Hello Dosto, Aaj hum baat karengey Li Fi ke baare main, bahut news main hai yeh topic kaafi saare log jaana chaatey hai iske baare main aur jaanegey ki kaise yeh Wi Fi se different hai.

What is Li Fi Technology and How its Works - Hindi


Li Fi ka fullform hai "Ligh Fidelity" aur yeh ek wireless communication technology hai jo data transfer karne ke liye ishtemaal ki jaati hai. Aur aisa nahi hai ki Li Fi haal ke kuch waqt main introduce kiya gaya ho, 2011 ke TED Talk main Harald Haas jo ke ek professor hai inhone Li-Fi ko logo ke saamne introduce kiya tha.

Toh Li-Fi ke baare main jaane se pehley hume yeh jaana bahut zaroori hai ki Internet kaise kaam karta hai.

How Internet Works?

Poori duniya main Fiber Optic Cable place ki gayi hai jo connect karti hai poori duniya ko internet se, aur yeh cable ko samundra ke ander place kiya jaata hai aur kai hazaaro kilo meter lambi yeh cables hoti hai.

Ab aapne kabhi socha hai ki in cables ki zariye aap Instant chat kaise kar letey ho?  Matlab samaj lo aapka koi dost India se bahaar USA main hai toh aap usse itni jaldi kaise chat kartey ho ? Jo bhi query aap internet ko detey ho toh kaise internet aapko aapki query ka instant result deta hai ? Aap jaise message send kartey ho kuch seconds main woh saamne waale ko deliver ho jaata hai yeh kaise hota hai?

Yeh saara khel numbers ka hai, jee ha numbers ka aur woh numbers hai 1 and 0. Internet per aap jo bhi cheez open kartey ho ya search kartey ho for example Youtube, google, google images ya koi bhi website open kartey ho toh uss sab main yeh numbers hi data transmit kar rahe hotey hai. Toh yeh ek coded language hai aur isse se poori duniya main kaam hota hai.

Aur same WiFi ke saath bhi aisa hi hai, agar aapke ghar main WiFi router hai toh waha se bhi aapke phone main 1 and 0 main data aata hai aur ussi se aap internet use kar paatey ho.

Toh I hope aapko samaj main aa gaya hoga ki Internet kaise kaam karta hai.

What is Li Fi

Dekhiyeh WiFi main yeh 1 and 0 jo hai woh radio signal se aatey hai, jab hum WiFi install karwaatey hai toh ek cable aata hai uss cable ko modem ke saath connect kiya jaata hai aur phir woh modem aapke poorey ghar main internet provide karta hai, yeh interenet kya proivde kar raha hai ? Yeh 1 and 0 ke jo signal hai yeh bhej raha hai aapke device main. Toh WiFi main hum radio signal ka use kartey hai.

Li Fi main kya hoga ki jaha bhi aap bethey hai waha aapke uper ek light hogi aur uss light se 1 and 0 niklengey aur aapke device ko pohchaayengey. Matlab aapko roshni se internet milega.

Ab yaha per ek baat jaana bahut hi important hai ki radio signal waves ki tahra hoti hai is liye hum 1 an 0 device ko bhej saktey hai, lekin light toh constant hai matlab ek baar aapne light jala di toh woh aapko constant light deti rahegi toh aapke device ko kaise pata chalega ki 1 kaunsa hai aur 0 konsa hai?

Dekhieyh Li Fi main kya hoga ki jo Li Fi ka bulb aapki wall ya ceiling pe laga hoga woh flick karega matlab jalega aur bhujega aur yeh bulb aam taur ke jo bulbs hotey hai us tahra se jalega aur bhujega nahi, yeh bulb 1 second main million times jalega aur bhujega aur ussi se yeh signal bhejega aapke device ko. Matlab yeh bulb itni jaldi jalega aur bhujega ki aap notice nahi kar paaogey.

Abhi filhaal hume internet kaise mil raha hai ki aapke ghar ke bahaar kisi bhi company ka tower hoga usse aapko signal milta hai aur aap internet use kar paatey ho, Wi-Fi main aapke ceiling per ek bulb hoga usse aap internet use kar paaogey.

How Li Fi Works

Toh yeh kaam kaise karega ? kya Li Fi ko use karne ke liye aur kuch install karna hoga? Dekhiyeh Li Fi ko use karne ke liye ek Server ka use kiya jaayga aur yeh server jo content hoga usse stream karega matlab 0,0,1,0,1 jo bhi aap data chaatey ho toh yeh data set hoga content streaming main. Ab iske baad ek Lamp Driver install kiya jaayga aapke terrace per yeh lamp driver kis tahra bulb ko flicker karna hai yeh decide karega aur kis tahra se yeh data aapke device main aayga yeh decide karega.

What is Li Fi Technology and How its Works - Hindi


Ab internet ko recieve karne ke liye aapke pass kuch hona chiayeh, aisa toh hai nahi ki sirf roshni se hi internet shuru ho jaayga nahi uss roshni ko catch karne ke liye aapke pass dongal hona chaieyh, jaise WiFi ko receive karne ke liye aapke paas dongal hota hai waise hi Li Fi ko install karne ke liye aapko ek dongal diya jaayga.

Li Fi abhi itna use nahi kiya jaa raha kyoun ki uske liye aapko aapke terrace per kuch modification karne padengey, jis main kaafi kharca ho sakta hai. Aur aapke paas device bhi aise hone chiayeh ki jo Li Fi ko receive kar paaye, kyoun ki aise desktop aur laptop filhaal nahi hai aur haal main aise mobile phones bhi nahi hai jo Li Fi ko receive kar paaye lekin kaha jaa raha hai ki 2022 tak in-bulit Li-Fi waale mobiles market main aa jaayengey.

Shuru shuru main Li Fi aapko mehngey show room ya badi badi multi national companies main dekhne ko mil sakta hai, lekin jaise jaise Li Fi main kuch aur changes ya discoveries hoti jaaygi toh Li Fi hume aam gharo main bhi dekhne ko bhi mil sakta hai.

Toh abhi simply way main samaj letey hai ki Li Fi kaise kaam karega.


  • Toh Li Fi technology aapko ek Light Bulb se internet provide karega aur yaha per signal processing technology ke though data sent kiya jaayga Photo-detector ko Photo-detector matlab woh dongal jiski maine baat ki.


  • Aur LED ki roshni rapid speed se jalegi aur bhujegi jisse aapko internet milega.


  • Phir jo Li Fi ke signal hongey woh binary data main convert hongey (matlab 1,0,0,1,0) jisse jo bhi query aap internet ko dengey woh aapko iska result dega.


Advantages of Li Fi

Dekhieyh Li Fi ki jo speed hogi woh WiFi se zyaada tez hogi, lekin yeh depend karta hai ki aap kis service provider se Li Fi khareed rahe hai aur kaunsa plan khareed rahe hai lekin kaha toh yehi jaa raha ki Li Fi ki speed zyaada hogi compare to WiFi.

Li Fi kaafi secure hai WiFi ke muqaable, Wi-Fi main kya hota hai ki radio waves ko deeware nahi rok sakti, toh aapne apna modem ghar ke bich main rakh diya ab yeh jo hai radio waves bhejega aur internet provide karega for example aap ek apartment main reh rahe hai aur aapke ghar main WiFi system hai toh aapke poora apartment aapke WiFi ke through internet use kar sakta hai, toh agar kisi ko password hack karna aata hai toh woh aaram se aapke WiFi ka password hack kar sakta hai.

Li Fi main yeh probelm bahut kam hogi kyoun ki Li Fi main kya hoga ki ghar ke bahaar internet nahi jaayga jaha pe light flick kar rahi hai wahi per internet milega. Toh compare to WiFi, Li Fi zyaada secure hai.

Hum sabko pata hai ki Radio-Waves ki wajah se kaafi pollution ho raha hai, toh Li Fi yaha per ek green technology hai aur environment friendly hai.

Li Fi power kaafi kam consume karega campare to WiFi.

Limitations of Li Fi

Li Fi ki limitation bahut zyaada hai, imagine aapne Li Fi ka poora setup apne terrace per kar liya aur ab aap L-Fi use kar rahe ho lekin maan lo aapki aankhe thak gayi hai toh aap light band karna chaaohey ya phir movie dekhne ka mann hua toh aap light ko band karna chaaohey, toh tab aap light bandh nahi kar saktey kyoun ki light band toh internet band.

Dusra jab Li Fi on hoga aur suraj ki roshni bhi saath main padegi ya phir koi aur roshni bhi padhti hai toh Li Fi ka internet disrupt bhi ho sakta hai.

Toh iss technology per abhi bahut kaam karna baaki hai, isko aur sasta karne ki zaroorat hai taaki rural areas ke log bhi isse use kar sake. Ab yeh toh aane waala waqt hi bataayga ki kiya changes Li-Fi main aayengey.

Toh i hope aapko yeh article accha laga hoga.

Thankyou.