Agar aap main se kisi main bhi Low-Self Esteem ya Low-Self Confidence hai toh yeh article aapke liye hai. Isse padhne ke baad aap ke confidence ko ek boost milega jo aapko life main aage kaafi help karega.

5 Points maine yaha likhe hai, chaata toh aur bhi likh sakta tha lekin kya hai ki aaj kal logo ko lambe lambe article padhna pasand nahi toh chota article hai taaki aap logo poora padh sakey.

Aur yaha per main Tiger ka photo is liye daala hai kyoun ki Confident ho toh iske jaisa, pata hai isko ki yeh jungle ka strongest animal nahi hai phir bhi poorey jungle main thaat se ghumega jaise jungle uske baap ko ho aur jab yeh chalta bhi hai toh Confident chalakta hai. Toh attitude aur confident ho toh tiger jaisa.




1 - Kuch Unique Karo

Apne aap per bharosa rakhiyeh ki aap ek special person hai apne aap ko thora dusro se alag rakkhe. aap ko jo fancy kapre pasand aatey hai woh pehne, jo bhi fancy haircut karwaana hai aap karwaaaye, jis bhi field main aapko jaana hai jaaieyh.

Matlab aapko jo karna hai na aap kijeyh, kyoun ki jab tak aap apnne aap ko accept nahi karengey log aapko accept anhi karengey. Aur jab aap apne aapko accept nahi karenegey samj jaaye aap main self-confidence ki kami hai.

Kai log aise hai jinhe bahut kuch karna hai lekin society ke darr se nahi kar paatey. Jo aapko accha lagta hai karo duniya ki mat socho agar aap duniya ki sochogey aap piche reh jaaogey, piche reh jaaogey self-confidence low ho jaayga.


2 - Humesha Positive Socho

Apni soch ko positive kijye aapne yeh line toh suni hi hogi "Jo bhi aap sochogey woh reality ban jaata hai" Om Shanti Om main bhi ek dilouge Shahrukh khan ne bola hai ki "Itni shiddat se tujhe paane ki koshish ki hai har zarre ne tujhse milaane ki saazish ki hai" isse low-of attraction kehtey hai is main hota yeh hai ki jis cheez per aap focus se soch rahe ho lagaatar kai dino se soch rahe ho woh real main aapke saath hone lagta hai, koshish karunga ki is per main ek article likhu. Toh khair yaha per main kehan yeh chaata hu ki agar aapne apne aap ko kabhi bhi book padhtey huey imagine nahi kiya toh bahut chance hai ki aap kabhi bhi book nahi padhogey, agar aap apne aap ko successful imagine nahi kiya chances hai ki aap life main kabhi successful nahi ho paaogey.

And main shart laga ker keh sakta hu ki jo low-self esteem waale hote hai woh apne aap se humesha aisa hi kehtey honegy


  • Main logo se sahi se baat nahi kar paata
  • Main dikhta accha nahi hu
  • Mujhe logo ko hasana nahi aata
  • Iska simple matlab hai aap main self-confidence ki kami hai


Iske badle aap positive soche


  • Main logo se acche se baat kar sakta hu
  • Main shaayad accha nahi dikhta hu lekin mujhe main confidence hai ki main kisi bhi larki ko impress kar sakta hu
  • Main logo ko hasaane ki koshish karunga


Kya hota hai ki agar aap apne head main ek postive image banaayengey toh isse aapka self-confidence kaafi boost hoga


3 - Risk Lo

Aise cheeze kariye jo aapne kabhi nahi ki ho. Risk lo. Kuch naya karo aur fail hone ka dar toh nikal hi do. Result ki parwah mat karo for example agar aap blog likhna chaatey ho likho bhale phir zyaada log aapke blog ko nahi padhey lekin at least aapne kuch kiya toh sahi jo baaki ke log nahi kar paatey.

Job change ka soch rahe ho koi acchi company hai, apna resume send karo, kya hua agar unhone reject kar diya toh, at least aapko pata chalega ki abhi bhi aapko aap per kaam karne ki zaroorat hai.

Matlab main yaha yeh kehna chaata hu ki risk lo life main risk bina aap aage nahi bhad saktey, aur jis shaqs main low self-esteem hota hai woh kabhi bhi risk nahi le paata.

Aur jab aap apne comfort-zone se bahaar nikal ker koi kaam kartey ho na toh aap ka self-esteem bahut high hota hai

4 - Apne aap ko Bore mat karo

Bahhut saari cheeze hai karne ke liye reading, writing, playing, working, working out, agar aap in main se kuch nahi karety toh toh aap bore hongey aur bore honegy toh self-esteem low hoga, iska matlab toh yehi hua ki aap apne aap se hi khush nahi ho.

Aap bore tabhi hotey ho jab aap akele hotey ho aap ko apne aap ko akele nahi chorna kuch na kcuh kartey rehna hai.

Jiska Self-esteem zyaada hota hai woh apne aap ko kaafi time deta hai, kyoun ki unki life main bahut kuch hai karne ko taaki woh apna time acchi cheezo main de sake.

Aur jiska self-esteem low hota hai woh chaata hai ki koi aaye unko entertain karey aur uski boriyat dur karey.


5 - Independent Raho

Kya hai ki hume kuch bhi kana hota hai toh hum chaatey hai ki koi humaare saath aaye aur hume company de.

Ek simple example se samjhaata hu aapko samajh lo aapko movie main jaana hai aap chaatey hai ki aapke saath aapka dost aaye taaki company mil jaaye, lekin kya hua ki aapke dost ne mana kar diya kisi wajah se. Ab aapne bhi movie cancel kar di ki choro ab nahi jaana.

Toh hua kya ki aap kisi per dependent ho ki bhai woh aayga toh kaam hoga warna nahi hoga. Aur jo aise shaqs hotey hai na woh srif movie tak nahi phir har kaam main usko koi na koi saath chaiyeh tabhi uska kaam ho paayga.

Yaha per result kya niklega ki Self-Confidence kam hai, kyoun kam hai kyoun ki aap kisi aur per dependent ho.

Ek strong Self-Esteem aata hai ek Strong Independence se.


Toh yeh kuch points they jo shaayad madad kar saktey hai Self-confidence ya Self-Esteem ko Bhaadne main.

Thank You