Mona Lisa Painting. Mystery of Mona Lisa paintings yeh topic bahut hi interesting hone waala hai. Leonardo da Vinci ne yeh painting banaayi thi kaafi mysterious painting banaayi thi aur aaj tak pata nahi chala ki yeh painting kehna kya chaati hai.

Badi badi universities aur researchers Mona Lisa ki painting per research kartey rehtey hai aur yeh jaane ki koshish kartey hai ki iss painting main kya kya raaz chupe huey hai.

Sabse mehengi painting hai aur bahut saari controversies bhi hui hai is painting ko lekar. Sab jaangey aaj hum lekin sab jaane ke liye aapko post poora padhna padhega.

Little Summery About Leonardo da Vinci

Iss painting ke baare main aur jaane ke liye pehley hume thora bahut iss painting ko jisne banaaya hai unko jaan letey hai matlab Leonardo Da Vinci.

Leonardo da Vinci ka janm hua tha 1452 main vinci town main aur yeh apne father ki naajaayaz aulaad they. Aur ek baat yaha per main aapko bata du ki Vinci inka surname nahi hai Vinci inke town ka naam hai is liye inko kaha jaata hai Leonardo da Vinci.

Sirf 14 saal ke hotey hai tab inko Verrocchio's Studio main kaam milta hai aur inke guru inke teacher Verrocchio inko train kartey hai inko paintings baana sikhaatey hai. Lekin Leonardo da Vinci sirf ek painter nahi they woh engineer, architect, musician, painter, artist yeh sab kaam Leonardo da Vinci ko aata tha.

Leonardo da Vinci ke baare main aur bahut kuch hai main in per ek poora alag se post zaroor likhunga, filhaal jitna hume jaana zaroori tha humne inke baare main jaan liya.

Who Was Mona Lisa?

Mona Lisa ka Italian main matlab hota hai "My Lady" Mona matlab My Lisa matlab Lady.

Mystery of Mona Lisa Painting: 6 Unknown Facts You Don't Know in Hindi


Uss waqt Leonardo da Vinci ne bahut saare rajao ke liye kaam kiya aur bahut saari famous paintings banayai. 1503 main iss painting ko Leonardo da Vinci ne banaa shuru kiya tha aur kaha yeh jaata hai ki yeh unfinished painting hai aur 1519 tak iss painting per kaam chala tha 1519 main hi Leonardo iss duniya se chaley jaatey hai.

Ab aap logo ko curiosity hona shuru ho gayi hogi ki aakhir yeh Mona Lisa hai kaun? Kuch researchers ka kehna hai ki yeh khud Leonardo da Vinci hai aur apne aap ko ek female ke roop main dikhaaya hai, ya phir yeh inki mother bhi ho sakti hai, bahut saare logo ko maana hai ki Leonardo homosexual they.

Yeh saare claim ko itne seriously nahi liya gaya, lekin is painting per kaafi in-depth research hui aur most acceptable fact isse maana gaya kaha jaata hai ki 1503 main ek insaan Franesco del Giocondo Leonardo ko kehtey hai ki meri biwi ki painting bana do, jiska naam hai Lisa Gherardini matlab Mona Lisa.

Fransco del Giocondo ek silk merchant hotey hai kaafi bade businessman hotey hai researchers ka kehna hai ki Fransco ki wife Lisa matlab Mona Lisa Pregnant hoti hai iss khushi main yeh Leonardo ko kehtey hai ki painting bana do Leonardo inki painting baane ke liye haami bhar letey hai.

Lekin yaha per ek sawaal yeh uthta hai ki researchers ko itna kaise pata chala? Dekhieyh 2005 main researchers ko Fransco Gicondo ke haatho likha ek letter milta hai jis main yeh saari baatein likhi hui hoti hai.

Lekin ab yaha interesting baat yeh hai ki iska ko evidence nahi hai ki Lenardo ne yeh painting Gicondo family ko waapas di aur uske paise liye, matlab kisi bhi tahra ki koi payment ke evidence nahi hai.

Researchers ne isi pe se hi yeh anumaan lagaya ki payment is liye nahi ki gayi kyoun ki yeh painting kabhi complete hui hi nahi thi. Lekin yeh researchers ka sirf anumaan hi hai yeh bhi ho sakta hai ki Leonrado iss painting ko dena hi na chaa rahe ho ya phir woh iss painting ke maadhyam se kuch baatane chaa rahe ho.

Mona Lisa Painting


Mystery of Mona Lisa Painting: 6 Unknown Facts You Don't Know in Hindi

Yeh painting pen aur paper per nahi banaayi gayi thi yeh lakdi per banayi gayi thi. Iss painting ko banaane ke liye Leonardo ne 40 micron ka brush use kiya tha 40 micron matlab ek insaan ke baal se bhi patla brush. Dusra iss painting main outline nahi hai yeh poori painting bina outline ki hai aur bina outline ke itni perfect painting banaana bahut muskil hota hai.

Yeh painting ko 500 saal se zyaada ho gaya hai aur yeh painting waise ki waise hai kuch damage zaroor hua hai lekin phir bhi kaafi acchi condition main hai. Researchers ka kehna hai ki iss painting ko banaane ke liye Leonardo ne kaafi accha material use kiya hoga is liye is painting ko zyaada damage nahi hua.

Monalisa ne iss painting main halki se smile ki hai aur isse lekar bahut saalo tak research hui, aur kaha jaata hai ki inki aankho main ek hidden code Leonardo ne rakkha hai, aur bhi bahut saari baatein kahi gayi hai chalieyh kuch facts jaantey hai iss painting ko lekar.

1 - Mona Lisa Smile Fact

Jaise maine kaha ki inki smile ko leakr bahut saalo tak research hui, aur aisa kaha jaata hai ki inki smile alag alag angle per badalti rehti hai matlab jab aap iss painting ko alag alag angle se dekhengey toh inki smile badlti rahegi.

Mystery of Mona Lisa Painting: 6 Unknown Facts You Don't Know in Hindi


Aise agar aap generally dekhogey toh aap ko lage ga ki Monalisa smile kar rahi hai aur sab theek lag raha hai, lekin aap jab bahut hi closely observe karengey toh aap dekhengey ki inke hoth jhuke huey hai iska matlab hai ki Monalisa udaas lagti hai yeh aapko tab hi pata chalega jab aap bahut hi closely observe karengey.

Ab researchers ka kehna yeh hai ki shaayad Mona Lisa kuch kehna chaati thi lekin keh nahi paa rahi thi, Lekin dusri taraf Dutch researchers ka yeh kehna hai ki is painting main Mona Lisa 83% happy hai, 9% disgust feel kar rahi hai, 6% dari hui hai, 2 % angry, 1 % neutral aur 0% surprise.

Toh yaha per ek percentage wise dutch researchers ne ek analysis de diya isse pata chalta hai ki iss painting ko kitne in-depth study kiya gaya hai.

2 - Mona Lisa Eyebrows Fact

Dosto Mona Lisa ko prostitute bhi bola jaata hai, lekin inko aisa kyoun bola jaata hai? Dekhieyh inke eyebrows nahi hai us waqt kya tha ki jo prostitute hoti thi unke eyebrows nahi hotey they, dusre inke baal khule huey hai aur us waqt aise koi bhi aurat baal khule rakhti nahi thi matlab agar koi aurat acche ghar se aati hai toh woh is tahra se baal khule nahi rakhti thi.

Lekin iss baare main jaane ke liye ek scientist ne iss painting ko high spectral light main iss painting ko study kiya us scientist ka naam tha Pascal Coty. Alag alag layers main iss painting ko study kiya ultraviolet rays main isko study kiya aur unhone is study main yeh paaya ki Monalisa ke eyebrows they.

Leonardo ne ek single brush se eyebrows baanye they aur kaafi patle eyebrows baanye they, aur kyoun ki iss painting ko 500 saal ho gaye hai toh eyebrows waqt ke saath teek nahi paaye.

3 - Mona Lisa Illness

Researchers ne kaha ki yeh beemar thi inko high cholesterol aur tumor jaise beemari thi aur iss beermari ki wajah se inke daant nahi they. Aur sab se main thing yaha per researchers ne yeh kaha ki yeh pregnant hai. Agar aap inke haath dekhey toh inhone apne pet ko poori tahra se cover kiye huey rakkha hai, ek haath ko dusre haath per rakkha hai isse yeh kaha gaya ki yeh pregnant hai

4 - Mona Lisa Gender?

Mona Lisa ke gender ko lekar kaafi controversies hui thi aisa kaha jaata tha ki yeh half man aur half woman hai aadha aadmi aur aadhi aurat. Yeh iss painting ki qualities ko dekh ke researchers ne anumaan lagaaya ki yeh aadha aadmi aur aadhi aurat ho sakti hai.

5 - Mona Lisa Landscape

Landscape main aapko koi bhi insaan nahi dikhega. Yeh painting Leonardo ne aerial perspective per banaayi thi. Aerial perspective hume yeh bataata hai ki atmosphere ka kisi person per kya effect padhta hai painting main. For example aap iss painting ko ek normal distance se dekh rahe hai lekin jaise hi aap distance bhadaayengey toh aap dekhngey ki painting ka contrast kam hota jaayga toh isse kehtey hai aerial perspective.

Dusra iss painting ke background main aapko jo town jaisa dikh raha hai is per kuch researchers ka kehna hai ki yeh Florance hai kcuh ka kehna hai ki yeh Vinci town hai, Lekin abhi tak iska exact location researcher pata nahi laga paaye.

Aap jab is painting ko upsidedown kar ke dekhengey toh aapko is main jaanwar bhi dekhne milenegy.

6 - Mona Lisa Letters

Jab is painting ki ek ek layers nikali gayi toh kuch letters paaye gaye khaas ker ke Mona Lisa ki aankho main ek letter paaya gaya us letter main yeh likha hua tah "Answer is here" Lekin scientisto ka kehna hai ki paintings main cracks develop ho gaye hai, jaise maine aapko kaha 500 saal ho gaye hai iss painting ko toh thora bahut toh painting per effect aayga hi toh painting main kuch cracks aa gaye hai toh woh cracks letter ke taur per project hotey hai.

Mystery of Mona Lisa Painting: 6 Unknown Facts You Don't Know in Hindi


Where is Mona Lisa Painting Now?

Yeh painting Paris ke Louvre Museum main hai yeh museum bahut poorana hai aur ek separate room main jaha high securities hai waha iss painting ko rakkha gaya hai kyoun ki kai logo ne iss painting ko churaane ki koshish ki thi. Aur ek khaas baat yeh room ki yeh hai ki is room ka temperature aur humidity ko control kiya jaata hai kaha jaata hai ki 18 se 21 degree ke aaspaan iss room ke temperature control kiya jaata hai taaki is painting ko damage na ho.

Toh yeh saare facts they Mona Lisa ki painting ko lekar lekin researcher ne yeh sab sirf ek anumaan lagaaya hai pakke taur per kuch nahi keh saktey.

Kyoun ki yeh bhi ho sakta hai ki Leonardo ne aise hi painting draw kar di ho kuch mystery na ho ek simple painting banaayi ho aur hum khaamo khaa iss painting ko lekar itni mystery create kar rahe hai.

I hope aapko yeh post accha laga hoga, agar accha laga hai toh share zaroor kar dijyega.

Thank you.