Dosto haal hi main ek dhamaakedar Action movie realase hui WAR. Maine yeh movie dekhi aur mujhe laga iska review aap sab logo ke saath share karna chaiyeh.

To start karety hai.

Kalank, aur Saaho ke baad mujhe War se kaam umeed thi ki yeh movie kaafi acchi hogi aur yeh movie meri umeedo per khari utari.

War ek decent movie hai aur jaha tak mujhe lag raha hai yeh India ki ab tak ki best Action movie hai. Har ek Action sequences top-notch they bikul Hollywood movie jaise, Aur saaho se toh bahut hi better. Discuss karengey War movie ke har ek pehlu ke baare main ki yeh movie kyoun acchi hai aur aapko kyoun dekhni chaiyeh.





Story and Screenplay:

Kabir ka role play kiya hai Hrithik ne, aur Kabir apne hi ek office ko maar deta hai, is incident ke baad kabir ko Gaddar declare kar diya jaata hai.

Khalid ka role Tiger Shroff ne kiya hai aur Khalid kabhi Kabir ki team ka member hota hai aur kuch missions bhi Kabir ke saath isne kiye hotey hai.

Khalid apni agency ko kehta hai ki Kabir ka case usse diya jaaye kyoun ki woh Kabir ko apna guru maanta hota hai.

Agency ek operation start karti hai Kabir ko dhundne ke liye aur iska charge diya jaata hai Khalid ko. Aur aise War shuru hoti hai.

Ab War kaun jitta hai? Kya khalid kabir ko pakad paata hai? Kabir ne kyoun ek officer ko maar diya? ab iske liye aapko theatre main jaake movie dekhni hogi kyoun ki sab yahi bata diya toh movie ka maza nahi rahega.

Mujhe presonally story decent lagi aur is movie main ek twist hai jo is movie ke concept se kaafi alag hai, dusra story isse better ho sakti thi. lekin in sab ko avoid kiya jaaye toh War ek bahut bhadiya movie hai. Aur main aapko kahunga ki aap is movie ko zaroor dekhe.

Direction:

Siddharth Anand War movie ke director hai jinhone pheley bhi Hrithik ko lekar Bang-Bang banaayi thi, Bang-Bang-critics ke dwaara itni pasand nahi ki gayi thi, lekin iss cheez se koi bhi inkaar nahi karga ki Bang-Bang ka action bhi bahut bhadiya tha.

Is baar Siddharth ne Action ke saath saath story per zyaada dhyaan diya hai, starting se hi movie aapko Kabir aur Khalid ki duniya main engage rakhegi.

Inhone apna execution skills kaafi improve kiya hai aur yeh aapko War movie dekhtey waqt pata chal jaayga.

Inhone Plot ko kaafi tight rakkha hai ek second ke liye bhi aapko nahi lage ga ki movie apna grip lose kar rahi hai ya movie slow ho rahi hai.



Performances:

Movie ke lead actor Hrithik aur Tiger hai, dusre saare actors sirf naam ke liye hi hai. Vaani Kapoor ko kaafi important role diya gaya hai movie main lekin iske baawajud inka kaam movie main 10 minutes se zyaada ka nahi hai.

Dusre saare supporting actors ke liye bhi kuch khaas is movie main nahi tha lekin phir bhi unhone bhi accha performance diya hai.

Baat karey Hrithik aur Tiger ki dono ne bahut bhadiya performance diya hai, aur mujhe lagta hai yeh Tiger ki abhi tak ki best performance hogi.

Lekin Hrithik ka performance sab se bhadiya tha, inke style se lekar inke attitude se lekar har cheez best thi. Aur is movie ko dekhne ke baad mujhe laga ki iss role ko Hrithik se bhadiya koi nahi kar sakta tha.




Background Score and Music:

Kamaal ka background music hai, War ki theme aapko MI aur Bond series jaise lag sakti hai. Background score action sequences ko aur asardaar banaata hai,

Kabir aur Khalid dono ke liye separate Background score hai. Movie main sirf do hi song hai Ghungroo aur Jai Jai Shiv Shankar dono hi song time aur situation ke hisaab se baatye gaye hai aisa bilkul nahi lagta ki zabardasti in gaano ko daala gaya hoga.





Other Technical Aspects:

Jaise maine pehley kaha, Action sequences is movie main abhut bhadiya hai aur War movie aapko seriously Hollywood ki yaad dila degi. Aur is main koi doubt nahi hai hai ki yeh India ki abhi tak ki Best Action movie hai.

Saare locations kaafi beautiful hai movie main, Action Sequences ko kaafi acche se design kiya gaya hai taaki real lagey.

Final Conclusion:

War is well made movie. Story main kuch flaws zaroor hai aur jaise maine shuruaat main kaha ki story ka major twist movie ke concepts se alag hai jo aapko shaayd pasand na aaye, lekin is cheez ko aap avoid karey hai toh yeh movie aapko bahut pasand aaygi.

Main iss movie ko 4 star dena chaata tha lekin kuch flaws ke wajah se main 4 star nahi dunga. 3.5 star main is movie ko dunga. 0.5 star Hritikh ke looks ke liye.

Story itni bhadiya nahi hai lekin Hritikh-Tiger ki chemistry aur action sequences aapko kaafi pasand aayengey.

War is going to be a Super hit.