Trailer se hi pata chal jaata hai ki yeh documentary kaafi inspire karegi young generation ko, trailer main hum dekhtey hai ki Davis Guggenheim unse rapid fire question kar rahe hai ki, aapka favourite animal konsa hai, aapka favourite food konsa hai, aap breakfast main kya khaatey hai.




Maine yeh documentary aaj poori dekh li, aur iss documentary main ek bahut hi emotional moment hai jo humaare zindagi ki sacchai bayaan karta hai aur mujhe laga ki yeh  aap logo ke saath share karna chaiyeh.

Dosto Bill Gates ki sab se khaas baat hai ki woh kaafi innovative sochtey hai, aur unhone kaafi acchi habits build ki hai. Hum sab ko pata hona chiayeh ki habits ka humaari life per kaafi impact padta hai, chaahe woh buri ho ya acchi.

Inki journey bahut hi inspiring aur interesting rahi hai,

  • Office Software ko globalize kiya.



  • World ki badi companies banaayi.



  • World ke sab se ameer insaan baney.



  • Aur ab world ke sab se bade foundation ko lead kar rahe hai.


Lekin in sab ke baawajud Bill Gates ek aam aadmi ki tahra rehtey hai, aur aapko inki documantary main yeh dekhney milega ki kaise Bill Gates ek aam insaano jaise zindagi guzaar rahe hai, aur yehi ek interesting part hai iss documantary ka.

Ab baat kartey hai uss key moment ki jiss per maine yeh post likhi hai.

Series ke dauran Davis Guggenheim Bill Gates ko lagaatar common questions pooche jaa rahe they.

"Aaka favourite food?

"Aapka favourite animal?


Lekin achanak hi Davis ne unko ek uncommon question pooch liya.

Davis ne poocha ki "Aapki life ka sab se kharaab din konsa tha?"

Aisa lag raha tha ki woh iss baat ka answer nahi dena chaatey they lekin unhone answer diya,

"Jis din meri maa ne is duniya main aakhri saans li"

Jis shaqs ne sab kuch achieve kar liya ho life main jo kisi aur ke liye shaayd yeh possible bhi na ho, unhone kya kaha ? "Jis din meri maa ne is duniya main aakhri saans li"

 - Unhone yeh nahi kaha ki jab Steve Jobs ne un per aarop lagaaya they chori ke.

 - Unhone yeh nahi kaha ki jab kisi ne un ke muh per cake pheka tha, aur saari duniya ne usse dekha tha.

 - Unhone yeh nahi kaha ki unko pay karna pada tha $ 1.3 billion anti-competitive behavior ke liye taaki market main competition kam ho sake.

Unhone kya kha,

"Jis din meri maa ne is duniya main aakhri saans li"





Bill Gates ke yeh ek answer se hume pata chalta hai ki, yeh matter nahi karta ki aap iss duniya main kya hai, ya aap kis ko motivate kar rahe hai, ya aapke dreams kitne bade hai, life is not about money, power and status.

It's about people.

Jee haa aap ka dil aur aap kitne acche hai logo ke prati yeh matter karta hai.

Matter karta hai ki aap logo se kitna pyaar kartey hai aur unki kitni izzat kartey hai.

Jin se bhi aap miltey hai, pyaar kartey hai, hate kartey hai un main se koi ek din mar jaayga, aur woh iss duniya main waapas kabhi nahi aa paayega.

Aur issi related maine ek post likhi thi Life Ka Kadwa Sach dosto isse zaroor padhyega.

Hum sab ke paas limited waqt hai life main, lekin jab baat aati hai humaare kareeb ke logo ke saath waqt beetane ki, shaayad humaare paas bahut kam waqt hai.

Aaj Bill Gates ne mujhe yeh sacchai yaad dilaa di, aur yeh hume kabhi nahi bhoolna chaiyeh.