Hello Dosto, Aaj main ek aur book ki summary le ke aaya hu, uss book ka naam hai 18 Minutes: Find Your Focus, Master Distraction and Get the Right Things Done. Book ka naam thora lamba hai lekin book bahut hi bhadiya hai, iss book main bataya gaya hai ki agar aap apni daily life main se agar sirf 18 minute nikaltey hai toh aap ek nayi zindagi jee saktey hai.



Aapko main bata du abhi main kuch popular books ka summary explain kar raha hu 7 Habits of Highly Effietive Poeple book ka maine summary explain ki hai aap jaake padh saktey hai.

Aaj hum baat karengey 18 Minutes Book ki yeh book likhi hai Peter Bregman ne, Peter Bregman hume is book ke zariye bataate hai ki agar hum humaari daily life main sirf 18 minutes nikaaltey hai aur phir analyze kartey hai ki poore din humne kya kiya, kin cheezo per apni energy focus kar rahe hai, toh basically inn 18 minutes main hume analyze karna hai ki hum kin cheezo per concentrate kartey hai.

So Much to Do !

Yaha Peter Bregman ne example diya hai Molly ka, Molly ko haal hi main ek nayi job mili hai, aur uss job ke dauran hi woh apna email account open karti hai, jab email account open hota hai toh woh dekhti hai ki uske email main already 385 unread mails hotey hai, yeh dekh kar woh tajjub main padh jaati hai ki yeh kaise? Abhi mujhe job per aaye sirf 1 din hua hai aur itne saare emails.

Ab itne saare emails hai toh Molly ko pata tha ki itne saare emails ka reply kartey kartey kaafi saare din nikal jaayengey, aur aane waale dino main aur kuch kaam bhi aa jaayga.

Yaha per Peter Bregman, Molly ka example dete huey hai hume yeh samjhaane ki koshish kar rahe hai ki yehi kaam hota hai, humaare paas daily bahut saara kaam hota hai aur jo humaari To Do List hai woh bhadti hi jaati hai.

Toh hume yaha ek cheez yaad rakhni hai ki humaare pass kaam toh bahut hai lekin time nahi hai, aur time agar ek baar chala gaya toh phir waapas nahi aata.

Toh iss book ke zariye Peter Bregman hume bataane chaatey hai ki kaise hum step by step humaari priorities ko sort out kar saktey hai, aur humaare goal ko achieve kar saktey hai, aur kis tahra se hum humaare time ko manage kar saktey hai.

Learn to Introspect

Hota kya hai ki bahut baar hum humaari To Do List ke hisaab se kaam kar rahe hotey hai, lekin kabhi bhi hum yeh Introspect nahi kartey ki jo kaam hum kar rahe hai woh kis ke liye ho raha hai? Kya woh kaam karne se aapko koi faayda hoga? Kya woh karna waaqai main zaroori hai? Toh yeh saari cheeze na hum apne aap se poochna bhool jaate hai.

Toh Peter Bregman hume yaha bataate hai ki thodi der ruk jaaye aur Introspect kare, aksar hum bhaagte dodtey bhool jaatey hai ki hume chaieyeh kya? Hum aksar bhool jaatey hai apne aap se baat karna, hum aksar bhool jaatey hai pehchaana ki hume kya pasand hai aur kya napasand hai. Toh hum ne yaha per khud se hi dooriya bana li hai, toh Peter Bregman hume yaha yeh advise detey hai ki Introspect karey.

Remember 2 Things :

First: Yeh hai ki ruk jaao humaari tez dodti hui zindagi ko thora dhima kar do. For example hum subha uthtey hai kaam per chale jaatey hai, shaam ko aake padhaai kartey hai ya phir koi aur kaam main lag jaatey hai phir so jaatey hai phir uth jaatey hai, Toh Peter Bregman yaha kehna yeh chaatey hai ki yeh jo roz ka momentum hai isse rokna chaaieyh.

We need to slow down to stop going in the wrong direction, ho sakta hai ki hum jo itni tez bhaag rahe hai shaayd hum wrong direction main jaa rahe hai, ho sakta hai ki woh humaara goal ho hi na, ho sakta hai woh humaara raasta hi na ho, woh gaana aapne suna hai na "jaana tha jaapan pohach gaye chin" toh kahi aisa na ho jaaye.

Toh Peter Bregman kehtey hai ki thodi der ruko gehri saans lo aur apne aaps se poocho ki jis direction main aap jaa rahe ho woh sahi bhi hai?

Second: Ab jab ek baar aap galat direction main chale gaye toh phir se start kijye, iss main darne ki koi zaroorat nahi hai aap phir se start kijye.

Jab kabhi bhi aapko lage ki meri life mere control ke bhaar ho gayi hai, toh ussi waqt aako waha per ruk jaana hai aur re energize karna chaiyeh, aur apne common sense ko thora sa waqt dena chaieyeh.

Life is not a Sprint

Peter Bregman kehtey hai ki Life sprint nahi hai, sprint ek sports game hai iss game main kuch players bhaagne ki race lagaatey hai lekin uska distance bahut chota hota hai yeh marathon se alag hota hai marathon main aapko bahut saare kilometers bhaagne padthe hai.

Toh Peter Bregman kehtey hai ki Life is a Marathon and not Sprint matlab aapko chaltey jaana hai life ek marathon hai life koi thodi der ki race nahi hai.

Toh kisi cheez ko paane ki chaahat main aap thodi der ke liye aaram kare aur apni efficiency ko dekhey, apne focus ko dekhiyeh konsi cheeze aapko pasand hai unhe jaanch lijye, phir aap jo hai waapas kaam per aa jaaye.

Toh Peter Bregman basically kehna yeh chaatey hai ki hume pata hai ki humaara goal yeh hai aur hum usse paane ke liye kaam bhi kartey hai aur poorey zor shor se kaam kartey hai lekin kya aap jis tahra se kaam kar rahe hai woh effective bhi hai? Toh kuch dino ka aaram lekar plan kijye ki main apne goal ko achieve karne ke liye yeh strategy apnaauga.

Getting Involved in Hobbies, Projects and Social Work Helps

Hum aksar humaare kaam ke chakkar main humaari hobbies, project aur social work ko time nahi de paate aur yahi se insaan demotivate hona start ho jaata hai.

Agar aapko aapki life ko interesting baana hai toh aapko aapki hobbies main involve hona hoga yeh aapko life main ek different perspective dene main madad karega.

Kyoun ki kai baar kya hota hai ki aapki hobbies hi aapka occupation ban sakta hai, toh sirf kaam pe focus karna yeh sahi nahi hai Peter Bregman ke hisaab se agar aap lagaatar sirf kaam hi kar rahe hai toh aap frustrated ho jaaogey, toh isko avoid karne ke liye aapko aapke ander ke bacche ko zinda rakhna hoga.

How Susan Boyle Stunned the World

Yaha per Peter Bregman Susan Boyle ka example detey hai, Susan Boyle jo hai woh Britain Got Talent TV show main as a contestant aayi thi aur yeh ek singer hai, inke bolne ka tarika kaafi aam tha aur logo ko laga ki yeh kuch zyaada apna talent nahi dikha paaygi. Lekin jab inhone stage per gaaya toh sab ko heraan kar diya aur Susan ke deewane ho gaye, aur iss performance ke baad woh ek global sensation ban gayi.

Peter Bregman yaha kehtey hai ki World pehley expect karta hai ki hum Fail ho jaaye, lekin jab hum fail nahi kartey aur World ki jo expectation usse hara detey hai toh yehi World aapko Applause karta hai. Matlab aapki taarif karega.

Toh jab bhi aap khaali time main hai kuch nahi kar rahe toh apni khubiyo ko pehchaane aur us per kaam kare.

"The 1st step is to take a pause and figure out what really makes you feel engaged"

Organize

Apne aap ko Organize karo, kyoun ki jitna aap apne aap ko organize karogey utna hi aap behtar perform kar paagey toh organize hona yeh bahut hi zaroori hai.

Focus on Your Priorities:

Aapko aapki Priorities per dhyaan dena hai, yaha per Peter Bregman khud ka hi example detey hai aur kehtey hai ki mujhe ek business main bahut bhaari loss hua, uske baad maine bahut saari naukriya ki, lekin in sab ke baad main ruk gaya aur actually mujhe jiss main interest tha woh kiya, main actually logo ko motivate karna chaata tha encourage karna chaata tha, iss liye maine apni life ka overview kiya aur focus kiya isi per.

Toh Peter Bregman ne apne business ko chor diya naukriya chor di kyoun? kyoun ki woh logo ki madad karna chaatey they logo ko motivate karna chaatey they because unka interest ussi main hi tha, aur aaj hum dekhtey hai ki unhone itni bhadiya book likhi hai aur yeh best seller bhi reh chuki hai.

Toh abhi tak hum dekhtey aaye hai ki Peter Bregman jo hai rukne per zyaada zor de rahe hai, kyoun ki Peter Bregman ke mutaabiq rukna aur phir sochna isse kaafi faayda hota hai. Toh aapko rukna hai aur aapki priorities per focus karna hai, aur jab aap apni priorities per focus hone main kaamyab ho jaaogey toh aapko iske baad 4 cheezo per apnaa dhyaan kendrit karna hai.

4 Elements

1 - Leveraging Your Strengths

David and Goliath yeh ek story hai, toh Goliath ek monster shape main hai size main bahut bada aadmi tha usko chotey david ne ek stone se hi maar diya, aur waha ke jo baahubali log they woh bhi Goliath ko maar nahi paa rahe they.

David ne actually apni strength per focus kiya aur apni strength per focus karne ki wajah se hi woh Goliath ko maarne main kaamyab ho paaya.

Toh jab bhi aap apni strength per focus karengey toh bahut hi acche result aapko milengey.

2 - Accepting Your Weakness

Aapko aapki weakness ko accept karna hoga inse ladne ki koi zaroorat nahi, apni weakness ko accept kijye aur maan ljye ke yeh mera strong point nahi hai aur life main aage move kijye.

3 - Emphasising Your Differences

Yaha Peter Bregman ek example detey hai ki ek baar ek park ke ander saari carriages aise hi khaali padi hui thi, lekin ek carriage chalak baar baar passenger ko lekar aa raha tha woh kyoun lekar aa raha tha kyoun ki usne apni carriage per likha tha "heated seat" toh iss carriage chalak ne kya kiya isne apne aapko dusro se alag kiya apne aapko ko different dikhaaya usne sirf yeh likh diya ki thand ke mausam main aapko garam seats milegi toh passenger ussi ke paas hi gaye.

Toh aapke ander jo anokhi quality hai usse emphasis karey.

4 - Follow Your Passion

Apne passion ko follow karna bahut zaroori hai.

Five Priorities

Agar aap apni life ko ek ek saal ke tarike se le rahe hai toh 5 priorities rakkhe.

Apne goal per focus karey aur aapke goals aapke possibilities nahi hai yeh aapki priorities hai. Aap ko yeh 5 priorities main se 3 priorities aapke kaam related honi chiayeh aur 2 priorities aapke personal honi chaiyeh.

For example, main kaam main itna promotion chaata hu, main apne kaam main itna izaafa chaata hu, ya main is designation per aana chaata hu.

Personal level per aapki priorities honi chaiyeh ki, main apni family ke saath time spend karna chaata hu, main ghar kharidna chaata hu.

Toh aapki jo 5 priorities hai usse likh lijye, aur aapke daily routine main yeh 5 priorities 95% tak time in 5 priorities ko achieve karne main daal dijye.

The 18 Minutes Plan

Yeh sab se main part hai, toh sab se pehley aap 5 minutes nikaalye subha subha aur decide kijye ki aise kya kaam hai jo aapko successful banaayengey for example, 60 minutes main subha padhaai karunga koi bhi cheez ho jo aapko lagta hai aapko kaamyab baaneyengey usse likh lijye, toh 5 minutes main aapko likhna hai ki aap aise kya cheeze karengey jisse aap kaamyab ho sake.

Phir har ek ghante main 1 minute nikaalye aur dekhieyh ki jo subha aapne decide kiya tha kaam ke liye woh aap kar rahe hai, toh aapne 1 minute 8 ghante ke liye nikala matlab 8 minutes, aur shaam ko phir 5 minutes nikaaklye aur analyze kijye jo subha aapne decide kiya tha woh aap aaj kar paaye ya nahi.

Toh aapne dekha ki subha 5 minutes phir 8 minutes phir shaam ko 5 minutes toh total 18 minutes ho gaye, toh agar aap roz iss tahra se 18 minutes apni life ko de rahe hai toh aap dekhngey ki aap constant check de rahe hai apne aap ko.

Agar hum apni priorities per focus karengey aur apne aap ko push karengey toh jiss tahar ki life aapne imagine ki thi ussi tahra ki life aap jee sakengey.

Focus

Humesha focus banaaye rakkhe, 1st step aapka yeh hona chaieyh ki aapko initiative lena chaaieyh toh momentum apne aap ban jaayga, agar aap apne passion ko jaan letey hai agar aap roz ek routine banaatey hai 18 minutes ki aap automatically dekhengey ki aap wohi cheez ko practice kar rahe hai.

Remember it is about you

Yaha Peter Bregman bataate hai ki jab lawyers ko bola gaya ki woh sirf $30 per hour ke hisaab se garibo ke liye kaam karengey, toh lawyers ne mana kar diya, lekin jab unse poocha gaya ki kya aap free main garibo ke liye karengey toh unhone haa keh diya.

Kyoun ki har cheez hum paiso ke liye nahi kartey hai, hum is liye bhi kartey hai ki hum really main woh kaam karna chaatey hai bina kisi faayde ke.

Distract Yourself to Avoid Stress

Apne aap ko kaam main busy rakhye isi se aap stress ko door kar saktey hai lekin bich bich main ek pause le thodi der ke liye ruke bhi aur jaane ki koshish kare ki aap sahi raaste per hai ya nahi.

Aapki time banaane waali strategy kaafi ahem hogi kyoun ki automatically aap dekhogey ki agar aap apne aapko organize rakhtey hai toh aap behtar apne kaam ko kar paayengey.

Toh Peter Bregman yaha bataate hai ki 18 Minutes ka check agar aap khud apne aap per kartey hai toh aap ko automatically woh result milegey jo aap chaatey hai jisko aapne kabhi imagine kiya tha.

Yeh thi 18 Minutes: Find Your Focus, Master Distraction and Get The Right Things Done book ki summary, agar aapko accha laga ho toh please share zaroor kar dijyega.

Thank You