Bruce Lee naam toh suna hi hoga aap ne aur shaayd hi aisa koi ho jo Bruce Lee ko na jaanta ho.



Toh aaj baat karenegy Bruce Lee ke baare main aur woh baatein karengey jo aapne shayad nahi suni hogi.

Aaj hum jaanegey Bruce Lee kaise Actor, Dancer aur phir Martial Art ke trainer bana aur kaise woh 32 saal ki umar main hi iss duniya ko alvida keh diya.

Yeh ek inch ki doori se wooden board ko tod deta tha yeh ek haath ki ek ungli se push up lagaata tha, ab agar hum imagine karey aise koi shaks ko toh aapke deemag main ek image banegi ek dum lambe chode insaan ki jiska kad 6ft ya usse zyaada hoga ya phir uska wazan 80-85 kg ke aas paas hoga lekin Bruce Lee ki average height thi 5.7ft aur wazan tha 63 Kg.

Bruce Lee as An Actor in Chinese Movie 

Bruce Lee ke father ek actor they is liye woh Hollywood main apni kismat aazmaane ke liye gaye lekin baat kuch bani nahi is liye woh waapas Hong Kong chale gaye aur waha per woh Chinese movie main kartey rahe lekin Chinese movie main bhi woh utne kaamyab na ho paaye jitna woh hona chaatey they.

Bruce Lee apne father ke nakshe kadam per chalna chaata tha Bruce Lee ke father Bruce Lee ko apne saath set per le jaatey they apne father ko acting kartey dekh Bruce Lee ko bhi acting ka shauk jaaga is liye sirf 6 saal ki umar main Bruce Lee ne apni pehli movie main kaam kiya aur 20 saal ke hotey hotey usne 18 movie kar daali.

Bruce Lee as Dancer



Ab actor banna hai toh aapko dancing bhi aani chaaiyeh yeh zyaada tar aapko aaj bhi Bollywood main dekhne ko mil jaayga jisse bhi Bollywood ka actor banna hai usse dancing aani chaieyh same yeh hi cheez aaj se 50-60 saal pehley Hong Kong main bhi thi uss waqt waha ke actor ko dance sikhna padta tha kyoun ki tabhi woh ek complete actor kehlaata tha.

Bruce Lee Hong Kong ke popular dance competition "Cha-cha champion" main participate kiya aur uss competition ko jeet bhi liya.

Ab aap kahogey ki yaar Bruce Lee toh Martial Arts main maahir tha woh Martial Arts ke wajah se famous hua tha toh yeh sab Acting, Dancing kaha se bich main gayi.

Dosto Bruce Lee ek multi talented insaan tha Martial Arts toh unhe aata hi tha lekin Martial Arts ke saath saath woh Actor, Dancer, Producer, Director bhi tha.

How did Bruce Lee learned Martial Arts?

Ab baat kartey hai Martial Arts ki jisse Bruce Lee ko pehchaan mili chalieyh jaantey hai ki Bruce Lee ne Martial Arts kaise sikha aur kisse sikha.

World War 2 ke wajah se Hong Kong main kaafi tabahi hui toh kaafi saare log berozgaar ho gaye they aur khaane ke bhi phaaphe they, iss berozgaari aur bhukmari ki wajah se logo ne lootmaari aur chori karna shuru kar diya aur iss wajah se hi kai saari gangs bani.

Inn sab se nipatne ke liye waha ke naujawaan logo ne Martial Arts sikhna shuru kar diya kyoun ki aur koi raasta tha hi nahi, apne aap ko defend karne ke liye aap ke paas kuch toh hona chaiyeh aur us waqt Martial Arts sikhna bahut badi baat thi toh kaafi saare logo ne us waqt Martial Arts sikha jis main kuch gangster bhi they.

Ab Bruce Lee kaise piche reh jaata kyoun ki Bruce Lee ke bhi kaafi jhagdey hotey rehtey they toh Bruce Lee ke father ne faisla kiya aur Bruce Lee ko kaha ki tumhe Martial Arts sikhna chaaiyeh.

Toh Bruce Lee ke father ne Bruce Lee ko ek master ke paas bheja jiska naam tha IP Man ab yeh jo IP Man they woh Martial Arts ki Wong Chun technique ke maahir they. Lekin Bruce Lee ke sirf yeh hi ek master nahi they Bruce Lee ke darsal do master they. IP Man se Bruce Lee ne Basic techniques aur moves sikhe jabki Bruce Lee ne apne dusre Master Wong Shun Laung se poora Martial Arts sikha.

Toh hota kya hai ki jab bhi hum Martial Arts ya phir Boxing jaise cheeze sikhtey hai toh humme ek alag hi confidence aa jaata hai aur jiss baat per jhagdey ki koi zaroorat nahi hoti waha bhi jhagda kar bethtey hai aisa hi Bruce Lee ke saath bhi hua jaise jaise training aage bhad rahi thi waise waise Bruce Lee ke jhagdey bhi badh rahe they.

Bruce Lee sent to America

Bruce Lee ke father ko laga ki Bruce Lee kahi jhagdey kar kar ke aisa koi bada crime na kar bethey ki usko jail jaana padey is liye Bruce Lee ke father ne USA main unke ek cousin ke paas Bruce Lee ko bhej diya, Bruce Lee ne waha Restaurant main kaam karna shuru kar diya aur saath hi saath woh Philosophy aur Arts ki padhaai bhi karta.

Ab America main us waqt Martial Arts itna popular nahi tha, lekin Bruce Lee jaisa well trained banda waha jaayga toh log impress toh hongey hi yahi hu Bruce Lee ke classmates unki padhaai se zyaada unke Martial Arts se impress huey.

Bruce Lee Started Teaching Martial Arts

America aur baaki desho main Martial Arts is liye bhi popular nahi tha kyoun ki isse sikhaane ke liye teacher hi nahi they log sikhna toh chaatey they lekin teacher hi nahi they, toh ab hua yeh ki Bruce Lee ko acche se Martial Arts aata tha toh Bruce Lee ke American dosto ne kaha ki tum hume Martial Arts sikhaao.

Bruce Lee ko yaha ek acchi opportunity dikhi usse laga ki isse woh kaafi acche khaase paise kama sakta hai, toh Bruce Lee ne logo ko training dena shuru kar diya aur issi training main unki mulaaqat hoti hai Linda Emry jo aage jaake inki wife bhi bani.

Ab kyoun ki yeh Chinese hoke American ko Martial Arts sikha raha tha, toh yeh Chinese logo ko pasand bilkul nahi aaya, Chinese community ka us waqt yeh maana tha ki Chinese art Chinese ke alaava kisi ko bhi na sikhaaya jaaye kyoun ki Chinese ka maana hai ki yeh ek secret technique hai aur sadiyoun se isse Chinese logo ke bich hi rakkha gaya hai.

Lekin Bruce Lee kaha maane waale they woh toh sab ko Martial Arts sikhaatey rahe ab Auckland main us waqt Bruce Lee logo ko Martial Art sikha rahe they toh waha Auckland main kuch Chinese rehtey they aur waha ki Chinese community ne Bruce Lee ko challenge kiya ki tum hamaare sab se bade master Wong Jackman se fight karo. Agar jeet gaye toh tum Americans ko training detey rehna aur agar haar gaye toh tumhe yeh trainig bandh karni hogi.

Bruce Lee ne yeh challenge accept kar liya aur fight hui aur woh fight sirf 3 minutes main Bruce Lee jeet gaya, lekin iss jeet se woh bilkul khush nahi tha unki wife Linda Emry ne bhi Interview main kaha ki woh fight jitne ke baawajud woh naaraz tha, Yeh naarazgi ki wajah kya thi? Darasal Bruce Lee ko laga ki usne kuch zyaada hi waqt le liye is fight ko jitne ke liye Bruce lee ka maana tha ki woh yeh fight 3 minute se kam waqt main jeet sakta tha.

Ab yeh 3 minute ki jeet ko woh haar hi samaj raha tha kyoun ki uske hisaab se uske liye yeh kuch seconds ka kaam tha Bruce Lee ne is jeet se sabak liya usne kadi training shuru kar di aur kaha jaata hai ki uss fight ke baad Bruce Lee roz 2000 punches, 1000 kicks, 8kms runing, 24 Kms cycling karne laga.

Invent One Inch Punch



Aur isi kadi training ke dauran hi Bruce Lee ne invent kiya One Inch Punch.

America main "Long Beach Karate Tournament" hota tha, toh 1964 main Bruce Lee ne uss tournament main apna art logo ko dikhaaya waha per jitne bhi log they woh Bruce Lee ki do skills jo impossible thi karna usse log surprise aur impress ho gaye. Ek toh thi ek hi haath ki do ungliyoun per push ups karna aur dusra tha One Inch Punch, log yeh dekh ke heraan ho gaye they ki sirf ek inch ki doori se ek healthy insaan door jaake gir jaata tha aur ek inch ke doori se woh wooden board bhi tod deta tha.



One Inch Punch aaj Martial Arts ka advance move hai yeh aap saalo ki practice ke baad hi sikh saktey hai.

Ab Bruce Lee America main kaafi famous ho gaya tha Martial Arts ke champion bhi Bruce Lee se training letey they, inn main se 3 Martial Arts ke expert they Joe Lewis, Chuck Norris, Mike Stone.

Bruce Lee Martial Artts ki jis field ka maahir tha usse Wing Chun kehtey hai, log kehtey hai ki Bruce Lee ne apne experience aur training se ek nayi Martial Art technique nikaal thi jisse kaha jaata hai "Jeet Kune Do" aur yeh technique Bruce Lee ne apne 3 student matlab Joe Lewis, Chuck Norris aur Mike Stone ko sikhaaya.

Bruce Lee in Hollywood

Ab Bruce Lee ka woh sapna jo kabhi uske father ne bhi dekha tha woh tha Hollywood main kaam karna.

1965 main Bruce Lee ko Hollywood ke legendary studio "20th Century Fox" ke taraf se call aaya aur yeh call audition ke liye tha, yeh call aaya kaise Bruce Lee ke pass?, darasal jab Long Beach karate tournament ho rahi thi tab "20th Century Fox" ka hair dresser bhi wahi tha woh Bruce Lee se itna impress hua ki uss hair dresser ne "20th Century Fox" studio main jaake Bruce Lee ki jam ke taarif kari.

Jisse us waqt ke ek producer Dozier ne Bruce Lee ko audition ke liye bulaaya lekin iss audition ka koi result aaya nahi kyoun ki jiss series ke audition ke liye usse bulaaya gaya tha woh series ban nahi paayi lekin isse Bruce Lee ko ek faayda yeh hua ki iss audition ki wajah se Bruce Lee ke kuch bade producer aur studio main jaan pehchaan ho gayi.

Aur iss wajah se 1 saal baad hi "The Green Hornet" TV series main Bruce Lee ko side hero ka kaam mil gaya, is series main Bruce Lee ke character ka naam tha "Kato"

Lekin movies main successful hone se pehley hi do badi problem Bruce Lee ko jhelni padi ek problem toh yeh thi ki Bruce Lee ki action moves cameras main capture nahi ho paatey they. Uske action itne fast they ki camera usko focus nahi ka paata tha, is liye uske action blur record hotey they.

Directors ke liye yeh bahut bad sardard ban gaya tha kyoun ki Bruce Lee ko liya gaya hi tha action scenes ke liye, director ne Bruce Lee se request ki ki aap apne action moves kam speed se karey.

Dusra problem yeh tha ki Bruce Lee aur ek dusra character Robin in dono ke bich ek fight thi aur script ke mutaabiq Bruce Lee ko yeh fight haarna tha. Bruce Lee ko yeh baat bilkul manzoor nahi thi ki woh kisi se haar jaaye bhale phir woh movie hi kyoun na ho usne yeh scence karne se mana kar diya aur Robin ko real fight ka challenge de diya.

Producer ne kaafi samjhaane ki koshish kari ki woh script ke mutaabiq chale lekin Bruce Lee nahi maana, iss script ko badla gaya aur fight ko draw per khatam kiya gaya.

Ab iss movie ke jo dusre actors they unhone yeh bataaya ki Robin Bruce Lee se haqeeqt main ghabraaya hua tha woh Bruce Lee se ladaai nahi karna chaata tha aur yeh jo movie thi woh flop ho gayi.

Ab is wajah se Bruce Lee ka Hollywood ka future andhere main lag raha tha ek toh unke action moves kaafi fast they dusra woh kisi se bhi haarna nahi chaata tha bhale woh movie hi kyoun na ho. Lekin Bruce Lee ne koshish jaari rakkhi ki kuch kaam Hollywood main mil jaaye lekin Holywood main us waqt kisi Asian ko main role nahi diya jaata tha sirf side role se hi aapko khush hona padega aur woh ab Bruce Lee ko manzoor nahi tha.

Movies ke chakkar main use apni training centers bhi band kar diye they toh income ke saare raaste band ho gaye they. Shaadi Bruce Lee ko ho gayi thi Linda se jinse uskoo do bacche bhi they ek beta tha jiska naam tha Brandon aur beti Shen Lee toh zimedaari zyada bhad gayi thi zaroorat zyaada thi, toh isi dauraan Bruce Lee ke ek dost ne usko advise di ki agar tum Hollywood stars ko training do toh tumhe acche khaase paise mil saktey hai.

Bruce Lee ko paise ki behad zaroorat thi is liye usne Hollywood Stars ko trainig dena shuru kar diya, jis main famous Hollywood star James Coburn aur Steve Mcqueen ka bhi naam aata hai.

Aur kuch sports stars ko bhi coaching dene lage jis main 7 feet lambe baskeball player Karim Abdul Jabbar ka bhi naam aata hai.

Lekin abhi bhi Bruce Lee ko Hollywood main accha kaam nahi mil raha tha lekin woh kehtey hai na ki sabhar ka fal meeta hota hai. Ek din Bruce Lee ko Warner Bros ke aur se ek call aata hai jis main unhe Chinese actor ki zaroorat thi.

Bruce Lee yeh offer accept kar li lekin phir Warner Bros ne Bruce Lee ko movie main nahi liya. Iska reason Warner Bros ne yeh diya ki America ki janta kisi Non-American ko as an actor accept nahi karegi.

Aur phir yehi moive main ek American actor ko liya gaya use Chinese make-up aur get-up diya gaya aur phir yeh moive banaayi gayi.

Bruce Lee became a successful Chinese actor

Ab Bruce Lee ke saath bhi waisa hi hua jaise unke father ke saat hu tha Bruce Lee ke father ko bhi America chor ker Hong-kong jaana pada tha waise hi Bruce Lee ko bhi America chor ker Hong Kong chala gaya aur Chinese film industry ko join kar liya.

Aur Burce Lee ke liye yehi sahi tha ki woh Hong-Kong main hi kaam krey aur waha ki movies main kaam karey, kyoun ki Bruce Lee already kaafi famous tha Hong-Kong main toh Chinese movies uske liye kaafi faaydemand thi aur hua bhi yahi poorey china ne Bruce Lee ki movies ko pasand kiya khaas kar ke unke Martial Arts ke action scenes ko.

Aur 1972 main Bruce Lee ki dusri Chinese movie aayi "Fist of Fury" poori movie ke actions Bruce Lee ne khud direct kiye they aur is movie main pehli baar Bruce Lee ne Nunchaku ka use kiya lekin isi movie ki shooting ke duaran Bruce Lee ko injury ho gayi lekin is injury se Bruce Lee ne kaafi jaldi recover kar liya. Fist of Fury bahut chali aur Box office ke saare records tod diye.

Bruce Lee ab ek establish chinese actor ban gaya tha, toh ab woh movies main partnership karne laga tha aur movies produce bhi karne laga.

Toh as an actor or producer unki pehli movie thi "Way of the Dragon" aur is moive ki story bhi Bruce Lee ne hi likhi thi aur direct bhi Bruce Lee ne hi kiya tha. Iss movie ki shooting Rome ke coliseum main hui thi, isi movie main Bruce Lee aur Chuck Norris ki fight bahut hi famous hui thi. Aur yeh movie bhi Hit hui.

Ab kyoun ki Bruce Lee kaafi super hit actor ban gaya tha establish actor ban gaya tha toh Warner Bros ne waapas Bruce Lee ko ek movie ki offer ki aur yeh movie Chinese production company "Golden Harvest" aur "Warner Bros" dono ne milkar banaayi thi.

Aur yeh movie thi "Enter the Dragon" yeh Bruce Lee ki pehli Hollywood movie thi, lekin jab bhi woh Hollywood ki koi bhi movie karety kuch na kuch problems zaroor saamne aa jaata, hua yeh tha ki iss movie main kaafi saare Martial Artist ko as an extra cast liya gaya tha aur inn main se zyaada tar gangster they, toh iss movie ke action scene ke dauran kuch extra ke Martial Artist Bruce Lee ko fight challenge kartey they.

Bruce Lee apni aadat ke mutaabiq challenges ko accept kar liya aur challenges jeeta bhi jaata, lekin isi tahra se chalta rehta toh movie kabhi nahi ban sakti thi, lekin Bruce Lee ki wife ne inn saare jhagdo ko solve karwaaya aur phir movie ki shooting complete hui.

Bruce Lee Rare Disease

Bruce Lee ab Hong-Kong main is movie ke post-production per kaam karwaa raha tha ki tabhi achaanak Bruce Lee ke sir main kuch gadbad mehsoos hui aur 10 May 1973 ko Bruce Lee ko Hospital le jaaya gaya, doctor ne Bruce Lee ka diagnosis kiya aur ilaaz shuru kar diya aur Bruce Lee theek bhi ho gaya.

Lekin Doctor ne Bruce Lee ko bataaya ki usse ek aise beemari hai jo bahut kam logo ko hoti hai is beemari ko "Cerebral Edema" kehtey hai, jis main deemag ka size bada ho jaata hai.

Bruce Lee ko iss beemari ki chinta sataane lagi, aur acche doctor ki salah lene ke liye woh America Los Angles chala gaya aur waha Bruce Lee ke bahut saare test huey aur Bruce Lee ab Los Angeles main hi reh raha tha. Ek din jab Bruce Lee Los angels ki sadko par ghoom raha tha toh use Enter the Dragon ka ek co-actor John Saxon mila.

John, Bruce Lee ko dekh kar kaafi surprise ho gaya aur kaha Bruce Lee tum America main kya kar rahe ho? Toh Bruce Lee ne ajeeb sa jawaab diya Bruce Lee ne kaha ki ab shaayad Bruce Lee is duniya main na rahe.

Lekin phir America ki ek hospital ki report ke mutaabiq Bruce Lee ek teenager ki tahra super-fit tha, is baat se khush ho kar Bruce Lee waapas Hong-Kong chala gaya aur apni incomplete movie "The Game of Death" ki shooting main lag gaya.

The Day of Bruce Lee's Death

20 July 1973 ke din Bruce Lee "The Game of Death" ki co-actress Betty Ting ke ghar tha tab usse waapas sir main taqlif hui, Betty ko laga ki yeh aam sirdard hoga toh usne Bruce Lee ko ek pain killer de di Bruce Lee woh pain killer khaa ker ek kamre main sone chala gaya. Kaafi waqt ho gaya tha Bruce Lee ko soye toh Betty ne Bruce Lee ko jagaane ke liye kamre main gayi Betty Bruce Lee ko jagaane ki koshish kar rahi thi lekin Bruce Lee uth nahi raha tha.

Betty ne ghabra ker iss movie ke producer Raymond Chow ko bulaaya, Raymond ne us doctor ko kaafi baar call kiya jisne Bruce Lee ka ilaaz kiya tha lekin uss doctor ka phone lagaatar busy aa raha tha Raymond ne phir ambulance bulaai aur Bruce Lee ko Hospital le jaaya gaya.

Doctors ne Bruce Lee ko check kiya aur phir pata chal ki Bruce Lee toh kab ka mar chuka tha.

Bruce Lee ki maut per kaafi saari kahaaniya banaai gai logo ko yakeen nahi ho raha tha ki Bruce Lee jaisa shaks jawaani main hi kaise mar sakta hai ?

Chinese community ne uss waqt Bruce Lee ki maut per yeh kaha tha ki kyoun ki Bruce Lee ne Non-Chinese logo ko Chinese art sikhaaya tha is liye ishwar ne usko punishment di. Yeh bhi kaha gaya ki is main Chinese mafia ka haath bhi ho sakta hai.

Lekin Bruce Lee ki wife ne Bruce Lee ka postmortem karwaaya aur us medical report ke mutaabiq Bruce Lee ki maut ussi beemari "Cerebral Edema" ke wajah se hi hui thi.

Report ke mutaabiq yeh ek allergic reaction tha jo us painkiller khaane ki wajah se hua tha.

Bruce Lee ki Hollywood movie "Enter the Dragnon" Bruce Lee ki maut ke ek mahine baad relase hui aur yeh movie hollywood main kaafi kaamyab rahi.

Iss movie ke baad Hollyood main Martial Arts ko lekar movie banna shuru ho gayi kaafi saare Chinese actors Hollywood ki movie main kaam karne lagey aur kaamyab bhi huey.

Bruce Lee sirf 32 saal ki umar main mar gaya, aur uska beta Brandon bhi sirf 28 saal ki umar main achanak mar gaya. Brandon bhi Bruce Lee ki hi tahra Martial Art actor tha.

Darasal hua yeh tha ki Brandon Lee "The Crow" movie ki shooting kar raha tha tabhi achaanak usse nakli goli ki jagha asli goli lag gayi.

Aisa kaha jaata hai ki jin devtaao ne Bruce Lee ki jaan li ussi devtaao ne Bruce Lee ke bete Brandon ke bhi jaan le li.

Bruce lee ka memorial Seattle, America main Washington Lake ke paas hai aur uske baaju main uske beter Brandon Lee ka memorium hai.




Toh yeh thi poori story Bruce Lee ki, I hope aapko yeh article accha laga hoga.

Thankyou.