Jaha tak mujhe unki speech samaj aayi, toh unhone sirf India pe baat ki, unhone apni speech ki shuruaat Mahatam Gandhi ke 150th Birthday se kari. Jo bahut acchi shuruaat thi.



Inhone kaafi zyaada baatein kari environment ko lekar jo bhi climate changes chal rahe hai, Inhone kaha ki kaise India improve ho raha hai environment ke challenges ko lekar.

Inhone kaha Gautam Buddha jaise log India ki den hai poori duniya ko, Inhone baat ki Swami Vivekanad ki teaching per bhi aur aage inhone terrorism ko lekar bhi baat ki.

Lekin unhone un topics pe baat hi nahi ki jo shaayad log sunna chaatey they, inhone Pakistan aur Kashmir ke issue ko lekar baat nahi ki. Samaj main aata hai ki woh itne bade platform per ek India ki postive image rakhna chaatey hai, aur postive baat hi karna chaatey hai, unko pata hai ki agar woh baat karengey Imran Khan, Pakistan ya Kashmir per toh woh ek headline ban jaaygi aur logo ka dhyaan un baaton se hat jaayga jo unhone India ke baare main kahi.

Maine notice kiya hai kaafi saare Prime Minister UNGA main Hindi main speech dete hai aur Modi ne bhi yeh cheez continue kari. Yaha per hume proud karna chaiyeh ki Narendra Modi humaare tradition ko follow kar rahe hai aur aage bhada rahe hai. Pakistan ko bhi aisa karna chaiyeh ki ab se unki jo speech ho woh urdu main ho.

Pakistan ke PM Imran Khan ki baat ki jaaye toh unki speech PM Modi se alag thi aur unhone Article 370 aur Kashmir ka bhi zikr kiya.



Inhone Narendra Modi ko Article 370 hataane per kaafi criticize kiya, aur inhone RSS ko Hitler ki Nazi Party ke saath compare kiya aur kaha ki yeh bahut bada threat hai Indian Muslim aur Kashmiriyoun k liye.

Inko yeh baat yaha samjhni chaiyhe ki RSS jaisa bhi ho yeh India internal matter hai aur inko is per fikr karni ki koi zaroorat nahi.

Inhone apni speech main kaha ki Islam ko terrorist gatividhyoun per judge nahi karna chaiyeh jo last 3 decades main hui. aur dusre hi pal woh RSS ko "Hindu Supremacy" se link kartey hai, Main galat ho sakta hu lekin kisi country ke head ko bahut soch samaj ker bolna chaiyeh woh jo bhi bol raha ho. Is tahra ke platfroms pe aapko sirf positive baat karni chaiyeh.

Imran Khan baat kar saktey they ki kaise pichle kuch saalo main Pakistan ne terrorism ko kaabu kiya hai aur kaafi corruption kum hua hai lekin yeh saari baatein cover nahi hui.

Better yeh hota ki Imran Khan Pakistan ki zyaada baat karety India ki jagha.