Mujhe abhi bhi yaad hai KBC - 2019 ka woh episode, Jab Mr. Sanoj Raj 1 crore ka question khel rahe they.

Question tha:

Q - Iss main se konse chief justice former chief minister ke bete hai?


  1. CJ RANJAN GOGOI
  2. CJ DEEPAK MISHRA
  3. CJ RANGANATH MISHRA
  4. CJ T.S. THAKUR


Mere saare family ki members bethey they aur sab ko pata tha ki CJ RANJAN GOGOI sahi jawaab hai aur Mr Sanoj ji ne bhi yahi kaha,

"Main sure hu ke RANJAN GOGOI hi jawaab hai lekin phir bhi main aakhri lifeline use karunga double sure hone ke liye"

Mere family ke saare members keh rahe they ki inhe apni aakhri lifeline 7 crore rs ke liye use karni thi, aur inhone 1 crore ke question ke liye lifeline use kar li. Aur woh 1 crore jeet bhi gaye.

Iske baad Mr Bacchan ne kaha "Aapko yeh lifeline 7 crore ke question ke liye bacha ke rakhni thi aur aapne isse 1 crore ke liye use kar diya"

Inhone jo reply diya woh kaafi mazedaar tha.

Inhone kaha "Mujhe pata hai ki hum 7 crore ke question ke liye lifeline use nahi kar saktey"

Aur iske baad sab kehne lagey "Yeh ek real main intelligent insaan hai"

Main aapko bata du ki jab aap 7 crore ka question khel rahe hote hai toh aap apni lifeline use nahi kar saktey aapko bina lifeline ke hi jawaab dena hota hai.

Ab aap main se kuch log kahengey ki yeh intelligence kaha hui? yeh toh bus ek awareness hoti hai rules ke liye.

Ab hota kya hai ki kuch log bhool jaatey hai yeh rules game ke pressure ki wajah se, jab aap 7 crore ka question khel rahe hotey ho, national TV per hotey ho aur paiso ke liye khel rahe hotey ho toh aap sab bhool jaatey ho, aur aap excitement main aaker 7 crore ka question khel jaaogey aur hum sab ko itna pata hona chiayeh ki 7 crore ka question kabhi bhi easy nahi ho sakta uske liye aapko lifeline use karni hi hogi, lekin jo smartly khelta hai jo Mr Sanoj ne kiya usse intelligence kehtey hai.




Thanks for reading :)

Follow My Blog With Bloglovin