Hello dosto, aaj main aapko motivate karunga aur ek aise shaks ki kahani sunaaunga jisse aap kaafi inspire ho jaayengey, yeh life main bahut baar fail huey bahut baar lekin inhone haar nahi maani yeh apne goal per kaam kartey rahe aur tab tak kartey rahe jab tak unhone apne goal ko achieve nahi kar liya.

Jack MA, Alibaba ke owner Alibaba aaj duniya ka 9th sab se bada brand hai, aaj inki hi baat karengey ki kaise geer ker uthey, bahut maza aayga poora post padhyega.

Biography of Alibaba's Founder Jack MA - Hindi


JACK MA's Early Life

Jack MA ka real name hai MA Yun inka janm hua tha 10th September 1964 main Hangzhou, Zhejiang, China main. Bahut gareeb pareevar main inka janm hua tha lower middle class family se Jack MA belong kartey they toh aap samaj saktey hai ki Jack Ma ki family kitni gareeb thi.

Jack MA ko English nahi aati thi toh woh apni cycle per nikal padtey they aur jis China ki jis hotel main sab se zyaada foreign tourist aatey they waha chale jaatey they aur kehtey they ki mujhe English sikhaao, aur waha per ek tourist ne Jack MA ko English sikhaai aur uss tourist ne hi Jack naam diya, toh wahi se naam pad gaya Jack MA.

Jack MA ke parents story teller they toh muskil se kuch paise woh kama paatey they, apne parents ko aise muskili main dekh ker Jack MA ne soch liya tha ki main kuch bada kaam karunga aur kaabil banuga, ab kaabil banne ke liye padhna bahut zaroori hai toh Jack MA ne padhai ko apna dost bana liya.

Lekin Jack MA padhaai main ek average student hi rahe, Jack MA primary school main kai baar fail huey, middle school main 3 baar fail huey, university ki entrance exam main jitni baar unhone entrance exam di utni baar woh fail huey, Harvard university main inhone 10 baar exam di 10 baar fail huey. Yaha per interesting baat yeh hai ki phir baad main Harvard University ne hi in per study ki.

Job ke interview ke liye jaatey they toh waha bhi fail ho jaatey they, 30 baar woh interview ke liye gaye 30 baar fail. Jack MA yaha bataate hai ki KFC jab naya naya China main aaya tha toh 24 log unko chaiyeh they jiske liye unhone 24 logo ko interview liya tha jis main se ek Jack MA bhi they toh 23 logo ko select kiya ek ko select nahi kiya aur woh ek they Jack Ma.

Ab itne saare failure ke baad koi bhi shaks frustrate ho jaayga mentally disturb ho jaayga, Jack Ma yaha bataate hai ki main bhi thora frustrate ho gaya tha lekin maine apne aap ko sambhaala, aur phir ban gaye ameer insaan inki company Alibaba ne baaki saari companies ko side main kar diya.

Alibaba

Alibaba company ki story bhi yaha per kaafi interesting hai shuru ke 3 saal main toh koi profit hua hi nahi aur yeh company apne initial years main loss main hi thi toh yaha per interesting baat yeh hai ki company ko profit bhale hi na ho raha ho lekin logo ko matlab janta ko profit ho raha tha.

Jack MA batate hai ki mujhe logo ke emails aatey they ki aapki e-commerce company se hume bahut faayda ho raha hai aur aap apni company ko continue kare isse band mat kijyega, toh Jack MA ne kaha ki logo ke pyaar ki wajah se hi maine yeh company continue rakhi warna main toh yeh company ko bandh karne waala tha zaahir si baat hai ki kaun loss waali company ko continue karga.

Jack MA kehtey hai ki meri agar is company se logo ko bhala ho raha hai toh main yeh company bandh kyoun karu logo ko khushi mil rahi hai faayda ho raha toh bahut acchi baat hai shaayad aise hi mujhe ek din faayda hone lage ga.

Jack MA's Career

1994 main Jack MA US jaatey hai road development ke project ke liye aur yeh project Jack MA ki zindagi ko change kar deta hai, waha per Jack MA ko pata chalta hai ki internet hota kya hai isse pehely Jack MA ko pata hi nahi tha ki internet hota kya hai.

Jack MA ne jaise hi internet ko chalaya aur unko pata chala ki internet se itna kuch ho sakta hai, unhe pata chal gaya ki internet aane waala future hai.

Ek din internet ko use kartey waqt unhone china search kiya lekin china aaya hi nahi, Jack MA ko dhakka sa laga ki internet per China hai hi nahi kya China ki izzat hi nahi hai, tabhi Jack MA ne thaan li ki koi baat nahi main China ko internet per daalunga. Aur isi se unko Alibaba ka idea aaya.

Toh 1994 main hi Jack MA ne socha ki hum ek company banaayengey jo China ko uper rakhe aur dusra iss company se logo ka bhala ho.

Yaha per main aapko ek baat bata du ki Alibaba found hua tha 1999 main, toh Jack MA ki pehli priority yehi thi ki computer aur internet ko China main laaya jaaye kyoun ki China main us waqt computer bahut rare they.

Toh jaise maine aapko kaha ki shuru kuch saalo main bilkul bhi profit nahi hua lekin dhire dhire profit unko hone laga, aur log Jack MA ki company main invest karne lage.

2003 tak Alibaba ko koi profit nahi hua lekin 2003 ke baad kuch aisa hua jisne Jack MA ko hila diya.

Rise of eBay

eBay company yehi bhi ek E-commerce company hi hai toh eBay china main grow ho raha tha, toh Jack MA ne eBay ko competition dene ke liye ek aur company found ki iska naam tha Taobao.com yeh ek auction website thi kisi ko agar kuch chaiyeh toh is website per woh boli laga ker kharid saktey hai.

Taobao yeh Alibaba ki subsidize hai aur sirf yehi nahi Alibaba ki bahut saari companies hai, lekin Taobao ko start karne ke baad bhi koi profit nahi hua, waha eBay zor shor se chal raha tha toh dikkat aur bhad gayi thi Jack MA ke liye.

Lekin eBay ko pachaadne ke liye Jack MA ne ek sahi strategy lagai Jack MA ne Taobao ke kisi bhi product per commission lena badh kar diya, for example Amazon se jab bhi aap koi product Amazon se kharditey ho ya agar aap Amazon per bechtey bhi ho toh Amazon ka commission us main hota hai. Lekin Jack MA ne yeh commission Taobao.com se hata diya. Waha eBay commission charge kar raha tha.

Toh isse dhire dhire eBay ki popularity ghatne lagi aur isse hua yeh ki Alibaba ko sab se zyaada faayda hua.

Alibaba's Subsidiaries

Yaha per main aapko ek baat bata du ki Alibaba sirf E-commerce tak hi simit nahi hai, Alibaba internet, Cloud computing, Retailing, Artificial Intelligence, Fin tech Payment, Entertainment yeh saari cheeze Alibaba kar rahi hai isi liye Alibaba itni successful company hai.

Alibaba karta kya hai Alibaba B2B karta hai Business 2 Business, jisko bhi agar business karna hai woh Alibaba per aasani se kar sakta hai.

Alibaba B2C Business 2 Consumer ko bhi jodti hai, aur Consumer 2 Consumer unko bhi jodti hai. Toh Alibaba ne poorey markey ko takeover kar liya hai.

China main koi Amazon, Flipkart, Walmart aisa kuch nahi hai waha sirf Alibaba hai. Toh Alibaba ne China ko badal diya China ki economy ko uper utha diya hai aaj waha per internet se judi har cheez khud China ki hi hai.

Jack Ma ne Jerry Yang se help li thi jo Yahoo ke co-founder hai, hua yeh tha ki Alibaba chal nahi rahi thi toh eBay ne Jack MA ko kaha ki aap apni company hume bech do lekin Jack MA ne inkaar kar diya. Aur unhone Jerry Yang ko contact kiya toh Jerry Yang ne Alibaba main 1 billion dollar invest kiya.

Top 5 richest person ki baat karey toh uss main humesha Jack MA ka naam rehta hai aur china ke toh woh sab se zyaada ameer insaan hai.

10th September 2018 ko Jack MA ne Alibab Group ke executive chairman se resign kar diya aur  Daniel Zhang jo hai poori tahara se full time chairman ban gaye.

Jack MA's Philosophy

Jack MA ne ek bahut hi acchi cheez kahi hai 24 saal ki umar se pehley aap ek acche student rahe ek acche student ki life guzaariye, sab sikhye kyoun ki yeh sikhne ki umar hai aur jitna ho sake galti kare mistake kare aur un mistake se sikhe.

20-30 saal ki umar main aap aise company main kaam kare jo choti ho aur ek aisa boss hona chaiyeh jo aapko sikhaaye. Matlab ek aise company main kaam kare jaha aapko sikhne ko miley.

30-40 saal ki umar main aap nayi cheeze kare kuch naya trya kare, apni entrepreneur skill ko develop karey.

40-50 saal ki umar main aap woh karye jis main aap maahir ho chuke hai, is umar main nayi cheeze mat sikhye.

Aur 50-60 saal ki umar main young logo ko help karey.

60 saal ki umar ke baad retired ho jaao enjoy karo, poori duniya ghumo jitna paisa aapne ikkatha kiya hai usse kharch karo, yeh Jack MA ki soch hai.

Toh yahi per article ka end hota hai dosto, i hope aapko yeh article pasand aaya hoga.

Thank you.