Kylie Jenner sirf 22 saal ki hai aur yeh youngest billionaire ban gayi hai. Inko isi saal March 2019 main "Youngest Self Made Billionaire" ka khitaab Forbes dwaara inhe diya gaya hai. Aur inhone Facebook ke founder Mark Zuckerberg ko is main piche chor diya hai.

Mark Zuckerberg 23 ke they jab Forbes ne inko "Youngest Self Made Billionaire" ka khitaab diya tha.

Aur aisa nahi hai ki yeh peheli baar Forbes ne inko Youngest Self Made billionaire kaha ho isse pehley 2018 main Forbes ne ek magazine publish ki thi "America's women billionaires" jis main Kylie Jenner per ek special story likhi gayi thi aur is magazine main kaha gaya tha ki “Set to be the youngest-ever self-made billionaire.” Matlab aane waale waqt main yeh ek youngest self made billionaire ban jaayegi.



Toh aaj hum inke baare main jaanegey aur yeh jaane ki koshish karemgey ki kaise yeh youngest self made billionaire bani.

Family Background

Kylie Jenner ka janam 10 August 1997 ko Los Angeles, California main hua  yeh ek Model, businesswomen aur socialite hai, aur inki ek Kylie Cosmetics naam ki ek company bhi hai.

Inke father ka naam tha Bruce Jenner, dekhiyeh tha se matlab yeh nahi hai ki inke father ab is duniya main nahi rahe darasal inke father ne apna gender change kar liya aur male se female ban gaye aur apna naam rakh liya Caitlyn Jenner.

Inki mother ka naam hai Kris Jenner aur inhone do shaadiya ki pehli shaadi inhone ne Robert Kardashian se kari jisse inhe 4 bacche huey aur un chaar main se ek jo hai internet per bahut hi zyaada search ki jaane waali personality Kim Kardashian.

Dusri Shaadi inhone ne Bruce Jenner se ki jisse inko do bacche huey jiss main se ek hai Kylie Jenner.

Toh ab aapko inke family Background ka pata chal gaya hoga toh ab aapko inko samjhne main aasani hogi.

Critics ne iss khitaab ki Aalochna ki.

Toh isi saal March 2019 main 129 million Instgram followers ke saath yeh ab tak ki sab se zyaada follow ki jaane waali celebrity bani.

Forbes magazine ki hisaab se Jenner ka net worth hai US$1 Billion aur yeh inki net worth hai sirf 22 saal ki umar main aur isi wajah se isi saal March main inko "Youngest Self Made Billionaire" ka khitaab diya gaya..

Lekin yaha jo Forbes ne "Self Made" word use kiya hai woh kai logo ko hazam nahi ho raha  critics ne Forbes ki bahut aalochna ki hai yeh keh ker ke aap Kylie ko "Self Made" ka khitaab kaise de saktey hai?

Inke critics ka kehna hai ki inhe yeh jo financial success mila hai yeh possible nahi hota agar yeh ek ameer family main na janmi hoti, yaha per main aapko ek baat bata du Kylie ke father matlab Bruce Jenner ek Olypic Gold Medalist reh chuke hai aur woh kaafi ameer insaan hai aur inki mother Kris Jenner bhi ek businesswomen hai aur kaafi ameer khaandan se yeh bhi aati hai.





Toh jab Forbes ne inko "Youngest Self Made Billionaire" ke khitaab se nawaaz toh kai logo ne is per aapati jataai. Kylie ke aalochako ka sidha yehi kehna tha ki Forbes ne yaha dusre logo ke saath nainsaafi ki hai.

Lekin yaha hume yeh jaana behad zaroori hai ki Forbes ne inko kyoun "Self Made Billionaire" Kaha?. Main aapko iski wajha bataata hu

Keeping Up With the Kardashians

Dekhiyeh Kylie ki success ke piche aur Youngest Self Made Billionaire banne ke piche inki mother Kris Jenner ka bahut bada haath hai.

2007 main ek reality show start hua jis main Kardashian family aur Jenner family ek saath show main aatey they jiska naam tha "Keeping Up With the Kardashians"



Iss show ka first season bahut hit hua iske hit hone ki sab se badi wajah thi Kim Kardashain ka sex tape jo ussi saal internet per viral hua. (Yeh ek Publicity Stunt Tha) Kris is show ki head producer hai inhone is sex tape ka khub faayad uthaaya aur is sex tape ko lekar is show ke kuch episodes main controversy create karne ki koshish kari.

Kris ka kehna tha ki "Jab maine pehli baar yeh tape dekha toh as mother mujhe mann hua ki main Kim ko maar daalu lekin as producer mujhe laga ki show ko hit karne main yeh abhut ahem role ada kar sakta hai"

Is show main Kylie aur inki badi behan Kendall kuch scenes main comic role main aapko dikhengey, kyoun ki dono hi us waqt kaafi choti thi. Logo ne in dono ko kaafi pasand kiya khaas kar ke teenage group ke logo ne.

Kylie Cosmetics

Lekin jaise jaise yeh dono Kylie aur Kendall bade huey inki mother ne inka future secure karne ke liye inhe bahut saari brand sponsorship dilaai jaise PacSun, Steve Madden, Topshop aur Sugar Factory yeh sab ki sab bahut badi companies hai America ki. Toh isse inko bahut kam umar main ek real money aana shuru ho gaya.

Kaha yeh jaata hai ki 2014 main sirf 17 saal ki umar main inhone $250,000 jo inhone alag alag brand sponsorship aur modeling show se kamaaye they kharch kar diye apna khud ka Cosmetic Brand baane ke liye.

Kylie Cosmetics ki yeh CEO aur CMO dono yehi hai. Inki mother is company main CFO hai matlab chief financial officer. Kylie Cosmetics main koi aur investor nahi hai saara paisa Kylie ka hai., aur is wajah se hi Kylie sirf 22 saal ki umar main "Youngest Self Made Billionaire" ban gayi.

Sirf 18 month main Kylie Cosmetics ne $420 million ka sale kiya.

Kylie ne yeh company found ki apne paiso per aur yeh paisa mila inko inki Branding Genius mother se jinhone inko saari brand sponsorship dilaai, lekin phir bhi paisa toh kamaaya khud Kylie ne hi kaafi saare brand khud saamne se chal ke bhi aaye sponsorship ke liye is liye Forbes ne inko "Self Made" billionaire ka khitaab diya.

From Lip Injection to $900 million business

Inki pehli Kylie Lip Kits aayi thi jo Kylie Cosmetics company ka ek product hai yeh product  America main bahut chala sirf 3 colour main yeh lip kit market main aaya tha Candy K - a light pink, Dolce K - a darker nude aur True Brown K yeh 3 colors kuch seconds main beek gaye.



Aur us waqt Twitter aur Instgram dono mila ker inke followers they 56 million aur aaj inki jo success ka shrey hai woh social media ko bhi jaana chaiyeh.

2014 main matlab apna pehla product launche karne ke 1 saal pehley aise rumors sunne ko miley ki Kylie ne cosmetic surgery karwaayi hai apne lips per.

Inke agar lips aa dekhngey toh bahut bade hai aur Buzzfeed ker ker ek website hai inhone ek article daala tha "How much Kylie Jenner’s lips changed this year.” saal der saal inke lips ka size change hota gaya. Lekin Kylie ka is per yeh kehna hai ki yeh saare rumors bekaar hai aur inka reality se koi lenadena nahi hai.

Lekin 2015 main Keeping Up With the Kardashians show main inhone kaha ki "Haa maine apne lips per cosmetic suregery karwaai thi"

Kylie Jenner aaj ke time main ek Brand ban chuki hai, teenage se hi dekho toh Pacsun aur Topshop jaise apparel company ki sponsorship mil gayi jisse us waqt kaafi saare teenager Kylie jaisa dikhna chaatey they baad main inhone apna khud ka Kylie hair extension product launch kiya jo khub chala aur lakrioyun ko laga hume bhi Kylie jaise baal mil jaayengey, baad main Lip kit jo U.S market main $29.99 main available hai toh woh larkiya kharidne lagi unko laga ki humaare hoth bhi Kylie jaise ho jaayengey.

Overall dekha jaaye toh Kylie Jenner ka influence young generation per bahut hai larkiya inke jaise dikhna chaati hai is liye inke products itne beek rahe hai.

Badi badi companies inko sponsorship dena chaatey hai kyoun ki bahut zyaada famous hai.

Inka Kylie Cosmetics aaj bahut saare products bechta hai jaise

Lip glosses, standalone lipsticks, eyeshadow platts, eyeliner, blushes, bronzers, highlighters, concealers aur makeup brushes

2018 main America ki bahut badi beauty cosmetic company Ulta ne Kylie Cosmetics ke saath distribution deal sign ki jisse Kylie ke product America ke har beauty shop main available huey.

Ab aap agar sab kuch add kar de, inke endorsement deal, inki reality show se income inke business sab kuch mila ker inki income ho jaati hai $900 million matlab rupees main 90 crore.

Ab aap decide kijye ki kya yeh "Self Made" billionaire hai ya nahi?

Toh yeh thi Kylier Jenner ki "Youngest Self Made Billionaire" banne ki

Article accha laga ho toh share zaroor kijyega please.