Aaj baat karengey hum Julian Assange ki, kai logo ki request aayi ki in pe aap ek post likhyeh inke baare main hume jaana hai inke organisation ke baare main jaana hai, toh aaj usi per baat karengey.

Main inke baare main sab kuch cover karne ki koshish karunga jaise,


  • Julain Assange kaun hai?
  • Wikileaks kya hai?
  • Julian Assange Ecuadorain ki Embassy main saalo tak kyoun rahe?
  • Aur inhe arrest kyoun kiya gaya?


Sab kuch inke baare main cover karne ki koshish karunga and i hope aapko yeh post pasand aayga.

Julian Assange Kaun hai?

Julian Assange ka janm Australia main hua hai, inka kehna hai ki Wikileaks ko found karne se pehley yeh ek computer programmer ke taur per kaam kartey they aur yeh apne aapko ek activist kehtey hai, aur yeh apne aap ko Hacker nahi maantey koi agar inhe Hacker kehta hai toh yeh inhe nahi pasand.

Yeh investigating Journalism main believe kartey hai aur yeh chaatey hai ki logo ke saamne sacchai aaye. Jab 2006 main inhone Wikileaks ko found kiya tha tab unhone kaafi saare documents leak kiya they jisse bahut saari goverment ka corruption saamne aaya. But yeh choti countries ke against inhone yeh documents leak kiye they jaise Kenya main kya corruption hai, Afganistan ke war ki sacchi kya hai.



Toh yeh leaks inko kaise miltey they? dekhieyh kaha yeh jaata hai ki inke bahut saare sources hai unke dwaara unhe yeh information milti thi. aur yeh information woh WikiLeaks main publish kar dete they.

Lekin 2006 - 2008 ke beech Wikileaks ne itna bada koi khulasa kisi govement ke khilaaf nahi kiya tha. Aur Wikileaks ke baare main logo ko nahi pata tha.

Lekin 2010 main Wikileaks ka naam poori duniya main ho gaya, 2010 main Wikileaks ne Iraq War se related kuch sensitive footage, documents woh bhi proof ke saath internet per upload karna shuru kar diya, aur is wajah se poori duniya ka dhyaan Wikileaks per gaya aur ek curiosity jaagi ki inko itni information kaha se mil rahi hai aur yeh kyoun inko internet per publish kar rahe hai.

2016 main Wikileaks ne kaha ki unhone abhi tak 10 million se zyaada document ko publish kiya hai. Aur kaha jaa raha hai ki Wikileaks ke paas abhi bhi bahut saare documents hai.

Aaj Julian Assange ek Internation celebrity se kam nahi hai in per ek Hollywood ki movie bhi bani hai movie ka naam hai "The Fifth Estate"

WikiLeaks hai kya?

Dekhiyeh Wikileaks ek Non-profit organization hai jo 2006 main Julian Assange ne found kiya tha. Wikileaks woh information ko leak karta hai jo aam media hume dene main nakaam rehti hai. Wikileaks secret information, news leaks, aur classified media ko internet per publish karta hai aur yeh saari information inhe anonymous sources ke dwara milti hai.

Ab 2010 ke aaspaas Wikileaks ke paas bahut hi confidential footage haath lag gayi jo US Military ne apne paas chupa ker rakkhi thi.

Yeh Footage ka naam tha Collateral Murder Footage yeh footage thi 12 july 2007 ki is main kya tha ki kuch US soldier Apache helicopter main beth ker Iraq main andhadhund firing kar rahe they jo waha per aam civilian they un per bhi firing ho rahi thi aur waha per journalist per bhi firing hui jisse waha per journalist bhi maarey gaye.  Toh US army jab attack karti hai toh aisa nahi hai ki sirf aatankwadi per woh attack karti hai, per woh aam janta per bhi attack kartey hai. Aur yeh footage ne yeh sab dikha diya.

Ab aapke mann main sawaal hoga ki yeh footage Wikileaks ke haatho kaise lagi?

Dekhiyeh yeh Footage WikiLeaks ke haatho lagi thi because of US Army intelligence analyst Chelsea Manning. Yeh US Army main as Intelligence analyst kaam kar rahe they.



Inhone yeh footage Wikileaks ko de di aur baad main US Intelligence official ko pata chal gaya toh inko pakad liya gaya aur inko 35 saal ki saza hui. Jab inka trial chal raha tha tab woh apne aap ko Man bataatey they lekin phir inhone operation karwaya aur woh female ban gaye.

Ab baat karengey Wikileaks aur U.S Election ke baare main.

2016 ke election main Wikileaks bahut zyaada famous ho gaya 2016 ke president election main Donald Trump aur Hillary Clinton ke beech election tha aur Donald Trump woh Election jeet gaye. Aur iska bahut bada shrey Wikileaks ke founder Julian Assange ko jaata hai.

Hua yeh tha ki theek election ke ek din pehley Wikileaks ne Hillary Clinton se related bahut confidential information internet per leak kar di, inhone inke related yeh baatein leak kari ki yeh paid speeches deti hai aur iski yeh bahut badi keemat demand karti hai aur Hillary Clinton ke staff ke bhi kuch personal email bhi leak kar diye jis wajah se Hillary Clinton ko kaafi negative publicity mili.

Senate Intelligence Committee ne investigating ke dwaara yeh paaya ki Wikileaks ne 2016 main Democratic National Committee ke 44,000 email aur 17,000 jaise documents ko publish kiya tha.

Lekin Wikileaks aur Assange ne isse inkar kar diya aur kaha ki inka in main koi haath nahi, baad main US intelligence officials ne kaha ki yeh jo Hillary Clinton ke lekar jo information leak hui thi woh Russian Hackers dwaara churaai gayi aur Russian Hackers ne yeh information Wikileaks ko de di.

Toh 2010 se hi Julian Assange US ke liye bahut bada problem ban gaya tha aisa lag raha tha ki Assange US government ke piche haath dho ker pad gaya ho.

Kaafi saare footages, documents inhone US Government ke khilaaf publish kiye.

Major Leaks By Wikileaks

Iraq Apache Helicopter Attack

US Army manual for Guantanamo Prison Camp (Yaha inhone yeh leak kiya ki kaise US government Guantanamo Prisoners per kaise action lete hai inke khilaaf kya torture techniques apnaatey hai yeh sab inhone leak kar diya)

Iraq and Afghanistan war documents ( Iraq aur Afgganistan main war huey hai usse related kaafi document unhone publish kar diye jisse US ki kaafi aalochna hui Wikileaks ke wajah se)

Ab inhone US government ke khilaaf itne saare documents publish kiye itne saari confidential information release kari toh US government iska badla lene hi waali thi.

In per rape ka aarop lagta hai, hota yeh hai ki jab Julian Assange young hotey hai toh woh sweden gaye hotey hai phir woh sweden se waapas UK main aaye is dauraan kaafi saal beet chuke hotey hai lekin achanak hi in per yeh aarop lagta hai ki Sweden main inhone do mahila ke saath kuch badsulukhi ki hai.

Julain Assange samaj gaye ki yeh sab US government ne kiya hai aur yeh ek conspiracy hai inke khilaaf US government dwaara ab unhe pata tha ki unhe UK se Sweden bheja jaayga phir Sweden se US aur agar woh US chaley gaye toh inhe bahut badi saza hogi ya phir inhe maut ki saza bhi ho sakti hai.

Ab inhone kya kiya ki inhone UK main Ecuadorian embassy se reqeust kari ki mujhe aap apni embassy main rehne ki jagah de. taaki woh UK main giraftaar hone se bach jaaye, aur Ecuadoran embassy ne inki request accept kar li.

Lekin yaha per policy yeh thi ki agar Julian Assange ne Ecuadorian embassy se bahaar kadam rakkha toh inhe arrest kar liye jaayga, is liye Julian Assange 7 saal tak 24 ghante Ecuadorian  Embassy main hi rahe.



Lekin 7 saal baad 2019 main matlab isi saal Julian Assange ko arrest kar liya gaya, hua yeh ki 2017 ke Ecuador main nayi government aayi naye president aaye Lenin Moreno aur yeh chaatey they ki Ecuador ke relation US aur UK se acche rahe is liye 2019 main fianlly inhone kaha ki ab UK main Ecuadorian embassy Julian Assange ko sharan nahi dega iske baad Julian Assange ko UK ki police ne arrest kar liya.

Ab yaha pe main goal toh yahi hai ki Julian Assange ko US bhejna aur waha unko saza dilwaana, toh jaise maine pehley kaha ki UK se woh Sweden jaayengey waha unhe kuch saza ho sakti hai phir waha se woh US bheje jaayengey aur waha unka trial hoga puchtaach hogi ki inko yeh sab information kaise aur kisse milti thi.

Toh dosto yeh thi Julian Assange ki story i hope aapko yeh post pasand aaya hoga.

Thnaks.