Slavery ek aisa era chala jaha logo ne dekha ki insaaniyat kitni had tak gir sakti hai, laakho slaves mar gaye slavery ke dauran aur kaafi lambe samay tak yeah daur chala.

Maine slavery per pehley bhi ek article likha hua hai George Washington and Slavery usse bhi padhiyeh jaake.

Aaj hum baat karengey History of Slavery and some facts of about Slavery, waise yeh itna chota topic nahi hai ki ek hi article main poora slavery ka history likh du lekin phir bhi maine koshish ki hai ki jo main main highlights thi salvery ko leakr history main woh yaha rakkhu aur usko explain karu.

Slavery ka itihaas waise toh bahut poorna hai 1000 saalo se chali aa rahi hai. 3 civilization se slavery aur slave trade start hua tha.

1 - Chinese Civilization
2 - Egypt Civilization
3 - Indus Civilization

Yeh jo 3 civilization hai in main aapko slaves milegey in se ghulaami karvaayi jaati thi, yaha per slave trade kaafi hota tha aur duniya bhar se log yaha aatey they slaves kharidne ke liye aur unko kharid ker le jaatey they.

Ab aapko yeh sawaal aayga ki yeh log slaves bane kaise? kyoun ki aamtaur per hume yeh pata hai ki jo White they matlab British woh Blacks ko ghulaam banaatey they because of racism, yeh jo racism ka daur tha woh baad main aaya 1700-1800 ke kareeb us per main aage baat karunga, but yaha per koi white nahi hai sab Black hai.

Dekho woh daur tha rajashahi ka, jo invaders they woh aatey they aur jis bhi desh per unko aakraman karna hota tha woh kartey they aur aakrman karne ke baad yudh hota tha aur agar invaders woh war jeet jaata toh waha ke logo ko woh ghulaam bana leta tha.

Rise of Slave Trade

Toh ab yaha Slavery main Arabs ki entry hoti hai Arabs ne kya kiya ki Africa ke logo ko slaves banaaya aur bahut bada Slave trade yahi se shuru hua, 1650-1860 ke beech ka yeh waqt tha jaha slave trade shuru hua.

Jo bhi bade bade us waqt ke businessman ya phir invaders they unko yeh maloom tha ke saste aur cheap level ke slaves hume Africa sa hi milengey, toh inke gaav main jaake invade kartey they aur waha ke saare logo ko Slave bana letey they kyoun ki gaav jo hotey they kaafi chotey hotey they toh kaafi aasani hoti thi invade karne main. Dusra Africa ka slaves ko aap jitna bhi maarey, kaam karwaaye yeh karengey yeh iska koi virodh nahi karengey.

Aur ek simple policy thi us waqt ki agar koi bhi Slave zyaada awaaz kar raha hai ya virodh karne ki soch bhi raha hai toh usse usi waqt sab ke saamne jaan se maar daalo.

Revolution in Europe

Ab yahi Europe main revolution hua industrialization revolution aaya, kaafi tezi se Erope develop ho raha tha aur jo desh itni tezi se develop ho raha ho usko resources ki zaroorat padhti hai, aur yeh resources kaha they South America, North America, Africa ab in jaghao per agriculture bahut accha hota tha is liye Slaves ko kaha jaata tha yaha per aap Sugar, Mining, Rice, Cotton yeh saarei cheeze ughaao, ab us waqt koi machiene toh they nahi sab kuch haath se karna padhta tha, toh is liye hazaaro ki sankhiya main slaves banaye jaane lage unka trade bhi shuru hua.

Toh simple policy Africa se saste labour work aapko mil raha hai unhe ghulaam banaao aur poora din kaam karwaao.

Europe ke saari countries ne bahut zyaada slave trade kiya bahut logo ko salve banaaya aur baad main inhone hi is per ban lagaaya.

3 Types of Slaves

Ab uss waqt 3 tahra ke slaves hotey they jab bhi kabhi do desho ki senaao ke bich war hota tha toh jo sena jeeti thi woh dusri sena ke logo ko Slave bana detey they waha ke logo ko slave bana detey they, aur yeh normally 8th ya 9th centry ke aas pass hota tha.

Dusre hotey they Debt Slaves matlab agar koi kisi ka udhaar chukaa nahi pata toh usse uski ghulaami karni padhti thi us waqt is tahra ke bhi Slaves they.

Tessre woh Slaves hotey they jinhe parents tribal chief ko as gift ke taur pe de detey they.

Maine George Washington aur Slavery per jo Article likha tha us main bataaya tha do tahra ke ghulaam hotey they ek toh Domestic aur ek Field, yeh do tahra ghulaam aapko 1750-1850 ke bich main dekhne ko milengey. Aur yaha jo baat ho rahi hai woh 1600 ke aaspaas ki ho rahi hai toh jaise jaise waqt beeta Slaves bhi alag alag tahra se introduce karaaye jaane lagey.

Brazil was the Hub of Slaves

Yaha Brazil ki haalat bahut khaarab thi. Portuguese ne yaha bahut saare Slaves ko bharna shuru kar diya kyoun ki yaha resources bahut acche they, yaha per sugarcane production bahut accha hota tha Europe main sugar ki maang bhad rahi thi is wajah se Portuguese ne Brazil main African Salves ko bharna shuru kar diya aur waha pe un se kaam karwaana shuru kar diya. Toh yaha per jo bhi sugar ki import hoti thi woh Europe main export ki jaati thi.

Caribbean was the controlled by Europeans

Caribbean ki jitni bhi country hai jaise , Jamaica, Barbados, Nevis, and Antigua yaha per slavery kaafi common thi aur yeh jitni bhi countries hai woh France aur British empire ke control main thi. England ke toh bahut saare sugar island they inn countries main, Yaha per sugar ughaai jaati thi Europe main bechi jaati thi aur sughar ughaata kaun tha Slaves.

Aur 1700 aatey aatey West Indies ka sehar Barbados main bahut saare slaves ho gaye they. West Indies main 3 colour ke log they us waqt Black, White and Brown lekin aaj waha sab ke sab black hai kuch aapko brown zaroor mil jaayegi lekin zyaada tar log waha per black hai kyoun ki yeh sab ke sab slaves they yeh log wahi per settle ho gaye aur phir wahi per unhone apni generation aage bhadaai.

White us waqt yehi kehtey they ki humaara janm hi rule karne ke liye hua hai because of skin color.

1778 aatey aatey yeh salve trade bahut zyaada ho gaya Africa ke har desh main yeh poori tahra se phel gaya tha.

America Civil War

Thomas Jefferson America ke 3rd President inhone Slavery ke khilaaf baar baar awaaz uthaai unhone kaha yeh Slavery khatam honi chaiyeh aur phir aate hai Abraham Lincoln aur inhone kaha ki Slavery toh khatam honi hi chaieyh aur isi ke liye hota hai American Civil War.



Yeh war hua tha North America ke South region main yaha Cotton cultivation hota tha toh yaha per kaafi Salves they jo cotton cultivation kartey they iske baad woh Europe ko export kartey they. Ab north main itni zyaada slavery hoti nahi thi aur north south se zyada develop tha.

Ab yaha hua kya jab South ko pata chala ki Abraham Lincoln president bane hai aur Slavery ko kahatam kar dengey toh unhone apna khud ka hi CSA matlab Confederate States of America bana diya aur dusri taraf USA the dono ke beech war ho hua aur jisse kaha gaya American Civil War.

Iss war main US matlab North American jeet jaata hai aur ek North aur South milakar USA banta hai. 1865 main jitne bhi slaves they USA main sab ko free kiya jaata hai.

Lekin 1877 main waapas Slavery aa gayi WAR toh kahatm ho gaya tha North USA ne jeet bhi liya tha WAR lekin 100 saal tak slaves ko unke adhikaar nahi miley.

Lekin Martin Luther Jr ke movement se baad Black ko rights miley unko voting ke adhikaar miley.

Slavery In India

India main Islamic inavsion kaafi baar hua hai hazaaro logo ko slave banaaya jaata tha lekin yeh toh 8th century ki baat hai. Aapko yeh jaane ker heraani hogi ki haal hi Global Slavery Index ke hisaab se India main Slavery sab se zyaada hai, 1 crore se bhi zyaada salves aapko India main milenegy, aur yeh main haal ki baat kar raha hu 500-600 saal poorani nahi, ab aap soch rahe hongey ki India toh Independent country hai yaha per ab slavery kaha se aai?

North East India se Larkiyoun ki trafficking ki jaati hai unhe jhaansa diya jaata hai ki city main unko kaam diya jaayga, lekin Delhi Haryana aur Mumbai jaise bade shero main inko bech diya jaata hai, kuch prostitute ban jaati hai toh kuch naukrani toh yeh bhi ek tahra se slavery hi hai.

Abolition on Slavery

Sab se pehley Slavery Britain se kahtam hui aur jaise hi Britain ne khatam kari toh dhire dhire hara jagha se khatam hui Brazil sab se aakhri dekh bana jisne slavery ko khatam kiya aur dhire dhire Europe se slavery kahatm ho gayi. USA main bahut saalo baad Slaves ko rights diye gaye aur iske baad Slavery kahatm ho gayi.

Toh dosto yeh thi History of Slavery chaata toh is per aur lamba Article main likh sakta tha lekin jo bhi Key highlights hui thi History main slavery ko lekar woh yaha per maine yaha poora cover kar liya hai.

Toh post accha laga ho toh share zaroor kar dijyega please.