Kal hi maine Greta Thunberg pe ek post likha tha unki life ke baare main. Lekin kuch log aise hai jinhe lagta hai ki Greta Thunberg fake hai aur woh sirf publicity chaati hai.

Greta Thunberg sirf 16 saal ki larki hai jise akele dum per climate change ko lekar duniya ka sab bada movement chalaaya, aur shaayd yahi baat kuch log ko hazam nahi ho rahi khaas kar ke world leader ko. Jaanegey isi ke baare main aaj.

Jaise maine apni pichli post main kaha tha ki Greta beemar hai aur unki beemari ki wajah se woh kaafi aggressive speech bhi deti hai aur isi aggressiveness ki wajah se hi unhe worldwide kaafi napasand kiya jaa raha hai.

Lekin inka aggressiveness climate change ko lekar hai ki kyoun kisi ne bhi abhi tak iske liye kuch kiya nahi.

Aur Indians bhi inko napasand kar rahe hai keh rahe hai ki yeh larki sirf dhong kar rahi hai.

Hum sabko Climate ki chinta honi chaiyeh, India ki ek bhi city Rank nahi karti top most livable city in the world main, poora bharat nature ki maar khaa raha hai, kabhi flood aa jaata hai, kabhi cyclone , kabhi bhaari baarish, aur pata nahi aur kya kya.

Hum sab ko samjhna hoga jo Greta ne apni speech main climate ko lekar chinta jataai hai.

Ho sakta hai ki woh Politically correct na ho, ho sakta hai unke words aur tone world leaders ke jaise na ho. Lekin woh jo kehna chaati hai woh bilkul sahi hai! Aur hum kya kar rahe hai unke emotions ka mazaak bana rahe hai, yeh keh ker ke yeh ek fake hai.

Ho sakta hai woh Fake ho, ho sakta hai woh real bhi ho! lekin hum aise kaise keh saktey hai ki yeh fake hi hai.

Chalo agar yeh fake hai, toh Manipur main 9 saal ki bacchi Valentina Elangbam rone lagi jab unke ilaake main se tree ko kaat diya gaya, kya yeh bhi fake hai?



Ab agar yeh fake hai, toh inke emotions tree ko lekar woh bhi fake hongey.

Baad main jab Manipur ke Chief Minister ko inke baare main pata chala unhone inko "Green Manipur Mission ka Brand Ambassador bana diya.

Ab aap log yeh story banaaogey ki yeh sab kcuh scripted tha pehley se hi.

Toh ab hum inko kya kahengey?



Yeh log protest kar rahe hai Aurangabad main poorane trees ko kaate jaane ke khilaaf.

Greta Thunberg ne climate change ko lekar apni awaaz kaafi saare platforms per uthaai hai, Kam se kam woh climate change ke liye kuch ker toh rahi hai.

Ho sakta hai is main koi shadyantra ho ya phir woh apna political gain chaati ho is sab se, lekin maana padega is ladki main guts hain poori duniya ke saamne inhone climate change ko lekar china jataai.

Inhone apni speech main kaha ki kaise world leaders climate ko lekar befikr hai kyoun ki unko paisa kamaana hai, for example Donlad Trump ko le lijye Donald Trump ko jab bhi climate change ke baare main kaha jaata hai toh woh kehtey hai climate change jaise koi cheez hai hi nahi sab fake hai. Samaj main aata hai ki woh aisa kyoun kehtey hai kyoun ki woh ek industrialist hai aur unko paisa kamaana hai.

Aur abhi haal hi main Amazon forest burning issue uthaaya gaya, aur Brazil ke president ko kaha gaya ki aap Amazon main jo fire bhad rahi hai usse control main laaye, unhone French President Emanuel Macron ki is baat ko saaf saaf nakaar diya aur kaha ki tum log sab se pehley European areas main plantation start karo baad main Amazon fire per baat karna.

Greta ka maana hai ki sirf economic development hi ek aise cheez nahi hai jin per hume chinta karni chaiyeh.

Agar Greta Thunberg Fake hai toh aap isse kya kahengey.

Chennai Water Crisis in 2019



Agar inki chinta fake hai toh kyoun har ek country plastic ko ban kar rahi hai.

Kyoun kohra bhad raha hai aur winter aise hotey jaa raha hai?
Greta Thunberg


Kya yeh bhi fake hai?

Beemariyoun main izaafa hua hai, skin diseases, asthmatic children, lung disorder, gradual decline of aquatic habitat and species, death of rivers and lakes. yeh saari cheeze pollution ke wajah se nahi lekin industrialization bhadne wajah se hua hai.

Hum sab ko humaare environment ki parwah karni chaiyeh.