Aaj kal ki zindagi main Social Media ka poorey world main bahut bada role raha hai. Bahut saare social platform available hai. Social Media last 10-12 years main kaafi zoro se grow kar raha hai. Lekin aaj hum social media ke advantages ke saath disadvantages bhi dekhengey.




Lekin sab se pehley bell icon ko hit karey aur notification ko enable karey taaki jo bhi new post main daalu uska instant notification aapko mil jaaye.

So lets start

Advantages of Social Media:


Connectivity with the people

Sab se best advantage hai social media ka ki hum world main kisi ke saath bhi connect kar saktey hai unse baat kar saktey hai.

Aur Facebook sab se powerful platform hai jaha hum kisi ko bhi friend bana saktey hai.

Twitter bhi bahut power platform hai jaha hum apne thoughts share kar saktey hai aur hum kisi ki bhi twits aur unke views dekh saktey hai. aur bhi bahut saare websites aur apps hai jaise Instagram, YouTube, LinkedIn, Whats app.

Education and Information

Social Media se hume education bhi mil sakta hai. kyounki Social Media websites per bahut saare official education pages hotey hai jaha se aap knowledge le saktey hai aur aap ko important information milti hai.

Social Media se baccho ko free of cost education mil jaata hai. Aur yeh bahut hi accha advantage hai sab le liye. Mujhe lagta hai ki agar aap social media ka sahi se use karey toh aapko kaafi acche benefits mil saktey hai.

Promotion

Agar aap ka khud ka business hai toh aapko usse promote karna hi hoga. Lekin promotion karna itna bhi aasan nahi.

Agar aap offline promotion kartey hai jaise newspaper ad ya phir pamphlet distribution toh yeh aapko kaafi mehga padega aur iski koi guarantee nahi ki aapko accha return milega, agar aap google ads se apne business ko promote kartey hai toh yeh bhi aapko bahut mehnga padega.

But agar aap social media ke dwara promotion kartey hai toh kaafi aapko sasta padega aur aapko target audience bhi milegi. aur aap apna promotion banner ad, video ad, post in saare cheezo se social media per kar saktey hai woh bhi bahut kam kharche main.

Awareness

Hume Social Media se roz bahut saari information milti hai jaise business related, community related, relgion related, country related aur yeh saari information hume aware karti hai unke baare main.

Agar koi bhi accha social work aapke place ya city main ho raha hai ya koi kar raha hai toh hum usse aware kar saktey hai is baare main. Hum kisi bhi new brand ke baare main aware kar saktey hai.

News and Updates

Kaafi log sochtey hai ki kaafi saare news channels hai toh kya zaroorat hai kisi ko social media se news dekhne ki.

Unke liye main yeh kahunga ki news channel dekhne ke liye aapko T.V ke saamne bethna padega aur apne time dena hoga aur bich bich main advertisement aati hai woh alag, lekin social media per aapko news ki instant notification milti hai, agar aapko lagta hai ki koi news kaafi interesting ya breaking news toh aap uss per click kar ke poori news padh saktey hai warna aap sirf headline padh kar skip kar saktey hai aur jo bhi aapka work ho aap kar saktey hai. Isse aapka kaafi time bachega.


Entertainment

Social Media per kaafi saare fun aur entertainment pages hotey hai aap unhe join kar saktey hai, ya phir ussi page per aap kisi ko friend bana saktey hai unse baat kar saktey hai, yaha tak ki social media per aap dating partner bhi choose kar saktey hai aur kabhi kabaar dating partner life partner bhi ban jaata hai aur aise kai cases huey bhi hai.

Hume baat kari advantages ki lekin jaha advantage hai waha disadvantage bhi zaroor hai lekin usse padhen se pehley Please hit the bell icon for new notification.


Disadvantages of Social Media




Privacy Issue

Sab se bada aur khatarnaak disadvantage. Kya hota hai ki jab aap social media use kartey hai toh aap apne personal photos bhi upload kartey hai videos bhi upload kartey hai aur aap apni kuch personal detail bhi dete hai.

Aur yeh aisa nahi hai ki sirf aapke friends hi yeh saari cheeze dekh saktey hai hacking aaj kal bahut easy hai hackers aapke har cheez check kar sakta hai aur itne saare tools google per available hai ki aap kisi ki bhi personal detail ya photo dekh saktey hai toh yeh saari cheeze koi bhi check kar sakta hai aur ho sakta hai ki koi iska misuse bhi karey, aur yeh aapke liye safe nahi hai.

Privacy issue bahut bada disadvatge hai social media ka. Toh mujhe lagta hai ki hume hamaari har information social media per share nahi karni chaiyeh, aur jaha pictures ya videos ki baat aati hai toh hume kaafi samajdaari se select kar ke unhe social media per upload karna chaiyeh.

Fraud and Hacking

Aaj kal bahut saare log social media ke accounts ko hack karna chaatey hai aur uska woh misuse karna chaata hai, kuch fraud bhi hai jo innocent logo ko manipulate kartey hai aur unse paise aur information niklwaalete hai.

Toh main aap sab logo ko yehi suggest karunga ki please apna personal detail online kisi ke saath bhi share na karey.

Addiction and Time Waste

Yeh bahut bada problem hai young generation main aur din bhar din bhadta hi jaa raha hai kyoun ki bahut saare bacche apne fun aur entertainment ke liye social media ka use kar rahe hai aur apni padhaai likhaai aur apno family ko woh bhool rahe hai. isse yeh ho raha hai ki young generation apna time waste kar rahi hai.

Main young generation ko yehi suggest karnga ki 1 hr se zyaada social media ka use na karey. (Specially students) aur apne career aur family ko waqt dijye jisse aapko madad milegi life main grow hone ki.

Health Problem

Jab koi bahut zyaada social media ka use karta hai toh uski health main bahut bada affect padhta hai, kyoun ki aapko poora poora din computer ya mobile per kaam karna padhta hai jisse aapki eyes aur aapke brain per kaafi affect padhta hai.

Aur kuch saalo ke baad aapko mentally ya eyes problem ho jaati hai. Main suggest karunga ki social media use limit main karey zyaada na karey.

Relationship Issue

Jaise humne dekha ki Social Media per aap acche relation bana saktey hai lekin ek disadvantage bhi hai social media per relation bana ker. Kyoun ki koi bhi aapko cheat kar sakta hai aapse relation bana ker.

Bahut saare examples hai jaise kuch ladke shaadi ka vaada kartey hai lekin unka matlab poora ho jaane ke baad woh larki ko chor dete hai.

Aur kuch log toh fake id banaatey hai relation ke liye jo kisi ke liye bhi bahut dangerous hai. Aur ek baat main aapko bata du Social media per fake relations ka percentage kaafi high hai, toh bahut soch samajkar aap kisi se relation banaaye.

Toh humne advantage aur disadvantage dono dekh liye, agar hum proper way main social media ka use karey toh zaroor hume social media se benefit hoga lekin jaisa hum jaantey hai ki agar hum social media ka galat way main use kiya toh yeh humaari zindagi barbaad kar sakta hai.

Toh hume social media kaafi samajdaari se use karna hai aur sirf acche kaamo ke liye use karna hai taaki humaari life ko benefit miley.

Thanks for Reading