Hello Dosto, Canada ke election ab bahut karib hai 21st October ko Canada main federal election hongey. Aur jaise jaise iski date kareeb aa rahi hai waise waise waha ke haal ke Prime Minister ko lekar kaafi controversy ho rahi hai.

Dosto currently abhi Canada ke Prime Minister Justin Trudeau ko lekar waha kaafi controversy ho rahi hai, Internet per Justin Trudeau ke Black Face pictures kaafi viral ho rahi hai, aur iss wajah se inhe worldwide kaafi criticize kiya jaa raha hai.




Black Face Kya hai?

19 century main matlab 1850-1890 ke aaspaas Europe aur America ke White actors apne muh ko black kar ke apne haatho ko pairo ko black kar ke gullyon main ya stages per Black African gulaam logo ko mazaaq udaatey they.

Ab us waqt hota kya tha ki Jo Black character ka role hota tha woh kisi Black ko nahi diya jaata tha woh White ko diya jaata tha taaki White Black ka mazaaq udaa sake.

Toh yeh Black Face apne aap main hi ek Jaativaad tha racism tha iska 150-200 saal ka itihaas raha hai.

aur us waqt matlab 19 century main Black ko koi samaan adhikaar nahi they, unhe vote karne ka adhikaar nahi tha aur yeh pratha US main 1960 tak rahi lekin UK main yeh pratha 1980 tak rahi.

Justin Trudeau Black Face Controversy Kya Hai?

Aaj se kuch saalo pehley jab Justin Trudeau college main they tab woh college ke kuch dramas main unhone Black Face character nibhaaye they, aur in saare dramas main woh Black logo ka mazaaq udaatey huey dikhaai detey they, un dramas ke pictures ko internet per viral kar diya gaya hai.

Aur yeh viral tab kiya gaya jab Canada ke election bahut nazdik hai, is main koi shaq nahi hai ki yeh sab opposition dwaara kiya gaya hai taaki Justin Trudeau ki image ko nuksaan ho, aur haal ke waha ke mahol ke mutaabiq lag aisa raha hai ki Justin Trudeau is baar ke election ko jitna bahut muskil lag raha hai.

Ab isse Justin Trudeau ki image ko kaafi nuksaan hua hai, aur inhe inki is harqat ki wajah se har jagha maafi maagna pad raha hai.

Haali hi main canada ke Prime Minister Justin Trudeau ne ek election campaign main maafi maangi.

Aur inhone kaha "Black Face karna yeh bilkul bhi acceptable nahi hai kyoun ki blackface ko lekar ek jaativaadi history reh chuki hai. Mujhe yeh thora der se samaj aaya aur mujhe aisa kabhi nahi karna chaiyeh tha"

Inhone yeh maana ki maine bahut baar apne muh per black make-up kiya hai.

Inhone kal hi tweet karte huey kaha ki "Jo bhi maine kiya woh kaafi hurtful tha un logo ke liye jinke saath humesha bhedbhaav kiya jaata hai aur main iska poora zimedaar hu aur main iske liye poorey dil se maafi mangta hu"

Yaha main woh pictures daal raha hu jo Internet per kaafi viral hui.

"Aladdin at 2001"




Yeh photo 2001 ki hai jab 29 saal ke Trudeau Private school main teacher they, us school ke samaroh ki theme Arabian nights thi aur Justin Trudeau  Aladdin ke look main aaye they Black makeup ker ke.

Singing "Day-O" During High School Talent Show

2001 ke Aladdin ke baad ab unka dusra picture internet per viral hua aur is picture main Trudeau perform kar rahe hai talent show main jab woh High school student they.



Dosto "Day-O" ek Jamaican Folk song hai jo African American performer aur civil activist Harry Belafonte ne gaaya tha.

Ab ek gaane ke liye aapko apne haath, muh aur pairo ko kaala karne kya zaroorat hai.

Justin Tudeau ne yeh swikaar kiya ki High school ke dauran unhone is tahra se dressed up kiya tha aur kaha ki "Day-O" ko perform karne ke liye unhone Dark makeup kiya tha.

Aur yeh inki College ka picture hai jab unhone Black makeup kiya tha.




Aur bhi bahut pictures aur Videos inke viral ho rahe hai, aur Justin Trudeau in sab ko swikaar kar rahe hai aur logo se maafi bhi maang rahe hai.

Lekin kya log inhe maaf karengey. Main aapko ek aur baat bata du Justin Trudeau former prime minister ke bete hai toh unse is tahra ki umeed kisi ko bhi nahi thi, aur sab kuch inhone 29-30 saal ki umar main kiya us umar main jab ek insaan mature hota hai.

Ab dekkhna kaafi dilchasp hoga ki Justin Trudeau ko is election main kitne vote milengey.