Dosto title se aapko pata chal gaya hoga ki aaj baat hogi study ke baare main ki kaise bina distract huey lagaatar study kartey rahe aur apne goal ki taarf aap aage bhadtey rahe.

Dekhiyeh Distraction ko hume avoid nahi karna hume usse khatam karna hai. Aur yeh distraction kisi bhi tarike ka ho sakta hai ho sakta hai aapka mann nahi lagta ho, ho sakta hai log aapko criticize kartey ho, ho sakta hai aapka kisi aur cheez main interest ho.

Dekhiyeh kya hai ki koi bhi new techniques aapke liye kaam nahi karegi. Distraction kaafi common hai lekin end main matter kya karta hai aapka decision, yeh hum per hai ki hum distract hotey hai ya nahi. Aur dosto yeh sirf study ke liye nahi, yeh business main bhi ho sakta hai, Job main bhi ho sakta hai toh distraction har jagha hai.

Toh aaj main aapko ek shaks ki story sunaaunga uss bande ko kaafi logo ne distract karne ki koshish ki lekin nahi huey.

Aur yeh story main is liye suna raha hu kyoun ki mere kai dost hai jo kehtey hai ki yaar main Fail ho gaya, ya phir mera mann nahi lagta hai study main, ya phir mujhe koi support nahi kar raha study main toh soch raha hu study chor du koi accha sa business kar lu ya phir koi job hi kar lu.

Bahut jaldi hum log demotivate ho jaatey hai, lekin yeh bhaisaab demotivate nahi huey!!

Kya aap inhe jaantey hai?




Yeh hai Shardul Thakur, Abhi haal hi main inhone India ke liye T-20 match South Africa ke khilaaf kheli.

Jab yeh mumbai main cricket main struggle kar rahe they, toh yeh roz apne ghar se practice ke liye mumbai ki local train main travel kartey they. Aur jo train main bethey huey log they yeh inhe taunt maartey they ki "Isse kisi aur cheez per focus karna chaiyeh" 

Humaare yaha India main yeh common baat hai ki abhi bhi sports ko ek khel hi samjha jaata hai bus. Matlab yeh ek khel hai isse aapki life nahi ban sakti, humaare parents bhi hume yehhi kahengey ki beta engineer bano, doctor bano, businessman bano lekin bahut kam parents kehtey hai ki cricketer bano, footballer bano.

Toh jab yeh local train main travel kar ke practice ke liye jaatey they tab log inhe train main taunt maartey they lekin in taunt se yeh demotivate nahi huey inhone kisi ko nahi roka jo bhi inko criticism kartey they inhone karne di.

Ab isse hota kya tha jab bhi yeh practice kartey they toh inhe logo ki taunt logo ke critisim yaad aatey they isse inhe aur motivation milta tha aur yeh aur practice kartey they aur apne goal ki taraf ek aur kadam aagey bahd rahe they.

Aur Shardul Thakur ne logo ke criticsim ko positive way main liye ki in logo ka muh main ek din chup zaroor karwaaunga isse hota yeh tha yeh aur practice kartey they ghanto practice kartey they.

Isse hume kya lesson milta hai?

Dekhiyeh hum main se zyaadatar log struggle kar rahe hai, hum sabhi kabhi na kabhi fail huey hai. Aur jab tak aap apne ander ke motivation ko nahi jagaaogey tab tak koi motivational video ya speech aapke liye kaam nahi karegi.

Aur aapko pata hai jab Shardul Thakur South Africa ke tournament se waapas aaye toh apni car main jaane ke bajaay yeh local train se hi apne ghar gaye. Aur jo log inko criticize kartey they aaj wohi log inke saath Selfies aur Autographs ke liye line main khade rehtey hai.




Toh Shardul Tahkur ki story maine aapko is liye bataayi kyoun ki inhe kisi ka support nahi tha log inhe criticize karey jaa rahe they lekin mehnat tab tak ki jab tak ki success nahi mil gayi.

Toh post accha laga ho toh share zaroor kar dijyega. Thanks