Friday 15 March 2019 ko 1.6 Million log street per utar aaye unhone ne school strike ki climate change movement ko lekar. Itna bada movement climate change ko lekar abhi tak is duniya main nahi hua. Iss movement ko start karne waali sirf 16 saal ki ek larki Greta Thunberg hai.




Greta Thunberg ka Sweden main janm hua, inki mata ka naam Malenda Ernman hai jo ek opera singer hai aur inke pita Sevante Thunberg actor hai.

Naahi inke maata pita ko koi backrgound raha ho environment ya climate ko lekar ke unhone kabhi iske baar main koi chinta jataai ho, naahi inke purvajo ka.

Ab yaha interesting baat yeh hai ki Greta ke father dur ke rishtedaar hai Svante Arrhenius jo bahut bade scientist they, aur inhone global warming ko discover kiya tha. Aur Arrhenius hi woh pehley shaks they jihone investigate kiya tha ki atmosphere main carbon dioxide increase ho raha hai jisse earth ka temperature badh raha hai aur is wajah se global warming ho rahi hai.

Aur isi aadhar per scientist David Keeling ne 1960 main yeh saabit kar dikhaya ki jo carbon phel raha hai human activity se woh kafi hai global warming ke liye.

Greta ne pehley toh Global Warming ke baare main sirf 8 saal ki umar main padhna shuru kar diya, inke classroom main jab climate change ki koi documentary dikhaai jaati thi toh woh chupchaap school ki last bench per beth ker dekhti rehti thi, aur claas main jitne bhi student they sab se zyaada iska affect jo greta per padta tha.

Inhone maana ki yeh bimaar hai, inhe aspergers and selective mutism naam ki bimaari hai, dono hi bimaariya zyaada sochne se aur chinta karne se hoti hai.

Hume sikhaaya jaata hai ki Animals per atyachar nahi karna chiayhe unhe bachana chaiyeh lekin phir bhi hum dinner main chicken khaate hai, hume sikhaaya jaata hai ki plastic pollution se se humaare mahasaagar kharaab ho rahe hai, lekin hum abhi bhi plastic water bottle kharid rahe hai.

Ab greta humaare jaise toh hai nahi ki yeh sab sikhaane ke baad main bhi normal ho jaaye, greta ne jab yeh saari cheeze jaani, global warming ke baare main padha uske baad uske liye apni normal life main waapas jaana muskil ho gaya tha, waapsa se dubara study karna aur sab bhool jaana yeh inke liye mushkil ho gaya tha.

Yeh saari cheeze unko is had tak affect kar gayi ki 3 saal baad 11 saal ki umar main woh depression ka sikar ho gayi.

Yeh itni depression main chali gayi thi ki inhone school jaana badh kar diya, ab zaahir si baat hai inke parents inko lekar kaafi china main aa gaye. Jab inke parents ne inke depression ki wajah puchi toh Greta ne kaha ki unko climate change ki kaafi chinta hai, inke parents ne inki chinta ko samjha inko support kiya. Greta poori tahra se Veg diet per aa gai non-veg unhone chor diya, aur inke parents ne bhi non-veg khaana chor diya. Inki maata ek Opera Singer hai toh inko alag alag jagah se offer aatey they perform ke liye toh unhe plane se travel karna padta tha, lekin inhone travel karna chor diya aur ab woh sirf Stockholm main perform karti hai.

Greta ne realize kiya ki apni chinta ke baare main baat karne se woh dusro ko bhi global Warming ke baare main bata sakti hai, aur yehi se shuruaat hoti hai movement ki jo unhone banaayi. Depression ki beemari ko piche chor ki woh ek activist ban gayi.

Inhone apne aap ko promise kiya hai ki woh sab kuch karegi Global Warming ke baare main jaagrukta phelaaney main aur usse kam karne main aur lag aisa hi raha hai ki woh apna promise nibah rahi hai.

Ab next step tha public main jaana aur waha logo ko is baare main bataana, May 2018 ko 15 saal ki Greta ne Climate writing competition main bhaag liya jo Swedish newspaper Svenska Dagbladet dwaara aayojit tha. aur Greta woh competition jeet gayi inke essay ka title tha "We know and we can do something now" inka essay newspaper main publish kiya gaya aur is wajah se Greta ko kaafi publicity mili.

Be Thoren jo ek activist hai inhone inko kaafi support kiya, Be thoren jo hai woh young logo ko kaafi support karety hai jo young activist hotey hai, jinhe kuch ideas hota hai ki kaise hum climate awareness ko bada saktey hai.

August 20 2018 ko Greta ne first school strike kari, woh us din school nahi gayi aur poora din Sweidsh parliament ka bahaar bethi rahi yeh apne saath kcuh poster bhi laayi thi jin per likha tha "‘Skolstrejk for Klimatet’" (School Strike for Climate) us din kaafi logo ne inke photos khich ke tweeter aur instagram per daale jisse inko worldwide attantion mila, yaha tak ki kuch journalist aur newspaper waale inko dekhne aaye us din.



Dusre din woh waapas aayi usi jagah waapas unhone school ki strike ki but is time woh akeli nahi thi, log inke saath judne lagey aur yeh tab tak chala jab tak Swedish National Election 2018 ke huey, us din tak 21 din ho gaye they strike ko.

Greta ko kaha gaya ki woh People Climate March rally ke din climate change ke baare main speech de hazaaro logo ke saamne, unhone apne parents se poocha is baare main lekin unhone kuch nahi kaha kyoun ki unki beemari ki wajah se woh kuch situation main bol nahi paati, unke parents ko laga ki itne logo ke saamne woh nahi bol paayegi. Lekin Greta ko laga ki unko aage bhadna hoga aur speech deni hogi, aur unhone bahut khub speech di.



Inki school strike global ho gayi, saari duniya ke bacche inke saath judne lagey. Friday 15 March 2019 ko global school strike hui. Jis main 1.6 million logo ne part liya jis main 128 country ki 2233 cities shamil hai. yeh history ka sab se bada din raha tha jis main itne saare logo ne climate action ko lekar strike ki.

Yeh start hua tha ek akeli larki se jo Swedish parliament ke bahaar bethi thi haatho main poster liye huey, ab yeh movement internation ho gayi.

16 saal ki ek larki jo beemar hai unhone itna bada kadam climate change ko lekar liya aur poori duniya ko jaagrut kiya.

Greta ki Kuch famous speech:

“My classmates were concerned when they watched the film, but when it stopped, they started thinking about other things. I couldn’t do that. Those pictures were stuck in my head.”

“I kept thinking about it [climate change] and I just wondered if I am going to have a future.”

“That’s when I kind of realised I could make a difference. And how I got out of that depression was that I thought: it is just a waste of time feeling this way because I can do so much good with my life.” [2]


“Basically it means I only speak when I think it’s necessary. Now is one of those moments.”

“It makes me see the world differently. I see through lies more easily. I don’t like compromising… To be different is not a weakness. It’s a strength in many ways, because you stand out from the crowd.”