.

Lekin iske baad kya hota hai ki Sardar Vallabh Bhai Patel RSS se baat kartey hai aur woh RSS se kehtey hai ki hum aap per se ban hata dege lekin uske liye aapko do kaam karne hogey ek toh aap India ke samvidhaan ko maan lo aur dusra India ke flag ko maan lo. Ab India ka samvidhaan RSS ki ideology se match nahi hota tha is liye RSS ne accept karne se mana kar diya

RSS ne on paper yeh dono cheezo ko accept kar liya lekin yaha per main aapko ek baat bata du RSS shakha per 2002 tak India ka flag nahi lehraaya gaya 2002 tak bhagwa flag hi lehraaya gaya.

Toh Mahatam Gandhi ki hathya ke baad Justice Kapur Commission jo bithaya gaya tha usne aisa kaha ki directly hume aisa koi link nahi mila ki RSS ka Mahatma Gandhi ki hathya main koi involvement tha lekin jo accused jo hai woh kisi samay RSS ka member tha.

Sardar Vallabhbhai Patel ka kehna tha ki unhone dekha ki Mahatma Gandhi ki hathya ke baad RSS ke member khushiya aur meethaiya baattey huey dikhaai de rahe they. Lekin officialy legally RSS ko doshi nahi tehraya gaya.

Political Foray

Jab 1948 main RSS per ban laga toh RSS ko pata chala ki humaare awaaz uthaane ke liye koi nahi hai kyoun ki RSS politics se kaafi door tha aur RSS ko banaya gaya tha as cultural organisation, politics se uska koi lena dena nahi tha aisa RSS ka kehna hai, toh is wajah se unhone kisi bhi political party ko support bhi nahi kiya tha.

Lekin Ban hathne ke baad 1950 main Golwarker ne Shyama Prasad Mukherjee se baat ki, Shyama Prasad Mukherjee pehley Hindu Mahasabha ke leader they phir mantri bhi reh chuke they inse baat ki gayi kyoun ki yeh right wing leader they.

Shyama Prasad Mukherjee congress ke leader they lekin phir inhone congress chori di aur ek nayi political party banayai Din Dayal Upadhya, Lal Krishna Advani, aur Atal Bihari Vajpayee ke saath jiska naam the Bharatiya Jan Sangh iss party ko support tha RSS ka. Toh pehli baar RSS kisi politcal party ko support kar raha tha.

Rehabilitation in Mainstream

Ab RSS ko lekar logo main kaafi kharaab image thi kyoun ki Mahatam Gandhi ki hathya main RSS per aarop lagaya gaya tha lekin 1960 aatey aatey RSS ki image acchi hui.

1962 main jo WAR hua tha use main RSS ne kaafi saari seva di thi, traffic ka sanchaalan kiya kyoun ki jo trafic police they woh dusre kaam main they is liye 1962 main RSS ne kaafi accha Volunteer kaam kiya tha.

1964 main phir VHP matalb Viswa Hindu Parishad ko found kiya gaya yeh Golwarker ka idea tha basically idea yeh tha ki jitne bhi sadhu, mahatma, aur sant jitne bhi alag dharm sampradaay hai Hindu dharm main unhe ek munch miley jaha per woh Hindu dharm ko phela sake.

Second Ban

1970 main Prime Minister Indira Gandhi per cases chal rahe they Allahabad court ne unke khilaaf faisla diya Raj Narayan case main aur isi liye 1975 main Indira Gandhi ne emergency proclaimed kar di, 25th June 1975 ke din. aur RSS ko 4 July ko ban kar diya gaya.

RSS ko yaha is liye ban kiya gaya tha kyoun ki RSS khul ker JP Movement ko support kar raha tha aur Indira Gandhi ke khilaaf tha, toh Indira Gandhi Isse kaafi naaraz thi aur emergency ke baad RSS ko ban kiya gaya.

Iske baad Bharatiya Jana Sangh ke jitne bhi member they unhe jail main dala gaya aur jo jail main nahi they woh underground ho gaye. RSS ke kai members ne protest kiye emergency ke khilaaf.

1977 main jab emergency hataai gai toh Bharatiya Jana Sangh saare opposition se milkar merge ho jaata hai Janta Party main. Janta Party 1977 ka chunaav jeet jaati hai aur Janta Party power main aati hai.

Lekin 1979 aur 1980 main ek problem hota hai Janta Party main actually vipaksh itna united nahi tha vipaksh ki kai saari partiya iss baat ke khilaaf thi ki, jitne bhi sarkari mantri, sarkari log jo Janta Party main hai woh RSS ke bhi member hai aur Sarkar ka bhi kaam kar rahe hai, jaise Atal Bihari Vajpaaye jo us waqt videsh mantri they aur saath hi saath RSS ke bhi member they, RSS ke liye kaam bhi kartey they, toh Janta Party ke jo dusre dal they woh isse naaraz they unka kehna tha ki dual membership nahi chalegi aur iss wajah se Janta Party toot gayi aur 1980 main Janta Party ke tootne se nayi Party banti hai Bhariya Janata Party (BJP). Aur 2nd waala ban chunaav se pehley hi RSS se hat gaya tha.

Toh 1977 ka chunaav RSS ke liye bahut hi important tha aur pehli baar RSS ne satta ka swaad chaka RSS ke mantri pracharak bana diye gaye, RSS ke anye neta rajyasabha main bhi mantri bane.

3rd Ban

3rd Ban tab lagaaya gaya jab 1992 main Babri Masjid ka demolition kiya gaya tha RSS per aarop lagayaa gaya tha ki Babri Masjid ke demolish karne main RSS ke members bhi they lekin phir investigation hui aur investigation ke baad yeh Ban 1993 main hata diya gaya.

RSS Philosophy

RSS ki Philosphy hume pata chalegi unki weekly magazine se unn magazine main unke neta article likhtey hai toh usse bahut kuch pata chalta hai RSS ki philosophy ke baare main. Toh yaha main 4 points rakh raha hu jisse RSS ki philosophy pata chalti hai.

1 - Akhand Bharat

RSS ka maana hai ki Bharat, Pakistan, Bangladesh, Afghanistan yeh hazaaro saal pehley ek tha aur ab waapas bharat aisa hi hona chaiyeh.

2 - Integral Humanism

Iss point main RSS ka maana hai ki hume insaano ko tavajjo deni hai aur gramir vikas per zyaada dhyaan dena hai.

3 - Hindutva

RSS ka maana hai jo bhi bharat main reh raha hai woh Hindu rashtra ka hissa hai is liye unhe Hindutva ko follow karna chaiyeh.

4 - Hindu Rashtra

RSS ka maana hai ki yeh Hindu Rashtra hai hazaaro saalo se is liye har bhartiya ka farz hai ki woh hindu teachings main believe karey.

Toh Hindutva aur Hindu Rashtra yeh do controversy philosophy hai kyoun ki bharat ka samvidhaan kehta hai ki aapko har dharm follow karne ki anumati hai chaahe aap Muslim ho, Hindu ho, Christian ho koi bhi ho.

RSS Path Sanchalan

RSS ek parade ya march ki tahra sadko per nikalta hai jisse Path Sanchalan kaha jaata hai.

RSS Bhagwa Dhwaj

Isse lekar kaafi controversy rahi hai kyoun ki RSS ne saaf inkaar kar diya tha desh ke dhwaj ko accept karne se RSS ne saaf keh diya tha ki hum sirf bhagwa dhwaj ko hi salute karengey aur RSS yeh nahi kehta ki aap iss bhagwan ko maano ya uss bhagwan ko aapko sirf bhagwa dhwaj ko salute karna hoga kyoun ki yeh humaare hindu dharm ka dhwaj hai.

History of RSS in Hindi - Rashtriya Swayamsevak Sangh


2002 se har independence aur republic day per bhagwa dhwaj aur bharat ka dhwaj lehraaya jaata hai.

RSS Criticisms

Religious Fundamentalism Matlab RSS sirf Hindu dharm ki baat karta hai aur Musalman, Chirstian inki koi jagha nahi hai, Hindu dharm ke alaava kisi aur dharm ki bharat main jagha nahi.

Aur Anti Muslim, Anti Christian waali baatein M. S Golwalkar ki book Bunch of Thoughts main likhi gayi hai yeh book 1965 ke aaspaas likhi gayi thi aur is book main sidha sidha likga gaya hai ki desh ko sab se bada khatra musalman aur christian se hai. Toh aise baatein agar RSS likhta hai ya bolta hai toh zaahir taur per woh Fundamentalism hai.

RSS ko extemist organisation bhi kaha gaya hai jo paramilitary group ki tahra kaam karta hai jaise kai dange huey they uske baad jo odissa main anti-christian riots huey they us main sidhe taur per RSS ka haath dekhno ko mila tha aur police investigation main bhi kai RSS leader ka naam aaya tha isi liye RSS ko extremist organisation bhi maana jaata hai.

Toh yeh tha poora article RSS ke baare main i hope saare points maine yaha cover ker diye hongey. Aap ko yeh article kaisa laga aap comment ki zariye bata saktey hai.