Hazaaro ki sankhiya main log ikkathe huye they NRG football stadium main Prime Minister Narendra Modi aur Donald Trump ke lecture ko suune ke liye. Iss event ko #Howdymodi: Shared Dreams, Bright Futures’ event kaha gaya, yeh event Houston, Texas US main hua.



Yeh event Houston main kyoun hua?

Kaha jaa raha hai ki is event main around 50,000 Indo-American aaye they, aur kaha jaa raha hai ki kisi bhi foreign leader ke visit per itne log jama nahi huye they jitne iss event main huey. PEW Research Central ne analysis kiya ki Texas main around 300,000 Indo-American rehtey hai aur Houston main kareeb 90,000 toh ab zaahir si baat hai ki yeh event ke liye sahi jagha thi. Aur bhi ek major wajha thi jo aap ko post padhtey padhtey pata chal jaayga.

Lekin Jab log hazaaro ki sankhiya main PM Modi ke speech ko sunne gaye they wahi hazaaro log iss event ka virodh kar rahe they.

Ab virodh jinhone kiya us main Paskitani, Indian, Kashmiri, aur Muslim toh they hi, lekin tajjub ki baat yeh hai ki is virodh main White Americans aur Black Americans bhi ikatthe huey they NRG stadium ke bahaar is event ke virodh ke liye.



Yeh virodh karne ke liye apne saath kuch posters laaye they ninda ke liye jin per likha tha #Fascism, #Nazism, #genocide

Ab inke virodh ki wajah kya thi?

India main pichle kuch mahino main jo ghatna ho rahi hai jaise Mob Lyniching, aur Article 370 ko lekar jo Jammu aur Kashmir main ho raha hai, toh iska virodh ho raha tha NRG Football stadium ke bahaar #howdy event ke din.



Pieter Friedrich naam ke ek protesters tweeter per yeh tweet ki



Aur kuch Indians ka iss event per yeh kehna hai ki,

Humaare desh Article 370 ko lekar itne issue chal rahey hai, humaari economy slow down ho rahi hai, toh in sab cheezo ki wajah se PM Modi ko ek image booster chaiyeh.

Trump kyoun aaye iss event main?

America ke politician Henry Kissinger ne kaha tha ki "America has not permanent friends or enemy" America ka koi permanent friend ya dushman nahi hai. Trump sirf apne matlab ke liye aaye they 2020 ka election aa rahe hai aur Tump chaatey hai ki unko Indo-American ke vote miley.

Jaise maine kaha ki 300,000 logh toh sirf Texas main hi rehtey hai aur jo pichle US President election huey they us main Hillary Clinton ko yahi Texas se Indo-American ke kaafi votes aaye they.

Toh Trump apne matlab dekh ke hi iss event main aaye they.


Ab kuch Key highlights baatein dekh letey hai jo iss event main PM Modi Ne kahi :

PM Modi: President Trump kaafi "tough negotiator" hai aur woh ek master hai main unse bahut kuch sikh raha hoon.

PM Modi: Dono desho per do bade terrorist attack ho chuke hai aur dono desho per attack karne waale ek hi jagah miley (Pakistan) Waqt aa gaya hai ki ab dono desh mil kar Terrorism ke khilaaf ladey.

PM Modi: Kuch logo ko Article 370 se problem hai yeh wohi log hai jinko apni khud ki country theek se handle nahi kar paate, yeh wohi log hai jo terrorism ko panah dethey hai (Pakistan). Aur poori duniya unhe acche se jaanti hai ki woh kaun log hai.

PM Modi: Article 370 hataaya gaya taaki Jammu aur Kashmir aur Ladakh main development ho sake. Terror phelana waale log is situation ka misuse kar rahe hai. Ab waha ke logo ke paas equal rights hai.

Aur bahut kuch PM Modi aur Donald Trump ne iss event main kaha, saari cheeze main yaha cover nahi kar sakta, agar saari cheeze cover karne jaaunga toh post bahut lamba ho jaayega.

Aur ek baat apko keh du ki yeh poora post maine apne hisaab se soch ker nahi likha is pe maine research ki hai aur uske baad hi likha hai.

Thanks for Reading (And please click the bell icon for new notification)